Mësohet se gjatë seancës Klodian Skënderi, e ka konsideruar tërësisht të pabazuar ligjërisht akuzën ndaj klientit të tij.

“Nuk ka akuzë të bazuar në prova dhe në ligj. Kërkojmë konstatim të pavlefshmërisë absolute të akteve të hetimit paraprak të gjyqtares Irena Gjoka”, ka thënë në seancë avokati Klodian Skënderi.

Sipas avokatit të tij, Malltezi akuzohet për dy vepra penale, “korrupsion pasiv” dhe “pastrim i produkteve të veprës penale”, por në asnjërin rast nuk qëndron ligjërisht lidhja e tij me faktet.

“Akuza për korrupsion pasiv nuk ka asnjë lidhje me z. Malltezi. Ai nuk ka mbajtur kurrë një funksion publik që të përfshihet në këtë vepër penale. Ndërsa sa i përket akuzës për pastrim parash, është gjithashtu e pabazë dhe nuk ka lidhje me ndonjë vepër të mëparshme penale”, deklaroi avokati.

The post Çështja “Partizani”/ Flet avokati i Malltezit: Kërkojmë shpalljen të pavlefshme të akteve të hetimit appeared first on Albeu.com.

Berisha është i pandehur për çështjen e privatizimit të kompleksit “Partizani” së bashku me dhëndrin e tij, Jamarbër Malltezi dhe dosja ka kaluar për gjykim, vendim i cili u mor në seancë paraprake nga gjyqtarja Flojera Davidhi në 19 maj.

Shefi i opozitës pritet të mbërrijë në ambientet e Prokurorisë së Posaçme  rreth orës 9:30.

Ndërkohë, Sekretari i Përgjithshëm i PD, ka njoftuar strukturat dhe mbështetësit për të qenë para ambienteve të SPAK.

Masa për Berishën, detyrim paraqitje, u caktua nga gjyqtari i Apelit të Posaçëm Engert Pëllumbi në 5 janar të këtij viti.

Ai rrëzoi pjesërisht vendimin e shkallës së parë të 27 nëntorit 2024, kur Berisha doli nga arresti i shtëpisë pas më shumë se 330 ditësh, vendim që u mor po nga Flojera Davidhi.

The post Berisha paraqitet sot në SPAK për çështjen “Partizani”/ Flamur Noka njofton strukturat e PD para ambienteve të Prokurorisë së Posaçme appeared first on Albeu.com.

“Beteja vijon! Beteja pa kthim vazhdon”, ka deklaruar Berisha.

Sali Berisha dhe Malltezi, janë marrë të pandehur për abuzime me privatizimin e pronave te ish-Kompleksi “Partizani”.

Prokuroria shprehet se nga ana e ish-kryeministrit është konsumuar vepra penale e “Korrupsionit pasiv të funksionarëve të lartë shtetërore ose të zgjedhurve vendorë parashikuar nga neni 260 e 25 i Kodit Penal.

Ndërsa Malltezi dyshohet se ka konsumuar veprën penale të “Korrupsioni pasiv të funksionarëve të lartë shtetërore ose të zgjedhurve vendorë”.

The post Çështja “Partizani”/ Berisha: Beteja pa kthim vazhdon appeared first on Albeu.com.

Këtë të  hënë pranë SPAK është paraqitur për të dhënë deklarimet, ish-drejtuesi i Komandës së Mbështetjes Logjistike të FA, Vladimir Qiriazi.

Ai do pyetet nga struktura antikorrupsion lidhur me proceduarat për privatizimin e ish-klubit Partizani.

Kujtojmë se ai ka reaguar në lidhje me këtë çështje, ku nënvizoi se firma nuk ishte në kompetencat e tij pasi kjo pronë nuk gjendej në kontabilitetin e Komandës që ai drejtonte.

The post Çështja “Partizani”, SPAK merr në pyetje ish-drejtuesi i Komandës së Mbështetjes Logjistike të FA appeared first on Albeu.com.