Sipas Bidos, shoqërimi në polici i të riut që mbante në dorë flamurin e ashtëquajtur të Vorio Epirit që tentoi ta digjte, është absurd.

“Mosdjegia e flamurit të “Vorio Epirit” është vepër penale! Pamë sot një rast absurd ku një i ri u shoqërua në polici pse tentoi të digjte një copë beze që përfaqëson vrasjen e shqiptarëve dhe cënimin e integritetit territorial të Shqipërisë. Është e njëjta gjë si të shihnim dikënd të tentonte të digjte flamurin nazist dhe të shoqërohej në polici për veprime të mëtejshme proceduriale.

As e njoh atë djal nga afër dhe as besoj te simbolikat e djegieve. Mirëpo, të shoqërohesh për tentativën e djegies së një beze urrejtjeje është absurditet në një vend ku bezën e urrejtjes e mbajnë pa të keq kandidatë politikë dhe nuk u hyn gjembi në këmbë. Mbajtja e asaj bezeje në zyra është vepër penale. Ngritja e thirrja në emër të tij është vepër penale. Mosdjegia e atij flamuri është vepër penale!”, shkruan ai në Facebook.

The post “Mosdjegia e flamurit të ‘Vorio Epirit’ është vepër penale”, Ardit Bido: Një beze që përfaqëson vrasjen e shqiptarëve appeared first on Albeu.com.

“Ju drejtohem Ju që jeni gardianët e Kushtetutës, që të dëgjoni lutjen time dhe të banorëve të Himarës për caktimin e një date sa më të shpejtë të gjykimit të kërkesës time, duke parë që ka kaluar kohë e gjatë prej 1 viti që pushteti qendror ka cenuar të drejtën e zgjedhjeve në Himarë”, thuhet midis të tjerash në kërkesë.

Kërkesa e Belerit vjen pak ditë, pasi Kryetarja e Gjykatës Kushtetuese tha gjatë një konferencë për mediat se nuk kishin kërkesë nga palët për përshpejtim të procesit.

The post LETRA/ Fredi Beleri kërkesë Gjykatës Kushtetuese për leje për t’u betuar si kryebashkiak i Himarës appeared first on Albeu.com.

Beleri deklaroi se ndaj tij drejtësia po tregohet e njëanshme, ndërsa kërkoi që vendimi për të të merret sa më shpejt pasi sipas tij gjykata ka vendosur ta dënojë.

“Fatkeqësisht, kundrejt meje duket qartë se është vendosur një mur i pakapërcyeshëm si nga qeveria, ashtu dhe nga policia, gazetarët, prokuroria dhe nga ju gjyqtarët. Po tregoni në çdo seancë se jeni duke më trajtuar ndryshe. Deri më sot nuk keni pranuar asnjë kërkesë të mbrojtësve të mi. Përkundrazi, po pranoni gjithçka kërkojnë prokurorët, madje, në disa raste u jeni drejtuar avokatëve të mi me tone të larta. Haptazi po tregoni njëanshmëri.

Lidhur me dëshminë e penalitetit dëshiroj të theksoj se prej vitit 2019 e deri më sot, në këtë moment, e vetmja që ka ndryshuar dhe doli “ndryshe” ishte dëshmia e datës 12 maj, dmth ditën që në mënyrë të paligjshme u krye arrestimi dhe në vijim paraburgimi im. Njeriu i mençur e pranon gabimin e tij, dinaku e justifikon, ndërsa budallai këmbëngul në marrëzinë e tij, në paranojën e tij.

Meqenëse, fatkeqësisht, nuk pres më drejtësi nga kjo gjykatë, pasi tashmë ju e keni vendosur të më dënoni, ju lutem që të paktën se atë që “duhet” të bëni, bëjeni shpejt. Në këtë gjykatë ndihem i vetëm dhe i pambrojtur përballë një shteti të tërë” deklaroi Beleri.

The post “Vendimi për mua është marrë”, çfarë deklaroi Fredi Beleri para gjykatës: Drejtësia po tregohet e njëanshme appeared first on Albeu.com.

Eurodeputetja greke Anna-Michelle Assimakopoulou u kundërshtua ashpër nga zyrtari i Lartë i Komisionit Europian Thomas Hagleitner, kur tha se çështja “Beleri” është një çështje europiane.

“Kjo çështje i takon drejtesisë, ne nuk komentojmë per çështje që janë në gjykim dhe për këtë çështje mbështesim SPAK-iun”, tha Hagleitner, Shefi i Njësisë përgjegjëse për Politikat dhe Strategjinë Rajonale të Ballkanit Perëndimor, Fqinjësia dhe Negociatat e Zgjerimit në Komisionin Evropian.

Duke pretenduar se seanca ndaj Belerit ishte vonuar dhe se atij i ishte refuzuar leja për t’u larguar nga burgu për të folur në cilësinë e tij si kryebashkiak, eurodeputetja greke Assimakopoulou tha se çështja ishte më e madhe se sa një grindje e dy vendeve.

The post Komisioni Europian i përgjigjet ashpër Greqisë për çështjen “Beleri”: Është në hetim, i takon drejtësisë appeared first on Albeu.com.

Artikulli i Protothema:

Në seancën e Gjykatës, konspiracioni vazhdoi të zbulohej me rrëzimin e elementeve të rëndësishëm të aktakuzës dhe Gjykata caktoi seancën e re për datën 10 janar, ku Fredi Beleri mbeti në burg, ndërsa humbësi në zgjedhje Jorgo Goro vazhdon të ushtrojë detyrën si kryetar bashkie.

Dëshmia e një gazetari shqiptar në gjykatë mund të zbulojë pse dëshmitari i prokurorisë Avdyl Rama dhe vëllai i dëshmitarit kryesor të prokurorisë Arsen Rama, nuk u paraqitën në gjykatë.

Gazetari iu referua një interviste që i mori dëshmitarit, i cili deklaroi para kamerës se asnjëherë nuk i ishte ofruar asgjë në këmbim për të votuar Fredi Belerin dhe e vetmja marrëdhënie me kryebashkiakun e zgjedhur ishte për peshqit.

Në fakt, gazetari dëshmoi se i kishin thënë se vëllai i tij ishte i përfshirë. Me sa duket, frika e autoriteteve se vëllai i dëshmitarit kryesor të akuzës do të bëjë një deklaratë të tillë është arsyeja pse ai nuk është paraqitur në seancë përkundër urdhrit të supozuar të gjykatës.

Por gjatë seancës, autoriteti akuzues ka paraqitur edhe një foto ku dyshohet se Fredi Beleri bisedon me dëshmitarin kryesor të akuzës Arsen Rama (i cili ka pranuar se është financuar nga fondet sekrete të Policisë).

Avokatët e Fredi Belerit kanë paraqitur si dëshmitarë dy shtetas të Heimarës, të cilët deklaruan në gjykatë se janë ata që po bisedonin me Fredi Belerin dhe në fakt njëri prej tyre kishte veshur të njëjtat rroba me të cilat shfaqeshin në foto.

Në fakt, sipas informacioneve, shtetasi i shfaqur në video në momentin e arrestimit të Fredi Belerit duke biseduar me të, ka dëshmuar se aty ka një dyqan dhe nuk ka pasur asnjë transaksion me të.

Në këto situata komiko-tragjike, nëse nuk kishin të bënin me lirinë e një qytetari dhe me njohjen e rezultatit zgjedhor në Himarë, Fredi Beleri bëri këtë deklaratë:

“Çështja është e keqgjykuar. Prokuroria e Vlorës është vënë në shërbim të Policisë dhe informacioni është falsifikuar. Kam kërkuar informacion për personat që kanë falsifikuar të dhënat. Ky informacion është i nevojshëm për mbrojtje normale. Më futën në burg me precedentë kriminalë të rremë. Manipulimi nga prokuroria vazhdon, nuk dihet për çfarë arsyesh. Ndihem i fyer dhe i diskriminuar. Ata duan të më ndëshkojnë”.

Megjithatë, përpjekja e Edi Ramës për të gjetur një anëtar të minoritetit “të gatshëm” për t’u emëruar kryetar i përkohshëm i Bashkisë në Heimarës nuk ka dhënë rezultate deri tani. Gazetari Ilir Patso, i cili u përmend si një nga viktimat, deklaroi dje se nuk ka pranuar asnjë propozim të tillë dhe nuk është i interesuar të marrë detyrën e ushtruesit të detyrës së kryetarit të Bashkisë, duke theksuar se “vlerat e tij nuk do ta lejojnë atë të tregojë mungesë respekti në mandatin popullor të Himarës.”

The post Rrëzimi i kërkesës për përjashtimin e dy gjyqtarëve, Protothema: Synimi i qeverisë shqiptare është që Beleri të dënohet me çdo kusht appeared first on Albeu.com.

Rama në reagimin e tij tha se “kryebashkiaku ende në zyrë nuk e ka legjitimitetin për të drejtuar bashkinë në mungesë të fituesit” dhe paralajmëroi “nevojën e daljes nga ky ngërç përmes ndërprerjes së vazhdimësisë së qëndrimit në detyrë të kandidatit humbës, bazuar në praktikat më të mira europiane për sigurimin e shërbimeve publike në bashkinë e Himarës”. Ky reagim i kryeministrit kënaqi edhe Athinën zyrtare. Ministri i Jashtëm grek, Gerapetridis e përshëndeti qëndrimin e Ramës si një akt për kapërcimin e tensionit të krijuar pas arrestimit të Belerit.

Himara pas dorëheqjes së Goros do të drejtohet ose nga një prej dy nënkryetarëve nga prefekti i qarkut ose nga një administrator i caktuar përkohësisht prej qeverisë. Pasi të ketë një vendim të formës së prerë nga gjykata do të vendoset edhe për fatin e Fredi Belerit, nëse do të betohet ose jo si kryebashkiak i Himarës apo do të shkohet në zgjedhje të reja.

Gjergj Goro ngjan të jetë një “kokë turku” e Edi Ramës për të balancuar krizën që ai shkaktoi me Athinën zyrtare pas arrestimit të Fredi Belerit.

Kujtojmë se presioni i Greqisë ndaj Shqipërisë për ta lejuar së paku të betohet si kryebashkiak, arriti kulmin me vendimin e Mitsotakis për të vendosur veto ndaj vijimit të negociatave të Shqipërisë me BE-në.

Më herët Edi Rama ishte përjashtuar edhe nga një takim me liderët e Ballkanit Perëndimor që kryeministri i Greqisë kishte thirrur në Athinë.

Aktualisht duket se janë ezauruar të gjitha vendimet e gjykatave shqiptare për të lejuar Belerin të betohet si kryebashkiak i zgjedhur. Ndërkohë që vijon procesi penal ndaj tij për akuzën e blerjes së votave.

The post Dorëhiqet kryebashkiaku i Himarës, Gjergj Goro appeared first on Albeu.com.

Duke u nisur nga arsyetimi i Gjykatës së Posaçme për të refuzuar kërkesën për leje për tu betuar nga Alfred Beleri, kandidati i zgjedhur si kryebashkiak në zgjedhjet e fundit, kryeministri Edi Rama paralajmëroi të enjten përmes një statusi në platformën X se do t’i jepej zgjidhje ngërçit të krijuar në Bashkinë e Himarës.

“Referimi nga ana e GJKKO e ngërçit që krijohet në vazhdimësinë e përkohshme të detyrës nga ana e kandidatit humbës, përderisa faktikisht kryebashkiaku i zgjedhur mbetet në paraburgim, ndërkohë që kryebashkiaku ende në zyrë nuk e ka legjitimitetin për të drejtuar bashkinë në mungesë të fituesit, e bën qartësisht të lexueshme dhe lehtësisht të kuptueshme nevojën e daljes nga ky ngërç,” shkroi Rama.

Kryeministri publikoi bashkëlidhur edhe vendimin e Gjykatës së Posaçme, i cili del se është postuar nga Drejtoria e Përgjithshme të Burgjeve. Në vendim, gjykata arsyeton edhe mbi pretendimin e Belerit se bashkia e Himarës po drejtohet nga kandidati humbës, duke sugjeruar si zgjidhje kalimin e detyrimit për të ofruar shërbime ndaj qytetarëve te qeveria qendrore.

“I takon qeverisjes qendrore, që bazuar në parimin e përgjegjësisë për të siguruar qeverisje efektive, ligjore dhe të drejtën e qytetarëve për shërbime publike të qëndrueshme, të marra masa konform kuadrit ligjor dhe modeleve më të mira europiane për gjetjen e zgjidhjes,” thuhet në vendim.

Sipas Ramës, dalja nga ngërçi bëhet përmes “ndërprerjes së vazhdimësisë së qëndrimit në detyrë të kandidatit humbës, bazuar në praktikat më të mira europiane për sigurimin e shërbimeve publike në bashkinë e Himarës”.

Rama sërish ka mohuar akuzat nga Athina zyrtare dhe opozita në Shqipëri se çështja ndaj Belerit është politike. Sipas tij, vendimi i gjykatës tregon se politika nuk është e përfshirë.

Fredi Beleri u arrestua dy ditë para zgjedhjeve lokale të 14 majit 2023, duke u bërë i vetmi kandidat në Shqipëri që zgjidhej në një post publik ndërsa ishte në qeli. Prokuroria e akuzon Belerin për “korrupsion aktiv në zgjedhje”, duke pretenduar se ka provuar tej çdo dyshimi se ai i kishte ofruar një bashkëpunëtori të policisë 50 euro për çdo votë që mund të gjente në favor të tij si kryetar i Bashkisë së Himarës. Për të njëjtën vepër penale akuzohet edhe bashkëpunëtori i tij, Pandeli Kokaveshi.

Zgjedhja e Belerit që ndodhet i paraburgosur vendosi në ngërç Bashkinë e Himarës, pasi duke qenë në qeli, ai nuk mundi të kryente betimin për të marrë mandatin. Beleri përmes avokatëve ka kërkuar disa herë leje për të kryer betimin, kërkesa të cilat janë rrëzuar nga Gjykata dhe Drejtoria e Përgjithshme e Burgjeve.

Në vendimin e arsyetuar, Gjykata e Posaçme thotë se kërkesa e Belerit për leje të posaçme nuk parashikohet në ligj.

“Gjykata, vlerëson se situata e krijuar në kontekstin e zbatimit të parashikimeve ligjore lidhur me kufizimin e lirisë personale të personave të ndodhur në kushtet e paraburgimit lexuar së bashku me të drejtat e të paraburgosurve për leje të veçantë, çon në pamundësinë e kërkuesit për t’u betuar e marrë detyrën publike”, thuhet në vendimin e gjyqtarëve Irena Gjoka, Flora Hajredinaj dhe Erjon Çela.

Gjykata arsyeton se pavarësisht problemeve që i krijohen bashkisë nga mos vijimi i betimit, ajo nuk mund të tejkalojë dispozitat ligjore, duke sugjeruar që zgjidhja e ngërçit i takonte institucioneve të tjera.

The post Çështja “Beleri”/ BIRN: Rama paralajmëron largimin e Jorgo Goros dhe vendosjen e Bashkisë së Himarës nën qeverisjen qendrore appeared first on Albeu.com.

 “Çështja e kryetarit të zgjedhur të Himarës, Fredi Belerit, është në thelb çështje e shtetit ligjor. Nuk është një ndasi dypalëshe thjesht që Greqia ka me Shqipërinë. Ajo që ne kërkojmë është e qartë: të pranohet që Fredi Beleris u zgjodh ligjërisht kryetar i bashkisë. Ne nuk ndërhyjmë në veprën e drejtësisë shqiptare, por këtu kemi zgjedhje të cilat Fredi Beleri i ka fituar dhe ai nuk mund të marrë detyrën e tij sepse aktualisht është në burg, pasi ndaj tij janë ka disa akuza.

Këto gjëra janë shumë të qarta nga ana jonë. Dhe ne gjithmonë presim me padurim që të mund të gjejmë një mënyrë për të zgjidhur këtë problem, në mënyrë që vullneti i qytetarëve të Himarës të respektohet në thelb. Kjo ishte ajo që kërkonim që në fillim. Po punojmë për ta zgjidhur këtë çështje, në mënyrë që edhe Shqipëria të tregojë se në një çështje kritike siç është për ne respekti i pakicave kombëtare, ka ndërmarë hapat e nevojshëm që ne të gjithë kërkojmë nga një vend që aspiron të fillojë negociatat e anëtarësimit me Bashkimin Evropian”, shtoi ai raportojnë mediet greke.

Ai tha se Greqia ka mbështetur gjithmonë integrimin e Ballkanit Perëndimor në BE.

“Greqia ka qenë gjithmonë protagoniste në mbështetjen e perspektivës evropiane të Ballkanit Perëndimor. Kjo qasje ka rregulla të caktuara, është një proces ku çdo vend vlerësohet individualisht për progresin që bën në një sërë çështjesh, duke përfshirë çështjet e sundimit të ligjit”

The post Mitsotakis kërkon të pranohet se Beleri fitoi zgjedhjet: Po punojmë për ta zgjidhur këtë çështje appeared first on Albeu.com.

Ajo shton se Greqia kërkon të mos refuzohet kërkesa e Fredi Belerit për betim për sa kohë që ai nuk është dënuar akoma nga drejtësia.

Ajo u shpreh se kjo është mundësia e fundit që i ofron Greqia Shqipërisë për të mos vendosur veton kundër anëtarësimit të vendit në Bashkimin Evropian.

“Me sa duket pala greke është e vendosur të ashpërsojë qëndrimin ndaj Shqipërisë. Qëndrimi i Greqisë është unanim dhe i përgjithshëm nga të gjitha forcat politike në Greqi.

Duhet theksuar se në Kushtetutën e Greqisë përfshihet njohja e minoriteteve greke në arenën ndërkombëtare, mes tyre edhe minoriteti në Shqipëri.

Pala greke këmbëngul se rasti Beleri ka të bëjë me shkeljen e shtetit të së drejtës. Fredi Beleri është pjesë e minoritetit dhe Greqia mbështet çdo politikan nga minoriteti.

Bëhet fjalë për një kryebashkiak të zgjedhur që nuk është dënuar dhe po cenohet prezumimi i pafajësisë. Greqia kërkon të mos refuzohet kërkesa e tij për betimin për sa kohë që ai nuk është dënuar akoma.

Kjo është mundësia e fundit që i ofron Greqia Shqipërisë për të mos vendosur veton. Pala greke ka theksuar se vërtet lejuan dërgimin e letrës së çeljes së kapitullit të parë, por nga Shqipëria nuk pati asnjë hap drejt zgjidhjes së kësaj çështjeje ndaj pritet se do të ketë 37 veto ndaj Tiranës zyrtare. Mitsotakis është i vendosur të ushtrojë vetot deri në fund.

“Para kësaj ngjarjeje marrëdhëniet mes vendeve ishin shumë pozitive, aq sa në mes të Athinës ishte edhe një ekspozitë e kryeministrit Edi Rama”, u shpreh ajo.

The post Pala greke e vendosur të ashpërsojë qëndrimin, Gazetarja për çështjen “Beleri”: Kjo është mundësia e fundit për Shqipërinë appeared first on Albeu.com.