Byrek Archives - Albeu.com

Rita Ora hap byrek në Tiranë: Më ka mësuar mami (VIDEO)

E B — Mon, 05 Sep 2022 15:19:50 +0000

Rita Ora ndodhet në Shqipëri për një koncert që do të mbajë ditën e nesërme në Tiranë. Pas takimit me studentët e Liceut, këngëtarja shqiptare me famë botërore ka vizituar ditën e sotme “Shtëpinë e Ngjyrave”, një qendër jofitimprurëse që ofron shërbim social për fëmijët në nevojë.

Gjatë vizitës, ku ishte i pranishëm dhe kryebashkiaku Veliaj, këngëtarja shqiptare shkon në kuzhinë ndërsa nis të hapë dhe peta. “Më ka mësuar mami”, shprehet ylli i muzikës teksa po bënte peta. Gjatë bisedës, ajo shprehet se byreku është ushqimi i preferuar shqiptar.

The post Rita Ora hap byrek në Tiranë: Më ka mësuar mami (VIDEO) appeared first on Albeu.com.

“Piranja” në mes të tifozëve, u shet byrekun 10 euro, ndiqni reagimet e tyre epike

E B — Tue, 31 May 2022 19:39:12 +0000

Jo vetëm sherr, por edhe byrek shqiptar! Tifozët italianë dhe ato holandezë të ardhur në Tiranë për të ndjekur finalen e Conference League nuk shpëtuan pa ngrënë edhe byrekun e Piranjave.

Gazetari Altin Tufa shkoi në mes të tifozëve, të cilët i ka provokuar me pyetje të ndryshme, gjithmonë të shoqëruara me ironi dhe humor. Për të parë reagimet e tyre duhet të ndiqni videon e mëposhtme.

The post “Piranja” në mes të tifozëve, u shet byrekun 10 euro, ndiqni reagimet e tyre epike appeared first on Albeu.com.

Recetë e pazakontë, por byreku me këtë përbërës do të bëhet i preferuari i fudjavave tuaja

A M — Fri, 25 Feb 2022 12:48:53 +0000

A keni provuar ndonjëherë byrek me turshi? Kjo recetë nga Zonja Vjollca duhet provuar me patjetër dhe pse jo këtë fundjavë që keni para.

INGREDIENTËT

1 filxhan çaji kos
1 filxhan çaji ujë
Kripë
2 lugë gjelle vaj ulliri
400 gram miell
1 lugë kafe sodë buke
Mbushja: 1 qepë
1 kg lakër turshi
kripë dhe piper i zi
1 lugë gjelle piper i kuq
Vaj ulliri
1 lugë gjelle gjalp

UDHËZIMET

1. Lakrën e shpëlajmë mirë dhe e presim shumë hollë.

2.Në një tas të madh hedhim kosin, ujin, kripën dhe vajin. I përziejmë të gjithë përbërësit.

3.Shtojmë sodën tek mielli dhe e trazojmë duke shtuar pak nga pak tek tasi me kos dhe ujë. Punojmë brumin duke shtuar miellin derisa masa të marrë trajtën e një brumi si për byrek.

4.Pasi e punojmë brumin mirë për 10 minuta e ndajmë në dy pjesë, e mbulojmë dhe e lëmë të pushojë për 30-40 minuta.

5.Ndërkohë gjatë kësaj kohe në një tigan kaurdisim qepën të prerë në kubikë të vegjël derisa të bëhet transparente dhe të zbutet mirë.

6.Shtojmë lakrën dhe i kaurdisim së bashku derisa lakra të ulë volumin. Shtojmë kripë nëse duhet, piper të zi, një lugë gjelle piper të kuq,

7.I përziejmë mirë duke shtuar ½ gote ujë dhe e lëmë të ziejë derisa uji të avullojë dhe të mos ketë më lëng në tigan.

8.E largojmë tiganin dhe e ftohim lakrën.

9.Lyejmë një tepsi me yndyrë dhe fillojmë të hapim një petë jo të hollë, por afërsisht sa një petë tarte. E vendosim në tepsi, duke lënë që peta të varet pak në anët e tepsisë.

10.Shtojmë mbushjen duke e shpëndarë në të gjithë sipërfaqen.

11.Hapim dhe petën e dytë dhe mbulojmë mbushjen duke rrudhur petën sipër.

12.Mbledhim anët e lakrorit, e lyejmë me pak vaj dhe shpërndajmë gjysmë luge me gjalpë në sipërfaqen e lakrorit.

13.Vendosim lakrorin për t;u pjekur në temperaturë 200 gradë Celsius, për 20 minuta.

14.E nxjerrim dhe e lyjemë përsëri me gjalpin e mbetur duke e vendosur përsëri në furrë dhe për pesë minuta. E shërbejmë të ngrohtë.

The post Recetë e pazakontë, por byreku me këtë përbërës do të bëhet i preferuari i fudjavave tuaja appeared first on Albeu.com.

Basha ndalon në Lushnjë për të ngrënë byrek me kos deleje, kryedemokrati: Nuk kam ardhur për fushatë

E S — Thu, 08 Apr 2021 14:33:31 +0000

Kreu i opozitës, Lulzim Basha gjatë takimeve elektorale në Lunshnje, u ndal te lokali më i mirë i zonës për të provuar edhe byrekun e famshëm.

Basha u shpreh se në këtë vend ndalon gjithmonë sa herë që shkon në jug, teksa në tavolinë iu server byreku me kos dele.

“Këtë e kam stacionin tim të përhershëm. Vij gjithmonë kudo që e kam rrugën për të marrë byrekun tuaj. Mos kujtoni se kam ardhur për fushatë këtu jam si në shtëpinë time. Sa herë që shkoj në jug këtu e kam pikën e ndalesës,” tha Basha.

Më herët kreu i demokratëve ishte për vizitë edhe në një familje lushnjare. Basha u zotua se do të sjellin ndryshimin dhe qeverisja e ardhshme do të jetë e afërt me qytetarët.

“Shqetësimi i madh dhe pritshmëria më e madhe është të ndalim largimin e të rinjve. Zotimi kryesor i yni është që qeveria të jetë në krah të qytetarëve. Të ulë taksat, çmimin e naftës. Në këtë investim vend të veçantë ka familja. Shqipëria po zvogëlohet për dy arsye e para që po ikin dhe e dyta që nuk po krijohen familje. Çiftet e reja nuk po bëjnë fëmijë për shkak të pamundësisë.

Do të in vestoj fuqishëm tek ekonomia shqiptare dhe ju garantoj që nuk do ju zhgënjej. Shpresa është kudo për ndryshim. Shqiptarët kanë ngritur në këmbë. Po u ngritët shqiptarët në këmbë s’ka gjë që i ndalon. Mbarë do ecë. Edhe socialistët janë bërë bashkë për ndryshim. Do t’i japim fund përçarjes,” tha Basha.

The post Basha ndalon në Lushnjë për të ngrënë byrek me kos deleje, kryedemokrati: Nuk kam ardhur për fushatë appeared first on Albeu.com.