Bëhet fjalë për rimbursime për shpenzime telefonike, karburanti, dieta brenda vendi, honorare për pjesëmarrje në mbledhjet e komisioneve parlamentare dhe mbulimin e qirasë së banimit për deputetë që nuk jetojnë në Tiranë.

Këto shpenzime konsiderohen si përfitime financiare shtesë mbi pagën për deputetët dhe janë të sanksionuara në “Statusin e Deputetit” dhe vendimin e Kuvendit”Për trajtimin e deputetëve”.

Ndërkohë, shpenzimet për udhëtime jashtë shtetit, bileta, dieta dhe akomodim i kanë kushtuar buxhetit 60 milionë lekë për vitin 2025, shumë që Kuvendi e emërton si nëngrup të ‘konsiderueshëm’ në zërin e shpenzimeve operative.

Buxheti i Kuvendit ndahet në dy programet buxhetore; programi i “Veprimtarisë legjislative, diplomacisë dhe kontrollit parlamentar” dhe programi mbështetës “Planifikimi, menaxhimi dhe administrimi”.

Sipas analizës së Kuvendit, buxheti i programit legjislativ zë peshën specifike më të madhe, përfshin shpenzimet për paga e kontribute të deputetëve dhe stafit politik; përfitimet financiare të deputetëve që burojnë nga statusi i deputetit; shpenzime të udhëtimeve jashtë shteti, organizime të konferencave, të pritje e përcjellje të delegacioneve, pagesa të përkthyesve dhe ekspertëve të jashtëm.

Pagat dhe kontributet shoqërore në buxhetin faktik shkojnë afërsisht 1.2 miliardë lekë.

“Përbërja e burimeve njerëzore (sipas numrit faktik të vitit 2025) është: deputetët zënë 32 % të numrit faktik për vitin 2025, stafi politik 14 %, nëpunësit civile 44% dhe punonjësit mbështetës zënë 10% të totalit të numrit faktik,” thuhet në analizë.

Në zërin e shpenzimeve operative janë shpenzuar dhe 11 milionë lekë pagesa për honorare ndaj ekspertëve të jashtëm në komisione hetimore apo të posaçme, 16 milionë lekë për pagesa për ekzekutim të vendimeve gjyqësore, mirëmbajtje të sistemeve elektronike dhe pajisjeve të zyrave, 49 milionë lekë si dhe për mirëmbajtje të zyrave 14 milion lekë. 28 milionë lekë të tjera janë shpenzuar për faturat e ujit dhe të dritave, shpenzime transporti dhe blerje kancelarie.

Kuvendi gjatë vitit që shkoi ka realizuar dhe disa investime kryesisht në teknologji informacioni, mes të cilave edhe 30 milionë lekë për transkriptimin e të dhënave audio- video të Kuvendit bazuar ne inteligjencën artificiale, 5.6 milion lekë për realizimin e sistemit për ndërveprimin me publikun dhe 1.2 milionë lekë për krijimin e një aplikacion i ri, me emërtimin “Kuvendi i Shqipërisë.

Në këto investime janë blerë dhe dy autoveturave me vlerë 14.5 milionë lekë dhe pajisje e arredime zyrash në shumën 23 milionë lekë, në të cilat përfshihen tapete ceremoniale, ndriçues për sallat e komisioneve parlamentare dhe arredim i zyrave të komisioneve të reja të përhershme, që filluan punën në shtator 2025./BIRN

The post Kuvendi shpenzoi 200 milionë lekë për dieta, karburant dhe qiratë e deputetëve appeared first on Albeu.com.

Braçe tha se, edhe pse buxheti i shtetit për vitin e ardhshëm është i ndërtuar mirë dhe ruan një ekuilibër pozitiv mes investimeve dhe deficitit, sistemi i pensioneve ka nevojë për një reformë të thellë dhe afatgjatë.

Gjithashtu, deputeti socialist nënvizoi se reforma duhet të realizohet që në vitin e parë të mandatit pas zgjedhjeve, duke theksuar se zvarritja e saj ka sjellë një situatë të padrejtë për qytetarët që kanë punuar gjithë jetën.

“Sa i takon buxhetit të shtetit. Do thoja vërejtje time. Ai është i ndërtuar mirë. Investimet janë më të mëdha se deficit. Jemi në një suficit të lehtë primar që i thotë të gjithë qytetarëve që nuk po i bëhen barrë. Nga pikëpamja e politikave është i ndërtuar mirë. Çështja e pensioneve bënë me turp cilindo. Duhet një balancë. Më vjen mirë që ka kthjelltësi buxheti dhe qeveria.

Është më shumë se sa një shpërblim i një viti. Patjetër kjo nuk duhet të zv. një reformë të plotë të skemës së pensioneve. Duhet bërë në vitin e parë të mandatit pas zgjedhjeve. U bë shumë gjatë që jemi në qeveri. Këtu vijmë te sikleti.

Në qoftë se do flisja për paketë fiskale, korrektim sa të mundem të ligjit të paqes fiskale me shpërblim, kur ligji për tatimin mbi vlerën e shtuar duhet përmbysur totalisht. Një bujk nuk do të kompensohet n.q.s. shet te një biznes i vogël, n.q.s. e shet në tregjet publike prap nuk kompensohet, duhet ta çojë te një grumbullues. Fitues mund të jen të gjithë që regjistrohen në tatime”, tha Braçe.

The post Erion Braçe kritika për buxhetin: Pensionet të turpshme, duhet një reformë e plotë appeared first on Albeu.com.

Sipas një krahasimi të Eurostat që i takon vitit 2023, vendet e Bashkimit Europian shpenzojnë mesatarisht mbi 25% të PBB-së për mbrojtje sociale, ndërsa Shqipëria vetëm rreth 11%, duke u pozicionuar në fund të listës, duke lënë pas vetëm Turqinë.

Kontrasti me mesataren europiane është i theksuar me vendet si Franca, Gjermania, Belgjika apo edhe mesatarja e eurozonës shpenzojnë afërsisht dy deri në tre herë më shumë për skemat e pensioneve, ndihmës ekonomike, politikat e papunësisë apo përfitime të tjera sociale se sa Shqipëria.

Edhe vendet e rajonit, si Bosnja apo Mali i Zi, raportojnë përqindje dukshëm më të larta se Shqipëria, duke e thelluar më tej hendekun rajonal (shiko grafikun).

Këto të dhëna ngrenë pikëpyetje mbi mbështetjen që sistemet sociale në Shqipëri arrijnë të ofrojnë, sidomos në një periudhë me rritje të kostove të jetesës dhe presion të shtuar mbi familjet me të ardhura të ulëta dhe pensionistët.

Hendeku i madh me mesataren europiane, sugjeron se sistemi aktual i mbrojtjes sociale vijon të mbetet i dobët krahasuar me standardet e BE-së, ndërsa nevojat sociale të popullsisë rriten nga viti në vit.

Në vitin 2023, shpenzimet totale për përfitimet e mbrojtjes sociale në BE arritën në 4,607 miliardë euro, që ishte ekuivalente me 26.7% të produktit të brendshëm bruto (PBB).

Një analizë sipas funksionit zbulon se niveli më i lartë i shpenzimeve në BE, u regjistrua për pensionet të cilat përbënin gati gjysmën (46.9%) të shpenzimeve totale për përfitimet e mbrojtjes sociale në vitin 2023.

Pjesa tjetër, kompensimi për kujdesin shëndetësor zuri 29.6% të shpenzimeve të BE-së nga përfitimet e mbrojtjes sociale, ndërsa funksionet e mbetura janë në nivele më të ulta.

Në Shqipëri gati 88 % e shpenzimeve për mbrojtjen sociale dhe vetëm 12 për qind shpërndahen për zërat e tjerë, si shëndeti, ndihma ekonomike etj./Monitor

The post Shqipëria, me buxhetin më të ulët për mbrojtje sociale në Europë në raport me PBB appeared first on Albeu.com.

Sipas raportit të Kontrollit të Lartë të Shtetit (KLSH) mbi zbatimin e buxhetit 2024, likuiditetet totale janë luhatur nga 40 deri në 137 miliardë lekë, ç`ka tregon për administrim të pamjaftueshëm të mjeteve monetare.

Për më tepër, konvertimet e panevojshme të valutave kanë prodhuar kosto të shtuara për buxhetin e shtetit, duke rënduar më tej situatën financiare.

Dhjetori është shndërruar në muajin ku janë përqendruar shumica e shpenzimeve, si ato korente ashtu edhe ato kapitale. Shpenzimet korente kanë qenë gati dyfish më të larta se mesatarja mujore, ndërsa investimet kapitale janë rritur deri në pesëfish.

Vetëm në periudhën shtator–dhjetor janë detajuar për herë të parë 245 projekte investimi me vlerë totale 14.8 miliard lekë, ku një pjesë e fondeve rezulton të jetë përdorur për shlyerjen e detyrimeve të prapambetura.

Për më tepër, në dhjetor janë mbyllur 323 projekte të nisura gjatë muajve të mëparshëm, ndërsa dhjetëra projekte të tjera kanë qëndruar aktive për vetëm dy ose tre muaj, një praktikë që tregon planifikim të dobët dhe menaxhim joefikas të investimeve.

Pavarësisht miratimit të Aktit Normativ nr. 5 më 19 dhjetor, i cili duhej të sillte rishikime të fundit të buxhetit, 150 projekte me financim të brendshëm rezultojnë me realizim zero.

Mungesa e e masave për mbylljen e këtyre projekteve të që nuk kanë avancuar ka bërë që fondet e parashikuara për to të mbeten të pavlefshme, duke krijuar barrë të re për vitet pasardhëse.

Akumulimi i shpenzimeve në dhjetor ka përthithur të gjithë suficitin fiskal të muajve janar–nëntor dhe e ka kthyer bilancin në deficit me rreth 17 miliardë lekë.

Vetëm në dhjetor të ardhurat arritën në 62.6 miliard lekë, ndërsa shpenzimet u ngjitën në 152.1 miliard lekë, që përbën 21% të gjithë shpenzimeve vjetore.

Sipas KLSH-së ky devijim i fortë, sipas të dhënave, lidhet me mungesën e planifikimit të saktë, orientimin e shpeshtë të fondeve drejt nevojave të reja pa adresuar detyrimet e mbartura dhe tejkalimin e tavaneve buxhetore.

Fenomeni ka rritur ndjeshëm riskun fiskal të vendit, duke ekspozuar financat publike ndaj pasigurive të krijuara nga menaxhimi jo i kujdesshëm i likuiditeteve, zgjerimi i angazhimeve kontraktuale përtej hapësirës së miratuar dhe zbatimi jo i rregullt i planifikimit afatmesëm buxhetor./ Monitor

The post Raporti i KLSH: 245 projekte në minutë të fundit! Si dhjetori 2024 “gllabëroi” buxhetin me shpenzime rekord appeared first on Albeu.com.

Rama theksoi se në takime të tilla, duhet të ishte Veliaj që të fliste për buxhetin e kryeqytetit dhe bëri thirrje Kushtetuese, e cila anuloi zgjedhjet, të kthejë në detyrë Veliajn. Më tek Kryeministri tha se zgjedhjet për Tiranën nuk ishin për të fajësuar Veliajn, por se kryeqytetit i duhet një udhëheqës. Në fund, Rama nënvizoi se Ogerta mbetet kandidatja e PS.

“Natyrisht që nuk është normale që unë të jem pjesë e diskutimit për buxhetin e bashkisë. Duhet të ishte kryetari i Bashkisë që të fliste për buxhetin. Ju e dini situatën. Është një situatë për të ardhur keq, por ka shumë gjëra për të ardhur keq dhe përfundimisht nuk ka ç’na vjen keq dhe duhet të shohim përpara. Shumë gjëra thuhen në këtë vend.

Kur kryetari i Bashkisë u mor nga zyra për t’u mbyllur në qeli pa gjyq, për herë të parë ngrita zërin për një proces të drejtësisë. Cilado qoftë arsyeja ose arsyet pse drejtësia heton kryetarin e Bashkisë, janë të pamjaftueshme për sa kohë kryetari i Bashkisë nuk ka vrarë njeri ose nuk është kapur në flagrancë duke kryer një krim. Drejtësia është e pavarur falë një hapi të jashtëzakonshëm që ka bërë PS për ta pavarësuar drejtësinë në Shqipëri pas 100 e ca kusur vjet kur drejtësia s’ka qenë kurrë e pavarur.

Kur u ezauruan të gjitha shkallët, ishte gjëja më normale që të mendohej për njerëzit, e drejta për t’u qeverisur nga të zgjedhurit e tyre. Prandaj ne ndërmorëm hapin tjetër për të mbajtur zgjedhjet. Ishte një hap i lidhur me faktin që kryetari i Bashkisë, në pamundësi për të mos kryer detyrën, që të mos kthehej në një problem më të madh për qytetin, sepse asnjë qytet nuk mund të qeveriset me telekomandë, pavarësisht punës që bën Anuela, qyteti ka nevojë për të zgjedhurin legjitim. Është gjëja më normale.

Pavarësisht punës që bëmë, Gjykata Kushtetuese refuzoi mbajtjen e zgjedhjeve në Tiranë, në pamundësi që kryetari i Bashkisë nuk mund të bëjë punën e tij. Është një vendim gjykate, nuk diskutohet që ne të kundërshtojmë. Nuk besoj se Gjykata Kushtetuese ka bërë politikë, por mendojmë ndryshe. Ata duhet ta kthejnë në zyrë në mënyrë që të normalizohet një situatë që është çdo ditë më e vështirë për kryeqytetin”, tha Rama.

The post Detyrë e Veliajt të diskutojë mbi buxhetin e bashkisë/ Rama: S’është normale të flas unë… Ogerta mbetet kandidatja jonë appeared first on Albeu.com.

Rama theksoi se për pensionet do shpenzohen gjatë mandatit të katërt deri në fund 1.7 mld euro.

Sakaq, Rama nuk la pa ironizuar opozitën që sipas tij pëson humbje pas humbje dhe gënjen për pensionet.

Edi Rama: Është edhe kërkesa që ka peshën më të madhe,. Disa i bien shkurt dhe thonë po po rrisni pagat për vete, e deputetëve, mirëpo prapë sikur të marrësh pagat e deputetëve dhe ti çosh në shtëpi prapëseprapë shuma që del është një ikë në oqean në krahasim me shumën për 730 mijë pensionistë. Kam dëgjuar se ne nuk do japim bonusin e këtij viti dhe do e shpërndajmë vitin tjetër. Të gjithë pensionistët do marrin bonusin që kanë marrë dhe u është premtuar. Do e marrin përsëri përpara vitit të ri sipas fashave që i kemi sqaruar dhe që i dini më mirë se kur vjen puna te lapsi jeni me shkollën e aritmetikës.

Bonusi është i angazhuar dhe në kohën e përcaktuar do vijojë shpërndarja. Nga janari do fillojë rritja e masës që do merrni me një progresion që i kam këtu që të dëgjojnë të gjithë saktë. Ua kemi thënë foltore më foltore. Sot pensioni urban me vite të plota pune është 27 mijë 350 lekë. Brenda mandatit do bëhet 40 mijë lek siç e kemi premtuar. Dhe brenda mandatit nuk do thotë që prisni 4 vjet dhe në fund do u themi se bëmë dot. Është një shumë që do rritet në mënyrë progresive vit pas vit. Janar për janar. Çfarë do merrni në janar 2026 do dyfishohet janar 2027, trefishohet 2027 e do pesëfishohet në janar 2030.

Kjo vlen po ashtu për pensioni urban të pjesshëm, pensionin rural nga 11 500 lek do shkojë në 18 000. Do bëj një shpjegim, të kërkosh pensione është gjëja më legjitime. Duhet kuptuar se nga vijë pensionet, vijnë nga sigurimet shoqërore. Kjo që po bëjmë ne është që pensionet që vijnë sigurimet shoqërore ti vendosim një shumë ekstra nga buxheti i shtetit. Nga ana tjetër ata të cilët nuk e vlerësojnë këtë si një përpjekje që e përkthyer në shifra, kini parasysh kjo rritje nuk ka të bëjë me indeksimin. Është tjetër. Deri sot është indeksuar pensioni. Kjo nuk ka lidhje. Pensioni do rritet me shumën që do vendoset ekstra mbi atë që buron mbi sigurimet shoqërore. Vetëm për indeksimin do shpenzohet vit pas viti një shumë e konsiderueshme. Vetëm për pensionet në 4 vitet e ardhshme do shpenzohen ekstra 1.7 mld euro. Natyrisht kjo është një shumë e jashtëzakonshme për buxhetin. E merituar.

The post “Bonusi i pensioneve do rritet vit për vit”/ Edi Rama: Nga 1 janari do dyfishohet, në fund të mandatit do jetë 4-fish appeared first on Albeu.com.

Në total, 21.8 miliardë lekë janë akomoduar për shpenzime korente dhe kapitale, përmes rishpërndarjes së kursimeve dhe hapësirave të tjera fiskale.

Nga këto, 7.97 miliardë lekë i dedikohen rritjes së investimeve me financim të brendshëm, me fokus në infrastrukturë, dixhitalizim dhe projektet publike me prioritet.

Po ashtu, buxheti parashikon një fond shtesë prej 5.9 miliardë lekësh për bonusin e fundvitit për pensionistët, duke e çuar në 9.7 miliardë lekë fondin total të dedikuar për këtë politikë sociale në vitin 2025.

Nga ana tjetër, të ardhurat e përgjithshme pritet të rriten me 12.1 miliardë lekë, falë tejkalimit të të ardhurave tatimore, doganore dhe të kontributeve shoqërore.

Një ndër elementët kryesorë të këtij akti është ulja e deficitit buxhetor në 61.6 miliardë lekë ose 2.4% të PBB, nga 2.6% e parashikuar në buxhetin fillestar.

Ministria thekson se kjo ulje lidhet me menaxhimin më të mirë të borxhit publik dhe kushtet më të favorshme të financimit.

The post Ndryshon sërish buxheti, 5.9 mld lekë për bonusin e fundvitit appeared first on Albeu.com.

Akti Normativ u prezantua nga Florian Semani, zëvendësministër i Financave dhe u relatua nga deputeti Eduard Ndreca.

Semani sqaroi se Akti Normativ parashikon reflektimin me rritjen rreth 1 miliard lekë të të ardhurave dhe shpenzimeve të përgjithshme, pa prekur deficitin buxhetor.

Komisioni miratoi po ashtu edhe programin dhe kalendarin e punimeve, si dhe draft-kalendarin e raportimeve vjetore të disa organeve Kushtetuese, atyre të ngritura me ligj, si dhe institucioneve të varësisë për veprimtarinë e tyre për vitin 2024 dhe ushtrimin e kontrollit parlamentar të Komisioneve për vitin 2025 të cilat janë hedhur për konsultim publik.

Në vijim komisioni mori në shqyrtim projektligjin “Për aderimin e Republikës së Shqipërisë në Konventën për Themelimin e Zyrës Evropiane të Komunikacioneve (ECO) Hagë, më 23 qershor 1993, të ndryshuar në Kopenhagë, më 9 prill 2002”.

Projektligji u prezantua nga Enkelejda Muçaj, zëvendësministre e Infrastrukturës dhe Energjisë, e cila në fjalën e saj sqaroi qëllimin dhe përfitimet e aderimit në Konventë, duke nënvizuar se përmes këtij procesi rritet mundësia e përfitimit nga praktikat më të mira të vendeve anëtare të BE për avancimin e zhvillimit të infrastrukturës së telekomunikacionit, si dhe rritjen e kapaciteteve në këtë sektor.

Deputeti Denis Deliu në cilësinë e relatorit duke u ndalur tek kushtetutshmëria dhe përputhshmëria me aktet ligjore në fuqi, ftoi kolegët ta miratojnë projektligjin.

Mbledhja vijoi me shqyrtimin e projektligjeve: “Për ratifikimin e marrëveshjes së huas, ndërmjet Këshillit të Ministrave të Republikës së Shqipërisë dhe Fondit për Zhvillim të Abu Dhabi-t, për financimin e “Mbështetjes për buxhetin e përgjithshëm mbi përpjekjet për zhvillim”’ dhe “Për ratifikimin e marrëveshjes, ndërmjet Bashkimit Evropian dhe Republikës së Shqipërisë, për pjesëmarrjen e Republikës së Shqipërisë në programin e Bashkimit “Doganat”, për bashkëpunim në fushën e doganave”.

Projektligjet u prezantuan nga Florian Semani, zëvendësministër i Financave, i cili u ndal në thelbin e marrëveshjeve dhe përfitimet e mundshme prej tyre. Semani nënvizoi se marrëveshja e huasë me Abu Dhabi-n synon mbështetjen e ekonomisë së vendit. Ndërkohë që për marrëveshjen për Programin “Doganat” i BE, ai sqaroi se është një iniciativë që synon të forcojë bashkëpunimin dhe koordinimin ndërmjet autoriteteve doganore të vendeve anëtare të BE-së dhe vendeve të tjera pjesëmarrëse dhe do të ndihmojë në rritjen e kapaciteteve të administratës doganore, etj.

Relatorët e projektligjeve, deputetët Eduard Ndreca dhe Denis Deliu, duke u ndalur tek kushtetutshmëria dhe përputhshmëria me aktet ligjore në fuqi për marrëveshjet ndërkombëtare, ftuan kolegët ti miratojnë.

Mbledhja vijoi me shqyrtimin e projektligjit “Për ratifikimin e marrëveshjes sipas Konventës së Kombeve të Bashkuara për të drejtën e detit mbi ruajtjen dhe përdorimin e qëndrueshëm të diversitetit biologjik detar të zonave përtej juridiksionit kombëtar”.

Gjatë prezantimit, Sofjan Jaupaj, zëvendësministër i Turizmit dhe Mjedisit, theksoi se projektligji propozohet në funksion të vlerësimit të kuadrit ligjor dhe institucional për ruajtjen e biodiversitetit bregdetar e detar dhe krijimin e zonave të mbrojtura detare.

Ai sqaroi po ashtu përfitimet e palëve për ruajtjen dhe përdorimin e qëndrueshëm të diversitetit biologjik detar të zonave përtej juridiksionit kombëtar.

Deputeti Denis Deliu në cilësinë e relatorit vlerësoi rëndësinë e marrëveshjes, kushtetutshmërinë dhe përputhshmërinë me Rregulloren e Kuvendit.

Mbledhja vijoi me shqyrtimin e projektligjit “Për ratifikimin e marrëveshjes për bashkëpunimin mbi sigurinë dhe mbështetjen afatgjatë, ndërmjet Republikës së Shqipërisë dhe Ukrainës”, i cili u prezantua nga .Endrit Yzeiraj, zëvendësministër për Evropën dhe Punët e Jashtme dhe u relatua nga deputeti Denis Deliu.

Yzeiraj sqaroi ndër të tjera se kjo marrëveshje synon që brenda kapaciteteve të saj, Republika e Shqipërisë të ofrojë mbështetje politike, ushtarake, teknike, mbrojtëse dhe humanitare për Ukrainën, si pjesë e bashkëpunimit dypalësh dhe ndërkombëtar.

The post Miratohen ndryshimet në buxhet, rriten me 1 miliard lekë të ardhurat dhe shpenzimet appeared first on Albeu.com.

Sipas Berishës, sheshet janë ndërtuar me mjete të përkohshme dhe paratë e buxhetit janë zhdukur, ndërkohë që ai theksoi se ekipi i tij kishte realizuar një punë të madhe.

Sipas tij, qeveria vetëm po vjedh.

Sali Berisha: Varfëria në vend është shumë e madhe. Ka kërcënim të lirisë dhe agresion ndaj opozitës. Këta përpos Tunelit të Llogarasë nuk kanë bërë asnjë rrugë me buxhet të tyre.

Byppassi i Vlorës është bërë me kredi, edhe Byppasi i Fierit me kredi të bankave të marra nga PD.

Sheshet i kanë ndërtuar me rrasa guri. Kanë zhdukur paratë. Puna e bërë nga ekipi ynë është shumë e madhe. Këta po vjedhin përditë.

The post Sali Berisha: Ka kërcënim të lirisë dhe agresion ndaj opozitës, s’kanë bërë asnjë rrugë me paratë e buxhetit appeared first on Albeu.com.

Sipas ndryshimeve të fundit në aktin normativ, shpenzimet buxhetore mbeten të pandryshuara në nivelin 771,3 miliardë lekë (7,7 miliardë euro), ndërsa deri në muajin nëntor ishin shpenzuar 575 miliardë lekë.

Sipas programit aktual, në dhjetor mbetet për shpenzuar një e katërta e programit vjetor të buxhetit 2024.

Likuiditet e lira në buxhetin e 2024, si rrjedhojë e shpenzimeve më të ulëta se të ardhurat arritën në rreth 720 milionë euro (71,7 miliardë lekë në muajin nëntor 2024).

Kur parlamenti votoi buxhetin e këtij viti, ishte programuar që deficiti buxhetor në nëntor -19,9 miliardë lekë ose rreth -200 milionë euro.

Qeveria jo vetëm që nuk ka konsumuar borxhin e ri, por nga ana tjetër nuk ka arritur të shpenzojë sipas programit të ardhurat e realizuara.

Me këtë likuiditet qeveria është në situatë të mirë financiare, ç`ka i mundëson asaj një ulje historike të nivelit të borxhit. Por në ndryshimet e fundit që ju bënë buxhetit të vitit 2024 nëpërmjet aktit të tretë normativ, qeveria e la të pandryshuar objektivin e deficitit me -57 miliardë lekë dhe të shpenzimeve të përgjithshme buxhetore, duke akumuluar për alokim në dhjetor rreth 1 të katërtën e buxhetit të këtij viti.

Shpenzimet e përgjithshme publike, për periudhën 11 mujore të vitit 2024, arritën në rreth 575.3 miliardë lekë me një realizim në masën 88.1% të planit të periudhës.

Në terma vjetorë, shpenzimet e përgjithshme për 11 mujorin e vitit 2024 u realizuan në masën 78% të planit vjetor sipas buxhetit fillestar dhe 74.6% të planit vjetor sipas Aktit Normativ nr. 3 datë 28.08.2024.

Pagesat ditore nga thesari gjatë këtyre ditëve, janë rreth 8 herë mbi mesataren mujore të 11 muajve. Përqendrimi i shpenzimeve buxhetore është shndërruar në rutinë vitet e fundit, ku pothuajse 1 treta e buxhetit përqendrohet ne dy muajt e fundit të vitit.

Një tabelë e detajuar me ecurinë e investimeve vjetore 2024 tregon se, alokimin më të dobët në investimet kapitale e kanë ato në arsim, ku në përfundim të vitit nuk është shpenzuar as një e treta e fondeve në nivelin parauniversitar.

Duke qenë se kjo pjesë e investimeve është përgjegjësi e pushtetit lokal, nuk arrijnë të realizohen sipas programit, duke lënë shkollat në kushte te mjerueshme.

Gjithashtu, investimet në pushtetin vendor kanë ecuri shumë të dobët. Vitin e kaluar u realizua vetëm gjysma e programit dhe këtë vit ecuria është shumë e dobët.

Paaftësia për të shpenzuar në kohë po krijon teprica likuiditeti në llogaritë e qeverisë. Kontrolli i Lartë i Shtetit, në një inspektim në Ministrinë e Financave tha se përqendrimi i shpenzimeve në fund të vitit, tregon për mungesë efektiviteti në përdorimin e taksave. Kontrolli i Lartë i Shtetit, ka verifikuar se gati 20 për qind e buxhetit 2023 është alokuar në dy muajt e parë të vitit 2024./ Monitor

The post 2 mld euro ose 1/4 e buxhetit shpenzohet në dhjetor, mundësi për ulje historike të nivelit të borxhit appeared first on Albeu.com.