Italia ecën shumë ngadalë në krahasim me të tjerët. Të enjten në mbrëmje diferenca e ritmit, agonizmit dhe teknikës ishte e qartë në Aston Villa-Bologna dhe Fiorentina-Crystal Palace. Fabio Capello, ish-trajneri i njohur italian analizon krizën dhe nxjerr në pah problemet.

“Klubet e Premier League janë të pasura, do të thoni ju. Por unë replikoj. Kemi parë kombëtaren e Italisë të shkojë në shtëpi, duke u eliminuar nga Bosnja. Interi që kryeson kampionatin, u mund dy herë në dy ndeshje nga norvegjezët e Bodo, Juventusi u eliminua nga turqit e Gallatasarajit, Napoli nuk kaloi grupin në Champions.

Jo, nuk është thjesht një pranim inferioriteti përpara Anglisë, që shpenzon më shumë. Kriza jonë është shumë e thellë, e shpërndarë dhe druaj se do të vuajmë edhe për ca kohë. Dhe nuk janë vetëm rezultatet që na e thonë. Mjaft me krahasimet me Premier League. Po na eliminojnë boshnjakët, turqit dhe norvegjezët.

Në Serie A gli arbitrat vërshëllejnë shumë gjatë ndeshjeve. Po ashtu, është e qartë se ka pak talent, lojtarët vrapojnë pak dhe në mbrojtje pastaj jemi… Janë probleme të mëdha” – ka pohuar mes të tjerash ish-trajneri i Milanit dhe Real Madrid, duke lënë të kuptohet se kriza e Italisë do të vazhdojë.

The post Italia “zhduket” nga kompeticionet europiane, Capello: Krizë e thellë, paratë s’kanë të bëjnë! Italia ka 2 probleme të mëdha appeared first on Albeu.com.

Sipas trajnerit italian, kolegu i tij do të kishte disa Champions League më shumë nëse nuk do të ishte kaq… arrogant.

“A me dini çfarë nuk më pëlqen te Guardiola? Arroganca e tij! Në sezonin e vetëm ku nuk tentoi ndonjë shpikje të tijën arriti që të fitonte Champions-in me Sitin. Nëse do të vini re me kujdes gjatë punës që bëri në Mynih dhe Mançester nuk ka fituar asnjëherë sa herë ka tentuar që të ishte ai protagonisti”, arsyetoi Kapelo.

Më tej trajneri italian shtoi dozën e kritikave duke thënë: “Ai ndryshon gjithmonë diçka pasi në fund të ditës dëshiron të thotë:

‘Lojtarët nuk fitojnë, unë bëj një gjë të tillë!’. Kjo arrogancë e shfaqur prej tij i ka kushtuar disa Champions. Unë kam respekt për Guardiolën, por arrogancën e tij e dalloj me sy të lirë. Ai i ka bërë shumë dëme futbollit”.

The post Kapelo sulmon ashpër Guardiolën: Arrogant, ka dëmtuar rëndë futbollin! appeared first on Albeu.com.

Çfarë mendoni për rënien e diskutueshme të karrierës së Ronaldos?

“Është faji i tij. Duke marrë parasysh se çfarë ka arritur në karrierën e tij, kjo nuk i bën merita.

Niveli i tij si lojtar nuk diskutohet, por në moment ka vepruar me arrogancë. Ai shkoi dhe iu ofrua skuadrave të tjera, duke mos gjetur askënd që do të besonte tek ai. Për ekipin është bërë pak barrë”, tha ish-trajneri i Real Madrid dhe Milan. /G.D albeu.com/

The post “CR7 u soll me arrogancë, është bërë barrë për skuadrën” appeared first on Albeu.com.

“Juventusi luajti 30 minuta si një ekip i vërtetë, siç nuk kishte mundur kurrë më para. Ata treguan shpejtësi, cilësi, vendosmëri dhe mund të shkonin edhe 2-0. Por më pas ata i shteruan energjitë.

Nuk mund të jetë një çështje fizike, sepse një rënie mund të ndodhë pas një ore, por mjo pas tridhjetë minutash. Unë mendoj se një kolaps i ngjashëm është shumë një rezultat që vjen nga koka dhe jo nga këmbët.

Mungesat ndikojnë shumë, dëmtimet peshojnë. Si mund të shohësh një Juve të bukur pa Pogba apo Chiesa? Megjithatë, unë mendoj se Allegri do e përmirësojë Juventusin”, është shprehur tekniku italian./ h.ll/albeu.com

The post Capello: Dëmtimet peshojnë shumë, Allegri do të ngrihet sërish appeared first on Albeu.com.

“De Laurentiis është i zoti në numërimin e parave, dhe kjo është një çështje parash. Dhe perspektivat. Ronaldo është e tashmja dhe Osimhen është e ardhmja. Është e qartë se Ronaldo do të krijojë probleme në dhomën e zhveshjes, por ky është problem i Spallettit, jo i De Laurentiis. Ronaldo ka humbur shpejtësinë, ndryshe nga Osimhen, por ka përvojë dhe mund të vendosë rezultatin e ndeshjes me një goditje”, citon ITASportPress Capello. /albeu.com/

The post Capello i përgjigjet thashethemeve të Ronaldos te Napoli appeared first on Albeu.com.

“Është një ekip që është vënë në vështirësi nga ndeshja e Sampdorias disa herë dhe ka bërë pak. Arsyeja? Në mesfushë, ku lind ndeshja, atje është pak kualitet. Juve është kthyer në nivelet e vitit të kaluar dhe Allegri nuk mund të bëjë gjë tjetër veçse të presë rikthimin e këtyre lojtarëve për të shprehur një lloj loje të caktuar. Një herë kur Juve mori topin ajo ishte zonja e fushës, tani ajo nuk është, ka pak imagjinatë”. /albeu.com/

The post Capello: Dikur Juve ishte pronar i fushës, tani nuk janë, ka pak imagjinatë appeared first on Albeu.com.

“Unë mendoj se ai do të ndryshojë ekuilibrat te Roma. Ai është një lojtar i madh, një nga ata që bëjnë diferencën.

Roma ka pësuar ndryshime dhe tani mund të bëjë diçka më shumë në Serie A. Dybala në sulm me Abraham dhe Zaniolo-n do të jenë të frikshëm për mbrojtjen e ekipeve të tjera në ligën italiane”, kështu është shprehur ish-tekniku kampion bote me Italinë./h.ll/albeu.com

The post Capello për Dybala: Te Roma ai do të ndryshojë ekuilibrat, me Zaniolon dhe Abraham bëhen të frikshëm appeared first on Albeu.com.

Lidhur me këto thashetheme, Fabio Capello, ish-trajneri i kuqezinjve, u shpreh pesimist.

“Dybala te Milani? Nuk e besoj, nuk e shoh të mundur. Shumë fjalë boshe qarkullojnë”, u shpreh Capello./ h.ll/albeu.com

The post Capello flet hapur: Dybala te Milan? Më duken fjalë boshe, nuk e besoj appeared first on Albeu.com.

Cili ka qenë momenti më pozitiv në karrierën si trajner?

Më i gjati, por edhe më pozitivi ka qenë ai te Milani sepse pas largimit të Sakit të gjithë kishin parashikuar një moment të errët për klubin. Unë rreshtova 58 ndeshje pa humbje duke përfshirë edhe finalet e Champions-it. Nuk është se më ka shkuar keq te Roma ku riktheva titullin pas 20 vitesh pa fituar asgjë apo te Reali ku gjithashtu u shpalla kampion në vitin e parë, ndërkohë që ekipi nuk fitonte prej tri sezonesh.

A keni pengje?

Sigurisht që kam. Nuk duhej të isha kthyer te Milani sepse e gjeta veten me një skuadër që nuk e kisha projektuar unë, por nuk e refuzoja dot Berluskonin sepse i detyrohem për gjithçka kam arritur.

Cili është trofeu me të cilin jeni më i lidhur?

Më i vështiri ka qenë ai me Romën ku ndieja se kisha në duar një skuadër të fortë. Mungonte diçka dhe blemë Batistutën. Mund të kishim fituar dy tituj rresht, por nuk e ruajtëm dot përqendrimin. Te Reali kam fituar gjithashtu një titull fantastik. Në 11 javë nga fundi ishim 9 pikë larg Barcelonës. M’u desh të largoja Ronaldo Fenomenin, por pata të drejtë sepse skuadra ndryshoi qasje.

Nuk mund të mos ju pyesim për Ibrahimoviçin…

Historia ime me të është shumë e bukur. Kisha dëgjuar shumë për të, pavarësisht se me Romën e kisha përballur në një miqësore kur ishte ende tek Ajaksi. Në atë sfidë nuk ishte titullar dhe m’u desh të prisja pushimin për ta parë se çfarë prekjeje topi kishte. Kur trajneri i tij e hodhi në fushë mësova më shumë për cilësitë e Ibrës. Me lojtarë të dobët edhe mund të binte në sy, por unë kisha një skuadër cilësore dhe përsëri Ibrën e dalluan të gjithë. Kur shkova te Juvja ishte emri i parë që kërkova për të pasur një alternativë për Trezegenë. 16 milionë euro investim dhe pagesë për katër vite. Kur nisëm të punonim bashkë e kuptova që nuk godiste mirë, por një talent i tillë përmirësohet shpejt. E bëra të kuptojë se duhej të “shihte” më shumë portën dhe për ta ndihmuar i dhashë një kasetë me golat e Van Bastenit. Se si vazhdoi historia e dimë të gjithë, megjithëse Ibra përveç se golashënues u bë edhe një asistues i zoti.

Pra, nuk ju habit fakti që e shihni në këto nivele edhe tani që është 41 vjeç?

Duke e njohur, e prisja që të vazhdonte për një kohë të gjatë. Të arrish moshën 40-vjeçare me atë dëshirë, meriton elozhe. Ibra është i lidhur me këtë profesion sepse për të futbolli është profesion. Ai gjithmonë dëshiron të jetë protagonist duke qenë lider. Por ato janë dy gjëra të ndryshme sepse mund të jesh një njeri i dhomave të zhveshjes, por të mos jesh protagonist në fushë. Por ai është protagonist si në fushë ashtu edhe jashtë saj.

A flisni akoma?

Po, po, flasim herë pas here. Isha në prezantimin e librit të tij të fundit. Më thirri në skenë sepse është mirënjohës. Ai e di që unë arrita të nxjerr në pah talentin që kishte brenda duke treguar cilësitë e tij në fushë.

Futbolli është më mirë me VAR apo pa të?

Pa dyshim që me teknologji. Imagjinoni të eliminoheni nga një Botëror për shkak se arbitri nuk arrin të shohë një top që kalon vijën fatale.

Çfarë mendoni për sektorët e të rinjve në ditët e sotme?

Ndonjëherë tronditem kur shoh fëmijë 12-13-14 vjeç që luajnë, sepse sot në vend që t’i mësojnë të driblojnë, ata u mësojnë skemat. Në bazë të gjithçkaje është teknika. Me shpejtësinë që ekziston sot në futboll, nëse nuk ke teknikë nuk mund të luash. Kur i shoh duke bërë skema në vend që të bëjnë teknikë, më vjen për të vjellë. Në sektorët e të rinjve duhet të bësh shumë teknikë. Këtë e mësova nga Liedholmi. E kuptova më mirë në moshën 33- vjeçare, kur i stërvitur prej tij, isha kthyer në nivelin teknik që kisha në rini dhe që e kisha humbur me kalimin e kohës duke mos u stërvitur çdo ditë.

Ku qëndron thelbi atëherë?

Shumë e thjeshtë. Taktikat janë shumë më të lehta për t’u stërvitur sesa teknika. Kur i mësova teknikën, i thashë Ibrahimoviçit se për të goditur, duke pasur 46 këmbën, duhej të vendoste këmbën e tij mbështetëse në një mënyrë të caktuar afër topit. Kur sheh të rinjtë duke punuar, duhet t’u thuash këto gjëra, sepse nëse nuk e sheh gabimin, nuk mund ta korrigjosh. Përmirësimi i vazhdueshëm do të japë fryte herët a vonë.

Kë do të zgjidhnit mes Pirlos dhe Gatuzos?

Ata janë të ndryshëm, por së bashku janë të përsosur. Kjo është ajo që kërkon çdo trajner në mesfushë. Njëri ka një orientim të shkëlqyeshëm dhe e sheh lojën ashtu siç nuk e shohin të tjerët, ndërsa tjetri e mbështet atë me një punë të “pisët” që është vendimtare.

Mund të na thoni 11-shen tuaj të preferuar?

Është e pamundur të bëhet sepse do të ishin rreth 30 lojtarë që meritojnë të jenë në top-11. Megjithatë, mund të them një gjë, se lojtari më i mirë që kam trajnuar është Ronaldo. Por, njëkohësisht është ai që më ka bërë më shumë dëme. Më duhej ta largoja për të fituar kampionatin. Por ai ishte më i miri nga të gjithë me të cilët kam pasur fatin dhe mundësinë të punoja gjatë karrierës sime.

The post Rrëfehet Capello: Ronaldo më ka nxirë jetën appeared first on Albeu.com.

Kuqezinjtë janë në kërkim të Scudetto-s së tyre të parë në një dekadë dhe me një fitore ndaj Atalantës të dielën do të afroheshin edhe më shumë, duke e bërë Piolin të shkruhet në librat e historisë së klubit.

Skuadra ka përjetuar një transformim mbresëlënës në dy vitet e gjysmë të fundit nën drejtimin e trajnerit 56-vjeçar italian dhe tani ata janë në majë për të konfirmuar këtë rritje.

Siç raportohet nga Sky Sports Italia, Pioli ka marrë mesatarisht 1.96 pikë për ndeshje që kur mori drejtimin e Milanit në tetor 2019, duke e vendosur atë të dytin në listën e të gjitha kohërave të klubit. Përpara tij është Fabio Capello, i cili siguroi mesatarisht 2.02 pikë për ndeshje.

Pioli aktualisht e gjen veten duke u ulur mbi Arrigo Sacchi (1.95), Nereo Rocco (1.95), Carlo Ancelotti (1.84) dhe Massimiliano Allegri (1.81).

Kontrata e trajnerit të Milanit skadon vitin e ardhshëm, kështu që ka të ngjarë që ai të shpërblehet me një marrëveshje të re të madhe sapo të përfundojë sezoni.

The post Pioli lë prapa Ancelottin e Sacchin, vetëm Capello më i mirë se italiani te Milani appeared first on Albeu.com.