Në një sport ku dominimi financiar dhe sportiv i përket kryesisht klubeve evropiane, Boca Juniors përfaqëson një rast krejt të veçantë. Klubi argjentinas ka ndërtuar një identitet që nuk kufizohet te trofetë apo rezultatet, por është shndërruar në një dukuri kulturore me jehonë ndërkombëtare.

Një analizë e publikuar nga GOAL e rendit Bocan ndër klubet më të njohura jashtë Evropës. Për ndikimin dhe peshën kulturore, ai madje mund të vlerësohet mbi shumë klube të mëdha të Amerikës së Jugut dhe kontinenteve të tjera.

Historia e këtij identiteti nis me fanellën blu dhe të artë. Boca Juniors u krijua në vitin 1905 nga pasardhës të emigrantëve italianë me origjinë nga Genova, të vendosur në lagjen La Boca të Buenos Airesit.

Pas një ngjarjeje të veçantë që lidhej me fanellat e klubit, themeluesit vendosën që kombinimi i ardhshëm i ngjyrave të merrej nga flamuri i anijes së parë që do të hynte në port. Anija ishte suedeze dhe kështu bluja dhe e arta u bënë ngjyrat e përhershme të Bocas.

Me kalimin e kohës, këto ngjyra u lidhën fort me klasën punëtore dhe me historinë e emigracionit në Buenos Aires.

Simboli më i madh i shpirtit të klubit është La Bombonera. Forma e pazakontë e stadiumit dhe tribunat e vendosura shumë pranë fushës krijojnë një atmosferë që njihet për intensitetin e saj të jashtëzakonshëm.

Edhe pse stadiumi ka një kapacitet prej rreth 57 mijë tifozësh, më të vogël se ai i disa impianteve të famshme evropiane, përjetimi në La Bombonera konsiderohet ndër më të veçantët për çdo ndjekës të futbollit.

Gjatë gjithë ndeshjes, tifozët këndojnë, kërcejnë dhe lëvizin në të njëjtin ritëm. Kur mijëra njerëz bëjnë të njëjtën gjë, tribunat dridhen, duke i dhënë jetë shprehjes së njohur: “La Bombonera nuk dridhet, ajo rreh”.

Një rol vendimtar në këtë atmosferë ka grupi i organizuar i tifozëve, La Doce, i cili prej dekadash cilësohet si “lojtari i 12-të”. Koreografitë, flamujt dhe mbështetja pa ndërprerje kanë ndihmuar që La Bombonera të fitojë reputacionin e një prej stadiumeve më intimidues për kundërshtarët.

Brenda kësaj kulture zë vend të veçantë edhe rivaliteti me River Plate. Superclásico është një nga derbit më të mëdhenj të futbollit botëror dhe për shumë argjentinas, zgjedhja mes Boca-s dhe River-it është pjesë e identitetit personal.

Asnjë rrëfim për Boca Juniors nuk do të ishte i plotë pa përmendur Diego Maradonën. Legjenda argjentinase iu bashkua klubit në vitin 1981, kur ishte vetëm 20-vjeç, pasi refuzoi një ofertë nga River Plate.

Gjatë sezonit të tij të parë, Maradona realizoi 28 gola dhe e ndihmoi Bocan të shpallej fituese e titullit Metropolitano.

Lidhja e tij me klubin nuk u ndërpre pas largimit. Maradona u kthye te Boca në vitet ’90 dhe, deri në fund të jetës, mbeti një prej tifozëve më të njohur të saj.

Prania e tij vazhdon të ndihet në La Bombonera, ku murale dhe ekspozita të ndryshme i kushtohen karrierës së tij.

Një figurë tjetër e pandashme nga historia e klubit është Juan Román Riquelme. Ai u bashkua me Bocan në vitin 1996 dhe në periudhën e parë fitoi gjashtë trofe, mes tyre dy Copa Libertadores radhazi, në vitet 2000 dhe 2001.

Riquelme u rikthye në klub në vitin 2007 dhe qëndroi si një prej figurave qendrore të ekipit deri në vitin 2014.

Gjatë rikthimit të tij te Boca, ai kontribuoi gjithsej me 102 gola dhe asiste të tjera. Pas përfundimit të karrierës si futbollist, Riquelme mori rol drejtues në klub dhe në vitin 2023 u zgjodh president.

Një prej fitoreve më të mëdha të Bocas erdhi në vitin 2000, në përballjen me Real Madridin për Kupën Interkontinentale në Tokio.

Ekipi spanjoll vinte si favorit, me një formacion ku bënin pjesë emra si Iker Casillas, Roberto Carlos, Fernando Hierro, Claude Makélélé, Raúl dhe Luís Figo.

Megjithatë, Boca shkaktoi një nga surprizat më të mëdha të asaj periudhe. Martín Palermo shënoi dy herë brenda gjashtë minutave të para, ndërsa skuadra argjentinase e ruajti avantazhin deri në fund për të triumfuar 2-1.

Pas ndeshjes, Buenos Airesi u përfshi nga festime masive. Qindra mijëra tifozë dolën në rrugë dhe Boca u rikthye në shtëpi me statusin e kampiones së botës.

Martín Palermo mbetet golashënuesi më i mirë në historinë e Boca Juniors, me 236 gola në 404 ndeshje.

Edhe pse nuk njihej si futbollist veçanërisht teknik, ai dallohej për forcën, shpirtin luftarak dhe aftësinë për të shënuar në çastet më vendimtare.

Një prej skenave më të paharrueshme të tij u regjistrua në vitin 2000 ndaj River Plate. Pas rikthimit nga një dëmtim i rëndë, Palermo shënoi në fund të takimit, duke hyrë përgjithmonë në historinë e Superclásicos.

Trashëgimia e klubit nuk përfundon te Maradona, Riquelme dhe Palermo. Në La Bombonera kanë lënë gjurmë edhe Carlos Tévez, Hugo Ibarra, Sebastián Battaglia, Antonio Rattín dhe shumë legjenda të tjera.

Boca ka fituar gjashtë Copa Libertadores, ndërsa River Plate ka katër. Për më tepër, në përballjet direkte, Boca ruan një avantazh historik ndaj rivalit të saj.

Klubi po përgatitet gjithashtu për një ndryshim të rëndësishëm. Projekti për zgjerimin e La Bomboneras parashikon një investim prej rreth 60 milionë dollarësh dhe synon që kapaciteti i stadiumit të arrijë në rreth 80 mijë tifozë.

Boca Juniors është më shumë se një skuadër futbolli. Ajo përfaqëson një identitet, historinë e emigrantëve, një lagje, një stadium, një mënyrë jetese dhe një kulturë që ka kaluar kufijtë e Buenos Airesit.

Kjo përzierje e historisë, tifozërisë dhe simbolikës e ka bërë Bocan një prej klubeve më të veçanta dhe me ndikimin më të madh kulturor në futbollin botëror.

The post Boca Juniors, klubi jashtë Evropës që u shndërrua në një simbol kulturor botëror appeared first on Albeu.com.

“Cristiano nuk duket aspak si Messi”, tha Tevez.  Kur Leo sapo kishte filluar karrierën e tij, ai nuk shkoi në palestër. Por Cristiano ishte aty gjatë gjithë kohës në mëngjes, pasdite dhe mbrëmje.

Cristiano-s iu desh të punonte shumë për t’u bërë më i miri, ndërsa për Leon gjithçka vjen natyrshëm. Këto janë dallimet më të mëdha që shoh midis dy lojtarëve më të mirë në planet. Messi duket se po luan një sport tjetër. Që Messi të shënojë tre gola (në çdo lojë) është normale”.

Carlos Tevez kaloi dy vite me Ronaldon te Man United dhe së bashku me Lionel Messin mbrojtën ngjyrat e kombëtares së Argjentinës. /albeu.com/

The post “Cristiano nuk duket aspak si Leo”, Carlos Tevez për diferencën mes Ronaldos dhe Messit appeared first on Albeu.com.

Ish-lojtari i Boca Juniors ka firmosur kontratë 2-vjeçare ndërsa në Argjentinë sezoni sapo ka nisur dhe Rosario e Tevez pas katër ndeshjeve të para ka grumbulluar vetëm katër pikë.

Tashmë, në klub shpresojnë që Tevez të sjellë një frymë dhe mentalitet të ri, ndërkohë që ish-futbollisti pretendon të përsërisë edhe si trajner, karrierën e pasur që krijoi në rolin e futbollistit ku fitoi shumë trofe prestigjiozë në Europë ndërsa ishte një nga lojtarët më të dashur nga tifozeritë përkatëse. /h.ll/albeu.com

The post Carlos Tevez zyrtarizohet si trajner në Argjentinë appeared first on Albeu.com.

38-vjeçari argjentinas, dikur lojtar i Manchester United, City dhe Juventus, konfirmoi zyrtarisht pensionimin e tij, duke deklaruar se ai nuk mund të vazhdonte të luantë pas vdekjes së babait të tij adoptues.

Tevez luajti ndeshjen e tij të fundit 13 muaj më parë me Boca Juniors, klubi në të cilin ai nisi karrierën e tij si futbollist profesionsit.

“Kam dal në pension, e konfirmoj. Kam shumë oferta, madje edha nga USA. Por kjo ishte e gjitha, dhashë gjithçka”, u shpreh ish-sulmuesi i klasit botëror. Argjentinasi tani mund të fillojë një punë si trajner./ h.ll/albeu.com

The post Tevez i thotë lamtumirë futbollit, argjentinasi var këpucët në gozhdë appeared first on Albeu.com.

“Dje luajtëm futboll me familjen dhe miqtë si çdo të martë”, tha Diego, vëllai i Tevez, kur filloi të dëgjonte versione që përfshinin një makinë Mercedes Benz që qarkullonte në zonë.

Edhe pse tentativa për grabitje të makinës luksoze ka qenë reale dhe ka pasur shkëmbim zjarri me një roje, Tevez ka sqaruar se nuk ka lidhje me këtë ngjarje policore.

“Kam nevojë të them se lagjja ime është ende shtëpia ime. Ka një person të vdekur, një familje që është lënduar, por unë nuk kam asgjë me të. Unë i sqaroj të gjitha gjërat. Përshëndetje për të gjithë”, tha Carlitos gjatë një Instagram live. “Për personat që më shkruajnë dhe që shqetësohen për familjen time, dua që ta dinë që jam mirë, kujdesem për lagjen time dhe mundohem ta mbroj nga të gjitha marrëzitë që flitet”./ h.ll/albeu.com

 

View this post on Instagram

 

A post shared by Carlos Tevez (@__carlitostevez)

The post U përfol se Tevez ishte përfshirë në një grabitje me armë, reagon argjentinasi (VIDEO) appeared first on Albeu.com.