Cristian Shpendi po zhvillon një fillim të shkëlqyer të sezonit me Cesena në Serie B. Sulmuesi i Kombëtares shqiptare ka realizuar 5 gola në katër javët e para të kampionatit, duke u ngjitur në krye të renditjes së golashënuesve.

Trajneri i Cesenas, Alessandro Diamanti, ka vlerësuar maksimalisht paraqitjet e tij dhe ka treguar se ka këmbëngulur që Shpendi të qëndronte në skuadër.

“Nuk preferoj të flas për individë, por me Shpendin kam një marrëdhënie shumë të mirë. Kam bërë shumë përpjekje që ai të qëndronte në ekip. Besoj se mund ta ndihmoj në aspektin mendor dhe në ato fusha ku ende ka nevojë të përmirësohet. Do të ishte vërtet për të ardhur keq nëse Cristianin do ta shihnim në Serie B, sepse ai i ka të gjitha cilësitë për të qenë një lojtar i Serie A.

Sa i përket përmirësimeve, janë tre ose katër aspekte për të cilat i flas çdo ditë. Ai është një djalë i artë dhe tregohet shumë i gatshëm për të bashkëpunuar. E di se çfarë kërkon. I kam thënë se, nëse punon për ekipin, është i destinuar të shënojë 20 gola. Dhe pikërisht këtë po bën”, ka deklaruar Diamanti.

The post Cristian Shpendi kryeson listën e golashënuesve në Itali, Diamanti: Është djalë i artë dhe mund të luajë në Serie A appeared first on Albeu.com.

Transferimi i Cristian Shpendit te Cremonese, i cili pritej të zyrtarizohej së shpejti, ka marrë një kthesë të papritur dhe nuk është finalizuar.

Sipas raportimeve të para, klubi i Cremoneses do t’i paguante Cesenës 4 milionë euro për kartonin e sulmuesit të Kombëtares. Shpendi pritej të firmoste me skuadrën e re deri në vitin 2030.

Arsyet e mosrealizimit të marrëveshjes, e cila ishte në pritje vetëm të konfirmimit zyrtar, ende nuk janë bërë të ditura. Për rrjedhojë, Cristian Shpendi do të vazhdojë të luajë për Cesenën në Serie B.

The post Marrëveshja dukej e mbyllur, por dështon transferimi i sulmuesit të Kombëtares te rivali italian appeared first on Albeu.com.

Cristian Shpendi pritet të bëhet lojtari më i ri i Cremoneses. Sulmuesi 23-vjeçar ka vendosur të mbyllë aventurën te Cesena dhe të bashkohet me skuadrën që sezonin e kaluar u largua nga Serie A.

Sipas gazetarit italian Gianluca Di Marzio, Cremonese do të paguajë 4 milionë euro për kartonin e tij. Drejtuesit e klubit e shohin afrimin e Shpendit si një përforcim me peshë për repartin e sulmit.

Gjatë sezonit të fundit në Serie B, me fanellën e Cesenës, lojtari i Kombëtares shqiptare pati një rol vendimtar. Ai realizoi 12 gola dhe dha 5 asistime, duke ndikuar drejtpërdrejt në paraqitjet e ekipit.

Pavarësisht interesimit të konsiderueshëm nga klube të Serie A, Shpendi duket se ka zgjedhur të ndjekë një rrugëtim gradual drejt elitës së futbollit italian. Për këtë arsye, ai do të provojë edhe një herë veten në Serie B.

The post Cristian Shpendi zgjedh Cremonesen, sulmuesi shqiptar pranë transferimit nga Cesena appeared first on Albeu.com.

Cristian Shpendi ishte një nga figurat kryesore të duelit mes Cesenës dhe Sampdorias, i cili përfundoi në barazim 1-1 në Serie B.

Sulmuesi shqiptar zhbllokoi rezultatin në minutën e 17-të, kur shfrytëzoi saktë një krosim dhe me goditje me kokë e dërgoi topin në rrjetë, duke i dhënë avantazhin Cesenës.

Pas pushimit, në minutën e 48-të, Shpendi ishte pranë golit të dytë. Goditja e tij diagonale u ndal nga shtylla pingule, duke i mohuar shqiptarit një tjetër finalizim.

Vetëm nëntë minuta më pas, 23-vjeçari mori karton të verdhë pas një ndërhyrjeje të ashpër, ku nuk ishte i interesuar për topin.

Paraqitja e tij në këtë ndeshje mund t’i shërbejë Cristian Shpendit si një sinjal i fortë për përfshirjen në listën e trajnerit Rolando Maran për Shqipërinë në ndeshjet e shtatorit të Ligës së Kombeve.

Goli i Cristian Shpendit

Shtylla e goditur nga Cristian Shpendi

The post VIDEO/ Shpendi protagonist ndaj Sampdorias: gol, shtyllë dhe karton në startin e sezonit me Cesenën appeared first on Albeu.com.

Shpendi kryeson renditjen e golashënuesve në kampionat me 20 gola.

Ai po ashtu ka asistuar 6 herë të tjera, ndërsa 24 herë ka nisur si titullar dhe 7 herë zëvendësues.

Cesena sheh po ashtu te lojtari i dalë nga akademia e tyre, një burim të ardhurash.

Aktualisht 20-vjeçari konsiderohet lojtari më me vlerë.

The post Cristian Shpendi ylli i Cesenas, Serie B si trampolinë për sulmuesin shqiptar appeared first on Albeu.com.

Ekipi i drejtuar nga Mimmo Toscano ka siguruar ngjitjen në Serie B, teksa dominoi grupin B në Serinë C. një rikthim në Serinë B për Cesenan, e cila mungonte prej 6 vitesh.

Padiskutim një meritë për ngjitjen e ka edhe sulmuesi i kombëtares shqiptare U-21, Shpendi, i cili kryeson listën e golashënuesme me 20 gola.

The post VIDEO / Mungonin prej 6 vitesh, Cesena dhe Cristian Shpendi ngjiten në Serinë B appeared first on Albeu.com.