Veçantia e tij është se ai lëshohet vetëm për personat e vaksinuar apo që e kanë kaluar koronavirusin, duke përjashtuar mundësinë e tamponëve.

Pra ata që nuk janë vaksinuar, nuk mund të justifikohen më me tamponin negativ, por duhet me patjetër kryerja e vaksinës për të marrë shërbime të caktuara.

Këto masa të reja do të jenë në fuqi deri më 15 janar 2022 e synojnë mbajtjen nën kontroll të rrezikut të infektimit nga variantet e reja të virusit e vaksinimin e asaj pjese të popullsisë ende e pa vaksinuar.

Green Pass-i e Super Green Pass-i do të jetë aktivë në të gjithë territorin italian e në varësi të ngjyrave e bardhë, e verdhë e portokalle që do të ketë rreziku pandemik i banorëve.

Super Green Pass-i do të lejoj konsumin në ambientet e brendshme të lokaleve e restoranteve, në festa e ceremoni civile e fetare, në salla kërcimi, diskoteka, gara sportive, palestra, sala kinemaje, teatro, spektakle, ose në rast të kundërt, jeta sociale do të jetë e mbyllur për personat që refuzojne.

Ndërsa Green Passi bazik do të përdoret kryesisht në ambientet e punës, në mënyrë që jeta e komunitetit të vijojë normalisht./albeu.com/

The post Italia aktivizon sot “Super Green Pass”, ku ndryshon nga “Green Pass” i thjeshtë appeared first on Albeu.com.

Njoftimi i Plotë:

Pas publikimit në media të një informacioni që krijoi paqartësi lidhur me hyrjen apo qarkullimin në territorin e Greqisë, Ministria për Evropën dhe Punët e Jashtme pas komunikimit zyrtar me autoritetet e vendit fqinj informon shtetasit shqiptarë se:

1. Nuk ka asnjë ndryshim thelbësor të protokollit të COVID – 19 për hyrjen apo lëvizjen e shtetasve shqiptar në territorin grek.
2. Të gjitha certifikatat e vaksinimit të lëshuara nga autoritetet shqiptare njihen dhe janë të vlefshme në Greqi njesoj si më parë.
3. Raste sporadike të problemeve me leximin e këtyre certifikatave nga sistemet respektive të shtetit grek nuk jane te kufizuara tek dokumentet shqiptare por janë vërejtur për shtetas të kombësive të ndryshme që jetojnë e punojnë në Greqi. Këto probleme lidhen vetëm me funksionimin e këtij sistemi të ndërtuar e menaxhuar nga strukturat në Greqi.
4. Shtetasit shqiptarë të pajisur me certifikatë vaksinimi lëshuar nga autoritetet shqiptare, duhet të shkarkojnë këto certifikata nga llogaria e tyre në e-albania njësoj si më parë.

I vetmi ndryshim në rregullat ndaj COVID – 19 publikuar sot nga Shërbimi Aeroportual Civil i Republikës së Greqisë lidhet me moshën e të miturve që duhet të paraqesin test COVID, përpara udhëtimit nëpër territorin grek.

Konkretisht:

– Në dallim me udhëzimin e mëparshëm aeroportual për fluturimet brenda vendit drejt të gjitha destinacioneve të Greqisë, udhëtarët e mitur nga mosha 4 deri në 17 vjeç mund të udhëtojnë me avion me paraqitjen e testit brenda 24 orëve, në ndryshim nga 4 deri 11 vjeç që parashikohej më parë.

Rregullat e tjera mbeten te pandryshuara, si më poshtë:

– Udhëtarët drejt të gjitha destinacioneve në Greqi duhet të përmbushin një nga kushtet e mëposhtme:

• Të kenë përmbushur të paktën përpara 14 ditëve vaksinimin për Covid-19 dhe të paraqesin vërtetim/çertifikatë vaksinimi. Çertifikata digjitale evropiane Covid-19, gjithashtu është e pranueshme. Çertifikata e vaksinimit përmban emrin mbiemrin, llojin e vaksinës dhe numrin e dozave.
• Të paraqesin çertifikatën e infektimit e cila lëshohet 30 ditë pas testimit të parë pozitiv dhe e cila vlen 180 ditë pas kësaj.
• Udhëtarët e fluturimeve brenda Greqisë, të cilët nuk janë vaksinuar, duhet të kenë rezultat negativ të testit PCR, kryer brenda 72 orëve nga dita e nisjes, ose brenda 48 orëve me rapid test para nisjes së fluturimit.
• Të miturit nga 4 deri në 17 vjeç mund të kryejnë udhëtimet e tyre me avion edhe me rapid test deri në 24 orë nga ora e fluturimit.

Këto certifikata mund paraqiten ose të printuara nga platformat ëëë.gov.gr ose HTTPS://SELF-TESTING.GOV.GR, ose në forme digjitale me kontroll të njëkohësishëm të identitetit.

Shtetasit e huaj që hyjnë në territorin grek mund të paraqesin çertifikatën e vaksinimit ose vërtetimin e infektimit ose testin negativ, në gjuhën greke, angleze franceze, gjermane, spanjolle, italiane ose ruse. Kusht i domosdoshëm është që shkresa të jetë lëshuar nga autoritet publik dhe në përputhje me legjislacionin vendas. Nëse këto kontrolle janë kryer jashtë vendit dhe janë të vlefshëm gjatë momentit të hipjes së udhëtarëve në avion, këto vërtetime pranohen me të njëjta kushte siç lejohet hyrja e tyre në Greqi./albeu.com/

The post Certifikatat e vaksinimit në Shqipëri nuk do të njihen në Greqi? Ministria e Jashtme tregon gjithçka appeared first on Albeu.com.

Kjo masë është ndër të parat për Evropën dhe disa nga më të rreptat në botë.

Çdokush pa leje raportohet se do të përballet me pezullimin nga puna dhe nëse nuk kanë certifikatën brenda 5 ditësh do t’u ndërpritet paga.

Masa, e cila do të hyjë në fuqi më 15 tetor, synon të rrisë vaksinimet në një vend që është goditur rëndë nga virusi.

Certifikatat e “green pass” për Covid-19, të dhëna si në mënyrë dixhitale ashtu edhe në letër, aktualisht kërkohen për të hyrë në stacionet hekurudhore në Itali, kinema, restorante, palestra dhe pishina.

Personeli i shkollës gjithashtu kërkohet të tregojë një “green pass” dhe disa mësues thuhet se janë larguar nga puna.

Të enjten, qeveria italiane miratoi një ligj të ri për të zgjeruar kërkesat për të gjithë vendet e punës dhe punonjësit në të gjithë sektorët, përfshirë të vetëpunësuarit.

Bizneset dhe stafi mund të përballen me gjoba deri në 1,500, nëse zbulohet se njerëzit punojnë pa qenë të pajisur me certifikatën e kërkuar./albeu.com

The post Nga 15 shtatori, Italia do të kërkojë certifikatën “green pass” për të gjithë punonjësit appeared first on Albeu.com.