“Do të vazhdoj të punoj dhe nuk do të dorëzohem”, tha Volkov në një video të publikuar në Telegram, pasi u lirua nga spitali në kryeqytetin lituan.

“Ata deshën të më shndërronin në biftek. Natyrisht, me një çekan mishi. Një burrë më sulmoi mu pranë oborrit të shtëpisë ime”, tha Volkov.

Ai e theu dorën dhe pësoi lëndime të tjera për pasojë.

Volkov e cilësoi sulmin si “një përshëndetje karakteristike prej gangsteri nga Putini”.

Zëdhënësi i Policisë lituane, Ramunas Matonis, konfirmoi për agjencinë e lajmeve AFP se një qytetar rus u sulmua pranë shtëpisë së vet në Vilnius rreth orës 22:00 më 12 mars, pa e përmendur me emër Volkovin.

Sipas gazetarit Sergei Parkhomenko, sic raporton Meduza, Volkov jeton në një lokalitet të vogël jashtë Vilniusit.

Ministri i Jashtëm i Lituanisë, Gabrielius Landsbergis, e përshkroi sulmin si “tronditës”.

Pamje të Volkovit të lënduar dhe të veturës së tij të dëmtuar u postuan në Telegram nga ekipi i Navalnyt.

Sulmi u raportua së pari nga Kyra Yarmysh, ish-zëdhënësja e Navalnyt dhe sekretarja e Fondacionit të tij Kundër Korrupsionit (FBK), e cila tha në rrjetin social X se një burrë i paidentifikuar e theu dritaren e veturës së Volkovit dhe hodhi gaz lotsjellës drejt syve të tij, para se ta godiste me çekan mishi.

Më vonë, ajo tha se Volkov e luftoi sulmuesin duke përdorur “derën e veturës dhe këmbët e tij”.

Navalny, kritiku më i madh i Putinit, vdiq muajin e kaluar në rrethana të dyshimta në moshën 47-vjeçare në një burg në rajonin arktik të Rusisë, ku po kryente një dënim me 19 vjet burgim.

Volkov dhe disa aleatë të tjerë të Navalnyt u larguan nga Rusia më 2019, pasi autoritetet filluan një hetim ndaj FBK-së dhe veprimtarisë së saj.

Ai u fut në listën e personave të kërkuar më 2021 për shkak të veprimtarisë së tij kundër Kremlinit.

The post U sulmua me çekiç, ish-ndihmësi i Navalnyt zotohet për vazhdimin e luftë appeared first on Albeu.com.

Ngjarja kriminale ndodhi më 18 Prill 2021 ku Gëzim Alla goditi me çekiç gruan e tij Dorina Alla , në Pove del Grappa, në provincën e Vicenza-s.

Fëmijët e mitur të çiftit ishin fshehur nga frika postë krevatit në dhomën e tyre kur ndodhi krimi makabër.

Gjykata gjithashtu e dënoi 53-vjeçarin me dëmshpërblim pasuror. Ai do të duhet të paguajë 100 mije euro për çdo fëmijë.

Gjykata urdhëroi edhe heqjen e përgjegjësisë prindërore.

The post Masakroi gruan me çekiç, shqiptari dënohet me burgim të përjetshëm në Itali appeared first on Albeu.com.

Çifti ishte vendosur atje për rreth katër vjet me fëmijët e tyre 13 dhe 9 vjeç. Një dramë familjare, ajo që ndodhi në komunën provinciale, e cila përfshinte fatkeqësisht edhe të mitur në kohën e vrasjes. Të dy fëmijët, të tmerruar nga britmat dhe të mbyllur në një dhomë të shtëpisë, telefonuan një kushëri i cili jeton disa metra larg.

Ajo e këshilloi vajzën 13-vjeçare të mbyllej në një dhomë me vëllain e saj më të vogël derisa të kalonte ‘stuhia’. Por në atë moment po ndodhte vrasja e rëndë: Gezim Alla, punëtor i metaleve 51 vjeç me origjinë shqiptare, vrau bashkëshorten e tij Dorina, duke e goditur vazhdimisht në kokë me çekan pas një debati të dhunshëm.

Arsyet e mosmarrëveshjes ishin të kota. Nuk ishte hera e parë që kishte një diskutim të ashpër midis bashkëshortëve. Fëmijët shpesh i dëgjonin ata duke u grindur, për fat të keq, aq sa në disa raste karabinierëve u duhej të ndërhynin derisa së fundmi ngjarja përfundoi në tragjedi.

Kur Alla kuptoi se çfarë kishte bërë, ai telefonoi vetë 112. Më pas, u dorëzua, duke deklaruar se e goditi me dhunë gruan e tij. Agjentët e policisë ndërhynë në vend, së bashku me mjekët e urgjencës që nuk mund të bënin asgjë për ta shpëtuar 39 vjeçaren. Sipas historisë së dhënë nga mbesa e viktimës, 39-vjeçarja donte të largohej, të kërkonte një punë dhe të merrte fëmijët me vete. Partneri, megjithatë, nuk dëshironte të ndahej.

The post Shqiptari godet me çekiç deri në vdekje gruan e tij 39 vjeçare appeared first on Albeu.com.