I ftuar në emisionin “Top Story”, Qyno tha se hetimi ndodhet ende në fazat e para dhe se prokurorët po mbledhin e krahasojnë të dhëna nga burime të ndryshme, përfshirë komunikimet elektronike dhe dokumentacionin e administruar gjatë kontrolleve.

Sipas gazetarit, në raste të tilla SPAK nis me kontrolle në banesa dhe zyra, ndërsa më pas verifikohen telefonat, e-mailet dhe komunikimet e gjetura. Këto të dhëna krahasohen me dokumentet zyrtare dhe kontratat e administruara gjatë hetimit.

“SPAK-u herë pas here e ka ndjekur në çështjet fillestare që unë e kam quajtur si strategjia blic sepse bën atë kontrollin e shpejtë të banesave e zyrave dhe pastaj të telefonave. Kryen edhe këqyrjen e e-maileve dhe pasi bën këto veprime, atëherë fillon dhe analizon të gjithë komunikimet. Njëkohësisht i krahason edhe me pjesën dokumentare, siç janë kontratat.

Sepse nëpër zyrat e Ministrisë së Mbrojtjes, qoftë edhe në KAYO janë sekuestruar një sërë kontratësh që janë lidhur me privatët me qëllim për të kryer shërbime në dobi të KAYO-s.

Tani hetimi është në fazën fillestare dhe nuk mund të jepet një tablo e qartë, se kush janë përgjegjësit. AJo që dihet është që me një vendim gjykate është autorizuar prokuroria të bëjë sekuestrime. Emrat që u përmenden fillimisht në 7 shtator të këtij viti, u bënë objekt i hetimit të prokurorisë siç janë Rony Yeffet”, tha Qyno.

The post Çështja “KAYO” në SPAK, gazetari tregon si po hetohet dosja dhe çfarë roli ka izraeliti Rony Yeffet appeared first on Albeu.com.