Manchester United ka konfirmuar zyrtarisht marrëveshjen me Brightonin për transferimin e mesfushorit kamerunas Carlos Baleba.

Për kartonin e tij, klubi anglez do të paguajë gjithsej 81.8 milionë euro. Prej kësaj shume, 76.0 milionë euro janë pagesë e garantuar, ndërsa 5.8 milionë euro të tjera lidhen me bonuse të ndryshme.

Baleba ka firmosur një kontratë pesëvjeçare me Manchester Unitedin, duke u bërë përforcimi i radhës në repartin e mesfushës pas Youri Tielemans dhe Andrey Santos.

“Është një ndjenjë e jashtëzakonshme të bashkohem me klubin e ëndrrave të mia. Të luash në Old Trafford është gjithmonë diçka e veçantë, por ta bësh këtë si futbollist i Manchester Unitedit është një nder i madh”, ka deklaruar Baleba pas transferimit.

Mesfushori 22-vjeçar ka shprehur gjithashtu entuziazmin për mundësinë e punës me trajnerin Michael Carrick.

“Mezi pres të punoj me Michael Carrick. Përvoja dhe njohuritë e tij për futbollin e bëjnë atë trajnerin ideal për të më ndihmuar të arrij nivelin më të lartë”, ka shtuar ai.

Baleba u transferua te Brighton në vitin 2023, kur u largua nga skuadra franceze Lille. Në Premier League, ai ka regjistruar 112 paraqitje në të gjitha garat, ndërsa gjatë sezonit të kaluar luajti në 31 ndeshje të kampionatit anglez, 23 prej të cilave i nisi si titullar.

Aktualisht, futbollisti kamerunas po rikuperohet nga një dëmtim i ligamenteve të kyçit të këmbës, problem që e ka lënë jashtë në fillim të sezonit.

Me afrimin e Balebës, Manchester United vijon të ndërtojë skuadrën e tij, ndërsa mesfushorit kamerunas pritet t’i besohet një rol i rëndësishëm në projektin e ri të klubit.

The post Zyrtare: Manchester United transferon Carlos Balebën për 81.8 milionë euro appeared first on Albeu.com.

Manchester United ka arritur të premten, më 21 gusht 2026, një marrëveshje verbale me Brightonin për transferimin e mesfushorit 22-vjeçar Carlos Baleba. Ai pritet të jetë përforcimi i tretë i klubit anglez në repartin e mesfushës gjatë kësaj vere.

Fabrizio Romano bëri të ditur se palët kanë gjetur gjuhën e përbashkët për kalimin e Balebas te Manchester United.

Sipas tij, marrëveshja përfshin 65 milionë funte (76 milionë euro) si shumë fikse, ndërsa 5 milionë funte të tjera (6 milionë euro) do të paguhen në formën e bonuseve. Kjo marrëveshje u arrit pasi një ofertë e mëparshme ishte refuzuar.

Me përfundimin e transferimit, Baleba do të bëhet mesfushori i tretë i afruar nga United këtë verë, pas Andrey Santos dhe Youri Tielemans.

David Ornstein i The Athletic raportoi se futbollisti ka udhëtuar gjatë mbrëmjes së së premtes drejt Mançesterit, ku sot, të shtunën, pritet t’u nënshtrohet kontrolleve mjekësore.

Nëse procedurat përfundojnë pa probleme, 22-vjeçari do të firmosë kontratë pesëvjeçare me Manchester United. Në marrëveshje do të jetë gjithashtu e përfshirë mundësia e zgjatjes së saj edhe për një sezon.

The post Manchester United pritet të konfirmojë sot transferimin prej 80 milionë funtesh pas marrëveshjes me Brighton appeared first on Albeu.com.

Manchester United pritet të zhvillojë sot një tjetër raund negociatash me Brightonin, pasi klubi anglez po shton përpjekjet për të siguruar shërbimet e mesfushorit kamerunas Carlos Baleba, raporton eksperti i transferimeve Fabrizio Romano.

Te “Djajtë e Kuq” është forcuar bindja, që prej ditës së djeshme, se transferimi i 21-vjeçarit mund të realizohet.

Oferta e parë zyrtare e Unitedit kap vlerën e mbi 70 milionë eurove, ndërsa parashikon edhe 6 milionë euro të tjera në formë bonusesh. Megjithatë, Brighton nuk e ka pranuar këtë propozim.

Për këtë arsye, klubi nga Manchesteri po përgatit një ofertë të re, në një kohë kur bisedimet mes palëve kanë hyrë në fazën e fundit.

Baleba kishte gjetur gjuhën e përbashkët me Manchester United rreth një vit më parë, por Brighton nuk e autorizoi largimin e tij atëherë.

Pavarësisht kësaj, marrëveshja personale e arritur mes lojtarit dhe klubit anglez mbetet ende e vlefshme.

Mesfushori e ka të qartë se dëshiron të luajë në “Old Trafford”, një faktor që i ka rritur ndjeshëm shpresat e Unitedit për ta mbyllur me sukses transferimin këtë herë.

Nëse arrihet dakordësia për tarifën e transferimit, Baleba pritet të jetë një nga afrimet më të rëndësishme të Manchester United gjatë këtij afati kalimtar.

The post Manchester United rikthehet me ofertë të re për Carlos Balebën pas refuzimit të parë appeared first on Albeu.com.

Manchester United është afër marrëveshjes me Brightonin për transferimin e mesfushorit Carlos Baleba, sipas David Ornstein të The Athletic.

Negociatat mes dy klubeve kanë hyrë në një fazë të avancuar, ndërsa palët po përpiqen të mbyllin detajet e fundit të operacionit.

Oferta e “Djajve të Kuq” kap vlerën e rreth 70 milionë eurove si pagesë fillestare, ndërsa në kontratë parashikohen edhe 5.9 milionë euro bonuse të varura nga paraqitjet dhe objektivat e arritura.

Brighton, megjithatë, kërkon një shumë disi më të lartë për futbollistin 22-vjeçar, ndaj diskutimet ende nuk kanë përfunduar.

Pavarësisht diferencave për vlerën e transferimit, bisedimet po zhvillohen në mënyrë pozitive dhe synimi i të gjitha palëve është që reprezentuesi i Kamerunit të transferohet në “Old Trafford”.

Forcimi i mesfushës qendrore është vendosur në krye të prioriteteve nga trajneri Michael Carrick, pas afrimeve të Youri Tielemans dhe Andrey Santos gjatë kësaj vere.

Gjatë sezonit të kaluar, Baleba luajti 35 ndeshje në të gjitha kompeticionet me Brightonin.

The post Manchester United në prag të transferimit të Carlos Balebas nga Brighton appeared first on Albeu.com.