Për këtë arsye, Bashkia e Tiranës ka vendosur të shtyjë afatin e aplikimeve deri më 30 qershor 2025, duke ofruar një zgjidhje fizike për prindërit që nuk arritën të përfundojnë procesin në datat 2–20 qershor.

Në një njoftim zyrtar, Bashkia bën me dije se qytetarët mund të paraqiten për aplikim fizik në Drejtorinë e Përgjithshme të Çerdheve dhe Kopshteve, me adresë në Rrugën “Barrikadave”, në datat 25, 26, 27 dhe 30 qershor.

Prindërit mund të kryejnë:

Regjistrimin e fëmijëve në çerdhe dhe kopshte publike

Kalimin e fëmijëve nga çerdhja në kopsht

Në njoftim theksohet se kriteret dhe dokumentacioni i nevojshëm janë të njëjtat dhe mund të konsultohen në materialin bashkëngjitur.

The post Sulmi kibernetik ndaj faqes së Bashkisë së Tiranës, shtyhet afati për regjistrimin në çerdhe, aplikimet do të lejohen deri në … appeared first on Albeu.com.

Belind Këlliçi: “Jemi këtu para një skeme krimi ku ditën e sotme reyh orës 17.00 pasdite kemi marrë sinjalizim se kjo, u provua si e tillë ishte një zyrë elektorale e palosura dhe e padeklaruar e PS.

Kemi marrë një reportim që në këtë ambient kryhej krim elektoral krim zgjedhor duke dhënë para në këmbim të votave dhe duke qenë se e kemi marrë këtë indicje kemi ardhur personalisht kanë ardhur edhe simpatizantë të PD për të bërë këqyrjen e në ven për të parë a kishte njerëz apo jo.

Në momentin e parë që kanë mbërritur, ka qenë dhe gazetarje, zonja Ambrozia Meta që ka asistura live pamte pasi dera ka qene e hapur dhe brenda kanë qenë punonjës të shtetit deri, deri tani kemi identifikuar tre prej tyre…”

Ndiqni LIVE rezultatin e zgjedhjeve për çdo kuti!

https://albeu.com/zgjedhjet2025.php

The post Çerdhja e patronazhistëve në Tiranë, Këlliçi: Këtu është një skenë krimi, jepeshin para në këmbim të votave appeared first on Albeu.com.

Pasi e nisin ditën e tyre me një shoqëruese “lozonjare” të krijuar nga Inteligjenca Artificiale, fëmijët ndjekin disa orë mësimi në klasa si dhe kryejnë aktivitete në qendrën ‘FRIENDLY EARLY CHILDHOOD CENTER’. Teknologjia e avancuar përdoret për të zbuluar edhe pak nga bota e vogëlushëve.
Drejtoresha Ekzekutive e ‘Çerdhes Miqësore’, Ekaterina al-Bakri, thotë se është me rëndësi mbajtja e një ekuilibri midis arsimit klasik dhe teknologjisë së përparuar.

“Qendra jonë shkon përtej bazave tradicionale. Ne ndërthurëm arsimin klasik me Inteligjencën Artificiale dhe teknologjinë e lartë duke zbatuar mjetet ndërvepruese si tavolina interaktive me rërë, si tavolina inteligjente, qen robotikë, që kemi në recepsionin tonë të cilët përshëndesin në hyrje fëmijët me prindërit e tyre.”

Duke përdorur tabela të bardha interaktive, investimi i çerdhes në makina të tilla të teknologjisë së lartë nuk ka një çmim të lirë, pasi tarifa vjetore arrin  21,780 USD.

“E dinim që investimi për të pasur një çerdhe të tillë do të ishte i madh, por ne nuk u ndalëm. Donim t’i tregonim jo vetëm Emirateve te Bashkuara Arabe, por edhe botës që kemi ngritur çerdhe si këto. Po, ne kemi një tarifë premium, ndoshta është pak më e lartë se zakonisht, por është miratuar nga ministria.”

Ndërsa më shumë institucione arsimore fillojnë të udhëheqin rrugën në formësimin e së ardhmes së arsimit dhe në ndërveprimin e teknologjisë së Open AI pedagogu i vjetër në inxhinierinë e softuerit në Universitetin e Boltonit, Renuka Nyayadhish shprehet se është përshtatur me sukses kjo risi, por prindërit, mësuesit dhe nxënësit duhet të punojnë së bashku.

“Pra, ndërsa kalojmë nga shkumësi në tablet në teknologjinë tjetër të AI, dhe për ta përdorur atë në mënyrë efektive duhet që ekipi i prindërve, mësuesve dhe nxënësve, të punojnë së bashku. Ata duhet të përshtasin AI në mënyrë efektive pa humbur asnjë aktivitet fizik, kështu që do të jetë e dobishme. Mjetet dhe pajisjet interaktive janë vetëm për të mësuar përmes lojës. Në këtë mënyrë fëmijët e kuptojnë edhe ndarjen mes edukimit klasik dhe atij nëpërmjet tekonologjisë.“

Sipas drejtuesve të çerdhes vogëlushët mësojnë matematikën, kaligrafinë, gjuhët, shkencën.

The post Një çerdhe në Dubai përdor Inteligjencën Artificiale për zhvillimin e vogëlushëve appeared first on Albeu.com.

Xhixho: Përtej propagandës së dalë boje të kryetarit të Bashkisë së Tiranës, vlen të themi disa vërteta për sistemin arsimor në Tiranë. Në fillim të këtij viti shkollor, Bashkia e Tiranës nuk ka siguruar infrastrukturën për pjesën dërrmuese të fëmijëve të arsimit parashkollor. 80% e fëmijëve në moshë çerdheje dhe kopshti në Bashkinë e Tiranës, nuk gjejnë dot një vend në strukturat publike. Prindërit janë të detyruar t’u drejtohen kopshteve private.

Sistemi publik mund të përballojë vetëm 20% të nevojave potenciale ose, e thënë ndryshe, nëse të gjithë fëmijët e kësaj moshe do të kërkonin strehim në njësitë publike, vetëm 1 në 5 vogëlushë do të pranohej. Jemi në këtë gjendje plot 8 vjet pasi Bashkia e Tiranës nisi aplikimin e taksës së përkohshme të ndikimit në infrastrukturë, e cila qëllim parësor kishte ndërtimin e objekteve të reja arsimore, dhe jo thjeshtë rikonstruksion dhe propagadohet, pasi sot Tirana ka nevojë emergjente për shkolla, kopshte e çerdhe të reja.

Në 8 vite, bashkia ka arkëtuar 66.1 milion euro nga kjo taksë, por ku kanë shkuar këto para?  Ndërkohe qytetarët në Astir, te kodra e liqenit apo te Fresku paguajnë çdo vit taksën arsimore, sikundër dhe bizneset, po shkolla në këto zona nuk ka. Me paratë e kësaj takse është abuzuar dhe abuzohet çdo ditë.

Në vend që të shkojnë për infrastrukturën arsimore, për të garantuar sistemin e ngrohjes në dimër, apo laboratorë dhe mjete mësimore bashkëkohore, me çfarë po ndodh ne Bashkine e Tiranës , për drejtuesit e saj është bërë normë që paratë të përfundojnë në xhepat e drejtorëve.

Rasti më skandaloz i këtij abuzimi është shkolla Edit Durham, ose shkolla « 11 janari » për brezin tim që ka dal nga ajo shkollë me një histori dhe traditë shumë të rëndësishme për qytetin, e cila do të shembet për t’u rindërtuar me një kosto prej 494 milionë lekësh.

Paradoksi është se shkolla e re, nuk do të ketë kapacitet më të madh, por do të presë më pak nxënës sesa pret aktualisht, duke mos zgjidhur hallin e shumë familjeve të mësimit me dy turne. Nga 1324 nxënës që ka sot, kjo shkollë do të tkurret në 1188 nxënës, pra 136 nxënës do të detyrohen të gjejnë një shkollë tjetër, pas ndërtimit të shkollës së re.

Nuk ka hapësira për shkolla, për çerdhe, për kopshte, biles tani do paguajmë qera marramendëse për ambientet e kopshteve, sepse ky qytet nuk është projektuar për të pasur prioritet fëmijët, afërsinë e shkollave me shtëpinë, transportin publik funksional , por këtu mendohet çdo ditë si vidhet e grabitet, me skema si ajo e inceneratorëve apo drejtorëve 5 D.

Si të kthehet Tirana në lavatriçe të pastrimit të parave, ku 55 mijë apartamente janë bosh, ndërkohë që një çifti të ri i duhen 60 vjet që të blejë një apartament në periferi të Tiranës.  Kjo është Tirana që nuk mendon për të krijuar mundësi për të gjithë por vetëm për një grusht njerëzish, klientë të Erjon Veliajt.

 Nga grupi i strukturuar kriminal që drejton sot Bashkinë e Tiranës, nuk mund të presim që të kenë prioritet arsimin, pasi prioritet për ta është grabitja e prones publike për ta vënë shërbim të klientëve ,ndërtimi të kullave dhe ndëertimi i një qyteteti të pajetueshëm sidomos për fëmijët. Vetëm në korrik nga Këshilli Kombëtar i Rregullimit të Territorit të Shqipërisë e drejtuar nga Edi Rama, u dhanë 11 leje për kulla, po 0 ndërtime të reja për shkolla, kopshe e çerdhe.

Këto janë disa prej fakteve që dëshmojnë se për Bashkinë e Hajdutëve të Tiranës, rëndësi ka vetëm çfarë fitojnë krerët e saj, e jo shërbimi ndaj qytetarëve. Përballë kësaj gjendje  duhet që qytetarët e Tiranës të ngrihen, e ti dalin zot vetes së tyre , familjes dhe qytetit të tyre.

The post Xhixho: 80% e fëmijëve në Tiranë, nuk gjejnë dot një vend në çerdhe e kopshte. Ku janë 66.1 mln euro? appeared first on Albeu.com.

Një 50-vjeçar ka ndërruar jetë teksa çonte në çerdhe fëmijën, teksa dyshimet paraprake janë se shkaku ishte një arrest kardiak.

NGJARJA
Më datë 06.12.2023, në afërsi të “21 Dhjetorit”, duke dërguar fëmijën në çerdhe, ka ndërruar jetë, dyshohet si pasojë e një arresti kardiak, shtetasi D. S., 50 vjeç.

Grupi hetimor po punon për sqarimin e rrethanave të ngjarjes.

The post Po çonte fëmijën në çerdhe, ndërron jetë 50-vjeçari në Tiranë appeared first on Albeu.com.

Guvernatori i Kievit raporton se ka viktima në vendngjarje dhe fëmijët ndodheshin në çerdhe në momentin e përplasjes.

Ndihmësi presidencial Kyrylo Tymoshenko ka thënë se ekuipazhet e emergjencës janë në vendngjarje dhe po bëhen kontrolle për viktimat.

“Ne po zbulojmë informacione për viktimat dhe rrethanat”, shkroi Tymoshenko në aplikacionin e mesazheve Telegram.

The post Rrëzohet avioni në qytetin pranë Kievit, ngjarja afër me një çerdhe ku kishte fëmijë appeared first on Albeu.com.

Policia filloi hetimet pasi Ofsted vizitoi çerdhen në Dudley, West Midlands, pas vdekjes së 1-vjeçarit.

Tri gra të moshës 20, 23 dhe 50 vjeç u arrestuan muajin e kaluar nën dyshimin për vrasje të rëndë nga pakujdesia.

Ata janë liruar me kusht, ndërsa hetimet e policisë vazhdojnë.

Tri gra të tjera të moshës 51, 53 dhe 37 vjeç janë arrestuar dje nga oficerët.

Dy u arrestuan me dyshimin për vrasje dhe një me dyshimin për vrasje të rëndë nga pakujdesia.

Policia konfirmoi se vdekja e djalit po trajtohet si e dyshimtë, shkruan The Sun. 

Çerdhja është mbyllur nga Ofsted që nga tragjedia.

Policia e West Midlands tha: “Ne po e trajtojmë vdekjen e një djali një vjeçar më 9 dhjetor në një çerdhe Dudley si të dyshimtë dhe një hetim është duke u zhvilluar.”/Albeu.com.

The post 1-vjeçari vdes në çerdhe, arrestohen 6 gra appeared first on Albeu.com.

Personi i armatosur është ende i lirë pas sulmit në Nong Bua Lamphu, në veri-lindje të vendit.

Policia thotë se mes viktimave ka fëmijë dhe të rritur.

Sulmuesi qëlloi dhe goditi me thikë fëmijë dhe të rritur dhe tani është në arrati, tha policia. Motivi i sulmit është i paqartë.

Raportet në Tajlandë thonë se oficeri ishte shkarkuar së fundmi.

Policia thotë se ai u pa për herë të fundit duke ngarë një kamion të bardhë Toyota me katër dyer, me targa regjistrimi të Bangkok.

Një oficer i lartë i policisë në provincën Nong Bua Lamphu tha se 23 fëmijë ishin në mesin e viktimave, raporton agjencia e lajmeve AFP.

Të shtënat masive në Tajlandë janë të rralla. Në vitin 2020, një ushtar vrau 21 persona dhe plagosi dhjetëra të tjerë në qytetin Nakhon Ratchasima.

Mass #shooting at a #childcare centre in #Thailand’s northeastern province of Nong Bua Lam Phu. Initial reports indicate 38 people killed, mostly children.
Police have named a suspect, a 34-year Ex police officer.
He’s still on the run. #กราดยิง #กราดยิงหนองบัวลำภู pic.twitter.com/dfsfqebTUk

— Chaudhary Parvez (@ChaudharyParvez) October 6, 2022

The post Tragjedi në Tajlandë, ish-oficeri i policisë vret me armë 31 fëmijë në një çerdhe (VIDEO) appeared first on Albeu.com.

Fëmija në moment pushtohet nga dyshimi, frika, trishtimi dhe inati. Gjëja e parë që mendon fëmija, është që nëna nuk e do më dhe do të shpëtojë nga fëmija. Veprimi i duhur është, që nëna me qetësi, duhet të largohet duke e përshëndetur fëmijën dhe të mos influencohet nga sjellja e saj apo e tij, pra të qarat e fëmijës. Kur nëna ikën e sigurt dhe e qetë duke e përshëndetur fëmijën, kjo sjellje e nënës është sjellje siguruese për fëmijën, natyrisht jo në çast, por i lë të kuptojë që nëna e beson personin që e ka marrë në krahë. I tregon se në vëndin që e ka sjellë dhe do të kalojë disa orë të ditës, ështëi i sigurt dhe nuk ka përse të trembet. Nëna apo babai duhet të kenë kujdes që të shkojnë ta marrë fëmijën në orën që i kanë premtuar fëmijës.

E qara e fëmijës ka disa arsye. Një shkak i të qarit mund të jetë se nuk do të rrijë vetëm pa nënën dhe kur qan e di që nëna vjen dhe rri me të. Një shkak tjetër, mund të jetë kur e qara është kthyer në sjellje, fëmija i arrin gjërat pasi qan fort. Dhe një shkak i tretë, e qara është forma më e mirë për të demostruar vuajtjen e vet dhe nuk është e dëmshme siç e mendoni. Më mirë ta tregojë vuajtjen dhe edukatorja pranë fëmijës ta ngushëllojë duke i dhënë të drejtë që është i/e mërzitur. Dhe do të ishte shumë mirë ti thoshte, se nuk ka trimëri më të madhe se të përballosh ndarjen nga mami kur vjen në kopsht. Qëndrimi i edukatores në këto raste është shumë i rëndësishëm, ajo ose e qetëson fëmijën dhe i shton besimin te nëna ose e trëmb dhe e nënshtron fëmijën. Lira Gjika.

The post Është traumatike për të vegjlit, Lira Gjika kritikon veprimin e prindërve kur çojnë fëmijët në çerdhe dhe kopësht appeared first on Albeu.com.

Këtë herë dhe këshilla e Lir Gjikës është pikërisht kjo, se si duhet të silleni kur fëmijët kthehen nga kopshti apo shkolla:

“Shpesh dëgjoj prindër që i drejtohen fëmijëve kur i takojnë: “a hëngre” ose “u ngope”, sikur fëmija është çuar në kopësht, vetëm për të ngrënë dhe jo për të mësuar.

Këto pyetje janë si ajo thika me dy presa, që bën vetëm dëm. Natyrisht. që fëmija duhet pyetur edhe për ushqimin, por jo që në fillim dhe në një mënyrë kaq të përgjithshme dhe sidomos pa kujdes për fjalët e përdorura.

Mund ta pyesni pasi keni marë informacionin për gjërat e reja që ka mësuar.

Pyeteni fëmijën: “të pëlqeu”?! apo “e shijove”?! “ishte një ushqim i ri”?! dhe jo “a hëngre”?, apo “u ngope”?

Nëse një prind e pyet fëmijën “a hëngre” apo “u ngope” kur kthehet nga kopështi apo festa, i demostron fëmijës, se ato që ka mësuar apo shijuar, nuk i interesojnë.

I tregon se e ka çuar në atë vend sepse, në shtëpi nuk i ka ato ushqime.

Prindër! Kini kujdes kur flisni me fëmijën, njerëzorja nuk është një gjë e lindur si instikti i të ngrënës, ajo mësohet dhe kërkon shumë kujdes, shumë vëmëndje dhe mbi të gjitha, kujdes për fjalët që përdorni.

Fjalët “hëngre”, “u ngope” ushqejnë dhe mbajnë gjallë mekanizmat bazikë “të urisë” dhe frikës se nuk do të ketë më.

Ndërsa kur përdoren fjalët apo shprehjet: “u kënaqe”, “të pëlqeu” “çfarë shije kishte”, vihen në punë kurioziteti, kujtesa, rijetimi i shijes apo situatës dhe shmangen strukturat psikoemocionale të mbijetesës”, shkruan Lira Gjika.

The post Lira Gjika: Gabimi që të gjithë prindërit bëjnë kur marrin fëmijët nga kopështi ose çerdhja appeared first on Albeu.com.