catania Archives - Albeu.com

Lojtar kuqezi për Catania, klubi italian transferon Emanuele Ndoj

S SH — Wed, 14 Feb 2024 14:57:01 +0000

Catania njofton se ka fituar të drejtën e paraqitjeve sportive të futbollistit shqiptar Emanuele Ndoj. Mesfushori, i cili ka luajtur 6 ndeshje me kombëtaren shqiptare dhe ka shënuar kundër Ukrainës, ka veshur fanellën e Brescias nga viti 2016 deri në sezonin aktual, duke kontribuar në sezonin 18/19 në ngjitjen në Serie A me 3 gola dhe 6 asistime në 28 ndeshje.

Ndoj mban me fanellën e Brescias plot 143 ndeshje të luajtura, ku në total ka shënuar 12 gola dhe ka asistuar 11 herë.

Lojtari shqiptar është rirtur me të rinjtë e Padovas dhe Romës, ku me kryeqytetasit, ai ishte ndër protagonistët e mëdhenj të Sucdettos Primavera në vitin 2016.

Ndoj tashmë ka një kontratë me Catania deri më 30 qershor dhe me një opsion rinovimi nëse plotëson kushtet e klubit. /abcnews.al

The post Lojtar kuqezi për Catania, klubi italian transferon Emanuele Ndoj appeared first on Albeu.com.

E mbështjellë me batanije, foshnja e porsalindur gjendet e braktisur në një shportë (FOTO LAJM)

admin — Sat, 28 May 2022 21:00:57 +0000

Një fëmijë i porsalindur u gjet nga policia italiane në një shportë në Via Rametta në Catania.

Fëmija u gjet i mbështjellë me një batanije.

Gjendja e tij shëndetësore vlerësohet e mirë nga mjekët që e kanë ekzaminuar.

I porsalinduri u gjet nga karabinierët e njësisë radio-lëvizëse të Catanias, të cilët ndërhynë pasi një kalimtar raportoi në qendrën e operacioneve komanduese. Shporta me fëmijën ishte në një zonë të populluar të qytetit pas një muri të rrënuar.

Zona është e aksesueshme nga kushdo. Karabinierët e gjetën foshnjën duke qarë. Pas ekzaminimeve në spital, foshnja u dërgua në repartin e Neonatologjisë ku do të qëndrojë nën vëzhgim.

Ndërkohë bëhet me dije se vijojnë hetimet për identifikimin e nënës dhe Zyra e Prokurorit Publik të Katanias ka hapur një hetim lidhur me këtë rast./albeu.com/

The post E mbështjellë me batanije, foshnja e porsalindur gjendet e braktisur në një shportë (FOTO LAJM) appeared first on Albeu.com.

Kaos në Itali: Anulohet shitja e Catania-s, klubi rrezikon përjashtimin

admin — Fri, 08 Apr 2022 17:56:13 +0000

Catania rrezikon t’i anulojë 75 vjet histori. Klubi, i cili u shpall i falimentuar më 22 dhjetor, iu anulua shitja e tij te Romani Benedetto Mancini. Ndaj, për të përfunduar kampionatin, Gjykata kërkoi nga Lega Pro që të përballojë shpenzimet e nevojshme për të luajtur ndeshjet e fundit.

Por, Liga e drejtuar nga Francesco Ghirelli tashmë ka thënë se nuk mund ta bëjë këtë, për të mos krijuar pabarazi trajtimi me klubet e tjera.

Në Gjykatë, pra, tani po përpiqen të shohim nëse është e mundur të zgjatet ushtrimi provizor, i cili aktualisht skadon më 19 prill, të paktën deri në datën 26 dhe rrjedhimisht deri në fund të sezonit të rregullt për të mos parë renditjen rënjen nga Serie C. Nëse nuk shitet brenda këtij muaji, Catania rrezikon të përjashtohet menjëherë nga kampionati. /albeu.com/

The post Kaos në Itali: Anulohet shitja e Catania-s, klubi rrezikon përjashtimin appeared first on Albeu.com.

Klubi i njohur italian nuk paguante lojtarët që nga muaji korrik

admin — Fri, 03 Dec 2021 15:52:33 +0000

Skuadra e njohur italiane, Catania ka përfunduar në Komisionin e Disiplinës së futbollit për shkak se nuk ka shlyer detyrimin e pagave ndaj lojtarëve.

Një nga futbollistët e klubit kishte dhënë një deklaratë duke thënë se ata nuk janë paguar që nga korriku. Komisioni i disiplinës ka pranuar akuzën e futbollistëve, duke e dënuar Catanian me heqje dy pikësh dhe detyrimin menjëherë të pagesave ndaj futbollistëve, shkruan FrontOnline.

Skuadra e Catanias ndodhet në Serinë C italiane, por më parë ka luajtur në Seria A.

Kushtet e vështira financiare bën që klubi të binte në Serinë B në vitin 2014. Ndërsa vetëm një vit më pas, Catania Calcio u rrëzua gjithashtu në Serie C.

The post Klubi i njohur italian nuk paguante lojtarët që nga muaji korrik appeared first on Albeu.com.