Në total nga kjo nismë do të përfitojnë rreth 148 500 qytetarë me një fond total prej rreth 2.2 miliardë lekësh.

“Disa nga çështjet kryesore që miratuam nëpërmjet këtij akti normativ janë: mbështetje financiare për familjet që përfitojnë ndihmë ekonomike si dhe për personat me aftësi të kufizuar, apo dhe kujdestarët e tyre.

Masa e mbështetjes financiare, në formën e bonusit të fundvitit do të jetë 15 mijë lekë, apo 150 euro. Në total nga kjo nismë do të përfitojnë rreth 148 mijë e 500 qytetarë”, tha Petrit Malaj.

The post Qeveria shpërndan shpërblime për fundvit, ja cilat kategori përfitojnë appeared first on Albeu.com.

Në ndryshimet e fundit buxhetore, buxheti për e-qeverisjen arriti në mbi 20.1 miliardë lekë, më shumë se 200 milionë euro.

Shpenzimet për këtë zë pësuan rritje me 15% në krahasim me ndryshimet e qershorit, ndërsa në krahasim me buxhetin fillestar, fondet për e-qeverisjen u rritën me 60%.

Ky trend reflekton zgjerimin e shërbimeve publike online dhe adoptimin në rritje të teknologjive digjitale nga qytetarët dhe bizneset, si pjesë e procesit të digjitalizimit të administratës publike.

Rritja lidhet edhe me shtimin e shërbimeve të reja në portalin qeveritar, apo me përmirësimin e aksesit dhe efikasitetit të platformës.

Qeveria shqiptare hyri në histori, pasi për herë të parë emëroi ministre një chatbot të inteligjencës artificiale të quajtur “Diella”.

Megjithëse Diella është në strukturën e qeverisë, ajo nuk ka fusha përgjegjësie, por zëri i shpenzimeve për e-qeverisjen, që në thelb lidhet me Diellën, po rritet me shpejtësi.

Qeveria ka kaluar edhe Europën për digjitalizimin e shërbimeve publike, por një pjesë e madhe e popullsisë pa njohuri digjitale paguan të tretë që i ndihmojnë në këto shërbime.

Kancelaritë, zyrat noteriale dhe të tjera këshillimore po përfitojnë nga ofrimi i shërbimeve të e-Albania-s për moshat e treta.

Teksa Shqipëria ka përparuar me investimet në shërbime digjitale, nga ana tjetër njohuritë digjitale të popullsisë janë ndër më të ulëtat në Europë.

Në vitin 2018, financimet për e-qeverisjen ishin 2.3 miliardë lekë. Në 7 vitet e fundit, financimi i shërbimeve publike digjitale është rritur më shumë se 8 herë.

Infrastruktura digjitale po bëhet po aq e rëndësishme dhe jetike sa infrastruktura fizike – rrugët, uji dhe energjia.

Tashmë, kur shumica e shërbimeve qeveritare jepen online dhe mund të merren nga telefonat e zgjuar, qeveria nga ana tjetër po rrit shpenzimet për këto shërbime.

Të dhënat zyrtare nga Ministria e Financave, tregojnë se nga viti 2016 në vitin 2024 janë financuar më shumë se 42 miliardë lekë, rreth 400 milionë euro për sistemet e e-Albania-s, teksa vetëm këtë vit do të financohen edhe 200 milionë euro të tjera.

Financimet vjetore në infrastrukturën e e-Albania renditen të katërtat në radhë pas investimeve publike në transportin rrugor, detar dhe në ujësjellës.

Mirëpo, kur një mori shërbimesh jepen online, qytetarët mbeten të ekspozuar ndaj korrupsionit dhe mosmarrjes së shërbimit.

Mungesa e ndërveprimit ndërmjet institucioneve e bën të pamundur marrjen e dokumenteve në kohë, madje shërbimet mbeten të pezulluara për muaj të tërë.

Nga ana tjetër, publiku i gjerë ka ende njohuri të kufizuara për përdorimin e këtyre shërbimeve, ndërsa transparenca mbetet problematike për shkak se produktet e infrastrukturës digjitale janë më pak të prekshme./ Monitor

The post Buxheti 2025/ Qeveria rrit me 60% financimet buxhetore për “Diellën” appeared first on Albeu.com.

Berisha propozoi pezullimin e PPP-ve, deri në vendosjen e minimumit jetik 200 euro për çdo qytetar.

Pas hedhjes në votim, amendamentet u rrëzuan nga moazhoranca me 72 vota kundër dhe me vetëm 36 vota pro.

Amendamentet e propozuara nga Berisha:

1. Pezullimim e të gjitha prokurimet për investime publike luksi të qeverisjes qëndrore, deri në momentin e miratimit me ligj të masës financiare të minimumit jetik në Republikën e Shqipërisë.

2. Ndalimin e çdo pagese për shpenzime operative luksi të qeverisjes qëndrore, deri në momentin e rritjes reale të pensioneve.

The post Socialistët votojnë kundër, refuzohen dy amendamentet e Berishës për buxhetin 2025 appeared first on Albeu.com.

“Teksa analizoja siç e përmenda më lart, progresin e rritjes së ekonomisë së vendit, rritjes së Buxhetit të Shtetit dhe uljen e borxhit publik në kufijtë nën 57% të PBB , nuk kam pse të mos mendoj që ka hapësirë buxhetore për të bërë diçka më shumë në mandatin tjetër”, u shpreh Gjiknuri.

“Shteti është si një familje madhe”, vijoi ai, “dhe ashtu si në një familje kur mund të kesh në ngarkim edhe shumë anëtarë që nuk janë në gjendje të punojnë, çdo kryefamiljar i përgjegjshëm heq diçka nga vetja, shkurton ndonjë investim apo dhe merr diku borxh për të plotësuar nevojat më imediate të familjareve që nuk janë në gjendje”.

“Në kohën ku morëm qeverisjen dhe më kujtohet dhe nga puna si ish minister, na dukej si ëndërr që Borxhi Publik të arrinte në këto parametra që është sot, pasi në disa raste ai shkoi dhe 72 % PBB.

Duke thënë këtë, mendoj që në të ardhmen të shikohet kjo hapësire fiskale e kombinuar dhe heqjen e ndonjë investimi që nuk është aq prioritar me qellim adresimin e rritjes reale të pensioneve minimale.

Mendoj që si parti e majtë e kemi këtë detyrim njerëzor ndaj brezave para-ardhës të cilët me punën e tyre kanë kredituar dhe një pjesë të asaj çka gëzojmë ne sot. Një injektim i tillë buxhetor nuk duhet të na shqetësoje pasi është kontribut direkt në konsum dhe ekonomi”, theksoi Gjiknuri.

The post Buxheti 2025/ Gjiknuri: Të rrisim pensionet duke rritur pak borxhin publik, kur morëm qeverisjen na dukej ëndërr ta ulnim borxhin sa është sot appeared first on Albeu.com.

Punimet në seancën maratonë të buxhetit të shtetit janë ndërprerë pa nisur ende. Shkak janë bërë protestat e deputetëve të opozitës në momentin që në foltore është ngjitur kryeministri Edi Rama i cili kishte në ‘plan’ për të folur rreth propagandës së tij.

Fillimisht deputetët e opozitën nuk kanë lejuar Ramën të flasë dhe për këtë ishte vetë kryeministri që kërkoi 5 minuta pushim, kërkesë që u miratua nga kryeparlamentarja Elisa Spiropali.

Pasi u qetësua situata, kryeministri Edi Rama nisi premtimet e tij elektorale njësoj sikur të ishte në vitin e parë qeverisës.

Pavarësisht se 12 vitesh qeveria shqiptare ka braktisur moshën e tretë, Rama në prag të zgjedhjeve është “zgjuar” duke i premtuar dy bonuse me qëllim që socailistët të “rrëmbejë” vota nga kjo kategori.

Rama u shpreh se çdo i moshuar i cili e ka pensionin më të ulët se 200 mijë në muaj, do të marrë shpërblim prej 150 mijë në fundvit, ndërsa ata që kanë një pension më të lartë se 200 mijë, do të marrin një bonus me vlerë 100 mijë lekësh të vjetra.

“Dua t’u përcjell të gjithë pensionistëve të Shqipërisë lajmin mirë se në ditët në vijim qeveria do të çlirojë një fond prej afër 100 mln eurosh për bonusin e tyre të funditit që do të ndahet në 2 shkallë. Ata që kanë një pension deri në 20 mijë lekë të reja, do të marrin 3 fishin e bonusit të deridjeshëm përmes një bonusi të ri prej 150 euro, ndërsa ata që kanë pension më të madh ese 20 mijë lekë do të marrin 2 fishin e mëparshëm, pra 100 euro. Ky dallim mes të parëve dhe të dytëve nuk bëhet për t’u dhënë më pak atyre me pension më të lartë, por për t’u dhënë më shumë atyre që kanë pension më të ulët”, tha Rama.

Rama tha se bonusi i parë do të jetë në fund të vitit, ndërkohë i dytë do të jepet për pensionistët në prag të zgjedhjeve paralamentare.

“Nga ana tjetër ky nuk është i vetmi hap. Paralelisht me shpërndarjen e bonusit të fundvitit, në ditët para dhjetorit, ne do krijojmë pranë Bankës së Shqipërisë, fondin e një bonusi të dytë. Ky bonus i dytë do jetë bonusi i pranverës që do të ndikojë më tej në rritjen e të ardhurve vjetore të pensionistëve dhe do jepet në hyrje të çdo pranvere. Me këto dy bonuse vjetore plus indeksimin e përvitshëm, pensionistët do të mund të prekin kuptimin e shifrave të rritjes shembullore të ekonomisë”, njoftoi Rama.

Deputetët e PD-së i kërkojnë llogari: Ku janë paratë e Becchettit?

Teksa kryeministri Edi Rama, ishte sot i pranishëm në seancën plenare për të folur për buxhetin, deputetët e PD-së i kanë kërkuar llogari për paratë që biznesmeni italian Francesco Becchetti i mori Shqipërisë në arbitrazh.

Ligjvënësit demokratë po i kërkonin llogari kryeministrit Rama, ndërsa kryetari i grupit parlamentar Gazment Bardhi ku drejtua duke i thënë “Ku janë paratë e Bechetit”?

Ndërsa Rama i injoroi, dhe dha lajmin se për bonusin e pensionistëve është parashikuar një fond prej 100 mln euro, ndërsa shpjegoi edhe mënyrën si do të shpërndahet.

Rama ofendon opozitën dhe braktis seancën: Ju jeni mbeturina!

Pasi Edi Rama përfundoi fjalimin e tij në Kuvend, Sekretari i Përgjithshëm i PD-së Flamur Noka dhe Kreu i Grupit Parlamentar të PD-së Gazment Bardhi janë ankuar se kryeministri ka bërë pis foltoren.

Dy demokratët kërkuan që të pastrohej vendi në mënyrë që të flisnin.

“Pastojeni këtë vendin këtu, e paska ndotur edhe këtë, urgjent të pastrohet”, tha Noka.

Ndërsa Bardhi nuk pranoi që të merrten fjalën pa u pastruar foltorja, duke u shprehur se aty ishte derdhur ujë nga kreu i qeverisë teksa fliste për pr.buxhetin 2025.

“A mund të pastrohet pak zonja Kryetare. Nuk mund të vendos letrën aty, është me ujë. është me ujë e ka bërë pis, Kërkoj 5 minuta pushim të pastrohet foltorja se nga nervat e ka bërë pis”, tha Bardhi.

Kryeparlamentarja Elisa Spiropali, ndërpreu për dy minuta seancën dhe tha se ishte ujë.

“2 minuta pushim, është ujë z. Bardhi. 2 minuta pushim ju lutem administrata”, tha kryetarja e Kuvendit.

Bonusi, Paloka: Rama po tenton të blejë votën e pensionistëve

Deputetit Edi Paloka, ka reaguar pasi kryeministri Edi Rama tha se bonusi për pensionistët në fundvit, do të trefishohet se dhe se një tjetër shpërblim do të aplikohet në pranverë.

Paloka shkruan në “Facebook”, se Rama do do të tentojë t’ju blejë votën me paratë e buxhetit duke caktuar (ndryshe nga çdo vit tjetër) një “bonus pranvere” për pensionistët.

“Kryehajduti e kryepalaçoja mes mashtrimeve dhe talljes me pensionistët, sapo konfirmoi se ata që marrin një pension më të ulët se 20 mijë leke në Shqipëri janë mbi 500 mijë….Njëkohësisht deklaroi publikisht se do të tentojë t’ju blejë votën me paratë e buxhetit duke caktuar (ndryshe nga çdo vit tjetër) një “bonus pranvere” për pensionistët, pra pikërisht përpara zgjedhjeve megjithëse kjo ndalohet me ligj!”, shkruan Paloka.

Noka i përgjigjet Ramës për buxhetin: Qytetarët do marrin ‘Noc Rrokun’

Deputeti i PD-së Flamur Noka, tha se se ky do të jetë buxheti i fundit që mazhoranca do të ketë mundësinë të miratojë.

Noka tha gjatë fjalës së tij se kryeministri u tall me pensionistët, ndërsa deputetët socialistë e duartrokitën, duke i rikujtuar “pleniumet e dikurshme të PPSH-së”.

Ndërsa më tej, deputeti demokrat theksoi se buxheti është trefishuar për hajdutët.

“Pastojeni këtë vendin këtu, e paska ndotur edhe këtë, urgjent të pastrohet. Foli dhe fyu mbetja e pariciklueshme e këtij vendi. Në qoftë se ka mbetje të pariciklueshme në këtë vend, ky që doli ishte. E dyta, ka turp më të madh?! Kur isha i ri shikoja pleniumet e dikurshme të partisë tuaj, ku ngriheshin në këmbë dhe duartrokisnin në kor, po a ka neveri më të madhe se kjo sot.

E treta, si mundet të dëgjojmë këtu mashtrime të pafytyra, është trefishuar buxheti tha, ku është trefishuar? Është trefishuar për ju, hajdutët, se për qytetarët “noc rrokun” tha. U tall me pensionistët. Instituti i sigurimeve shoqërore që ju adrministoni dhe qeverisni, thotë 26% janë rritur pagat nga vitit 2014 deri tani, 34% është rritur inflacioni, 8% kanë të ardhura më pak pensionistët seç kanë pasur në 2013. Ju duartrokisnin këtë mbeturinë të pariciklueshme. 50 mijë leke ka qenë bonusi për pensionistët dhe rrogë të 13-të në kohën e Berishës, ku e ka ky “noc rroku” shpërblimi e viti të ri dhe rrogën.

Foli për bonusin e bebeve, po 60% e tyre lindin jashtë Shqipërisë, prandaj ky kakaris këtu para jush, dhe ju e duartrokisni dhe më kujtoni kohët e qoftëlargut. Foli për buxhetin e shëndetësisë, për cilin buxhet? Atë të Vilmës që ju e fshehët dhe se çuat në komisionin. Buxheti i shëndetësisë shkon te Vilma, që nxjerr burra shtatzënë dhe gratë me prostatë. Foli për bujqësinë e Fridës, që paratë e taksapaguesve evropianë bëri fshatra turistikë dhe nuk shkuan te fermeri. Foli dhe për rrugët, që nga 2014 deri tani 20km autostradë ka inauguruar dhe ajo private. Rrugë më çmime 10 fish se rajoni. Jeni të habitshëm. Ky është buxheti i fundit i juaji”, tha Noka.

Bardhi: Bonusi një mashtrim i Ramës, e jep për efekt të zgjedhjeve

Kryetari i grupit parlamentar të PD, Gazment Bardhi i bëri thirrje qytetarëve që mos e besojnë Edi Ramën i cili sot premtoi dy bonuse për pensionistët në një vit elektoral.

Sipas Bardhit, Rama edhe bonusin që premton e jep një herë në katër vjet dhe kjo për efekt të zgjedhjeve.

“Një Kryeministër i përgjegjshëm”, tha Bardhi, duke vijuar “nuk ka nevojë të shpikë rrotën, por të bëjë atë që bëjnë kryeministrat e vendeve të rajonit”.

“Me pensionsitët mendon se do ti mashtrojë duke ndarë një buxhet minimal, duke i dhënë bonusin e fundvitit që e japin të gjithë vendet e rajonit. Ndërsa zotëria e bën njëherë në katër vite. As burnusin e fundvitit nuk e ka vjetor. Prandaj në buxhetin 2025 nuk parashikon bonus për fundvitin 2025, sepse nuk ka ndërmend tja japë. E dha në 2020 për efekt të zgjedhjeve 2021. Po e jep në 2024 për efekt të zgjedhjeve 2025 dhe mendon se me këtë politikë do të gënjeje shtresën e pensionistëve. Një kryeministër i përgjegjshëm do të thoshte sa është fondi në buxhet për rritje pensionesh. Zero. Një Kryeministër i përgjegjshëm nuk ka nevojë të shpikë rrotën, por të bëjë atë që bëjnë kryeministrat e vendeve të rajonit”, tha Bardhi.

The post Buxheti 2025/ Nga bonusi elektoral i Ramës deri tek përplasjet me PD, çfarë ndodhi sot në Kuvend (VIDEO) appeared first on Albeu.com.

Nga ana tjetër, Tabaku shton se buxheti i 2025 i hap rrugën pastrimit të parave përmes sektorit të ndërtimit.

Ekonomia ka nevojë të shohim në prizëm tjetër. Një model që stimulohet nga një politikë taksash.

Një model që nuk ka lidhje me buxhetin që do vijë javën e ardhshme në parlament. Ulja e kursit të këmbimit po shkatërron sektorin fason.

Ka 75 mijë punonjës që mund të hidhen në rrugë. Cila është përgjigja e qeverisë? Është i vetmi buxhet që e ka të formalizuar pastrimin e parasë sepse bazohet tek rritja e ndërtimit. Këto shqetësime edhe në emër të grupit parlamentar që sot në buxhet dalin më reale se kurrë.

Këto kanë nevojë të dëgjohen nga politika.

Sa herë dalin në aksione informalitetit kanë dështuar. Struktura taksave ndikon në informalitetin dhe nuk mbështet punën.

Kam folur e debatuar me njerëz të shtresës së mesëm. Pyetja kryesore e tyre është kur do të krijohet mundësia të largohemi.

Të punojmë në ndonjë vend tjetër me këto kualitete që kemi. Ky model ekonomik nga pak duar që nuk po prodhon më për 95% të qytetarëve.

Ky model ekonomik nuk i çon ato shpenzime ekonomike aty ku duhen. Nuk i çon shpenzimet e bujqësisë aty ku duhen. Po i shpërndan me tollona për fushata elektorale.

I çon tek të njëjta duar që kanë kapur ekonominë. Realitetin duhet ta ndryshojmë duke dhënë një ofertë ekonomike që ato kanë dëshirë ta zbatojnë`.

The post Jorida Tabaku: Buxheti 2025 i hap rrugën pastrimit të parave përmes ndërtimit appeared first on Albeu.com.

Në një seancë që zgjati për disa orë me radhë, deputetët me shumicë votash miratuan buxhetin në vlerë prej 3.6 miliardë eurosh, të cilin Qeveria e Kosovës paraprakisht e kishte miratuar më 30 tetor.

Kryeministri i Kosovës, Albin Kurti, para deputetëve të Kuvendit të Kosovës, tha se ky buxhet është rreth 9% më i lartë se sa buxheti i vitit 2024 ose 60% më i lartë se sa buxheti i vitit 2020.

Sipas Kurtit, prioritet mbetet zhvillimi ekonomik, vazhdimi i krijimit të vendeve të reja të punës dhe rritja e mirëqenies për të gjithë, derisa për vitin e ardhshëm nënvizoi se pritjet janë që rritja ekonomike të arrijë në 5.6 për qind të Bruto Produktit Vendor.

Megjithatë, deputetë të opozitës e kanë parë me skepticizëm buxhetin duke drejtuar kritika drejt Qeverisë gjatë seancës.

The post Kosova miraton buxhetin për vitin 2025 appeared first on Albeu.com.

Meta shprehet se buxheti është më antisociali në histori. Ai shton se ky buxhet shton varfërinë dhe korrupsionin.

DEKLARATA

“Buxheti për vitin 2025, më antisociali, që shton varfërinë dhe korrupsionin.

1️⃣. Asnjë shtesë në fondin e pagave për politika të reja pagash.

Zero fonde për indeksim të pagave nga rritja e çmimeve.

2️⃣. Pensionistët do të diskriminohen më tej me këtë buxhet.

Fondi për politika të reja pensionesh për vitin 2025 parashikohet vetëm 1.6 miliard lekë ose rritje me 0.9% të fondit total të sigurimeve shoqërore.

Kjo do të thotë se pensionet nuk do të rriten as 1% kur vetëm niveli i inflancionit i parashikuar për vitin 2025 është 3%.

3️⃣. Jo vetëm zero rritje, por edhe ulje të fondeve të kujdesit social përfshi dhe për familjet në ndihmë ekonomike që jetojnë në varfëri të tejskashme. Nga 26,1 miliard lekë në vitin 2024, në 23,7 miliard lekë në vitin 2025.

4️⃣. Zero fond shtesë për kategorinë e të papunëve, ndërkohë numri i të papunëve rritet.

5️⃣. Zero fonde për shtresat në nevojë.

???? Pra e gjithë rritja ekonomike që është kontribut i të gjithë qytetarëve dhe taksapaguesve do të shkojë për investimet publike korruptive me kosto shumë herë mbi realen për të rritur korrupsionin.

Po kështu rritja ekonomike do të shkojë për projektet PPP me mbështetje buxhetore për të vjedhur qytetarët, si dhe do shkojë për të rritur shpenzimet administrative të luksit.

Gjithashtu edhe për të rritur shpenzimet marramendëse të shërbimit të borxhit publik që është një barrë për brezat e sotëm e të ardhshëm, që paguajnë për korrupsionin skizofrenik të Edi Ramës dhe “Rilindjes””, shkruan Meta.

The post Meta reagon për buxhetin 2025: Shton varfërinë dhe korrupsionin appeared first on Albeu.com.

Berisha tha se Rama po u jep goditjen e mëshirës fermerëve, ndërsa theksoi se fondet shkojnë në sektorët ku vidhet më shumë.

Gjithashtu, Berisha foli dhe për buxhetin e 2025, ku u shpreh se dita e miratimit te buxhetit 2025, do të shoqërohet me protesta të fuqishme rreth parlamentit.

Berisha: Sigurisht, miratimi i këtij buxheti do të shoqërohet me protestë të fuqishme rreth parlamentit, ku qytetarët, pensionistët, fermerët, të papunët, bizneset e vogla, të gjithë ata që dëshirojnë të thonë zërin e tyre në ditën e plaçkitjes më të madhe të vitit, plaçkitjes së buxhetit në parlamentin e krimit…Shtylla numër një e programit të PD do jetë ekonomia e qytetarit. 3.5 përqind e buxhetit do shkojnë për subvencione në bujqësi…Unë jam këtu për të garantuar fermerët shqiptarë se nuk do ketë buxhet kurrë që t’u alokojë atyre një të dyqindtën e tij, por dhjetëra, dhjetëra herë më shumë.
3.5 përqind e buxhetit të shtetit do parashikohen subvencione për bujqësinë.

Mbështetje të drejtpërdrejtë për të gjitha sipërmarrjet që operojnë në bujqësi, blegtori, peshkim, akuakulturë, agroindustri mbi bazën e sipërfaqes së mbjellë, prodhimit të dorëzuar dhe numrit të krerëve. Çdo fermer që aplikon për mbështetje në fushat prioritare do përfitojë mbështetje pa kufizim.

Do subvencionohen me 80 përqind normat e interesit të kredive bankare për bujqësi dhe blegtori. Do subvencionohen në masën 75 përqind norma e të gjithë siguracioneve në fshatin shqiptar dhe bujqësinë shqiptare. Do investohet çdo vit jo më pak se 70 milionë euro në sistemin e vaditjes dhe kullimit në mënyrë që të dyfishohet aftësia kulluese e vendit.

Do hiqet që javën e parë taksa armiqësore ndaj fermerëve, TVSH-ja armiqësore 0 në blerje dhe 20 përqind në shitje. Do jetë e barabartë në blerje dhe shitje.

Krijimi i agjencisë për fermerët për orientimin e tregut është një zotim jashtëzakonisht i rëndësishëm për zhvillimin e këtij sektori. Mbështetja për teknologjitë e reja mbetet një prioritet i madh për PD, veçanërisht dixhitalizimi do jetë synim që të lehtësojë sa më shumë punën e fermerëve dhe të rrisin rendimentet.

Rritja e sigurisë ushqimore, mbrojtja e qytetarëve shqiptarë nga mbeturinat që mbeten në prag skadimi në magazinat e botës, do jetë qëllim kryesor i yni. Ne kemi qenë dhe mbetemi të bindur se pa zhvillim rural nuk ka Shqipëri të zhvilluar.

Do bëjmë gjithçka me moton që fshatrat që kenë infrastrukturën e qyteteve, dhe për këtë zotohemi që në katërvjeçarin e parë. Këto janë disa nga pikat kryesore të programit tonë për fermerët dhe bujqësinë.

Edhe njëherë shpall, shtylla numër një e programit të PD do jetë ekonomia e qytetarëve. Ekonomia e qytetarëve. Ekonomia e qytetarëve. Begatimi i tyre, përmirësimi i tyre ekonomik.

The post Buxheti 2025/ Berisha paralajmëron protestë: Pensionistët dhe fermerët do të ngrenë zërin e tyre, ja kur do të mbahet appeared first on Albeu.com.

Sipas saj, buxheti i vitit 2025 prej 8.2 miliardë eurosh është torta që qeveria ndan për veten dhe klientët e saj, duke lënë thërrime për taksapaguesit shqiptarë.

Xhixho: Pjesa më e madhe e këtij buxheti shkon për punët publike, ku për shkak të kostove të fryra në mënyrë fiktive, mund të vidhen më kollaj paratë e shqiptarëve.

Si pasojë:

Rreth 800 mijë pensionistë marrin vetëm 16 milionë euro, që do të thotë se qeveria do të vijojë të tallet me ta.

Nuk ka rritje pagash, ndërkohë që jemi vendi me pagën mesatare më të ulët në rajon
Nuk mbështeten shtresat në nevojë, që do të thotë thellim i varfërisë ndërsa çmimet dhe kostot e jetesës vetëm rriten

Nuk ndryshon taksa që penalizon fermerët. Vetëm 40 milionë euro për kategorinë që kontribuon me mbi 20 % PBB e vendit

Mbetet në 2.5% e PBB buxheti i shëndetësisë, ndërkohë që shqiptarët vijojnë të paguajnë nga xhepi të paktën 60% të shpenzimeve shëndetësore

Mbetet 2.1% e PBB buxheti i arsimit, ndërkohë që dështimi në testet PISA dhe shpopullimi masiv tregojnë dështimin në këtë sektor

Ky nuk është buxheti i qytetarëve, por buxheti i klientëve të qeverisë, që do të vijojnë të përfitojnë përmes koncesioneve e tenderave!

The post Buxheti 2025/ Xhixho: Buxheti i vjedhjes, për qytetarët thërrime, qeveria ndan lekët me klientët e saj appeared first on Albeu.com.