Ish-kryeministri britanik, David Cameron, i cili tashmë po drejton diplomacinë e Mbretërisë së Bashkuar vitin 2024 e ka nisur me një vizitë zyrtare në Kosovës. Kjo pas rritjes së vazhdueshme të tensioneve në rajonin e Ballkanit Perëndimor.

Mbrëmjen e 3 janarit, David Cameron, është pritur nga kryeministri Albin Kurti dhe vartësit e tij në një darkë zyrtare. Cameron teksa ka përshëndetur me radhë disa prej ministrave, është interesuar për çështje të ndryshme me secilin prej tyre.

Me ministren e Jashtme, Donika Gërvalla, kanë folur për shkollimin e kësaj të fundit. Gërvalla dëgjohet teksa i tregon për studimet e saj gjatë viteve të 90-ta, ndërkohë që Cameron e pyet nëse ka studiuar në Berlin apo në ndonjë vend tjetër.

“Jo, kam studiuar në Hamburg dhe më pas kam shkuar në Bon, ish-kryeqytetin”, dëgjohet teksa i përgjigjet Gërvalla.

Cameron më pas ka shkëmbyer disa fjalë edhe me ministrin për Kthim dhe Komunitete, Nenad Rashiq, me të cilin kanë biseduar për minoritetet që ndodhen në Kosovë.

Rashiq ia ka numëruar komunitetet duke filluar nga serbët si minoriteti më i madh në Kosovë, më pas ka përmendur turqit, boshnjakët, romët, ashkalinjtë dhe goranët.

Ndërkohë ministren e Zhvillimit Ekonomik e ka pyetur për rritjen ekonomike. Rizvanolli i ka thënë se gjatë vitit 2023 ka qenë 4 %, shifër kjo që e ka befasuar edhe kryediplomatin britanik, shkruan Gazeta Express.

“Kjo është ajo çka do të ëndërronim të gjithë” i ka thënë Cameron Rizvanollit.

Pas këtyre bisedave me ministrat, në dhomën është futur Kurit i cili e ka përshëndetur kryediplomatin britanik, i cili edhe i ka treguar Kurtit për bisedën me Rizvanollin dhe shifrën prej 4 % të rritjes ekonomike.

Cameron përveç bisedave paska më relaksuese me ministrat, ka dhënë dhe mesazhe të forta sa i përket sovranitetit dhe sigurisë së Republikës së Kosovës. Kryediplomati britanik ka shprehur mbështetjen e palëkundur të Mbretërisë së Bashkuar për një Kosovë të pavarur dhe të sigurtë, duke thënë se shteti i tij do të bëjë përpjekje që Kosova të ketë përparim edhe sa i përket njohjes në arenën ndërkombëtare si shtet i pavarur dhe sovran, shkruan Express.

Në një intervistë për Reuters, Cameron ka folur edhe për sulmin e 24 shtatorit në Banjskë, duke thënë se ajo që ka ndodhur vitin e kaluar është shqetësuese dhe ka thënë se duhet kujdesur që një gjë e tillë të mos përsëritet, dhe që nëse përsëritet të luftohet.

Këto fjalë Cameron i ka thënë teksa ka qëndruar për një vizitë tek forcat britanike të cilat shërbejnë në Kosovë në kuadër të KFOR-it. /GazetaExpresss/

The post Ku ke studiuar, sa është rritja ekonomike, sa pakica jetojnë në Kosovë, pyetjet që Cameron ua bëri ministrave të Kurtit appeared first on Albeu.com.

Zoti Cameron i bëri këto komente gjatë vizitës në Prishtinë, e para që kur mori postin e sekretarit të jashtëm në qeverinë e kryeministrit Rishi Sunak.

“Siç e shohim në lajmet sot, ne jetojmë në botën e pasigurisë së madhe, të paqëndrueshmërisë së madhe, në botën e konfliktit të madh dhe është koha kur vende si Britania duhet të mbështesin miqtë, të punojnë ngushtë me aleancat e rëndësishme dhe duke investuar në zona që kanë qenë të paqëndrueshme, por tani po tregojnë qëndrueshmëri dhe përparim të madh. Kjo është arsyeja pse ne jemi këtu dhe kjo është arsyeja pse ne dëshirojmë të vazhdojmë të punojmë me ju”, tha të enjten sekretari britanik në një konferencë shtypi përkrah ministres së Jashtme të Kosovës, Donika Gërvalla.

Sekretari britanik takoi edhe trupat shtesë nga vendi i tij që u vendosën në terren në vjeshtën e vitit të kaluar, pas një sulmi mbi policinë e Kosovëm me 24 shtator nga një grup serbësh të armatosur, që nxiti shqetësime për qëndrueshmërinë në rajon.

“Ne biseduam sot në mëngjes për sigurinë tuaj dhe kontributin e rëndësishëm që mund ta japim për këtë, për faktin se Britania luan një rol të madh në kuadër të forcave paqeruajtëse të KFOR-it. Ne kemi më shumë se 600 trupa britanike këtu. Jemi krenarë për trajnimin dhe mbështetjen që po u japim forcave tuaja të armatosura dhe suksesin e madh të tyre gjatë stërvitjeve në Mbretërinë e Bashkuar”, tha ai.

Zoti Cameron shërbeu si kryeministër i Mbretërisë së Bashkuar nga viti 2010 e deri në vitin 2016 kur vendi i tij u largua nga Bashkimi Evropian.

“Kur ishim në BE më kujtohen shumë net të gjata duke debatuar për rëndësinë e njohjes së sovranitetit dhe pavarësisë suaj, dhe mbështetjen e vendit tuaj. Jam krenar që mbajtëm këtë qëndrim”, tha sekretari Cameron gjatë një darke pune me kryeministrin e Kosovës Albin Kurti, të cilin e siguroi për vazhdimin e mbështetjes britanike.

“Duam të dëgjojmë për gjërat që po ndodhin në rajon dhe disa nga çështjet e fqinjësisë që unë e di se janë të vështira”, tha sekretari Cameron, duke nënvizuar se qëndrueshmëria në Ballkanin Perëndimor është shumë e rëndësishme dhe në interes të vendit të tij.

Mbretëria e Bashkuar ishte ndër vendet e para që njohën pavarësinë e Kosovës në vitin 2008, e cila kundërshtohet nga Serbia dhe aleatja e saj Rusia.

Të dyja vendet ballkanike që nga viti 2011 janë përfshirë në një proces bisedimesh për normalizimin e marrëdhënieve por ky normalizimin duket ende i largët.

The post Cameron: Britania do të vazhdojë të mbështesë Kosovën në fushën e sigurisë dhe njohjeve ndërkombëtare appeared first on Albeu.com.