celibashi kqz Archives - Albeu.com

Nxorrën rezultatet e pjesëmarrësve pas 4 orësh, si dështoi KQZ edhe pse investoi miliona

admin — Sun, 25 Apr 2021 21:22:25 +0000

Kreu i Komisioni Qendror të Zgjedhjeve, Ilirjan Celibashi tha në një konferencë për shtyp pak momente më parë (23:10) se pjesëmarrja në zgjedhjet e kësaj të diele është mbi 48 për qind.

Megjithatë, sipas tij ky nuk është rezultati përfundimtar edhe pse kanë kaluar orë të tëra që nga mbyllja e votimeve.

“Sa i përket pjesëmarrjes, sipas të dhënave të stampuara nga KQZ janë në nivelin 48.2 për qind.

Natyrshëm, rezultatin e plotë të pjesëmarrjes do ta kemi pasi të marrim të dhënat e plota. Pjesëmarrjen totale të zgjedhësve e kemi pasi të përfundojë procesi i numërimit”, theksoi ai.

The post Nxorrën rezultatet e pjesëmarrësve pas 4 orësh, si dështoi KQZ edhe pse investoi miliona appeared first on Albeu.com.

Celibashi thirrje partive politike: Jemi të gjithë në vëzhgim

admin — Mon, 05 Apr 2021 09:34:00 +0000

Kryekomisioneri Ilirjan Celibashi në një bashkëbisedim me gazetarët u ka bërë thirrje partive politike që të zhvillojnë një fushatë elektorale të qetë dhe tu krijojnë lehtësi votuesve.

Sipas Celibashit, të gjithë janë në vëzhgim dhe për secilin do të ketë një gjykim.

‘Sa nuk është vonë gjithkush prej nesh po përfshi edhe institucionin e KQZ-së, por vlen dhe për kandidatët, çfarë vlen për të korrigjuar duhet ta bëjmë me qëllim që këto zgjedhje të jenë jo vetëm zgjedhjet më të mira se të shkuarat, por në përputhje me standardet demokratike. Jemi në vëzhgim dhe në fund të ditës për secilin prej nesh do të ketë një gjykim. Është rasti për t’ju thënë dhe adresuar një thirrje kandidatëve që të angazhohen në një fushatë të qetë dhe tu krijojnë lehtësi votuesve.’- tha Celibashi.

Celibashi theksoi se me fletën e votimit me numra është marrë konfirmimi se kompania i qëndron afateve.

“Ne kemi komunikuar herët në mëngjes me përfaqësuesit e kompanisë sllovene dhe kemi marrë konfirmimin sikurse është fleta e votimit tani ata mund t’i qëndrojnë afateve që ne kemi kërkuar për printimin dhe për t’i sjellë këtu në KQZ. Kështu që nuk kemi asnjë lloj problemi me sjelljen e fletëve votimi. Do të jetë e njëjtë në të gjitha qarqet.

Nëse do të kishim edhe një vonesë më shumë në lidhje me kohën se kur do të kishim versionin përfundimtar të fletës së votimit, do të paguanin më shumë për transportin duke qenë se mund të ishim në kushte të emergjencës. Kemi tashmë gjithë mirëkuptimin e kompanisë sllovene. Informacionin duhet t’ua kishim dhënë që në 26 mars. Ata me të njëjtat financa do të përmbushin punën e tyre për t’i printuar dhe për të kryer transportin.’- tha Celibashi.

CETIS i dërgoi një letër KQZ-së ku shprehej se për shkak të vështirësive teknike nuk mund të përgatiteshin fletët e votimit brenda 10 ditëve. Megjithatë ky problem duket i tejkaluar me fletën e re të votimit me numra, e cila ka dimensione më të vogla dhe nuk paraqet probleme në raport me kohën dhe transportin.

The post Celibashi thirrje partive politike: Jemi të gjithë në vëzhgim appeared first on Albeu.com.

ZYRTARE/ Kjo është fleta e votimit për zgjedhjet e 25 Prillit (FOTO LAJM)

admin — Thu, 01 Apr 2021 15:35:56 +0000

Sot është miratuar fleta e votimit për zgjedhjet elektorale të 25 prillit. Bëhet me dije se KQZ ka rrëzuar kërkesën e Partisë Socialiste, teksa në fletën e votimit kandidatët për deputet do të jenë të identifikuar me emra dhe jo me numra. KQZ vendosi që në fletët e votimit të jenë me emra siç edhe [...]

Kjo do të jetë fleta e votimit për zgjedhjet parlamentare të 25 prillit (FOTO LAJM)

admin — Wed, 31 Mar 2021 19:18:27 +0000

Komisioni Qendror i Zgjedhjeve, ka miratuar fletën votimit me emra për zgjedhjet e 25 prillit. Në foton e mëposhtme është fleta e votimit që do të votojnë shqiptarët më 25 prill. Në fletën e votimit partitë do të jenë me logo dhe kandidatët me emra. Ka qenë Ilirjan Celibashi, i cili propozoi që fleta e [...]

Kur do të dalë rezultati i zgjedhjeve të 25 Prillit? Përgjigjet Celibashi

admin — Fri, 26 Mar 2021 22:43:30 +0000

Në 25 prill shqiptarët do u drejtohen kutive të votimit për të zgjedhur Kuvendin e ri. Por kur do të dalë rezultati?

Kreu i KQZ, Ilirjan Celibashi u shpreh sonte te “Java” se shpreson që partia fituese të dalë për 48 orë, ndërsa për kandidatët që garojnë duhet mbi një javë.

“Për të mësuar se cila parti do jetë fituese dhe që më pas do të formojë qeverinë, do ishte mirë brenda 48 orëve. Ndërsa numërimi i kandidatëve do të marri shumë kohë, mbi një javë” deklaroi ai.

Një debat në vete është edhe mënyra e votimit. I pyetur nëse mund të votohet subjekti A dhe kandidati i subjektit B, Celibashi tha “Jo, sepse bëhet e pavlefshme vota” përfundoi ai.

The post Kur do të dalë rezultati i zgjedhjeve të 25 Prillit? Përgjigjet Celibashi appeared first on Albeu.com.

Zgjedhjet e 25 prillit: Emigrantët nuk mund të votojnë!

admin — Fri, 26 Mar 2021 20:23:54 +0000

Kryetari i Komisionit Qendror të Zgjedhjeve, Ilirjan Celibashi konfirmoi se në zgjedhjet e 25 prillit Diaspora nuk do të votojë.

I ftuar në emisionin “Java” në RTSH, Celibashi deklaroi se Shqipëria nuk e ka Diasporën, sepse nuk është e regjistruar dhe kjo është përgjegjësie e institucioneve që duhet ta kishin bërë punën e tyre më mirë.

Pyetje: Do të votojnë emigrantët?

Celibashi: Emigrantët nuk do të jetë e mundur të votojnë në këto zgjedhje. Janë rreth 3500 emigrantë që kanë deklaruar vendbanimin dhe as për ata nuk arritëm të gjenim një alternativë.

Ishte varianti i postës, por sa kohë ne nuk kaluam hapin e parë atë të modialiteteve të regjistrimit të kërkesave nuk mund të bëhet.

Kur kam marrë këtë detyrë kam menduar se do ishte një numër prej qindra, mijërash, por kur hyra aty pash që nuk e kemi Diasporën. Pash që nuk ishte e regjistruar. Institucionet duhet ta kishin bërë këtë punë më mirë dhe ta kishin nisur më herët.

The post Zgjedhjet e 25 prillit: Emigrantët nuk mund të votojnë! appeared first on Albeu.com.

E konfirmon Celibashi: Qytetari nuk do lejohet të futet me telefon në qendrën e votimit

admin — Fri, 26 Mar 2021 20:18:47 +0000

Kryetari i Komisionit Qendror të Zgjedhjeve, Ilirjan Celibashi ka deklaruar se në zgjedhjet e 25 prillit të gjithë qytetarët që do të votojnë nuk do t’u lejohet celulari brenda në qendrën e votimit.

I ftuar në emisionin “Java” në RTSH, Celibashi tha se për herë të parë në qendrat e votimit do të instalohen kamera vëzhguese, por nuk ndërhyn në zonën ku do të votohet.

Pyetje: A mund të fotografohet vota në këto zgjedhje?

Celibashi: Vota nuk mund të fotografohet. Ne kemi vendosur që qytetari të mos lejohet të futet në qendër me aparat celular. Ta zgjidhi si të dojë po në qendrën e votimit nuk do lejohet të futet me celular.

Në zgjedhjet e shkuara është lejuar, por këto zgjedhje kemi vendosur që të mos lejohet. Gjithashtu për herë të parë do të instalojmë kamera vëzhguese në çdo qendër votimi. Një kamerë që do të monitorojë gjithë procesin e votimit, por jo fletën e votimit.

The post E konfirmon Celibashi: Qytetari nuk do lejohet të futet me telefon në qendrën e votimit appeared first on Albeu.com.