Pse nuk duhet ta karikoni kurrë celularin në makinë

E B — Wed, 04 Jan 2023 08:44:06 +0000

Shumë njerëz përfitojnë nga rruga me makinë për të lidhur telefonin e tyre me hyrjet USB ose bazat e induksionit, në mënyrë që pajisja të karikohet.

Një veprim i përditshëm, por që nuk është një zgjidhje e mirë për jetëgjatësinë e baterisë së celularit.

Duhet të kuptoni që portat USB janë krijuar për punë që nuk kërkojnë shumë energji dhe nuk kërkojnë transmetim të vazhdueshëm të energjisë, si p.sh. luajtja e muzikës në pajisjet e vjetra MP3. Telefonat celularë e “shohin” këtë lloj transferimi të energjisë elektrike të dëmshme.

Për më tepër, amperazhi që lëshojnë këto porta USB është më i ulët se sa i nevojitet celularëve të sotëm, duke bërë që ato të rikarikohen shumë ngadalë. Rimbushjet shumë të ngadalta, si dhe ato shumë të shpejta, e dëmtojnë baterinë.

Përveç mungesës së amperazhit, një faktor tjetër që shkurton jetëgjatësinë e baterive është se telefonat celularë janë krijuar për t’u rimbushur me karikuesin e tyre origjinal dhe kabllon nga një prizë. Ndodh që shumë përdorues përdorin kabllo karikimi jo origjinale për të karikuar telefonin në portën USB të makinës. Këto kabllo shkaktojnë probleme në qarkun e pajisjes dhe, përveç kësaj, ata nuk e shkëputin daljen e rrymës kur karikimi ka përfunduar. Duke vazhduar të tërheqin rrymë, ato gjithashtu reduktojnë jetëgjatësinë e baterisë.

The post Pse nuk duhet ta karikoni kurrë celularin në makinë appeared first on Albeu.com.

Nuk e ka fajin celulari yt, çfarë po e shkakton problemin me aplikacionet e Android?

E S — Thu, 25 Mar 2021 13:38:22 +0000

Përmes një deklarate Google ka adresuar problemin dhe ju ka dhënë një zgjidhje përdoruesve të Android.

Përdoruesit e sistemit Android kanë vënë re probleme të shumta me aplikacionet kryesore orët e fundit. Gmail, Yahoo Mail dhe Google, bien menjëherë sapo hapen, shkruan “IconStyle”.

Shumë përdorues nuk mund të hapin asnjë link në aplikacione dhe duket se ky është një problem që ka lidhje me vetë sistemin.

Ky problem nisi gjatë mbrëmjes së djeshme dhe vazhdon ende gjatë ditës së sotme.

Përmes një deklarate Google ka adresuar problemin dhe ju ka dhënë një zgjidhje përdoruesve të Android.

“Kemi zgjidhur problemin me WebView që shkaktonte mbylljen e disa aplikacioneve në Android për disa përdorues. Problemin mund ta zgjidhni pasi të bëni update Android System WebView dhe Google Chrome në Google Play”, thuhet në deklaratën e Google.

Një ndryshim në “Android System Webview” duket se ka lidhje me gjithë problemet që kanë pasur aplikacionet orët e fundit.

Nga ana tjetër faqja zyrtare e Gmail në Twitter ka sugjeruar se nëse pastrohet cache në aplikacion mund të zgjidh problemin. Për ta bërë këtë gjë përdoruesit e Android duhet të ndjekin këto hapa: Settings > Applications > Gmail > Storage > Clear Cache.

Kujtojmë se Android është një nga software më të përdorura në të gjithë botën, me mbi 2 miliardë përdorues.

The post Nuk e ka fajin celulari yt, çfarë po e shkakton problemin me aplikacionet e Android? appeared first on Albeu.com.

celuar Archives - Albeu.com

Pse nuk duhet ta karikoni kurrë celularin në makinë

Nuk e ka fajin celulari yt, çfarë po e shkakton problemin me aplikacionet e Android?