“Sekretariati i EU digital Certificate i Komisionit Evropian e ka njoftuar Ministrinë e Shëndetësisë se është konfirmuar pranueshmëria –vendimi mbi ekuivalencën e certifikatës digjitale të vaksinës kundër COVID-19, e lëshuar nga Kosova në EU digital certificate, me qëllim lehtësimin e së drejtës së lëvizjes së lirë brenda shteteve të Bashkimit Evropian”, thuhet në njoftimin e Ministrisë.

Edhe në njoftimin e Zyrës së BE-së, të lë shuar të enjten, thuhet se ky vendim vlen për të gjitha certifikatat e lëshuara “në përputhje me rregulloren e BE-së, të Parlamentit Evropian dhe Këshillit”./REL/

The post BE do të pranojë certefikatat e vaksinimit dhe testet kundër COVID-19 të Kosovës appeared first on Albeu.com.

“Sollëm një përfundim të rëndësishëm, e kjo është që të rekomandohet shfuqizimi i obligimit për certifikata, gjatë hyrjes në qendra tregtare, gjegjësisht në vendet ku është e obligueshme mbajtja e maskave. Ky është një hap në drejtim të lehtësimit të masave, por për zhvillimin e ardhshëm do të jemi të kujdesshëm shumë, sepse nuk duam që me shfuqizimin e gjitha masave restriktive të arrijmë rezultate të papritur“, theksoi Aleksandar Petliçkovski, kryetar i KSI.

Për lehtësimin më të madh të masave, Komisioni theksoi nevojën për të rritur nivelin e vaksinimit të popullsisë, e cila tashmë është vetëm 41%. Në atë drejtim, nga sot nis fushata, me të cilën të gjithë qytetarët që bëjnë pjesë në grupet e rrezikut, do të pranojnë SMS-porosi nga mjekët amë, me datën dhe vendin e vaksinimit. Bëhet fjalë për grupet e qytetarëve mbi 65 vjeç që kanë sëmundje shoqëruese dhe ata nën 65 vjeç që kanë një numër më të madh të sëmundjeve shoqëruese.

“Sipas përllogaritjeve që i morëm nga Termini im 260 mijë qytetarë bëjnë pjesë në grupin me rrezik të lartë, 130 mijë apo gjysma e tyre nuk janë të vaksinuar plotësisht, ndërsa gjysma tjetër nuk e ka marrë dozën përforcuese. Këtu duhet të fokusohemi që të rrisim cilësinë e imunitetit të popullatës dhe të jetë bazë për zbutjen e mëtejme të masave”, tha Zllate Mehmedoviq, zëdhënës i KSI.

Shfuqizimi i kësaj mase duhet paraprakisht të diskutohet në Shtabin qendror koordinues, bashke edhe me dy masat tjera që paraprakisht i ka rekomanduar KSI, siç janë ajo për personat që e kanë kaluar virusin të marrin certifikatë me gjatësi prej 180 ditësh dhe gratë shtatzëna të kthehen në punë./TV 21

The post Hiqen certifikatat për hyrje në qendra tregtare në Maqedoninë e Veriut appeared first on Albeu.com.

Nëpër hyrje në ambiente të ndryshme në Angli më nuk do të kërkohet certifikata e vaksinimit anti-covid, ndërsa nga e enjtja anglezët nuk obligohen as të mbajnë maska. Kryeministri Xhonson ka vendosur të heq kufizimet anti-covid pasi që vlerëson se kulmi i valës është arritur dhe rastet e reja kanë rënë.

Po a do të ndodh e njëjta edhe në vendin tonë? Ka 5 muaj që qytetarët e pavaksinuar nuk mund të vizitojnë objektet gastronomike, qendrat tregtare e kështu me radhë. Mikrobiologu Nikolla Panovski dhe disa mjekë të tjerë masën nuk e shohin si të dobishme. Panovski thotë se është absurde t’u kufizohet liria e lëvizjes njerëzve të shëndoshë. Vlerëson se duhet të hiqet edhe masa për kërkim e certifikatave të vaksinimit nëpër pika kufitare.

“Në aspekt mjekësor u soll masë që nuk ka arsyetim mjekësor pasi që pas 3-4 muajve kur nisi vaksinimi, dihej se vaksinimi mbron më dobët, posaçërisht nga variant Delta dhe Omicroni, thuajse njësoj edhe të vaksinuarit edhe të pavaksinuarit e transmetojnë sëmundjen dhe se ato nuk e kanë rolin të ndërpresin përhapjen. Doli që po keqpërdoret në disa vende, po ashtu edhe vlerësohet se provohet të shihet sa mund të kontrollohen qytetarët, sa janë të durueshëm“, pohoi Nikolla Panovski, mikrobiolog.

Profesori Panovski e vë në pikëpyetje edhe origjinalitetin e dokumenteve që dëshmojnë imunizimin. Ai dyshon se ka qytetarë që falsifikojnë vërtetimet e vaksinimit.

“Masa bëri që një numër i madh i qytetarëve kanë certifikate të rrejshme të vaksinimit, pra nuk ishin të vaksinuar. Kemi statistika të gabuara për të vaksinuarit, nuk e dimë kush me të vërtetë është vaksinuar e kush ka vetëm të dhëna se ndoshta janë vaksinuar. Kështu që unë kam qenë i pari që kam thënë që para dy jave që masa duhet të hiqet. Masat e këtilla janë turp për civilizimin evropian dhe botëror”, tha Nikolla Panovski, mikrobiolog.

TV21 kërkoi qëndrim edhe nga Ministri i Shëndetësisë, Bekim Sali, por i njëjti nuk u përgjigj nëse po mendon për shfuqizimin e masave aktuale anti-covid ose vendosjen e ndonjë mase të re.

Në një deklaratë për “Sitell”, Sali ka thënë se është herët të flitet për heqjen e masave për të pavaksinuarit, ngaqë niveli i imunizimit në vendin tonë është shumë i ulët në krahasim me shtetet ku është hequr kjo masë.

Organizata Botërore e Shëndetësisë u ka kërkuar vendeve të marrin në konsideratë anulimin e kërkesës së certifikatave të vaksinave gjatë udhëtimit në shtete tjera, sepse siç shprehen, masa nuk ka ndikuar që të parandalohet përhapja e varianteve të reja. Ndryshe Komisioni për Sëmundje Ngjitëse pas takimit të sotëm ka dalë me propozim që izolimi i qytetarëve pozitiv nga 10 të shkurtohet në 7 ditë ./tv21/

The post A do të veprojë Maqedonia si Anglia? Panovski: Certifikatat e vaksinimit nuk kanë dhënë efekt appeared first on Albeu.com.

Kështu kanë thënë burimet nga Bashkimi Evropian për Radion Evropa e Lirë.

Këto burime thonë se përgatitjet janë në vazhdim e sipër dhe se kur të përmbushen kushtet, edhe Kosova e Bosnja e Hercegovina mund të përfshihen në këtë sistem.

Para dy ditësh, Mali i Zi iu bashkua këtij sistemi ndërsa më herët këtë e kishin bërë Shqipëria, Maqedonia e Veriut dhe Serbia.

Përfshirja e shteteve të treta në listën e Certifikatës Digjitale të Vaksinimit të BE-së mundësojnë që certifikatat e vaksinimit të lëshuara në ato vende me automatizëm njihen edhe në vendet e Bashkimit Evropian.

Kjo do të thotë se në secilin institucion, lokal apo vend në BE, QR kodet nga to do të mund të lexohen sikurse edhe të gjitha vërtetimet e ngjajshme të lëshuara nga autoritetet e vendeve anëtare.

Mospërfshirja e Kosovës dhe Bosnje e Hercegovinës në këtë sistem tashmë po krijon pengesa praktike për ata që udhëtojnë në vendet e Bashkimit Evropian.

“Që nga fillimi i pandemisë BE-ja ka dëshmuar përkushtimin për ta trajtuar rajonin e Ballkanit Perëndimor si partner të privilegjuar, duke i përfshirë ata në mekanizmat dhe instrumentet e BE-së në kontekstin e pandemisë COVID- 19”, ka thënë Christian Wigand, zëdhënës i Komisionit Evropian për çështje ligjore.

Ky zëdhënës i Komisionit Evropian ka nënvizuar se ekspertët e BE-së kanë pasur takime shqyrtuese me të gjithë partnerët nga rajoni dhe procesi është në vazhdim e sipër.

Ai ka thënë se BE-ja shpreson se “më shumë partnerë nga rajoni së shpejti t’i bashkohen këtij sistemi të BE-së”.

Më 16 dhjetor, Radio Evropa e Lirë ka raportuar se qytetarët e Kosovës, nga janari i vitit të ardhshëm, mund të mos lejohen të udhëtojnë në vendet e Bashkimit Evropian, pasi blloku nuk i njeh ende certifikatat e vaksinimit kundër koronavirusit, të lëshuara në Kosovë.

Ministria e Shëndetësisë e Kosovës kishte thënë se problemi me certifikatat është i natyrës teknike.

“Jemi në fazën kur duhet të bëhet i lexueshëm kodi QR offline [pa qenë të lidhur në internet]. Aktualisht është i lexueshëm vetëm online. Çështja ka të bëjë me aspektin teknik”, thotë për Radion Evropa e Lirë Dafina Gexha, zëvendësministre e Shëndetësisë.

I ashtuquajturi kod QR, kur skanohet, ofron informacione për llojin e vaksinës së marrë, numrin e dozave dhe vendin e vaksinimit.

Rikujtojmë se BE-ja, nga 10 janari, synon t’i ndalojë të gjithë ata që nuk janë të vaksinuar me dozën e tretë të vaksinës. Aktualisht, për të hyrë në njërin nga vendet e bllokut mjafton testi negativ PCR i koronavirusit.

Vendimin përfundimtar për udhëtime nga jashtë, BE-ja pritet ta marrë në fund të dhjetorit./REL

The post BE: Certifikatat e vaksinimit nga Kosova nuk pranohen për shkaqe teknike appeared first on Albeu.com.

Lajmin e bëri të ditur ministrja e shëndetësisë atje, përmes një njoftimi, ku shprehej se një mjek ka lëshuar 2018 certifikata false të Covid.

Ministrja shpjegoi gjithashtu se “mjekët e përgjithshëm, po ashtu edhe qendrat e vaksinimit, kanë akses në Vaccinnet (softuer për kodimin e vaksinës) dhe mund të kodojnë njerëzit që duhet të ishin vaksinuar, por nuk e kanë bërë.

Qasja e mjekut në Vaccinnet tashmë është pezulluar, ndërsa certifikatat false janë çaktivizuar.

8.86 milion persona janë vaksinuar plotësisht në Belgjikë deri më tani, përkatësisht 74.9%. Belgjika mbetet një ndër vendet më të prekura nga pandemia.

Kujtojmë se vendi ka regjistruar 1,623,560 raste dhe 26,669 viktima që nga fillimi i pandemisë./albeu.com/

The post Ndodh edhe në Belgjikë! Lëshoi 2018 certifikata vaksinimi false, e pëson mjeku appeared first on Albeu.com.