Ceremonia ku u luajtën himnet e Shqipërisë dhe Italisë, do të pasohet nga një takim kokë më kokë mes dy krerëve të qeverive.

Pas kësaj do të zhvillohet mbledhja mes dy qeverive dhe më pas firmosja e marrëveshjeve të bashkëpunimit.

The post Mbledhja e dy qeverive/ Nis ceremonia në Romë, Rama pritet nga Meloni appeared first on Albeu.com.

Të pranishëm janë familjarë të Fatos Nanos, mes tyre bashkëshortja e tij, Xhoana Nano, djali Sokoli dhe ish-bashkëshortja Rexhina.

Homazhet publike kanë nisur që prej orës 8:30. Ish-kryeministri Fatos Nano u nda nga jeta më 31 tetor, në moshën 73-vjeçare.

The post Xhoana Nano dhe ish-bashkëshortja Rexhina në ceremoninë e homazheve për Fatos Nanon appeared first on Albeu.com.

Mesha është caktuar të fillojë në orën 10:00.

Në këtë ceremoni, do të jenë të pranishëm personalitete fetare dhe politike nga e gjithë bota, për të shënuar nisjen e rrugëtimit të ri të Kishës Katolike nën drejtimin e Papës së sapozgjedhur.

Sot në ceremoninë e përurimit të shenjtë Papnor të Papa LEO XIV, marrin pjesë nga Shqipëria një delegacion i lartë shtetëror, i përfaqësuar nga Presidenti i Republikës Bajram Begaj dhe ministri i Jashtëm Igli Hasani.

Nga Kisha Katolike, do të jetë i pranishëm Presidenti i Konferencës Ipeshkvnore (KISH) Imzot Gjergj Meta dhe Zëvendëspresidenti i KISH, Imzot Simon Kulli dhe Imzot Arjan Dodaj.

Pjesë e delegacionit nga Kisha Ortodokse do të jenë Hirësi Nikolla, Mitropolit i Apolonisë dhe i Fierit dhe At Ignat Todri.

Nga Komuniteti Mysliman, do të jetë i pranishëm Bujar Spahiu dhe Ejup Lila.

Nga Kryegjyshata Botërore Bektashiane, do jetë i pranishëm Kryegjyshi Baba Mondi, si dhe gazetari Ferdinand Samarxhi.

Delegacionet shoqërohen nga Ambasadorja e Shqipërisë në Shtetin e Vatikanit, Znj Majlinda Frangaj.

Liturgjia do të shënojë fillimin zyrtar të shërbesës së tij si pasardhës i detyrës së lartë katolike.

The post Sot, ceremonia e përurimit të Papës Leo XIV/ Delegacioni shqiptar në Vatikan appeared first on Albeu.com.

“Shpërthimi i dashurisë që kemi dëshmuar ditët e fundit pas kalimit të tij nga kjo tokë në përjetësi, na tregon se sa papa i thellë i Papa Françeskut preku mendjet dhe zemrat.”, thotë kardinali italian në predikimin e tij.

Papa Françesku zgjodhi të ndiqte një “rrugë të vetëdhënies deri në ditën e fundit të jetës së tij tokësore”, tha Kardinali Re në predikimin në funeralin e papës së ndjerë.

“Imazhi i fundit që kemi për të, i cili do të mbetet i skalitur në kujtesën tonë, është ai i të dielës së kaluar, të dielën e Pashkëve, kur Papa Françesku, megjithë problemet e tij të rënda shëndetësore, donte të na bekonte nga ballkoni i Bazilikës së Shën Pjetrit”, tha Re.

Në paraqitjen e tij të fundit një ditë para vdekjes së tij, Françesku dha bekimin tradicional të Pashkëve nga ballkoni i Bazilikës së Shën Pjetrit përpara turmave të gëzuara.

“Më pas ai zbriti në këtë shesh për të përshëndetur turmën e madhe të mbledhur për meshën e Pashkëve, ndërsa hipi në Popemobile të hapur,” vazhdoi Re.

“Me lutjet tona, ne tani ia besojmë shpirtin e Papës sonë të dashur Zotit, që t’i japë atij lumturi të përjetshme në vështrimin e ndritshëm dhe të lavdishëm të dashurisë së tij të pamasë.”

Dhjaku Francesco Melone këndoi nga kapitulli 21, vargjet 15 deri në 19, të Ungjillit të Gjonit, i cili tregon një takim midis Jezusit dhe Pjetrit, një prej dishepujve të tij.

The post Ceremonia mortore në Vatikan/ Kardinali italian Battista: Papa Françesku zgjodhi të ndiqte një “rrugë të vetëdhënies” deri në fund appeared first on Albeu.com.

Ceremonia do të mbahet me pjesëmarrjen e delegacioneve nga Kisha Ortodokse Autoqefale, delegacione të Kishave Ortodokse Vendore, zyrtarë nga qeveritë e Shqipërisë, Greqisë dhe vendeve të tjera.

Përpara kurorëzimit do të kremtohet një Liturgji Hyjnore Hierarkike, e cila do të kremtohet nga anëtarët e Sinodit të Shenjtë të Kishës Orthodhokse Autoqefale të Shqipërisë.

Sipas Protothema.gr, qeveria greke përfaqësohet në ceremoninë nga ministri i Mbrojtjes, Nikos Dendias dhe ministrja e Arsimit, Çështjeve Fetare dhe Sporteve, Sofia Zacharaki.

Kryepeshkopi i ri i Shqipërisë, Joani, është Kryepeshkopi i dytë i Kishës Ortodokse Autoqefale të vendit, pas rënies së regjimit komunist dhe i pari kryepeshkop shqiptar që nga viti 1967.

Ai do të pasojë në këtë detyrë të lartë Kryepeshkopin Anastas, i cili ndërroi jetë në janar të këtij viti. Në testamentin e tij, Anastas shprehu dëshirën që Kisha Ortodokse Autoqefale e Shqipërisë të ketë një klerik shqiptar në krye.

Kush është kryepeshkopi i ri?

Mitropoli Imzot Joan Pelushi, ka lindur në Tiranë në 02.01.1956. Qysh në rininë e tij të hershme, në kohën më të egër të persekutimit fetar, u pagëzua fshehurazi nga prifti hero, më vonë peshkopi i Apollonisë, z. Kozma Qirio, duke u bërë pjesë e një grupi të vogël të kishës së nëndheshme.

Në vitet 1979-1990 punoi në Spitalin Psikiatrik të Tiranës, në pavionin e reabilitimit nëpërmjet terapisë okupacionale. Në vitin 1990 u largua nga Shqipëria për në USA ku kreu studimet në teologji në Universitetin “Holy Cross Greek Orthodox School of Theology” në Boston, USA, ku u diplomua me “High Distinction” në MTS (Master i Studimeve Teologjike) në vitin 1993.

Qysh në vitin 1992, i nxitur nga dëshira për të dhënë një kontribut në rindërtimin e Kishës, ai kontaktoi Kryepeshkopin Anastas dhe i parashtroi vendimin e tij për tu kthyer në Shqipëri, në një kohë kur të gjithë donin të largoheshin nga vendi.

Kjo dëshirë dhe ky vendim u prit më gëzim nga Kryepeshkopi, i cili e inkurajojë dhe e përgëzoi. Në Shtator të atij viti u kthye në Shqipëri dhe filloi të punonte si pedagog në Akademinë Teologjike të Kishës Ortodokse Autoqefale të Shqipërisë.

Në 27 Shkurt 1994 u dorëzua dhjakon dhe në 4 Dhjetor prift, duke vazhduar të jepte mësim në Akademinë Teologjike. Në 1995 shkon përsëri për të ndjekur studime të mëtejshme në Universitetin “Holy Cross Greek Orthodox School of Theology” në Boston, USA.

Për rezultate të larta në sezonin akademik 1995-1996 ishte në Listën Kombëtare të Dekanit (The National Dean’s List), ku shkruhen emrat e studentëve më të mirë të të gjithë universiteteve të Shteteve të Bashkuara të Amerikës.

Në vitin 1996 u ngrit në rangun e arkimandritit. Në vitin 1997 u diplomua përsëri me “High Distinction” në MT (Master i Teologjisë, një master i avancuar, ekuivalent me kandidat i shkencave) po në Holy Cross, Boston. U kthye në Shqipëri ku u emërua dekan i Akademisë Teologjike të Kishës Ortodokse, detyrë në të cilën qëndroi nga viti 1996 deri në 1998, deri sa u emërua Mitropolit.

Në vitin 1998 u zgjodh dhe u dorëzua peshkop, si mitropolit i Korçës, duke vazhduar të ishte përsëri pedagog në Akademinë Teologjike. Ai ka përgatitur tekstet e Dogmatikës dhe ka përkthyer shumë libra, si edhe ka botuar shumë artikuj në gazeta, revista dhe periodikë studimorë të huaj dhe të vendit. Përveç gjuhës së tij amtare shqipes, zotëron anglishten, frëngjishten italishten, greqishten dhe ka njohuri në latinishten dhe hebraishten.

Ka përkthyer disa libra teologjikë në shqip, përfshirë edhe përkthime të vështira nga etërit e kishës, si “Mbi Shpirtin e Shenjtë” të Vasilit të Madh, një libër i cili është bazë në zhvillimin e doktrinës së krishterë.

Kontributi në këto përkthime është në formimin, unifikimin dhe përcaktimin e terminologjisë filozofiko-fetare, sepse ka pasur mangësi në literaturën shqipe në këtë fushë. Kontributi i Imzot Joan Pelushit në fushën e terminologjisë është vlerësuar nga studjues të vendit dhe të huaj.

Joan Pelushi ka shkruar tekstin e parë të Dogmatikës në shqip, tekst që përdoret si botimi zyrtar i Kishës Ortodokse në Shqipëri.

Në vitin 2000 ka themeluar dhe vazhdon të drejtojë Revistën periodike “Tempulli”, që është bërë tashmë një nga revistat më serioze në fushën studimore dhe kulturore, ku marrin pjesë intelektualë, studjues dhe albanologë nga më të njohurit, si nga Shqipëria ashtu edhe nga jashtë vendit.

Ai është jo vetëm kryetari i redaksisë së revistës, por edhe një nga kontribuesit kryesor në shkrimet e saj. Gama e shkrimeve është e gjërë: në fushën e kulturës, përkthimeve, shkencës, arkeologjisë, filozofisë, teologjisë, historisë, së kritikës së artit, të figurave të shquara të vendit dhe historisë kulturore të vendit tonë, rajonit dhe më gjerë.

Ka përfaqësuar Kishën Ortodokse Autoqefale të Shqipërisë në shumë takime ndërkombëtare, si referues dhe si pjesëmarrës në grupet e hartimit të teksteve, deklaratave dhe mesazheve të ndryshëm.

Ka përfaqësuar në nivel të lartë Kishën Ortodokse Botërore në shumë grupe pune të Këshillit Botëror të Kishave dhe ishte një nga anëtarët e grupit të rëndësishëm të punës (Joint Working Group) me një mandat pesëvjeçar për hartimin e bashkëpunimit ndërmjet Këshillit Botëror të Kishave dhe Kishës Romano-Katolike.

Ka përfaqësuar, po në nivel të lartë, Kishën Ortodokse Autoqefale të Shqipërisë në konferenca dhe takime të rëndësishme ndërkombëtare, si referues dhe si përfaqësues. Përfaqësoi, gjithashtu, Kishën Ortodokse Autoqefale të Shqipërisë, gjatë pothuajse një dekade, në hartimin e dokumenteve shumë të rëndësishëm për përgatitjen e Sinodit të Madh dhe të Shenjtë, që u mbajt në qershor të vitit 2016, në Kretë.

Vazhdon të përfaqësojë me dinjitet Kishën Ortodokse Autoqefale të Shqipërisë në dialogun shumë të rëndësishëm ndërmjet Kishave Orthodhokse dhe asaj Romano-Katolike, si edhe ndërmjet Kishave Orthodokse dhe Kishave Orientale.

Është ftuar si lektor në dhjetra konferenca kombëtare dhe ndërkombëtare, duke dhënë një kontribut të madh sidomos në fushën e teologjisë, historisë dhe filozofisë.

Ftohet në shumë vende, përfshirë universitete, shkolla teologjike, seminare, takime ndërkombëtare, si të krishtera ashtu edhe ndërfetare, për leksione të ndryshme. Është nderuar me medalje dhe urdhra të ndryshëm nga nga shumë Kisha Ortodokse në botë.

Jep një kontribut të madh në jetën shoqërore dhe humanitare të qytetit të Korçës, si në fushën studimore dhe kulturore, ashtu edhe në atë humane. Ftohet shpesh për referime dhe biseda në Universitetin e Korçës dhe në shkolla të tjera të rëndësishme të qarkut.

Me inisiativën e tij është hapur një mencë për të ndihmuar çdo ditë njerëzit në nevojë, e cila funksionon prej tashmw 27 vjetësh. Kontributi i tij nuk është vetëm në fushën kulturore, shkencore dhe humanitare të qarkut të Korçës, por edhe në atë të forcimin të bashkëjetesës, të dialogut ndërfetar dhe të formimit atdhedashës.

Për këto kontribute të shquara është nderuar duke u shpallur në 23.07.2003 “Qytetar Nderi i Qarkut Korçë” me motivacionin “Për kontribut të shquar në kultivimin e tolerancës dhe mirëkuptimit fetar. Shkencëtar, botues, përkthyes i librave teologjikë në gjuhën shqipe.

Ndihmues në emancipimin dhe vëllazërimin qytetar për Qarkun e Korçës dhe më gjërë.” Në 18.08.2008 është shpallur nga Këshilli bashkiak i qytetit të Korçës “Qytetar Nderi” me motivacionin “Për merita të shquara për ringjalljen e besimit si dhe për veprat e shumta në fushën humane dhe sociale”.

Në 23.07.2018 Universiteti “Fan S. Noli” Korçë i jep titullin “Doctor Honoris Causa” me motivacionin: “Personalitet i shquar i botës shpirtërore dhe fetare, humanist i madh, përkthyes, themelues i revistës periodike “Tempulli”, duke dhënë ndihmesa të shquara në fushën e kulturës, arkeologjisë, filozofisë, teologjisë, historisë, albanologjisë etj.; bashkëpuntor i ngushtë dhe mik i Universitetit “Fan S. Noli”, me rastin e 20-vjetorit të fronëzimit të tij si Mitropolit i Korçës”.

Në 29.05.2019, Bashkia Tiranë i jep Çertifikatë Mirënjohje me motivacion: Si një vlerë me përmasa kombëtare dhe ndërkombëtare, si shembulli më model i promovimit të paqes, harmonisë dhe bashkëjetesës fetare. Respekt dhe mirënjohje pafund për tërë kontributin e tij të shquar në shërbim të komunitetit dhe njerëzve në nevojë.

Më 16 Mars 2025, Fortlumturia e Tij, Mitropoliti i Korçës, z. Joan, u zgjodh me votë unanime Kryepiskop i Tiranës, Durrësit dhe gjithë Shqipërisë, duke pasuar të ndjerin Kryepiskop Anastas.

The post Sot ceremonia e fronëzimit të Kryepeshkopit Joan, të pranishëm krerët e shtetit appeared first on Albeu.com.

Në kryeqytetin amerikan Uashington siguria është rritur ndërsa përgatitjet për ceremoninë e inaugurimit të Presidentit të zgjedhur Donald Trump, po shkojnë drejt fundit.

Të shtunën në mbrëmje zoti Trump ishte në klubin e tij të golfit në Stirling të Virxhinias, ku së bashku me bashkëshorten e tij Melania Trump panë një spektakël fishekzjarrësh.

Presidenti i zgjedhur fluturoi nga Palm Beach i Floridës të shtunën drejt Uashingtonit me një avion të Forcave Ajrore amerikane. Ai i tha rrjetit televiziv amerikan Abc se në fjalimin e tij të inaugurimit do të bënte thirrje për unitet, forcë dhe drejtësi.

Këtë të dielë, zoti Trump do të vendosë një kurorë me lule tek Varri i Ushtarit të Panjohur në Varrezat Kombëtare në Arlington, shumë pranë Uashingtonit.

Ai do të mbajë gjithashtu edhe një takim me mbështetësit e tij në Uashington.

Ndërkohë punimet për skenën brenda Kapitolit ku do të mbahet betimi i zotit Trump, janë drejt fundit. Për shkak të temperaturave tejet të ulta ceremonia e inagurimit u zhvendos në ambiente të brendshme.

Nëse ceremonia do të mbahej jashtë tek platforma e ndërtuar në atë që njihet si krahu përëndimor i Kapitolit do të vendoseshin rreth 1 mijë persona.

Tashmë në ambientët e brendshme kjo shifër do të reduktohet në rreth 600 të ftuar, që do të thotë se një pjesë e të ftuarve nuk do të mund të marrin pjesë në ceremoni.

Hera e fundit që temperaturat e ftohta zhvendosën ceremoninë në ambiente të mbyllura ishte viti 1985, kur Ronald Reagan bëri betimin për mandatin e tij të dytë.

Pas betimit, presidenti zakonisht përshkon me limuzinën e tij një nga bulevardet kryesore të Uashingtoni e më pas ndalet duke ecur në këmbë e përshendetur turmat e njerëzve, deri sa mbërrin në Shtëpinë e Bardhë./VOA

The post Kryeqyteti amerikan përgatitet për ceremoninë, Trump mban tubimin e fitores në Uashington përpara betimit appeared first on Albeu.com.

Ministria jonë e Jashtme, e ka deklaruar këtë aktivitet pranë KQZ-së, sipas detyrimit që ka çdo institucion që nga 11 janari në 11 maj, në mënyrë që asnjë të mos i përdorë postet publike për avantazhe elektorale, informon Report TV.

Por KQZ e ka kategorizuar si të “ndaluar” këtë aktivitet të ambasadorit Bushati, sepse raportimi nuk është bërë përpara 5 ditëve siç e kërkon ligji, por vetëm 3 ditë para.

Ngelet për t`u parë nëse ambasadori shqiptar në SHBA do ta respektojë apo jo këtë urdhëresë të KQZ-së.

The post Zgjedhjet e 11 majit/ KQZ ndalon ambasadorin shqiptar të shkojë tek ceremonia e inaugurimit të Donald Trump appeared first on Albeu.com.

Ceremonia ishte private dhe pa praninë e kamerave, por gjithsesi disa foto nuk kanë shpëtuar pa u shpërndarë në rrjet.

Engjëllushja ka qenë mjaft active me projektet muzikore ku prej disa vitesh interpreton së bashku me nënën e saj, artisten e mirënjohur, Shyhrete Behluli.

9

The post PAMJE nga ceremonia/ Këngëtarja e njohur shqiptare i jep fund beqarisë appeared first on Albeu.com.

Në këtë bazë ajrore taktike të NATO-s, janë instaluar stacioni i kontrollit tokësor për dronët e njohur si Blloku Taktik 2.

Baza pritet të inaugurohet sot me praninë e përfaqësuesve të NATO-s dhe autoriteteve shqiptare.

Të pranishëm në ceremoni kanë qenë kryeministri Edi Rama, presidenti Bajram Begaj dhe ministri i Mbrojtjes Niko Peleshi.

The post Nis ceremonia e përurimit të bazës ajrore të NATO-s në Kuçovë, të pranishëm Rama, Begaj dhe Peleshi appeared first on Albeu.com.

AlbEu.com ka raportuar vazhdimisht se ka dyshime të forta se Princ Leka dhe Elia Zaharia i kanë dhënë fund martesës së tyre.

Dyshime të cilat nisën që prej momentit të festës së ditëlindjes së princesësh Geraldinë, ku Leka dhe Elia e festuan në mënyra të veçanta, dhe jo si zakonisht të bashkuar.

Gjithashtu vetë pak ditë më parë AlbEu.com, raportoi se prej më shumë se 1 viti Princi Leka nuk e mban më unazën e martesës.

E si për t’i vënë “vulën”, burime bënë me dije për AlbEu.com se mbrëmjen e sotme Princ Leka ka shkuar i pashoqëruar në pritjen që Presidenti i Republikës Bajram Begaj po bën në “Pallatin e Brigadave” në nder të 111 vjetorit të shpalljes së Pavarësisë së Shqipërisë.

Këto janë thjesht disa detaje ndryshe në rrjetet sociale që kërcasin, por nga Princi dhe nga Elia ende nuk ka asnjë reagim, prandaj shpresojmë që gjithçka të jetë në rregull./albeu.com/

The post Po Elia? Princ Leka shfaqet vetëm në ceremoninë e rëndësishme appeared first on Albeu.com.