“Të jesh punonjës policie është mision ligjor dhe human, është shërbim ndaj qytetarëve në çdo kohë, si në detyrë ashtu edhe jashtë saj.

Ju përgëzoj publikisht për veprimin tuaj, një veprim që rrit besimin dhe respektin e qytetarëve ndaj Policisë së Shtetit dhe i jep kuptim misionit tonë.

Rastet e shumta pozitive gjatë muajve të fundit na motivojnë të bëjmë akoma më shumë e më mirë në shërbim të qytetarëve dhe të ligjit.

Vlerësimi nga qytetarët lartëson figurën e punonjësit të Policisë dhe është shpërblimi më i çmuar për sakrificën dhe përkushtimin e tij.

Inkurajoj çdo punonjës policie që t’u shërbejë me ndershmëri qytetarëve, të jetë gjithmonë i gatshëm, human e profesional për t’u ardhur në ndihmë atyre.

Mirënjohje dhe respekt për çdo punonjës policie që sakrificën, humanizmin dhe ndershmërinë i ka pjesë të përditshmërisë së tij”, tha Ilir Proda.

Nënkomisari Paulin Drolla, me detyrë shef rendi në Komisariatin e Policisë Vlorë, gjatë udhëtimit drejt Tiranës për ndjekjen e një trajnimi në Akademinë e Sigurisë, në dalje të tunelit të Krrabës, konstatoi një aksident rrugor ku ishin përfshirë dy automjete, njëri prej të cilëve kishte dalë nga rruga dhe brenda ndodhej një person i dëmtuar.

Duke qenë me veshje civile, Nënkomisar Drolla u prezantua si punonjës policie, veshi një jelek me mbishkrimin “Policia”, njoftoi ambulancën dhe shërbimet e Policisë Rrugore, si dhe mori masa për të shmangur përfshirjen e mjeteve të tjera, pasi njëri nga drejtuesit e automjeteve kishte dëmtime fizike dhe pamundësi për të lëvizur.

The post I dha ndihmën e parë të aksidentuarve në Tiranë, Proda nderon efektivin me certifikatë appeared first on Albeu.com.

“Jam vërtet mirënjohës për kontributin që secili ka dhënë në fusha nga më të ndryshmet. Sot vërtetë ndihem se kemi një qytet është më i mirë falë punës suaj. Shoh gjithashtu sot që më shumë se kurrë, kemi një sulm për vlerat nga anti-vlerat, kemi një sulm për kulturën nga anti-kultura, kemi një sulm për profesionistët nga ata që nuk janë ekspertë dhe nuk janë profesionistë. Kur shikoj emrat e nderuar të mjekësisë, kujtohem sa kohë kanë pa dalë në televizor. Unë i njoh, Tirana e vjetër i njeh, por rinia nuk i njeh. Në televizor del më shumë njëri që thotë që vaksinat janë me çip dhe që Steve Jobs me Bill Gates kanë futur atje një mikorçip që të kontrollojnë botën me telekomandë. Mësuesin e kemi zëvendësuar me youtube apo me disa reality shou. Imagjinoni, në mes të Tiranës dikush ngre gishtin e mesit, është shumë krenar dhe paguan para për ta nxjerrë. Imagjinoni që ne kemi më shumë besim që një sistem kompjuteri do ruajë fëmijët tanë ndaj vulgaritetit?! Sot më vjen mirë të shoh mësuesit të ngrihen në piedestal”, tha Veliaj.

Mandej, kryebashkiaku shprehu mirënjohjen edhe për gazetarë dhe biznesmenë që kanë kontribuuar gjithashtu në komunitetin e njësisë 10.

“Gëzohem që shoh disa miq të qytetit nga media dhe shoqëria civile. Unë e kuptoj, jetojmë në demokraci, mund të kemi opinione të ndryshme, por nuk mund të kemi fakte të ndryshme. E takoj gazetarë që thonë: “Sapo dëgjuam atë të dëgjojmë dhe palën tjetër dhe unë e kam kryer misionin”. I thashë një gazetareje: “Jo zonjë nuk e ke kryer misionin. Ti nuk mund të kesh njërin që thotë toka është sheshtë, tjetri thotë toka është e rrumbullakët dhe ti të thuash: Ja pra të dashur qytetarë, ne i dëgjuam të dyja palët dhe ky është mision”. Jo ky nuk është misioni yt. Nëse dikush po thotë një idiotësi anti-shkencë dhe anti-kulturë ti duhet të kapesh. Detyra këtu është edhe të kontrollojmë faktet. Ne mund të kemi opinione të ndryshme, por nuk mund të kemi fakte të ndryshme. Gjithashtu, jam vërtetë mirënjohës që shikoj që për herë të parë, imagjino ne jemi Parti Socialiste. Që do vinte dita që Partia Socialiste do shpërndante certifikata mirënjohje për biznesin, ky është një evolucion shumë i madh i partisë tonë”, tha Veliaj.

The post Veliaj nderon me “Certifikatat e mirënjohjes” personalitetet e Njësisë 10 appeared first on Albeu.com.

Qeveria e Kosovës më datë 1 dhjetor të vitit të kaluar ka miratuar masat anti-COVID, të cilat kanë hyrë në fuqi menjëherë, mirëpo, një pikë e këtij vendimi ishte lënë për datën 3 janar të vitit 2022.

Sipas këtij vendimi, nga sot, për të hyrë në Kosovë, secili person duhet të posedojë certifikatën e vaksinimit për vaksinimin e plotë (me dy doza) kundër COVID-19.

Ndërkaq personat të cilët nuk i kanë dy dozat e vaksinës, do të kenë mundësi të vaksinohen në pikën kufitare aeroportin “Adem Jashari” dhe në pikat kufitare në Vermicë, Merdare, Dheu i Bardhë dhe Hani i Elezit.

Ndryshe, sipas masave anti-COVID që janë në fuqi, lëvizja e qytetarëve lejohet nga ora 05:00 e mëngjesit, deri në orën 00:00 të mesnatës.

Lokalet e gastronomisë lejohen të punojnë deri në orën 23:00, ndërkaq muzika duhet të ndalet në orën 21:30.

Çdo person i cili hyn në Republikën e Kosovës duhet të posedojë certifikatën e vaksinimit për vaksinimin e plotë (me dy doza) kundër COVID-19, apo certifikatën e vaksinimit për vaksinimin me një dozë, jo më e vjetër se katër  (4) javë, bashkë me testin RT-PCR negativ për COVID-19, jo më i vjetër se 48 orë, ose certifikatën e vaksinimit për vaksinimin me një dozë bashkë me dëshminë se personi ka kaluar COVID-19 (test RT-PCR pozitiv i lëshuar jo më pak se 21 ditë dhe jo më shumë se 180 ditë)./GazetaExpress

The post Kosova shtrëngon masat anti-Covid, nga sot kërkohet certifikata e vaksinimit appeared first on Albeu.com.