ceremonia e topit te arte Archives - Albeu.com

Ceremonia e Topit të Artë, Vinicius Junior nderohet me çmimin “Sokrates”: Do vazhdoj ta luftoj racizmin

Tau Lanti — Mon, 30 Oct 2023 20:39:19 +0000

Ka një çmim edhe për Vinicius Junior në ceremoninë e Topit të Artë që po zhvillohet në Paris. Lojtari i Real Madrid u nderua me çmimin “Sokrates”, një çmim që i jepet brazilianit për veprat jashtë fushe.

Vinicius ka financuar hapjen e një instituti në Rio De Janeiro me synimin për të ndihmuar bashkëkombasit e tij, sidomos të rinjtë.

Ky çmim është një mirënënjohje e madhe për Vinicius për atë që bën jashtë fushës së lojës teksa tashmë institucioni i brazilianit po merr gjithnjë e më shumë vëmendje edhe nga sponsorët.

“Jam shumë i lumtur për këtë çmim, që mund të ndihmoj fëmijët. Është gjithashtu një ëndërr e veçantë të jesh i rrethuar nga kaq shumë lojtarë të mëdhenj. Racizmi?

“Unë do të vazhdoj fuqishëm luftën, është një gjë shumë e trishtueshme të flasim për racizëm sot, por ne duhet të vazhdojmë në luftë në mënyrë që njerëzit të vuajnë gjithnjë e më pak”, tha Vinicius pasi mori çmimin “Sokrates”.

The post Ceremonia e Topit të Artë, Vinicius Junior nderohet me çmimin “Sokrates”: Do vazhdoj ta luftoj racizmin appeared first on Albeu.com.

Ceremonia e “Topit të Artë”, Barcelona prezanton dy yjet e saj me këngë shqip (VIDEO)

E S — Wed, 19 Oct 2022 13:25:33 +0000

Këtë vit ceremonia e “Topit të Artë” u mbajt në muajin tetor ndryshe nga vitet e tjera pasi tanimë çmimet jepen për një sezon të plotë dhe jo për një vit kalendarik.

Trofeu më i rëndësishëm padyshim që është “Topi i Artë” për meshkuj, i cili u fitua nga francezi i Real Madridit, Karim Benzema, plotësisht i merituar.

Ndërkohë që për Barcelonën pjesëmarres ishin yjet Gavi, Pedri dhe sulmuesi Robert Lewandowski, me dy prej tyre që morën nga një çmim.

Pedri i “pasoi” Gavit trofeun e lojtarit të ri më të mirë “Kopa”, ndërsa sulmuesi polak siguroi trofeun e “Gerd Muller” si golashënuesi më i mirë i sezonit.

Pas ceremonisë, klubi i Barcelonës prezantoi dy fituesit me një video në Tik Tok ku shkruante: “Sa shumë talent mes të dyve”.

Ajo që ra në sy për shqiptarët ishte pikërisht kënga me të cilën shoqërohej video, e cila është “Habibi (Albanian Remix)” e Dj Gimi-O, Ricky Rich dhe Dardan, një këngë shqiptare e cila është bërë virale./albeu.com

@fcbarcelona ✨ so much talent between the two #fcbarcelona #barça #barçaontiktok #football #gavi #lewandowski #ballondor #tiktokdeportes ♬ Habibi Albanian Remix – ⠀ ⠀ ⠀

The post Ceremonia e “Topit të Artë”, Barcelona prezanton dy yjet e saj me këngë shqip (VIDEO) appeared first on Albeu.com.

Florentino Perez puth Zidane, por injoron Mbappen

admin — Tue, 18 Oct 2022 08:10:55 +0000

Topi i Artë ka qenë i mbushur me takime shumëtë veçanta që kanë ndodhur në korridoret dhe tezgat e teatrit “Chatelet”.

Takimi që ra më shumë në sy ishte ai i Florentino Perez, presidentit të Realit dhe Zidane, ish-trajnerit. Por nuk mund të lihet pas ftohtësia që ka treguar Perez ndaj Kylian Mbappe. Në merkaton e verës, Florentino Perez po bënte gjithçka për të sjellë francezin në Madrid dhe në momentin që transferimi ishte shumë afër, Mbappe refuzoi Realin për milionat e ofruara nga presidenti i PSG-së.

Ata kanë qenë për të paktën dy orë në një ambient të përbashkët, por nuk kanë shkëmbyer pothuajse asnjë shikim.

Nga ana tjetër, Florentino Perez përqafoi dhe puthi me dashuri të madhe Zidanin. Ishte një përshëndetje e përzemërt mes të dyve, ku Perez tregoi edhe një herë dashurinë e madhe për Zidane, një nga trajnerët dhe lojtarët më të suksesshëm të Real Madrid./h.ll/albeu.com

The post Florentino Perez puth Zidane, por injoron Mbappen appeared first on Albeu.com.