Kievi ka akuzuar Moskën për sulme të përsëritura në termocentralin bërthamor Zaporizhzhia në Ukrainën jugore, me sulmet e fundit që ndodhin këtë fundjavë, ndërsa në një adresim përmes videos, Zelenskyy u kërkoi anëtarëve të NATO-s të veprojnë.

“Të gjitha kombet janë të interesuara që të mos kenë ndonjë incident të rrezikshëm në objektet tona bërthamore”, tha ai, ndërsa shtoi se të gjithë kanë nevojë për mbrojtje të garantuar nga sabotimi rus në objektet bërthamore.

The post “Kemi nevojë për mbrojtje”, Zelenskyy i kërkon NATO-s të ndihmojë në mbrojtjen e centraleve bërthamore appeared first on Albeu.com.

Planet e Gjermanisë kanë qenë që të ndalë punimet në të tria centralet – Isar 2, Neckarwestheim 2 dhe Emsland – në fund të këtij viti.

Gjermania siguron 6 për qind të energjisë elektrike përmes këtyre centraleve.

Vendimi për mbylljen e tyre është marrë nga ish-kancelarja gjermane, Angela Merkel, pas katastrofës bërthamore në Fukushima më 2011.

Mirëpo tani çmimet e gazit janë rritur dukshëm prej nisjes së luftës në Ukrainë.

Rusia ka zvogëluar në sasi të konsiderueshme eksportet e naftës dhe gazit drejt Bashkimit Evropian.

Perëndimi beson se Rusia është duke përdorur energjinë si armë, pas vënies së sanksioneve të ashpra ndaj Moskës, për nisje të luftës.

Meqë Gjermania është shumë e varur nga energjia ruse, autoritetet kanë ndryshuar strategjitë për të siguruar rezervat për dimër.

Vitin e kaluar, Gjermania ka siguruar 55 për qind të gazit që i duhet, nga Rusia, mirëpo kjo shifër ka zbritur në 35 për qind gjatë verës dhe ka synime për ulje të mëtutjeshme.

Përveç vazhdimit të punës të centralet bërthamore, autoritetet gjermane kanë marrë vendim për të rikthyer në jetë termocentralet me thëngjill, ndonëse plani ka qenë që e gjithë energjia të zëvendësohet me energji efiçiente.

Lufta në Ukrainë ka nisur më 24 shkurt.

Presidenti rus, Vladimir Putin, e konsideron luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL

The post Gjermania zgjat jetën e tri centraleve bërthamore pas krizës me energji appeared first on Albeu.com.

Propozimi për të etiketuar “të gjelbër” gazin natyror dhe energjinë bërthamore, si një udhëzues për investitorët privatë, ndeshi në rezistencë gjatë rrugës. Por ligjvënësit e BE i dhanë përfundimisht dritën e gjelbër.

Parlamenti Evropian votoi të mërkurën (06.07) në favor të një propozimi në lidhje me etiketimin e gazit natyror dhe centraleve bërthamore si investime miqësore ndaj klimës. Propozimi, i quajtur zyrtarisht si “Taksonomia e BE-së”, u publikua në dhjetorin e kaluar nga Komisioni Evropian, si një listë e aktiviteteve ekonomike që investitorët mund të etiketojnë dhe tregtojnë nën siglën “e gjelbër”.

Mocioni për të bllokuar këtë propozim mori 278 vota pro, 328 kundër dhe 33 abstenime. Nëse 20 nga 27 shtetet anëtare të BE-së nuk do ta kundërshtojnë propozimin, ai do të miratohet si ligj.

Një plan i debatueshëm

Propozimi hasi fillimisht në rezistencë midis disa shteteve anëtare të BE -së, me një kamp të udhëhequr nga Franca duke mbështetur fuqimisht etiketën “e gjelbër” për gazin natyror dhe energjinë bërthamore. Ndërkohë, Gjermania, e cila ka ndërprerë projektin e saj për centralet bërthamore, e kundërshtoi planin.

Disa grupe ambientaliste dhe ligjvënës të BE -së kanë pasur kritika gjithashtu. Madje, Austria dhe Luksemburgu kanë kërcënuar të padisin BE nëse plani miratohet. Megjithatë, propozimi ka mbështetjen e shumicës së Partisë Popullore Evropiane të qendrës së djathtë, grupi më i madh i ligjvënësve në Parlamentit Evropian.

Ligjvënësit e grupit të qendrës “Renew Europe” ishin kryesisht në favor të propozimit, ndërsa të Gjelbërit dhe Social Demokratët kryesisht e kundërshtuan atë. Një numër prej 353 ligjvënësish, nga 705 që janë gjithsej në Parlament, janë të nevojshëm për ta rrëzuar një plan të tillë.

Rusia përfiton nga etiketimi mbi gazin

Ulja drastike e furnizimeve të gazit rus në Evropë javët e fundit ka shkaktuar më shumë kundërshtim ndaj klasifikimit të gazit si “i gjelbër”. “Është politikë e ndyrë dhe rezultat fyes ky i etiketimit të gazit dhe energjisë bërthamore si “të gjelbër”, dhe dërgimi ‘lumë’ i parave në arkën e luftës së Putinit”, thotë Adriana Rodrigo, lobuese e “Greenpeace”. “Do ta çojmë këtë çështje në gjykatë” – shtoi ajo.

Paul Tang, ligjvënës hollandez i BE-së, me Social-Demokratët e qendrës së majtë, e kritikoi këtë plan, me argumentimin se ai është ndikuar nga lobi i Gazprom dhe Rosneft, dy kompanive ruse të energjisë.

Ku qëndron Gjermania në këtë situatë?

Fillimisht Gjermania e kundërshtoi propozimin e Komisionit Evropian për ta etiketuar energjinë bërthamore si “të gjelbër”. Gjatë së mërkurës (06.07) Steffen Hebestreit, zëdhënës i kancelarit gjerman Olaf Scholz, tha se Berlini “i qëndron këtij pozicionimi dhe e konsideron energjinë bërthamore si të paqndrueshme.”

“Sidoqoftë, qeveria gjermane beson se taksonomia është një instrument i rëndësishëm për arritjen e objektivave të mbrojtjes së klimës, sepse është e qartë se gazi natyror është një teknologji e rëndësishme drejt rrugës së neutralitetit ndaj karbonit” – shtoi Hebestreit./DW

The post PE: Gazi natyror e centralet bërthamore, investime miqësore ndaj klimës appeared first on Albeu.com.