certifikata vaksinimi Archives - Albeu.com

Bullgaria prej sot nuk kërkon certifikata vaksinimi për shtetasit e Maqedonisë

E B — Wed, 13 Apr 2022 06:19:49 +0000

Bullgaria nga dita e sotme nuk do të kërkoj certifikata digjitale të vaksinimit për Kovid-19 nga qytetarët e Maqedonisë së Veriut dhe të disa shteteve tjera që hyjnë në territorin bullgar.

Sipas njoftimit, personat që vijnë nga Republika e Maqedonisë së Veriut, Turqia, Rumania, Serbia, Hungaria, Polonia, Republika Çeke, Sllovakia, Izraeli dhe Egjipti kur hyjnë në Bullgari nuk u kërkohet më certifikata dixhitale Covid.

Vendimi është marrë nga ministrja bullgare e shëndetësisë, prof. Asena Serbezova, me urdhër të lëshuar nga dita e djeshme.

Po ashtu edhe trupave të NATO-s që marrin pjesë në stërvitjet ndërkombëtare dhe kontigjentet shumëkombëshe nuk do t’u kërkohet paraqitja e certifikatës dixhitale e vaksinimit.(INA)

The post Bullgaria prej sot nuk kërkon certifikata vaksinimi për shtetasit e Maqedonisë appeared first on Albeu.com.

Udhëtime drejt BE? Kur pritet të njihet certifikata shqiptare e vaksinimit

admin — Tue, 24 Aug 2021 15:35:10 +0000

Unioni Europian pritet që në ditët në vijim të njohë certifikatën e vaksinimit të Shqipërisë.

Lajmin e bëri të ditur një zëdhënëse e Unionit, e cila tha se procesi për njohjen e certifikatës së vakzinimit për shtetasit e ballkanit perëndimor është në proces e sipër.

Më parë në sistemin e BE-së janë future certifikatat e vaksinimit të Maqedonisë së Veriut, Turqisë e Ukrainës.

Shqipëria deri më tani ka qenë rast i veçantë, pasi ka përdorur më shumë vaksinën kineze, por në ditët në vijim pritet të merret një vendim pozitiv edhe për vendin tonë./albeu.com

The post Udhëtime drejt BE? Kur pritet të njihet certifikata shqiptare e vaksinimit appeared first on Albeu.com.

BE-ja fillon përdorimin e certifikatës digjitale të vaksinave

E B — Thu, 01 Jul 2021 20:24:36 +0000

Bashkimi Evropian filloi zyrtarisht përdorimin e certifikatës digjitale për COVID-19, e krijuar për të bërë udhëtime të sigurta dhe të lehta për të vaksinuarit plotësisht brenda vendeve anëtare të BE-së – por të paktën një kompani ajrore thotë se aplikacioni ka hasur në probleme në ditën e parë të përdorimit.

BE-ja krijoi certifikatën digjitale – të disponueshme si një aplikacion në telefonat inteligjentë ose në format letre – për të ndihmuar përdoruesit të përjashtohen nga kufizimet si karantina. Sipas rregullave të BE-së, vendet anëtare duhet të mos vendosin kufizime shtesë të udhëtimit për ata që janë të pajisur me certifikatë nëse masat nuk janë të nevojshme dhe proporcionale për mbrojtjen e shëndetit publik.

Në një konferencë për shtyp në Bruksel, zëdhënësi i Komisionit Evropian Christian Wigand tha se 26 vendet anëtare po lëshojnë certifikata duke filluar nga e enjtja dhe tashmë, janë lëshuar më shumë se 200 milionë certifikata.

Por në praktikë, certifikata duket se ka disa anomali. Një zëdhënëse e shoqërisë ajrore Brussels Airlines, Maaike Andries, i tha agjencisë së lajmeve Reuters se kodi digjital QR në certifikatat COVID-19 me sa duket nuk është ende i lidhur me destinacionin e udhëtarit. Kjo do të thotë që linjat ajrore duhet të kryejnë ende kontrolle vizuale për t’u siguruar që udhëtari i plotëson kërkesat e zonës në të cilën po udhëton.

Për sa i përket lehtësimit të udhëtimit me certifikatën digjitale të vaksinave, zonja Andries tha se, “fatkeqësisht, nuk kemi arritur akoma në atë pikë”.

Një zëdhënës i aeroportit të Brukselit tha se pasagjerët po këshillohen të kontrollojnë plotësisht dokumentet që u duhen në destinacionin e tyre për të demonstruar prova të vaksinimit, ose provë të një testi negativ COVID-19 nëse nuk janë të vaksinuar plotësisht./VOA

The post BE-ja fillon përdorimin e certifikatës digjitale të vaksinave appeared first on Albeu.com.

Liderët e Ballkanit: BE të njohë certifikatat tona të vaksinimit

E B — Thu, 10 Jun 2021 19:22:24 +0000

Kryetarët e Qeverive dhe Shteteve të Ballkanit i kërkuan sot Bashkimit Europian njohjen e Çertifikatave digjitale të vaksinimit që ato lëshojnë për qytetarët e tyre, në mënyrë që dhe ata të lëvizin pa kufizime. Kërkesa u bë gjatë takimit të radhës në Tiranë ku mori pjesë dhe komisioneri për Zgjerimin Oliver Varhelyi. Ky i fundit cili bëri të ditur se tanimë fondi prej afro 30 miliard eurosh që Brukseli ka caktuar për investime dhe financime projektesh në Ballkanin Perëndimor, është miratuar nga të gjitha institucionet europiane.

Ndërsa në fokus të takimit të Tiranës,edhe nën dritën e mbështetjen financiare të premtuar nga Bashkimi europian, ishte shtyrja përpara e procesit të ashtuquajtur Schengen-i Ballkanik, drejtuesit e 6 vendeve të rajonit dolën me një qëndrim të përbashkët mbi një problem që prek qytetarët e rajonit e që ka të bëjë me kufizimet e lëvizjes në zonën e Bashkimit Europian për shkak të pandemisë. Siç bëri të ditur kryeministri shqiptar Edi Rama ata i janë drejtuar zyrtarisht Bashkimit Europian duke shfrytëzuar praninë në takim dhe të Komisionerit për Zgjerimin Oliver Harvelyi

“Sot të gjitha vendet i kanë paraqitur Komisionerit dhe nëpërmjet Komisionerit edhe Komisionit Europian dhe Bashkimit Europian kërkesën që karta e gjelbër digjitale e qytetarit të një vendi të rajonit tonë, në aspektin e sigurisë shëndetësore, të njihet në të gjithë hapësirën e Bashkimit Europian dhe edhe ne të lëvizim lirisht, siç lëvizin qytetarët e Bashkimit Europian”, deklaroi kryeministri shqiptar.

Nga ana e tij komisioneri Varhelyi nga ana e tij shpjegoi se Komisioni ju ka bërë shteteve anëtare një rekomandim, “pasi si kompetencë dhe përgjegjësi kjo është e shteteve anëtare”. Duke nisur që nga 1 korriku, vendet anëtare do të njohin certifikatat e lëshuara nga autoritetet e tyre për qytetarët e BE-së. “Ndërsa po arrijmë një nivel shumë të lartë të vaksinimit në BAshkimin europian, e për këtë dhe rreziqet janë më të ulëta sa u përket personave që vijnë dhe udhëtojnë nga vendet tuaja, sigurisht që ne do të shikojmë një lehtësim në udhëtim. Të gjithë e kemi vuajtur këtë gjë dhe sigurisht është e pakëndshme, nuk besoj se është e këndshme për askënd, por e gjitha kjo, në fakt varet nga situata e pandemisë Covid 19. Askush nuk duhet ta sh ikojë si çështje diplomatike apo politike, por kjo është vërtetë një çështje që ka të bëjë me shëndetin publik. Por unë besoj se me fillimin e sezonit veror në fillim të korrikut, kjo çështje do të jetë pjesë e historisë”, u shpreh komisioneri europian.

Vendet e Ballkanit kanë nisur prej kohësh një proces të lehtësimit të lëvizjes së mallrave, e personave mes vendeve të tyre si dhe përpjekjet për krijimin e një tregu të përbashkët rajonal, të cilin kryeministri shqiptar Edi Rama e përkufizoi si “një projekt strategjik me përfitime të jashtëzakonshme ekonomike, sociale, por në fund fare edhe politike për të gjithë rajonin tonë dhe më vjen mirë që tanimë sinergjia e këtij vizioni me Bashkimin Europian është e plotë”.

Nga ana e tij Brukseli ka vendosur që të ofrojë një paketë afro 30 miliardë eurosh mbështetjeje për zhvillimin ekonomik të rajonit si një i tërë dhe komisioneri Varhelyi njoftoi se tanimë ky financim ka marrë aprovimin e të gjitha institucioneve europiane: “Ne kemi një marrëveshje tashmë në Bashkimin Europian për financimin e këtij plani. Kemi arritur javën e shkuar marrëveshjen me Këshillin dhe me Parlamentin Europian për programin IPA 3 siç e quajmë ne, pra fondet e para aderimit, i cili do të jetë edhe mekanizëm me anë të të cilit do të financohet ky plan. Pra, nga ana jonë jemi mëse të gatshëm të nisim me zbatimin edhe tani ne duam që partnerët tanë në Ballkanin Perëndimor të fillojnë me zbatimin e këtij plani sa më shpejtë të jetë e mundur”.

Komisioneri Varhelyi nënvizoi megjithatë se “ky plan nuk ka për të funksionuar në rast se vetë rajoni nuk funksionon si një i tërë, në rast se ne nuk kemi një treg rajonal”.

Shuma e vënë në dispozicion nga Bashkimi Europian është gati sa një e treta e Prodhimit të Brendshëm bruto e rajonit./albeu.com

The post Liderët e Ballkanit: BE të njohë certifikatat tona të vaksinimit appeared first on Albeu.com.