Hansi Flick e ka përfshirë mbrojtësin e Leipzigut, Castello Lukeba, mes alternativave kryesore në rast se Barcelona vendos të afrojë një qendërmbrojtës të nivelit të lartë, sipas gazetarit spanjoll Gerard Romero.

Francezi 23-vjeçar ka marrë një rol kyç te skuadra gjermane që nga transferimi i tij në vitin 2023 dhe tashmë numëron më shumë se 100 ndeshje zyrtare me Leipzigun.

Aftësitë atletike, loja me këmbën e majtë dhe kontributi në nisjen e aksioneve e bëjnë Lukebën një kandidat të përshtatshëm për të pasuar në planin afatgjatë Inigo Martinezin në mbrojtjen e Barcelonës.

Gjithsesi, arritja e marrëveshjes pritet të jetë e ndërlikuar. Pas largimeve të fundit të emrave të rëndësishëm si Yan Diomande dhe Lois Openda, Leipzigu nuk dëshiron të humbasë një tjetër titullar.

Kontrata e Lukebës është e vlefshme deri në vitin 2029, ndaj klubi gjerman e kontrollon plotësisht situatën dhe pritet të kërkojë një shumë ndjeshëm më të lartë se 50 milionë euro për kartonin e tij.

Megjithatë, objektivi kryesor i Barcelonës për momentin në afatin kalimtar mbetet afrimi i një sulmuesi të ri. Julian Alvarez i Atlético Madridit vazhdon të kryesojë listën e dëshirave të klubit katalanas.

The post Flick piketon Castello Lukebën për mbrojtjen e Barcelonës, Leipzigu kërkon mbi 50 milionë euro appeared first on Albeu.com.

Me afrimin e fazës vendimtare të afatit kalimtar veror, Barcelona e ka përcaktuar si prioritet afrimin e një qendërmbrojtësi të majtë, i cili do të krijonte një dyshe të re në prapavijë me Pau Cubarsin.

Deco dhe Hansi Flick synojnë t’i ofrojnë talentit spanjoll mjedisin më të përshtatshëm për t’u zhvilluar. Plani i drejtorit sportiv dhe trajnerit është që Cubarsi të aktivizohet në krahun e djathtë të qendrës së mbrojtjes, pozicion ku mund të shfaqë më mirë cilësitë e tij në nisjen e aksioneve dhe daljen me top.

Sipas gazetës katalunase Sport, drejtuesit e klubit nga Camp Nou kanë përzgjedhur tre kandidatë të mundshëm për ta përforcuar këtë repart dhe për t’i dhënë Cubarsit një partner të ri.

Aymeric Laporte është emri që po përmendet me më shumë këmbëngulje. Qendërmbrojtësi spanjoll zotëron përvojën e kërkuar dhe paraqitjet me kombëtaren kanë treguar se ai mund të bashkëpunojë shumë mirë me Cubarsin. Edhe vetë mbrojtësi i Barcelonës ka deklaruar se të dy ndihen mjaft komodë kur luajnë përkrah njëri-tjetrit.

Gjithsesi, realizimi i këtij transferimi paraqet vështirësi. Laporte, mbrojtësi 32-vjeçar i Athletic Bilbaos, nuk ka klauzolë largimi, ndaj Barcelona duhet të arrijë një marrëveshje me klubin bask. Bisedimet mund të komplikohen edhe nga përkeqësimi i marrëdhënieve mes palëve pas çështjes së Nico Williams.

Një mundësi tjetër është Castello Lukeba, i cili përfaqëson një zgjedhje më të re dhe me perspektivë afatgjatë. Futbollisti 23-vjeçar i RB Leipzig përputhet me stilin e Flickut për shkak të shpejtësisë, aftësisë për të mbrojtur me vijën e vendosur lart dhe ndihmës që jep në organizimin e lojës.

Për transferimin e Lukebas ekziston një pengesë e rëndësishme financiare, pasi klauzola e tij kap vlerën e 80 milionë eurove. Loja në ajër, ndërkohë, vlerësohet si një aspekt ku ai ka ende nevojë të përmirësohet.

Kandidati i tretë është Natan, qendërmbrojtësi brazilian i Real Betisit. Edhe 25-vjeçari luan në të majtë të qendrës, ndihet i përshtatshëm kur skuadra mbron përpara dhe ka cilësi të mira fizike për të mbuluar hapësira të mëdha.

Real Betisi mund të pranojë largimin e tij për një shifër ndjeshëm më të ulët se klauzola prej 80 milionë eurosh.

Tre alternativat u ofrojnë Decos dhe Flickut karakteristika të ndryshme: Laporte sjell përvojën, Lukeba ndërthur nevojat e së tashmes me perspektivën për të ardhmen, kurse Natan paraqitet si një mundësi interesante për mbrojtjen.

Tani Deco dhe Flick duhet të vendosin se cili prej tyre mund të ndërtojë bashkëpunimin më të përshtatshëm me Cubarsin dhe, në të njëjtën kohë, t’i japë më shumë qëndrueshmëri prapavijës së Barcelonës.

The post Barcelona në kërkim të partnerit të Cubarsit, Deco dhe Flick shqyrtojnë tre kandidatë appeared first on Albeu.com.

Barcelona ka rikthyer vëmendjen te Castello Lukeba. Sipas Diario Sport, drejtuesit katalanas kanë kontaktuar RB Leipzigun për të vlerësuar mundësinë e transferimit të mbrojtësit francez.

Objektivat kryesore të klubit mbeten Julian Alvarez i Atletico Madridit, mesfushori i Manchester Cityt, Rodri, si dhe Joao Cancelo i Al-Hilalit. Megjithatë, Barcelona po shqyrton gjithashtu afrimin e një qendërmbrojtësi të nivelit të lartë.

Lukeba është shfaqur si alternativë për përforcimin e prapavijës, pasi Ronald Araujo ka përfunduar huazimin te Liverpooli, ndërsa Jules Kounde po përflitet për një kalim tek Arsenali.

Mbrojtësi 23-vjeçar vlerësohet si një nga talentet e rinj më premtues të Evropës në rolin e tij. Raportohet gjithashtu se ai është i hapur ndaj mundësisë për t’u transferuar në Camp Nou.

Vlera e francezit në treg përllogaritet në rreth 30 milionë euro, por RB Leipzigu mund të vendosë një çmim më të lartë për kartonin e tij.

Si një qendërmbrojtës modern dhe këmbëmajtë, Lukeba spikat për saktësinë në pasime, fuqinë në duele dhe shpejtësinë e madhe.

Këto cilësi e vendosin atë mes kandidatëve të mundshëm për të formuar së bashku me Pau Cubarsin dyshen e qendrës së mbrojtjes së Barcelonës.

The post Hansi Flick synon mbrojtësin francez, Barcelona nis kontaktet me RB Leipzigun appeared first on Albeu.com.