Seanca është parashikuar që të nisë në orën 09:00.

Kujtojmë se deri më tani janë zhvilluar 6 seanca, por janë shtyrë.

Seanca e fundit ishte më 17 korrik.

Mediu po hetohet për shpërdorim detyre për tragjedinë, ku humbën jetën 26 persona.

The post Çështja “Gërdeci”/ Mbahet sot seanca e radhës për ish-ministrin e Mbrojtjes, Fatmir Mediu appeared first on Albeu.com.

GJKKO ka thirrur djalin e ish-kryeministrit që të dëshmojë lidhur me faksin që Aldo Bumçi, i ka dërguar atëherë ish ministrit të Mbrojtjes Fatmir Mediu, me shënimin “për Shkëlzen Berishën”.

Shkëlzen Berisha, refuzoi të paraqitet në gjykatë seancën e 14 dhjetorit.

Nuk dihet nëse ai do të jetë në seancë apo do të ndjekë strategjinë e të atit, për t’ju shmangur përballjes me drejtësinë.

The post Çështja ‘Gërdeci’/ Shkëlzen Berisha thirret sot në GJKKO appeared first on Albeu.com.

Avokati i Mediut, Saimir Visha tha se duhet t’iu jepet e drejta që të pyeten në gjykatë të gjithë dëshmitarët që kanë kërkuar. Sipas tij, gjykata po sillet në mënyrë subjektive. Në mesin e dëshmitarëve janë ish-zyrtarë dhe zyrtarë të lartë perëndimor.

“Lidhur me dëshmitarët e kërkuar prej nesh, gjykata tha ‘rezervoj të drejtën për t’u vendosur’, ky është standard hezitues , është e padrejtë. Në listën e dëshmitarëve tanë kemi një arsye pse i kemi thirrur dhe duhet të na jepet e drejta dhe për t’u pyetur para gjykatës. Mbi katet që gjykata vendosi të vendosë, duhet të kishte marrë këtë vendim sot. Për ne padyshim që është një situatë enjë subjektivizmi. Këtu jemi në Prokurorinë e Posaçëm dhe ju si gazetare nuk e bëni dot dallimin. Vëmendja që ka ky opinion , natyra politike e subjektit dhe tej zgjatja e procesit, do duhet që subjekte me veshje politike të dëshmonin. Janë thirrur 6 ekspertë të huaj ndërkohë janë betuar vetëm 3”, u shpreh Visha.

The post Çështja Gërdeci, GJKKO refuzon kërkesën e Mediut për thirrjen si dëshmitarë të mbi 90 personave appeared first on Albeu.com.

Pas dërgimit të dosjes në GJKKO, ka reaguar mediu, i cili e ka cilësuar si gjykim të stisur politikisht, me qëllim parësor hedhjen në tregun mediatik dhe propagandimin institucional të SPAK.

Më tej, Mediu shprehet se ka zgjedhur të shmanget nga debati mediatik në lidhje me këtë çështje, sepse sipas tij “gjyqet popullore apo demaskimet e “frontit” si armik i klasës i përkasin kohës së diktaturës dhe nuk kanë të bëjnë me të drejtat themelore të shtetasit dhe me një gjyqësor demokratik”.

Reagimi i Fatmir Mediut:

Dërgimi për gjykim në GJKKO i çështjes penale në ngarkimin tim, është formalizimi i gjithë veprimeve në kundërshtim me ligjin të kryer nga SPAK në kuadër të hetimeve të rihapura në lidhje me ngjarjen tragjike të Gërdecit.

Rihapja e kësaj çështjeje dhe mandej vazhdimi i të ashtuquajturave hetime të kryera nga ana e SPAK, janë akte tërësisht në kundërshtim me ligjin procedural penal si dhe me faktet e provat.

Ngjarja tragjike e Gërdecit, ashtu sikurse edhe vetë organi i prokurorisë ka pranuar, nuk ka si shkak urdhërat e Ministrit të Mbrojtjes. Këto urdhëra kanë dalë në bazë dhe për zbatim të ligjit dhe akteve të Këshillit të Ministrave.

Detyrimi për kryerjen e demontimit ka buruar nga këto akte dhe nga angazhimet ligjore për anëtarësimin e Shqipërisë në NATO dhe BE.

Demontimi i municioneve të tepërta ka qënë një proçes i cili ishte zhvilluar si përpara ngjarjes së Gërdecit, ashtu edhe më pas mbi të njëjtin kuadër ligjor dhe nënligjor.

Ngarkimi me përgjegjësi penale i ministrit për çështje që qartësisht janë jashtë kompetencës dhe dijes së tij edhe si ministër, është në kundërshtim të plotë me ligjin.

Prokuroria dje, por edhe SPAK sot, kanë zhvilluar hetime për mua dhe familjarët e mi, për të treguar/vërtetuar implikimin tim në interesa të paligjëshme në proçesin e demontimit të municioneve në Gërdec. Edhe pse këto hetime kanë qënë tërësisht tendencioze dje edhe sot, ato kanë provuar katërcipërisht se nuk ka asnjë përfshirje timen në një veprimtari korruptive në këtë proces. Fakt i cili dhe vetëm ai, mundet të më ngarkonte me përgjegjësi penale mua si ministër.

Kjo çështje e gjykuar dhe rigjykuar në të tre shkallët e gjyqësorit, ndërtohet mbi të njëjtën akuzë tashmë edhe të parashkruar, të ringjallur dhe të stisur politikisht, me qëllim parësor hedhjen në tregun mediatik dhe propagandimin institucional të SPAK.

Marrdhënia me median që në fillesë të rastit, përfaqësimi i të ashtuquajturës akuzë nga tre prokurorët kryesorë të SPAK, si dhe shmangia e mosarsyetimi i problemeve ligjore të ngrituara në aktet tona të transmetuara në SPAK, përbëjnë provë që aksioni penal kundër meje nuk është një qëndrim i pavarur e profesional i një prokurori, por është pozicionim politik i një institucioni të tërë.

Kam zgjedhur t’i shmangem debatit mediatik për këtë çështje, sepse kam menduar që gjyqet popullore apo demaskimet e “frontit” si armik i klasës i përkasin kohës së diktaturës dhe nuk kanë të bëjnë me të drejtat themelore të shtetasit dhe me një gjyqësor demokratik.

Në çdo rast mbetem i vetëdijshëm se vendi ku shqyrtohen dhe provohen akuzat nuk është parësisht media, por gjykata, me bindjen e palëkundur se akuzat janë të paligjshme dhe do të rrezohen në një proces të drejtë, objektiv dhe të ndershëm.

Kujotjmë se sot SPAK, në një komunikim zyrtar tha se, Mediu në bashkëpunim me disa funksionarë të tjerë të ministrisë, ka nxjerrë disa akte nënligjore në kundërshtim me ligjin në lidhje me procesin e çmilitarizimit dhe çmontimit në ambientet e ish “Brigatës së Tankeve”, në fshatin Gërdec, duke favorizuar dy kompani, SAC Inc dhe Albademil sh.p.k./albeu.com

The post SPAK çoi për gjykim dosjen “Gërdeci”, reagon Fatmir Mediu appeared first on Albeu.com.

Nëpërmjet një njoftimi zyrtar, SPAK bën me dije se ka nisur një hetim të ri, për 2 akuza, atë të korrupsionit dhe pastrimit të parave.

Mediu nxori akte nënligjore në kundërshti me ligjin, duke dëmtuar shtetin pasi 2 kompanitë, ‘SAC’ dhe ‘Albademil’.

Fatmir Mediu akuzohet se në lidhje me proçesin e çmilitarizimit dhe çmontimit të municioneve që është zhvilluar në ambientet e ish “Brigatës së Tankeve”, në fshatin Gërdec, Bashkia Vorë, në bashkëpunim me funksionarë të tjerë të Ministrisë së Mbrojtjes si dhe persona që kanë pasur cilësinë e ushtarakut kuadër komandues, ka nxjerrë disa akte nënligjore në kundërshtim me ligjin dhe V.K.M Nr.138, date 14. 03. 2007 “Per proçeduren e trajtimit te armeve, teknikes dhe pajisjeve te forcave te armatosura, te hequra nga armatimi dhe perdorimi, persa i perket shitjes per çmontim dhe çmilitarizim te nje sasie municioni”, të cilat kanë dëmtuar interesat e ligjshme të shtetit dhe kanë sjellë avantazhe të padrejta për shoqëritë SAC inc dhe Albademil sh.p.k.

Gjatë hetimeve të këtij proçedimi penal janë kryer gjithashtu veprime të mëtejshme në lidhje me proçedurën e shitjes së municioneve luftarake nga Ministria e Mbrojtjes dhe ndërmarrja “MEICO” ndaj shoqërive të huaja “Evdin” ltd, me seli në Qipro dhe “AEY”, me seli në Florida.

Njoftimi

Prokuroria e Posaçme kundër Korrupsionit dhe Krimit të Organizuar, Tiranë, mbi bazën e vendimit nr.205, datë 24.09.2021 të Gjykatës së Posaçme të Apelit për Korrupsionin dhe Krimin e Organizuar Tiranë (që ka vendosur revokimin e vendimit nr.6, datë 14.09.2009 të Kolegjit Penal të Gjykatës së Lartë për pushimin e çështjes penale në ngarkim të të pandehurit Fatmir Mediu), ka regjistruar procedimin penal nr.279 viti 2021 dhe ka kryer hetimet paraprake lidhur me këtë procedim penal.

Në përfundim të hetimeve paraprake është paraqitur në Gjykatën e Posaçme për Korrupsionin dhe Krimin e Organizuar kërkesë për dërgimin në gjyq të çështjes penale nr.279 viti 2021, në ngarkim të të pandehurit Fatmir Mediu, i akuzuar për veprën penale “Shpërdorimi i detyrës”, e kryer në bashkëpunim, parashikuar nga nenet 248 dhe 25 të Kodit Penal, si dhe për kryerjen e veprës penale “Shpërdorim i detyrës” në bashkëpunim me subjekt ushtarak-kuadër komandues, parashikuar në nenet 70/2 e 2 të Kodit Penal Ushtarak dhe neni 25 i Kodit Penal.

I pandehuri Fatmir Mediu akuzohet se në lidhje me procesin e çmilitarizimit dhe çmontimit të municioneve që është zhvilluar në ambientet e ish “Brigadës së Tankeve”, në fshatin Gërdec, Bashkia Vorë, në bashkëpunim me funksionarë të tjerë të Ministrisë së Mbrojtjes si dhe persona që kanë pasur cilësinë e ushtarakut kuadër komandues, ka nxjerrë disa akte nënligjore në kundërshtim me ligjin dhe V.K.M Nr.138, date 14. 03. 2007 “Per proçeduren e trajtimit te armeve, teknikes dhe pajisjeve te forcave te armatosura, te hequra nga armatimi dhe perdorimi, persa i perket shitjes per çmontim dhe çmilitarizim te nje sasie municioni”, të cilat kanë dëmtuar interesat e ligjshme të shtetit dhe kanë sjellë avantazhe të padrejta për shoqëritë SAC inc dhe Albademil sh.p.k.

Gjatë hetimeve të këtij proçedimi penal janë kryer gjithashtu veprime të mëtejshme në lidhje me proçedurën e shitjes së municioneve luftarake nga Ministria e Mbrojtjes dhe ndërmarrja “MEICO” ndaj shoqërive të huaja “Evdin” ltd, me seli në Qipro dhe “AEY”, me seli në Florida.

Lidhur me këtë episod, hetimet paraprake nuk kanë përfunduar dhe është vendosur ndarja e çështjes penale, duke u rregjistruar proçedimi penal nr.279/1 viti 2023, për veprat penale “Korrupsion pasiv i funksionarëve të lartë shtetërore apo i të zgjedhurve vendore” dhe “Pastrim i produkteve të veprës penale ose veprimtarisë kriminale”, të parashikuara nga nenet 260 dhe 287 të Kodit Penal.

vijon
/albeu.com/

The post Çështja Gërdeci, SPAK dërgon për gjykim ish-ministrin Fatmir Mediu appeared first on Albeu.com.