Burimet bëjnë me dije se para se të ndërronte jetë nga breshëria e plumbave që u derdhën mbi të nga persona ende të paidentifikuar, Can Kariçi lëvizi i plagosur me makinë për gati 100 metra.

Grupi hetimor ka rindërtuar edhe një herë dinamikën se si u ekzekutua 30 vjeçari me origjinë nga Dibra e banues në Kamëz.

Sapo doli nga lokali ku kishte konsumuar kafe me dy shokë e një shoqe të tijën, 30 vjeçari hipi në makinën Golf me targa gjermane dhe menjëherë sapo ndezi makinën u qëllua me breshëri kallashnikovi.

Nga vendi ku autorët hapën zjarr, kamerat kanë fiksuar se për gati 100 metra, Kariçi ka lëvizur me makinë i plagosur. Ai ndërroi jetë në makinë, trupi i të cilit u diktua nga kalimtarët e zonës. Hetimet kanë zbuluar se 30 vjeçari i ishte drejtuar zonës së Institutit, aty ku e priste një tjetër vajzë për takim.

Kjo e fundit kishte shkuar në këtë zonë me taksi dhe me mesazhe i kishte treguar Kariçit vendin se ku e priste. Në sajë të tabulateve telefonike, policia mundi të identifikojë vajzën. Ajo u mor në pyetje duke deklaruar se nuk ka pasur dijeni për problemet e të riut.

Hetuesit janë në pritje të zbardhjes së plotë të tabulateve telefonike për të parë bisedat e fundit që ka bërë viktima dhe kush janë personat që kanë komunikuar me të, shkruan Abc.

Policia është në pritje të përgjigjes nga laboratori shkencor për pistoletën që viktima kishte me vete, për të verifikuar nëse është përdorur ose jo në ndonjë ngjarje kriminale. Si pistë kryesore është duke u hetuar përplasja mes grupeve kriminale. Ndërsa në makinën Audi me targa të huaja që autorët dogjën në Institut bashkë me kallashnikovin brenda, nuk është mundur të përfitohet asnjë provë e rëndësishme për hetimin. /albeu.com/

The post DETAJET/ Do të takonte dy vajza, Can Kariçi eci i plagosur nga plumbat 100 m e vdiq appeared first on Albeu.com.

Kujtomë se ngjarja e rëndë ndodhi ditën e djeshme rreth orës 20:00. Në rrethana ende të paqarta, 35-vjeçari është gjetur i qëlluar në makinën me targa të huaja.

Pak pas ngjarjes në Institut u gjet një makinë tip “Audi” e djegur.

Në lidhje me këtë ngjarje autorët e dyshuar janë dy, njëri personi që qëlloi mbi Karriqin dhe tjetri ka drejtuar makinën./albeu.com

The post Detaje të reja nga vrasja e 35-vjeçarit në Kamëz, çfarë u gjet në makinën e djegur appeared first on Albeu.com.

Viktima është Can Karriqi 35-vjeç, ndërsa ishte ndaluar nga policia disa muaj më parë.

Dyshohet se viktima ka lidhje me dy të rinjtë që u vranë më 13 nëntor në Astir.

Erigers Mihasi dhe Armand Dumani u vranë me breshëri automatiku kur po lëviznin me mjetin e tyre tip Audi në Astir.

Pas zbulimit të ngjarjes një makinë tip Audi është gjetur e djegur në Insititut.

Njoftimi i policisë:

“Më datë 23.12.2021, rreth orës 19:56, në Kodër Kamëz, në rrugën “Nikoll Vatnikaj”,  në rrethana ende të paqarta dyshohet se është vrarë me armë zjarri brenda në një automjet me targa të huaja, shtetasi C. K., rreth 35 vjeç, banues në lagjen Nr.1 Bathore.

Shërbimet e Policisë kanë shkuar menjëherë në vendngjarje së bashku me grupin hetimor. Është rrethuar zona dhe vijon krehja e saj për të bërë të mundur kapjen e autorit/ëve.

Grupi hetimor nën drejtimin e Prokurorisë vijon punën për zbardhjen e rrethaneve të ngjarjes, sekuestrimin e çdo prove të mundshme materiale që shërben për identifikimin e autorëve”-njoftoi policia. /albeu.com/

The post Personi i ekzekutuar në Kamzë, ky është Can Karriqi (FOTO LAJM) appeared first on Albeu.com.