Punonjësit e vijës së parë, mësuesit, punonjësit e kujdesit shëndetësor dhe të tjerë, puna e të cilëve i ekspozon më shumë ndaj virusit, do të jenë në gjendje të marrin dozën përforcuese, ashtu si edhe personat 65 vjeç e lart, banorët e shtëpive të të moshuarve dhe të tjerë, të moshës 50 deri në 64 vjeç, që janë të rrezikuar.

Drejtorja e CDC-së, Rochelle Walensky shtoi punonjësit e vijës së parë të enjten vonë në listën e përgatitur nga paneli këshillues i qendrës, mes atyre që kanë të drejtën për të marrë dozën përforcuese.

Administrata Amerikane e Ushqimit dhe Barnave miratoi të mërkurën një dozë të tretë të vaksinës Pfizer për personat 65 vjeç e lart, ata në rrezik të lartë për sëmundje të rënda dhe personat që janë të ekspozuar vazhdimisht ndaj koronavirusit.

Agjencia Evropiane e Barnave tha të enjten se planifikon të vendosë në fillim të tetorit nëse do të miratojë një dozë të tretë të vaksinës Pfizer-BioNTech COVID-19 për personat mbi moshën 16 vjeç.

Agjencia e BE-së miratoi fillimisht një proces me dy doza, por tha se infeksionet mes të vaksinuarve kishin shtuar urgjencën për rishikimin e një doze të tretë për njerëzit 16 vjeç e lart, gjashtë muaj pasi janë vaksinuar plotësisht./VOA

The post CDC miraton doza përforcuese të vaksinës Pfizer appeared first on Albeu.com.

Njerëzit e pavaksinuar gjithashtu kanë 10 herë më shumë gjasa se ata që janë vaksinuar të sëmuren rëndë dhe të trajtohen për koronavirus, raporton albeu.com.

Një studim tjetër, i publikuar nga CDC, zbuloi se vaksina Moderna ishte më efektive në parandalimin e trajtimit sesa ato të Pfizer-BioNTech dhe Johnson & Johnson.

Sipas të njëjtit hulumtim, ata që kanë marrë vaksinën Moderna janë 95% të mbrojtur nga shtrimi në spital,  ata që kanë marrë Pfizer me 80% dhe që kanë marrë Johnson & Johnson me 60%

Megjithatë, zyrtarët e rangut të lartë shëndetësor theksojnë, se është më mirë të vaksinohesh menjëherë sesa të presësh për vaksinën më të mirë..

“Vaksinimi funksionon dhe mbron nga efektet anësore të rrezikshme të koronavirusit”,  thotë CDC.

Kujtojmë se, presidenti amerikan Joe Biden, në përpjekje për të frenuar valën e mutacionit indian, imponoi një vaksinim të detyrueshëm ose test javor për kompanitë me më shumë se 100 punonjës./albeu.com

The post COVID-19/ CDC: Të pavaksinuarit janë 11 herë më të rrezikuar nga vdekja, kjo është vaksina më efektive appeared first on Albeu.com.

Drejtoresha e Qendrës për Kontrollin dhe Parandalimin e Sëmundjeve, Rochelle Walensky, tha se varianti Delta i koronavirusit është një nga viruset më ngjitëse që ajo ka hasur në karrierën e saj 20 vjeçare.

Këto komente ajo i bëri gjatë një konference virtuale shtypi ku tha se infektimet me variantin Delta të COVID-19 po vazhdojnë të përhapen gjithandej në Shtetet e Bashkuara.

“Varianti Delta po përhapet me shpejtësi të madhe dhe tani përbën mbi 83 për qind të infektimeve në Shtetet e Bashkuara. Krahasuar me virusin që qarkullonte në ShBA në fillim të pandemisë, varianti Delta është shumë më i ashpër dhe më ngjitës”, tha ajo.

Zonja Walensky u bëri thirrje njerëzve të vaksinohen për të mbrojtur veten nga varianti dhe të frenojnë përhapjen e mëtejme të koronavirusit.

“Udhëzimi ynë është i qartë që kur e publikuam para disa muajsh. Nëse nuk jeni vaksinuar vazhdoni mbajtjen e maskës për të mbrojtur veten dhe të tjerët rreth jush. Dhe më e rëndësishmja, duhet të vaksinoheni për të mbrojtur më mirë veten”, tha ajo.

Në këtë takim nuk u bë e ditur nëse Qendra për Kontrollin dhe Parandalimin e Sëmundjeve po shqyrton mundësinë e ndryshimit të udhëzimit për maskat. Në maj ata thanë se personat e vaksinuar plotësisht nuk kanë nevojë të përdorin maskat kur ndodhen në hapësira publike.

Sipas të dhënave të përpunuara nga Universiteti Johns Hopkins, nga fillimi i pandemisë Shtetet e Bashkuara regjistruan mbi 34 milionë raste me COVID-19 dhe mbi 610 mijë vdekje./VOA

The post CDC: Varianti Delta, mes sëmundjeve më ngjitëse që shkenca njeh appeared first on Albeu.com.

Kjo prirje shqetësuese është shumë më e theksuar në mesin e pakicave etnike me ngjyrë dhe hispanike, sipas statistikave të lëshuara nga CDC.

Një faktor tjetër i rëndësishëm është rritja e vdekjeve nga mbidoza e drogës, një krizë para-ekzistueseqë nga shpërthimi i koronavirusit, i cili është përkeqësuar. Më shumë se 93,000 njerëz vdiqën nga mbidozimi në SHBA, në vitin 2020.

Jetëgjatësia e grave është ulur me një vit nga 81.4 në 80.2 vjet. Jetëgjatësia e burrave ra nga 76.3 në 74.5 vjet.

The post CDC jep shifra dramatike për SHBA: Jetëgjatësia ka rënë me një vit e gjysmë, rënia më e madhe që nga Lufta e Dytë Botërore appeared first on Albeu.com.