Skuadra e Partizanit regjistroi një fitore 2-0 në ndeshjen miqësore kundër Bylisit. Takimi u zhvillua dje në ambientet e “Shtëpisë së Futbollit”, pa praninë e publikut në tribuna.

Të besuarit e trajnerit Florin Bratu e siguruan triumfin pa hasur pengesa të mëdha, pavarësisht se në formacion u panë shumë lëvizje. Rrjetën e tundën Kazeem, i cili zhbllokoi sfidën në minutën e 49-të, dhe Bintsouka që dyfishoi shifrat në të 65-ën. Demat e kuq shënuan dhe golin e tretë, por asistenti e anuloi për shkak të pozicionit jashtë loje.

Në serinë e testeve përgatitore, Partizani po shfaq një ecuri tejet bindëse. Humbja e vetme mbetet ajo në përballjen hapëse përballë Besës, ndërsa katër duelet e tjera janë mbyllur të gjitha në avantazh të kuqve.

The post Partizani nuk ndalet, mposht Bylisin në testin e fshehur në “Shtëpinë e Futbollit appeared first on Albeu.com.

Elbasani e ka hapur zyrtarisht periudhën përgatitore me një takim miqësor, i cili u mbyll pa fitues dhe pa gola.

Në provën e parë të kësaj faze, verdheblutë u përballën me ekipin e Bylisit, ndërsa rezultati përfundimtar ishte 0-0. Për Elbasanin, kjo ishte ndeshja e parë pas paraqitjeve në Europë.

Përballja i dha mundësi trajnerit Ivan Gvozdenoviç të vlerësonte formën fizike të futbollistëve në fillim të përgatitjeve për sezonin e ri të Abissnet Superiore.

The post Elbasani barazon pa gola me Bylisin në miqësoren e parë të fazës përgatitore appeared first on Albeu.com.

Flamurtari ka marrë një fitore të thellë 3-0 ndaj Bylisit në një ndeshje miqësore, duke dhënë një paraqitje shumë autoritare.

Skuadra vlonjate kontrolloi çdo fazë të lojës dhe tregoi një paraqitje të fuqishme në repartin e avancuar. Keneth, Pjeshka dhe Diane ishin protagonistët që shënuan golat e suksesit, me këtë të fundit që vulosi rezultatin përfundimtar.

Ky triumf bindës shërben si një injeksion i fortë besimi për ekipin kuqezi, i cili po punon intensivisht për të qenë konkurrues dhe për të synuar rikthimin në elitën e futbollit shqiptar, Kategorinë Superiore.

The post Dominim absolut dhe tre gola, Flamurtari shkatërron Bylisin në miqësore appeared first on Albeu.com.

Bylisi ka hyrë në një kapitull të ri pas rënies nga “Abissnet Superiore”, duke i besuar drejtimin teknik Arlind Rustemit. Skuadra ballshiote e nisi me këmbë të mbarë fazën përgatitore, teksa mposhti 4-1 Apoloninë në një miqësore.

Në një intervistë të dhënë së fundmi, trajneri 40-vjeçar e pranoi peshën e detyrës, por njëkohësisht e cilësoi një privilegj të jashtëzakonshëm. Rustemi u shpreh se vjen me shumë motivim dhe besim për të formuar një skuadër që konkurron denjësisht, me një identitet loje të qartë, disiplinë dhe mendësi fituese. “Ambicia jonë është të krijojmë një ekip që lufton çdo ndeshje dhe përmirësohet pa pushim. Nuk duam t’i vëmë vetes kufij, por të punojmë përditë për të përmbushur objektivat e klubit,” theksoi ai. Sipas tij, kampionati pritet të jetë mjaft i fortë dhe i baraspeshuar, me skuadra të mirëorganizuara dhe cilësore, ndaj çdo takim do të kërkojë përqendrim maksimal.

Tekniku shtoi se respektojnë çdo kundërshtar, ndërsa fokusi kryesor mbetet puna e përditshme, zhvillimi i grupit dhe ndërtimi i një fryme fituese. Ai shprehu bindjen se, me përkushtim dhe bashkëpunim, mund të realizojnë një sezon të suksesshëm, i cili do ta bëjë krenar klubin dhe tifozët. “E marr këtë sfidë me përgjegjësi dhe entuziazëm të lartë. Gara do të jetë e vështirë, por unë besoj që me punë, disiplinë dhe përkushtim mund të jemi protagonistë,” përfundoi Rustemi.

The post Starti premtues i Bylisit, Rustemi: Përgjegjësi e madhe, por privilegj; synimi – ekip konkurrues appeared first on Albeu.com.

Bylisi ka nisur fushatën e përforcimeve për sezonin e ri, duke synuar ndërtimin e një skuadre konkurruese në Kategorinë e Parë me qëllim rikthimin në Superiore.

Sulmuesi 23-vjeçar nga Portugalia, Mauro Ribeiro, është goditja e parë e merkatos për klubin ballshiot, i cili do të jetë një element kyç në repartin ofensiv nën drejtimin e trajnerit të sapoemëruar, Arlind Rustemi.

Rustemi u prezantua mbrëmjen e kaluar nga drejtuesit, ndërsa krahas Ribeiros, skuadra ka konfirmuar edhe dy lojtarë të tjerë: mbrojtësin Dime Dimitrov dhe mesfushorin Gjorgji Stoilov.

Me këto lëvizje, Bylisi tregon ambicie të qarta për të hedhur themelet e një grupi të ri dhe për të synuar ngjitjen në elitën e futbollit shqiptar në edicionin e ardhshëm.

The post Bylisi zyrtarizon tre afrime, përfshirë sulmuesin portugez Mauro Ribeiro appeared first on Albeu.com.

Pasi pësoi rënien nga kategoria “Abissnet Superiore”, Bylis ka filluar të riorganizohet dhe po zhvillon përgatitjet për sezonin e ardhshëm në Kategorinë e Parë. Ditët e fundit, ekipi nga Ballshi ka zhvilluar një takim prove.

Skuadra bardhekuqe ka triumfuar ndaj Apolonisë në një ndeshje miqësore, të cilën e kontrolloi plotësisht nga fillimi deri në fund. Përballja kundër fierakëve u mbyll me një rezultat të pastër 4-1 në të mirë të Bylisit.

Për ekipin ballshiot realizuan Walisson, Riruai, Hodo dhe Adeduro. Ky është një tregues inkurajues për trajnerin dhe lojtarët, që e hapin ciklin përgatitor me një sukses bindës me katër gola.

The post Bylis shkëlqen në testin miqësor, mposht Apoloninë me një fitore të thellë 4-1 appeared first on Albeu.com.

Bylisi ia ka besuar drejtimin e skuadrës Arlind Rustemit për sezonin 2026/27, gjatë të cilit klubi ballshiot do të garojë në Kategorinë e Parë.

Pas rënies nga Superiorja, drejtuesit duket se kanë mbyllur bashkëpunimin me Mirel Josën, duke zgjedhur si pasues Rustemin, i cili sezonin e kaluar ishte pjesë e stafit të ekipit të parë.

Krahas emërimit të trajnerit të ri, klubi ka zgjatur marrëveshjet edhe me mbrojtësin Dime Dimitrov dhe mesfushorin Gjorgji Stoilov.

The post Bylisi hap kapitullin pas Mirel Josës, emëron trajnerin e ri dhe rinovon me dy lojtarë appeared first on Albeu.com.

Karriera e gardianit do të vijojë te Botosani. Ka qenë vetë klubi rumun që, përmes rrjeteve sociale, ka bërë të ditur se ka finalizuar transferimin e Gurau nga Bylisi. Qëndrimi i rumunit në Ballsh zgjati vetëm 6 muaj.

Gurau iu bashkua Bylisit në janar të këtij viti, pasi u transferua nga Unirea Slobozia. Gjatë kësaj periudhe ai u aktivizua në katër takime, mes kampionatit dhe Kupës së Shqipërisë, ku pësoi gjithsej 8 gola.

The post I jep fund qëndrimit te Bylisi, Ionut Gurau rikthehet në Rumani dhe firmos me Botosanin appeared first on Albeu.com.

Ky konsiderohet një transferim i rëndësishëm për 23-vjeçarin, i cili tashmë hedh hapin e radhës jashtë Shqipërisë në përpjekje për t’u afirmuar edhe më shumë. Në sezonin e fundit, Përgjoni ishte një nga liderët e skuadrës, ndonëse Bylisi nuk arriti të mbijetonte në Superiore.

Në prezantimin e tij, klubi moldav shkruan mes të tjerash: “Arli ka lindur në një qytet të vogël të quajtur Rrëshen dhe pjesën më të madhe të karrierës kur ishte i ri, e ka kaluar te Laçi. Ai e ka nisur karrierën profesioniste te Shënkolli dhe ka luajtur në Shqipëri. Është hera e parë për të që luan jashtë vendit”.

The post Sheriff Tiraspol zyrtarizon Arli Përgjonin, klubi moldav prezanton ish-mesfushorin e Superiores nga Rrësheni appeared first on Albeu.com.

Tirana nis shumë mirë ndeshjen dhe kalon në avantazh me Ernest, që debuton me gol me fanellën bardheblu. Mallakstriotët kundërpërgjigjen me Markun pak minuta më vonë dhe rikthejnë ekuilibrin. Pjesa e parë mbyllet në barazim 1-1.

Të dyja skuadrat mundohen që të gjejnë golin e avantazhit në pjesën e dytë, por pa arritur që të gjejnë rrugën e rrjetës. 90 minutat e kohës së rregullt nuk nxjerrin një fitues në Vorë. Mbyllet në barazim 1-1 sfida Tirana-Bylis dhe për të mësuar emrin e skuadrës që do të kualifikohet në çerekfinalet e Kupës së Shqipërisë duhet të luhen 30 minutat e kohës shtesë.

Janë ballshiotët ata që kalojnë në avantazh me Ruçin në minutën e 113-të të takimit dhe fitojnë të gjithë ndeshjen me rezultatin 2-1. Bylisi kualifikohet mes 8 më të mirave të Kupës së Shqipërisë, ndërsa për Tiranën përfundon këtu rrugëtimi në këtë kompeticion.

The post Bylisi eliminon Tiranën nga Kupa appeared first on Albeu.com.