Dhe siç është konfirmuar për Klix.ba, përcjell Telegrafi, arsyeja e mungesës së tyre ishte prania e delegacioneve nga konferenca A-5, konkretisht përfaqësuesve të Kosovës.

Sipas mediumit në fjalë, Shefi i Shtabit të Përbashkët Gojko Knezheviq, si dhe zëvendësministri i Mbrojtjes, Aleksandar Goganoviq, nuk morën pjesë në ceremoni.
Në pjesën zyrtare të programit, ministri i Mbrojtjes i Bosnjë e Hercegovinës, Zukan Helez ka thënë se “20 vitet e ekzistencës së Forcave të Armatosura të Bosnjës dhe Hercegovinës përfaqësojnë shembullin më të mirë të reformave të suksesshme pas Dejtonit dhe provën se një shtet i përbashkët mund të funksionojë kur forcimi i institucioneve është një qëllim i përbashkët”.

“Kjo është një histori për guximin, përgjegjësinë dhe besimin në një të ardhme të përbashkët”, ka thënë Helez, duke falënderuar selinë e NATO-s në Sarajevë, EUFOR-in dhe partnerët ndërkombëtarë për mbështetjen e tyre në modernizimin dhe zhvillimin e Forcave të Armatosura të Bosnjës dhe Hercegovinës.

Ndërsa Denis Beçiroviq, anëtar i Presidencës së Bosnjës dhe Hercegovinës, iu drejtua të pranishmëve dhe theksoi se zhvillimi dy-dekadësh i Forcave të Armatosura ndërtoi besueshmërinë e tyre si brenda vendit ashtu edhe në skenën ndërkombëtare.

The post Oficerët serbë bojkotuan një ceremoni të Forcave të Armatosura të Bosnjës – për shkak të përfaqësuesve nga Kosova appeared first on Albeu.com.

Në Selinë e Shenjtë të Kryegjyshatës Botërore Bektashiane në Tiranë, nga ora 10:00 deri në 11:30, nën drejtimin e Kryegjyshit Botëror, Haxhi Dede Baba Edmond Brahimaj, do të zhvillohet ceremonia përkujtimore e Ashures.

Në këtë ditë të shenjtë, Kryegjyshi ndan një mesazh të fuqishëm për unitetin dhe bashkimin e besimtarëve.

Kryegjyshata fton të gjithë besimtarët dhe dashamirësit, të bashkohen në këtë moment reflektues dhe shpirtëror.

The post Besimtarët Bektashinj festojnë Ditën e Ashures me ceremoni të veçantë në Kryegjyshatën Botërore në Tiranë appeared first on Albeu.com.

Kreu i Shtetit, pati edhe një takim me Papa Leoni XIV, të cilit i shprehu urimet më të përzemërta me rastin e zgjedhjes At i Shenjtë dhe Peshkop i Kishës Katolike Romake.

Gjithashtu, Presidenti i Republikës përgëzoi Atin e Shenjtë, për misionin e tij në ruajtjen e paqes dhe ndërtimin e urave të dialogut në një botë të mbushur me sfida dhe pasiguri.

Presidenti Begaj, theksoi se udhëheqja e tij shpirtërore përfaqëson një zë që jep shpresë, dhembshuri dhe unitet ndërmjet njerëzve.

Shqipëria është model i bashkëjetesës fetare, ku toleranca, respekti dhe harmonia midis feve të ndryshme janë vlera të rrënjosura thellë dhe trashëgimi e çmuar ndër breza.

Në këtë ceremoni Presidenti u shoqërua nga Ministri për Evropën dhe Punët e Jashtme, Igli Hasani dhe Ambasadorja e Shqipërisë pranë Selisë së Shenjtë, Majlinda Frangaj.

The post Presidenti Begaj takon në Vatikan Papa Leoni XIV pas ceremonisë së inagurimit appeared first on Albeu.com.

Ashtu siç ndodhi edhe në mandatin e parë të Trump, komunikimi i çiftit si dhe gjuha e trupit të tyre ishin nën vëzhgimin e mediave.

Dialogu mes çiftit presidencial teksa vallëzonte, bëri kuriozë jo pak njerëz në SHBA dhe në botë, ku tashmë disa ekspertë për leximin e buzëve, kanë dhënë versionet e tyre.

Duke folur për Mirror, eksperti i leximit të buzëve, Jeremy Freeman, pretendon se ka deshifruar bisedën e tyre.

“Sot është një ditë që nuk do ta harrojmë kurrë”, i pëshpëriti fillimisht Melania në vesh Trump, sipas Freeman.

“Ke të drejtë, do mësoj, do luftoj”, thuhet se i është përgjigjur presidenti republikan, ndërsa gruaja e tij i ka thënë: “Unë jam këtu për ty”.

The post Vallëzimi i parë i Trump dhe Melanias pas rikthimit në Shtëpinë e Bardhë, ekspertët zbulojnë bisedën e çiftit presidencial appeared first on Albeu.com.

Seriali i shekullit të 17-të “Shogun” ka bërë historinë si seriali i parë në gjuhën jo anglisht që fitoi për dramën më të mirë. Seriali u nominua për 25 çmime, ndërsa Sanada mori çmimin e aktorit më të mirë.

“Ishte një projekt i ëndrrës sime. Shogun më mësoi se kur njerëzit punojnë së bashku ne mund të bëjmë mrekulli,” –u shprhe Sanada.

Liza Colón-Zayas nga drama “The Bear” fitoi aktoren më të mirë dytësore në një serial komedi ndërsa në fjalimin e saj përmendi dhe zgjedhjet e ardhshme presidenciale të SHBA-së.

“Për të gjithë latinët që më shikojnë, vazhdoni të besoni dhe të votoni. Votoni për të drejtat tuaja,” –tha Colón-Zayas.

Ndërsa filma të tjerë që morën çmime ishte seriali komedi HBO Max “Hacks” dhe komedia e errët e Netflix “Baby Reindeer”.

The post Emmy Awards ’24, “Shogun” triumfon në ceremoninë e këtij viti appeared first on Albeu.com.

Gjatë vizitës, pritet që kreu i qeverisë shqiptare të zhvillojë një sërë takimesh të përqëndruara, kryesisht në promovimin e potencialeve dhe klimës pozitive që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve në fushën e teknologjisë dhe inovacionit.

Axhenda e ditës së sotme:

Në orën 8.30, Kryeministri Rama do të zhvillojë një mëngjes pune me Unionin e Sipërmarrësve të Francës MEDEF, nën drejtimin e z. Jean-Paul Agon, president i grupit L’Oréal dhe i komitetit Francë-Shqipëri në MEDEF, me pjesëmarrjen e 35 përfaqësuesve të kompanive prestigjoze franceze, si dhe të ftuar të tjerë nga bota e biznesit.

Gjatë takimit do të prezantohen disa nga fushat prioritare për investime në Shqipëri, me interes të ndërsjellë për të dy vendet dhe më pas kryeministri Rama do të zhvillojë takime individuale me drejtues të sipërmarrjeve pjesëmarrëse.

Në orën 12.30, do të zhvillohet ceremonia zyrtare e mirëseardhjes, e më pas në orën 13.00, Kryeministri Rama do të mbërrijë në Pallatin Elysee, ku do të mikpritet nga Presidenti francez Emmanuel Macron me të cilin do të mbajnë edhe një deklaratë për shtyp.

Më pas, në praninë e Kryeministrit Edi Rama dhe Presidentit francez Macron, do të nënshkruhen disa marrëveshje ndërqeveritare dhe memorandume mirëkuptimi mes vendeve.

Në orën 14.45, Kryeministri Edi Rama dhe Presidenti Francez Macron, do të zhvillojnë një takim kokë më kokë mes tyre.

Në orën 16.00 me vizitën dhe takimet në STATION F, inkubatori më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, ku do të marrë pjesë edhe Sekretarja franceze e Shtetit për Industrinë Numerike, përfaqësues të ministrive franceze të Jashtme dhe të Ekonomisë, si edhe operatorë të ndryshëm franceze e shqiptarë në fushën e inovacionit.

Së bashku me Kryeministrin Rama pjesë e delegacionit qeveritar do të jenë Ministrja e Arsimit dhe Sportit Ogerta Manastirliu, Ministrja e Turizmit dhe Mjedisit Mirela Kumbaro, Ministri i Ekonomisë, Kulturës dhe Inovacionit Blendi Gonxhe, Ministri i Shtetit për Pushtetin Vendor Arbjan Mazniku, si dhe Ministrja e Shtetit për Administratën Publike dhe Antikorrupsionin Adea Pirdeni.

The post Kryeministri Rama në Francë, pritet me ceremoni nga Emmanuel Macron, çfarë përmban axhenda e sotme appeared first on Albeu.com.

Një turmë trazirash palestineze i theri dhe i rrahu ushtarët për vdekje para se të shqyenin organet e tyre – përfshirë zemrën – dhe të pozonin për një foto me duar të gjakosura përpara një turme entuziaste. Fotoja shpejt u bë një simbol i dhunës gjatë Intifadës së Dytë, shkruan DailyMail.

Disa yje vendosën këto pulla në ceremoninë e çmimeve “Oscars 2024”, të mbajtur në Teatrin “Dolby” në Los Angeles, duke përfaqësuar lëvizjen “Artists4Ceasefire”, një grup që avokon për një “armëpushim” në Gaza. Ndër yjet që vendosën pullat ishin Billie Eilish dhe vëllai i saj Finneas, Cord Jefferson, Mark Ruffalo, Ava DuVernay, Ramy Youssef dhe Quannah Chasinghorse.

“Pullat simbolizojnë mbështetje kolektive për një armëpushim të menjëhershëm dhe të përhershëm, lirimin e të gjithë pengjeve dhe për dorëzimin urgjent të ndihmës humanitare për civilët në Gaza”, tha grupi në një deklaratë.

Noa Tishby dhe Yoseph Haddad, avokatë të shquar për Izraelin, kanë kritikuar yjet që mbajtën pulla të kuqe të “Artists4Ceasefire” në “Oscars”. Tishby dhe Haddad janë përfshirë aktivisht në përpjekje ndërkombëtare avokuese, duke diskutuar konfliktin izraelito-palestinez me politikanë, studentë dhe publikun. Sipas Haddad, kjo lëvizje u shfaq si përgjigje ndaj pullave të verdha që avokojnë për lirimin e pengjeve izraelitë, sipas Jerusalem Post.

The post Izraeli kritikon yjet e “Oscars 2024” që u shfaqën në ceremoni me simbolikën që bën thirrje për armëpushim në Gaza appeared first on Albeu.com.

Vlora mikpriti, siç e do tradita, qindra qytetarë, në ceremonialin shtetëror të ngritjes së Flamurit, nën tingujt e himnit kombëtar dhe me praninë e personaliteteve më të larta politike të Shqipërisë dhe Kosovës, të cilët nderuan aktin e lartë kombëtar të shpalljes së pavarësisë.

Kryeministri Edi Rama, vendosi një kurorë me lule dhe u përkul me respekt pranë monumentit simbol të kurorëzimit të përpjekjeve shekullore për liri e pavarësi, si homazh në këtë ditë të rëndësishme kujtese mbarëkombëtare.

Më 28 Nëntor 1912, Ismail Qemali ngriti flamurin në Vlorë duke shpallur Shqipërinë shtet sovran dhe të pavarur./albeu.com

The post Ceremoni zyrtare për 111-vjetorin e Pavarësisë, Rama dhe Kurti bashkë në Vlorë appeared first on Albeu.com.

Jeane Trend-Hill, thotë se deri më tani ka marrë pjesë në të paktën 200 funerale të njerëzve që nuk i njeh. Pasi u bë një vizitore e rregullt në varrezat e saj lokale, punëtorët më pas i kërkuan Jeane të merrte pjesë në funeralet e të ndjerit që nuk kishin familje për ta shoqëruar në banesën e tij të fundit.

Tani asaj i është kthyer në një punë, pasi kontaktohet herë pas here për të arrë pjesë në ceremoni mortore, ku të ndjerët nuk kanë familjarë që t’i shoqërojnë.

“Unë jam krenar që jam person që shkon në funeralet e të huajve kur nuk ka njeri tjetër që mund të marrë pjesë”, thotë ajo.

The post “Më magjepsnin funeralet”, 55-vjeçarja: Kam marrë pjesë në 200 varrime appeared first on Albeu.com.

Zona është mbyllur për vizitorët dhe turistët për punimet dhe mund të shihet një skenë, ekrane gjigante video dhe tabela të cilat lexojnë, “Donestsk, Luhansk, Zaporizhzhia, Kherson – Rusi”, duke deklaruar përfshirjen e rajoneve në territorin rus.

Në Sheshin e Kuq është planifikuar edhe një koncert pop.

Zëdhënësi i Vladmir Putinit, Dmitry Peskov ka thënë se presidenti rus do të nënshkruajë dokumentet e anëtarësimit në një sallë të zbukuruar të Kremlinit, do të mbajë një fjalim dhe do të takohet me krerët e Republikës Popullore të Donetskut dhe të Republikës Popullore të Luhanskut të vetëquajtur nga Rusia, si dhe liderët e instaluar nga Rusia, të pjesëve të Khersonit dhe Zaporizhzhisë që pushtojnë forcat ruse.

Peskov nuk tha nëse Putin do të marrë pjesë në festimin e Sheshit të Kuq, pasi ai bëri një event të ngjashme në vitin 2014 pasi Rusia shpalli se kishte aneksuar rajonin e Krimesë të Ukrainës, megjithatë, lideri rus pritet gjerësisht të jetë atje.

Pas njoftimit se Rusia do të aneksojë zyrtarisht 4 rajonet e pushtuara ukrainas, presidenti i SHBA-ve, Jie Biden ka dalë sërish me një reagim, duke kritikuar  “të ashtuquajturin referendum” të Rusisë.

Biden tha se rezultatet e “referendumeve” të Rusisë “janë prodhuar në Moskë”.

Ai shtoi se “Shtetet e Bashkuara kurrë, kurrë, kurrë nuk do të njohin pretendimet e Rusisë mbi territorin sovran të Ukrainës”.

SHBA dhe aleatët e saj kanë premtuar të miratojnë edhe më shumë sanksione sesa kanë vendosur tashmë kundër Rusisë dhe të ofrojnë miliona dollarë në mbështetje shtesë për Ukrainën.

Një reagim ka ardhur dhe nga presidenti ukrainas, Volodymyr Zelensky, i cili u ka bërë thirrje qytetarëve rusë që jetojnë në Rusi që të ndalojnë presidentin e tyre Vladimir Putin.

“Do të duhet të ndaloni atë (Putinin) në Rusi që do luftën më shumë se jetën, jetën tuaj”, tha presidenti ukrainas.

Banorët kanë marrë pjesë në një votim që zyrtarët e instaluar nga Rusia po e thërrasin një referendum, por që është dënuar gjerësisht nga qeveritë perëndimore./albeu.com

The post Moska përgatitet për ceremoninë e aneksimit, Biden thotë se SHBA kurrë nuk do t’i njohë referendumet, ndërsa Zelensky del me një thirrje për rusët appeared first on Albeu.com.