Berisha thekson në mesazhin e tij, se ky është një akt ekstrem censure.

‘Rama vendosi ndalimin e platformës së Tik Tok-ut vetëm e vetëm se, aksionet e tij në mediat sociale kanë rënë përtokë, siç dëshmojnë të gjitha sondazhet’, tha Berisha në mesazhin e tij të shpërndarë në rrjetet sociale.

Reagimi:

Në një akt ekstrem censure, Edi Rama informoi dje se ka vendosur të bllokojë plotësisht platformën e Tik Tok-ut. Sipas tij, ishte ky një shkak madhor i vrasjes së nxënësit në shkollë.

Mirëpo, kompania e Tik Tok informoi se, as i ndjeri Martin, as dhe vrasësi i tij nuk kishin llogari në këtë platformë. Çfarë del?

Kësaj i thonë njëlloj sikur, për të mos patur aksidente, të ndalojmë përdorimin e makinave, apo të ndalojmë përdorimin e rrugëve dhe këto janë absurditete.

E vërteta është se, Edi Rama vendosi ndalimin e platformës së Tik Tok-ut vetëm e vetëm se, aksionet e tij në mediat sociale kanë rënë përtokë, siç dëshmojnë të gjitha sondazhet.

Së dyti, ai nuk i blen dot këto platforma, siç blen media tjera në Shqipëri. Dhe së fundmi, jemi në prag të zgjedhjeve dhe nuk toleron dot negativitetet e pasqyruara nga qytetarët në këto platforma.

Duke ju garantuar se, platforma e Tik Tok-ut do të hapet menjëherë pas zgjedhjeve, ju ftoj të dashur miq, të postoni në llogaritë tuaja të Tik Tok, por edhe rrjeteve tjera sociale, statuse në mbrojtje të kësaj platforme dhe në dënim të censorit ekstrem, narkodiktatorit Edi Rama.

Ndalimi i Tik Tok, akt ekstrem censure! #sb pic.twitter.com/TbydGcSiLN

— Sali Berisha (@saliberisha_) December 22, 2024

The post Berisha: Ndalimi i Tik Tok akt ekstrem censure, pasi Rama nuk e kontrollon dot appeared first on Albeu.com.

Mediazona, një nga mediat më të mëdha të mbetura të pavarura të Rusisë  është bllokuar nga autoritetet për raportimin e saj mbi pushtimin e Ukrainës nga Moska.

Në një deklaratë, media tha se rregullatori rus i komunikimeve Roskomnadzor filloi t’i bllokojë ato “sepse ne mbulojmë me ndershmëri atë që po ndodh në Ukrainë dhe e quajmë pushtimin një pushtim dhe luftën një luftë”.

Ai shtoi se Rusia ditët e fundit ka futur “censurë ushtarake dhe nuk ka mbetur pothuajse asnjë media e pavarur në vend”.

Botuesi i Mediazona, Pyotr Verzilov, tha se gazeta “do të vazhdojë të punojë gjithsesi dhe do t’ju tregojë për luftën”.

Ai vjen pasi dy nga mediat liberale të njohura ruse, stacioni radio Ekho Moskvy dhe kanali TV Dozhd, dy nga mediat liberale të njohura ruse- ose u shpërndanë ose pezulluan funksionimin këtë javë.

Dhjetra punonjës të medias dhe organe të pavarura  përfshirë Dozhd  janë caktuar tashmë “agjentë të huaj” nga autoritetet dhe shumë reporterë dhe redaktorë janë detyruar të largohen nga vendi.

The post Raportoi për luftën në Ukrainë, mbyllet një nga mediat më të mëdha të pavarura ruse appeared first on Albeu.com.

Kësaj herë, Wanda ka vendosur të kapet me kritikët të cilët i kishin censuruar një foto në rrjetin social “Instagram”, duke u kushtuar një postim ku shprehej mjaft e irrituar.

Ajo shkruan se gratë janë ziliqare dhe se është viti 2021 dhe jo 1810 ku një njeri nuk ka të drejtë të pozojë më këmishë ose bikini.

Postimi i Wanda Narës:

“Kjo foto ishte censuruar. Arsyet nuk i di… kush ishte? Të njëjtët që luftojnë për të drejtat, lirinë dhe barazinë e grave. Jemi në 2021 ose 1810 .. të veshësh bikini me këmishë është censurë??.. Më pëlqejnë gratë me trup spektakolar dhe shumë herë i përgëzoj privatisht apo publikisht. Zilia mes grave është një nga gjërat më të shëmtuara që ne vetë mund t’i bëjmë vetes … Le të fillojmë të respektojmë njëra-tjetrën në mënyrë që të respektojmë njëra-tjetrën”.

The post I censurojnë foton provokuese në rrjet, tërbohet Wanda Nara (FOTO LAJM) appeared first on Albeu.com.