Dy deputetët kishin kundërshtuar masat disiplinore të vendosura ndaj tyre, por Byroja e Kuvendit vendosi të mos pranojë ankimimet e paraqitura.

Sekretariati i Etikës kishte vendosur përjashtimin e Flamur Nokës nga punimet e Kuvendit për 20 ditë, si dhe përjashtimin e Elda Hotit për 10 ditë, për shkelje të rregullores së brendshme.

Vendimi i sotëm konfirmon masat e mëparshme disiplinore, duke i lënë në fuqi përjashtimet ndaj dy deputetëve demokratë.

Gjatë votimit në Byro, kryetari i Kuvendit Niko Peleshi abstenoi, ndërsa deputeti Belind Këlliçi votoi në favor të ankimimeve të paraqitura nga Noka dhe Hoti.

Ndërkohë, kundër rrëzimit të ankimimeve votuan Blendi Klosi, Saimir Hasalla, Fatmir Xhafaj, Ogerta Manastirliu dhe Klodiana Spahiu, duke mbështetur lënien në fuqi të masave disiplinore.

The post Byroja e Kuvendit lë në fuqi përjashtimet për Flamur Nokën dhe Elda Hotin appeared first on Albeu.com.

Sakaq, përmes një shkrese, firmosur nga anëtari i grupit parlamentar të PD-së, Belind Këlliçi, kërkohet që mbledhja të jetë e hapur për mediat.

“I Nderuar Z. Kryetar, Në cilësinë e anëtarit të Byrosë së Kuvendit, në kuadër të transparencës dhe interesit të opinionit publik, si dhe ndjeshmërisë së çështjeve për diskutim, kërkoj që mbledhja e sotme e Byrosë së Kuvendit, në orën 11:00, të zhvillohet me praninë e mediave dhe gazetarëve. Duke ju falënderuar për bashkëpunimin”, sqarohet në kërkesë, drejtuar kryeparlamentarit Niko Peleshi.

The post Ankimimi i përjashtimeve nga seancat, grupi i PD-së kërkesë Byrosë së Kuvendit: Mbledhja të jetë e hapur appeared first on Albeu.com.