Korreshi thotë se viti që vjen, me këtë buxhet, do i gjejë edhe më të varfra e të rrënuara familjet shqiptare.

“Ky buxhet i ngjan gjelit të detit që rri fryrë gjatë gjithë kohës por njerëzit s’do ta hanë as këtë fundvit.  Ky është një buxhet i fryrë që s’do ta kalojë por si jetëgjatësia e gjelit të detit që se kalon vitin e ri. Vitin që vjen ky buxhet do ta leje zi e më zi Shqipërinë.  Njerëzit atje poshtë janë më të varfëruar. Viti që vjen do  të jetë vit  i zi për familjet shqiptare”, u shpreh deputeti.

Sipas tij, numri i divorceve në vend është rritur së tepërmi, pasi varfëria ekstreme dhe pamundësia për përballimin e jetës po e bën të pamundur bashkëjetesën.

“Shikojini gjykatat, sa janë rritur divorcet. Pse? Sepse njerëzit nuk kanë bukë të hanë, nuk po përballojnë dot jetesën dhe kjo i çon në divorce çiftet. Shikoni shëndetësinë, shikoni Spitalin e Lushnjes, ku ilaçet duhet ti blesh te farmacia përballë, sepse spitali s’ka vetë. Njerëzit kanë marrë kredi për tu kuruar nga Covid-19, pasi nuk e përballojnë dot kostot. Ku është shpërblimi për Covid-19? Shikoni arsimin, po ashtu në ditët më të zeza të tij, kemi shkolla me 750 nxënës që nuk kanë as banjë. Degët nëpër universitete po mbyllen.”, tha Korreshi./albeu.com/

The post “Buxheti i fryrë si gjeli i detit”, deputeti Korreshi shigjeton buxhetin dhe nxjerr në pah problematikat appeared first on Albeu.com.

Miratimi u bë në një seancë të jashtëzakonshme, me 65 vota pro, ndërsa u kundërshtua nga opozita. Buxheti për vitin e ardhshëm është 2.7 miliardë euro.

Amendamentet që u iniciuan nga opozita, nuk u miratuan, gjë që shkaktoi përplasje mes opozitës dhe deputetëve të Vetëvendosjes.

The post Kuvendi i Kosovës miraton “Buxhetin 2022” appeared first on Albeu.com.

Për deputetët e VMRO DPMNE-së përmes buxhetit të parashikuar për vitin 2022 shihet se qëllimi i Qeverisë është që të shpenzojë më shumë para për shpenzime joproduktive sesa për investime kapitale.

“Planifikoni buxhet gjigant prej 4.4 miliardë euro në një kohë kur ne në vend kemi nevojë për ndryshim të modelit ekonomik. Vetë buxheti është reflektim i faktit që ju keni model në të cilin vendosni shpenzimet publike përpara investimeve publike. Qeveria e LSDM-së po i rrit shpenzimet publike gjatë gjithë kohës përmes huamarrjes dhe kjo është e dukshme nëse shikoni anën e të hyrave”, tha Mile Lefkov, deputet i VMRO-DPMNE-së.

Për deputetët e qeverisë, shteti duhej të merrte borxh për të shlyer borxhet e vjetra nga qeverisja e mëparshme e VMRO DPMNE-së.

“E theksuat huamarrjen dhe se shteti po merr hua dhe ky është fakt, por le të bëjmë një krahasim për çfarë dhe si. 500 milionë me kamatë prej 3.9 për qind ka marrë partia juaj përmes një eurobondi për galeritë, barokin, stiropor dhe shelgje. Në vitin 2020 morëm hua me eurobond prej 700 milionë eurosh për të shlyer një pjesë të borxhit me interes 1.62 dhe kjo tregon se ky vend jo vetëm që bën riprogram të atij borxh, por kurseu 11 milionë euro që do të investohen për një të nesërme më të mirë për secilin qytetar”, deklaroi Darko Kaevski – deputet i LSDM-së.

Për buxhetin e vitit të ardhshëm deputetët do të diskutojnë edhe dy ditë në seancë plenare. Planifikohet të mblidhen 3.8 miliardë euro në thesarin e shtetit dhe të shpenzohen 4.4 miliardë euro. Boshllëku buxhetor duhet të arrijë në 4.3 për qind ose 545 milionë euro, ndërsa në anën tjetër plani i Qeverisë është realizimi i investimeve kapitale në vlerë prej 615 milionë euro. /Alsat.mk

The post Buxheti 2022, opozita maqedonase me kritika për shpenzime joproduktive appeared first on Albeu.com.

Sipas Ballës, “Buxheti 2022” mundëson vazhdimin e financimit të reformave, sigurimin dhe përmirësimin e shërbimeve publike, forcimin e drejtësisë sociale dhe zgjerimin e paketës sociale për të gjithë shtresat në nevojë, si dhe sigurimin e investimeve të domosdoshme për zhvillimin e mëtejshëm të sektorëve strategjikë dhe ekonomisë së vendit.

Kujtojmë se tre ditë më parë, Presidenti Meta ka kthyer për rishqytim në Kuvend ligjin për “Buxhetin 2022”.

Sipas Metës, Buxheti në tërësinë e tij është një plan financiar antisocial./albeu.com

The post Meta ktheu Buxhetin, lëvizja e fundit e mazhorancës për dekretin e Presidentit appeared first on Albeu.com.

Sipas Presidentit, në tërësinë e tij buxheti është antisocial dhe ka mangësi shqetësuese të transparencës në lidhje me shpenzimet dhe politikat fiskale, si dhe paraqet problematikë shumë shqetësuese në lidhje me nivelin e borxhit publik, përdorimit dhe efektit ekonomik të tij.

Më tej në arsyetim, në “Buxhetin 2022” mungon mbështetja reale për sektorët e ekonomisë dhe në mënyrë të veçantë për bujqësinë, si dhe mungon mbështetja e nevojshme buxhetore për shtresat në nevojë për kurimin ndaj infeksionit Covid-19, të cilët trajtohen në shtëpi dhe jashtë sistemit spitalor./albeu.com

The post Meta kthen në Kuvend “Buxhetin 2022” appeared first on Albeu.com.

Kjo sipas Korreshit, vetëm e vetëm për të amortizuar kërkesat e tyre deri në miratimin e buxhetit 2022.

Korreshi tha se fermerët po braktisin vendin që të ikin jashtë shtetit, për të shlyer kreditë që kanë marrë.

Komentet deputeti demokrati i ka bërë nga foltorja e Kuvendit, gjatë fjalës së tij.

“Sot u premtua që do hanin me lugë floriri. Opingat. I njoh të gjithë ata fermerë. Kam frikë se do na mbijë bari se fermerët po i lënë serat e tyre. Sot treguat mjeshtëri sportive. I morët u dhatë kafe dhe u thatë se do hanë me lugë floriri po dale sa të kalojë ky buxhet. Vitin tjetër do hani produkte të Ballkanit të Shqyer sepse blegtoria shqiptare e ka mendjen te akademia.

Sa t’i stërvitin pak se nuk dinë si milet lopa. Ne themi që ky buxhet është i jashtëzakonshëm por asnjë fermer nuk merr asnjë lloj rimbursimi. Tani ka ndonjë sy e veshë të merret me këtë punë? Fermerët nuk do hanë me lugë floriri por ngelen me lugë në brez. Çfarë ju pengoi juve që gjithë këtë periudhë t’i dëgjonit. Vetëm për të marrë rrogën?

Ju duhet t’i dëgjoni dhe t’i implementoi kërkesat e tyre në buxhet. 90% e tregut është informal. Ata kërkojnë të kontrollohen. Nëse mandarinat këtu janë 110 lekë ata në Lushnje i shesin me 30 lekë. Nën kosto në mënyrë informale. Të paktën të vejë haka te i zoti. Nuk po dalin as barazim. Po ikin jashtë shtetit të marrin lekë për të shlyer borxhet. Po deshët ndonjë zile për deshët dhe delet se tjetër gjë nuk po bëni”, tha Korreshi./albeu.com/

The post Deputeti Korreshi u del krah fermerëve, ironizon keq qeverinë appeared first on Albeu.com.

Në përgjigje, Balla tha se sot është mbjellë më shumë se dyfishi i tokës se në 2013. Gjithashtu u zotua se deri në fund të mandatit, exportet do të arrijnë shifrën 1 miliardë.

“Një pjesë e kolegëve në këtë seancë u shtirën një pjesë me zemër një tjetër jo se gjoja ne i kemi harruar fermerët. Unë jam nga ata deputetë që blej vetë domatet shkoj edhe te kasapi, s’jam si ndonjë paraardhës që e bën këtë vetëm në fushatë. Bujqësia matet me sa hektarë mbilleshin në 2013 dhe sa mbillen sot. Sot janë më shumë se 2-fishi i tokës së mbjellë në 2013. PD s’kishte investuar asnjë qindarkë në kanale vaditëse. Edhe ne kemi patur diskutime mes nesh për çështjen e 6% të famshëm. Nga rimbursim ishte kthyer në një subvencion për grumbulluesin.  E tha dhe kandidati për deputet i PD  në takim me kryeministrin se 6% nuk shkonte te katundari.

400 milionë euro është sot vlera e eksporteve të produkteve bujqësore. Peshkimi po ecën me një ritëm më të lartë. Në fund të këtij mandati do kemi arritur vlerën 1 miliardë dollarë eksporti. Do tu kërkoj ndjesë nëse nuk do kemi arritur  1 miliardë dollarë eksporti. Për thithjen e investimeve nga vendet e BE jemi të parët, më shumë se Maqedonia e Veriut as nga Kosova”, tha Balla./albeu.com

The post Balla i përgjigjet Bashës: Sot dyfish toka të mbjella në krahasim me vitin 2013 appeared first on Albeu.com.

Sipas Ahmetaj, kryefjala e këtij buxheti do të jetë infrastruktura, digjitalizimi dhe mbështetja për familjet në nevojë

“Çdo buxhet në 30 apo kusur vite ka të mirat, elementët social, infrastrukturorë apo fiskal që mund të gjykohen nga njëra anë për mirë, nga njëra anë për jo mirë. Shumëkush e di mirë që çdo herë testohemi dhe testohemi në tregun ndërkombëtar në sytë e investitorëve që në genetikë të tyre janë akull të ftohtë, nuk e diskutojnë Shqipërinë  me asnjë emocion, me të vetmin atë të kompanive që e rankojën Shqipërinë në aspektin makroekonomik, institucional dhe ekonomik. Testi kaloi me shumë sukses dhe Shqipëria shënoi rekord, është hera e parë që nxjerrë një Eurobond prej 10 vitesh me kupon 3.5% dhe interes 3.75%. Është e vërtetë që ekonima shqiptare kaloi periudhë jashtëzakonisht të vështirë, tërmeti dhe pandemia llënë të gjitha gërvishtjet afatgjata në fytyrën enjë ekonome, por mënyra si e kemi trajtuar, tregon që kjo maxhorancë ka arritur një maturim në aspektin e konsolidimit fiskal dhe papërgjegjshmëria fiskale është lënë mbrapa. Klasa politike ka fituar maturinë për të mos luajtur me financat publike. Buxheti që kalojmë sot ja vlen të ridiskutohet po me përgjegjshmëri politike e sociale që te qytetarët të transmetojmë atë që është e vërtetë. Buxheti ka disa kryefjalë, e para paketa sociale e mbështetjes së familjes dhe qytetarëve në nevojë. 15 mijë familje që përfitojnë nga ndihma ekonomike, sot i dyfishohet ndihma ekonomike. Jam dakord me debatin e opozits është mjaft apo jo, por mundësitë buxhetore, kur borxhin duhet të fillojmë ta ulim, është ndjeshmëri e lartë sociale. kryefjala tjetër është infrastruktura kritike, blloku kryesor i investimeve publike. Po investohet më shumë sesa merret borxh. 80% borxhi publik patjetër është i lartë, u zgjeruam si 100 vende e kusur, janë 100 vende në glob sot që janë zgjeruar. Edhe Gjermani ka shkuar në 80% të borxhit publik. Ne kemi filluar të ringrihemi, po rritemi me shpejtësi dhe arsyeja është; kujdesi i qeverisë dhe gjithë ajo vibrancë ekonomike që reflektohet në rritjen eksporteve, importeve e konsum. Ky buxhet ndihmon në injektimin serioz ekonomik drejt sektorëve të duhur. Dixhializmi është një nga kryefjalët e këtij buxheti. Po kalojmë në një epokë evolucioni dixhital që i referohet shërbimeve publike për qytetarët dhe sipërmarrjen. Do krijojmë sportele dixhitale në të gjithë Shqipërinë ku çdo qytetarë mund të shkojë aty dhe një punonjës do t’i shërbejë që të marrë shërbime 360 gradë. Buxheti mbështet edhe bujqësinë. Shifrat tregojnë që vëmendja ka funksionuar. Peshkimi ka bërë revolucion, është koha ta mbështesim me investime, që të krijohet flota e peshkimit shqiptar. Edhe kursimet janë rritur. Kur flasim për vlerë të shtuar në ekonomi, po flasim si të rrisim të ardhurat sa më shpejt. Te pjesa e rindërtimit, po mbyllim në krye të një viti maksimumi të gjithë rindërtimin. në shtator të vitit tjetër maksimumi, do t’i kemi mbyllur të gjitha dëmet që tërmeti shkaktoi. Kujdesin me paketën për rindërtimin do ta vazhdojmë, Rindërtimi do të jetë një nga motorët kryesor të furnizimit të rritjes ekonomike pozitivisht. Paketa fiskale, kush fiton më shumë do paguaj më shumë. Taksa progresive, një nga elementë më balancues të mirëmbajtjes të të ardhurave. Kjo do të thotë se nëpërmjet taksës progresive kemi bërë të mundur rritjen reale të të ardhurave, duke i ngarkuar qytetarët me më pak taksa. Do e zerojmë tatimin mbi të ardhurat personale për pagat deri në 400 mijë lekë dhe do e zbusim për ata deri në 150 mijë-200mijë lekë. Patjetër që ka komente e opinione të denja pr t’u dëgjuar e debatuar, besoj që edhe në këtë situatë kemi bërë një buxheti që është më i madhi në 30 vite dhe që ka filluar të bëjë ndryshime logjik enë funksion të një epoke të re. Nuk do i kërkoja opozitës ta votonte, por në respekt të asaj që ju keni mbajtur si qëndrime, shumë vërejtje të tuaja janë reflektuar”, tha Ahmetaj./albeu.com

The post “Buxheti 2022, më i madhi i këtyre 30 vite”, Ahmetaj: Kush do të jetë kryefjala appeared first on Albeu.com.

Pas miratimit në parim, seanca e sotme do të vulosë përfundimisht buxhetin 2022.

Rendi i ditës:

Në mbështetje të Urdhrit nr. 28, datë 23.11.2021 të Kryetares së Kuvendit, znj. Lindita Nikolla, rendi i ditës është si më poshtë vijon:

1. Miratimi i procesverbalit të seancës plenare datë 15.11.2021

(Neni 44, pika 2 e Rregullores)

2. Njoftime

(Neni 44, pika 3 e Rregullores)

3. Projektligj “Për një shtesë dhe disa ndryshime në ligjin nr. 92/2014 “Për tatimin mbi vlerën e shtuar në Republikën e Shqipërisë” të ndryshuar””. (Neni 78 i Kushtetutës dhe nenet 55, 84 dhe 73-77 të Rregullores, shumicë e thjeshtë votash për miratim)

Shprehet komisioni përgjegjës për Ekonominë dhe Financat

Relatori

Koha e votimit nen për nen dhe në tërësi

4. Projektligj “Për disa shtesa në ligjin nr. 9975, datë 28.7.2008 “Për taksat kombëtare” të ndryshuar””. (Neni 78 i Kushtetutës dhe nenet 55, 84 dhe 73-77 të Rregullores, shumicë e thjeshtë votash për miratim)

Shprehet komisioni përgjegjës për Ekonominë dhe Financat

Relatori

Koha e votimit nen për nen dhe në tërësi

5. Projektligj “Për një ndryshim në ligjin nr. 8438, datë 28.12.1998 “Për tatimin mbi të ardhurat” të ndryshuar””. (Neni 78 i Kushtetutës dhe nenet 55, 84 dhe 73-77 të Rregullores, shumicë e thjeshtë votash për miratim)

Shprehet komisioni përgjegjës për Ekonominë dhe Financat

Relatori

Koha e votimit nen për nen dhe në tërësi

2

6. Projektligj “Për disa ndryshime dhe shtesa në ligjin nr. 61/2012 “Për akcizat në Republikën e Shqipërisë” të ndryshuar””. (Neni 78 i Kushtetutës dhe nenet 55, 84 dhe 73-77 të Rregullores, shumicë e thjeshtë votash për miratim)

Shprehet komisioni përgjegjës për Ekonominë dhe Financat

Relatori

Koha e votimit nen për nen dhe në tërësi

7. Projektligji “Për buxhetin e vitit 2022”. (Neni 78 i Kushtetutës dhe nenet 55, 84 dhe 73-77 të Rregullores, shumicë e thjeshtë votash për miratim)

Shprehet komisioni përgjegjës për Ekonominë dhe Financat

Relatori

Koha e votimit nen për nen dhe në tërësi

8. Projektligj “Për ratifikimin e marrëveshjes së financimit, ndërmjet Republikës së Shqipërisë, përfaqësuar nga Këshilli i Ministrave, Republikës së Maqedonisë së Veriut, përfaqësuar nga Sekretariati për Çështjet Evropiane dhe Komisionit Evropian, për programin e Veprimit të Bashkëpunimit Ndërkufitar IPA II, Maqedoni e Veriut – Shqipëri 2014-2020, alokimet për vitin 2020”. (Neni 121, 122 i Kushtetutës dhe nenet 55 dhe 73-77 të Rregullores, shumicë e cilësuar votash për miratim: absolute)

Pyetje

Shprehet nismëtari

Shprehet komisioni përgjegjës për Ekonominë dhe Financat

Dhënie mendimin komisioni për Çështjet Ligjore, Administratën Publike dhe të Drejtat e Njeriut

Dhënie mendimi komisioni për Politikën e Jashtme

Dhënie mendimi komisioni për Sigurinë Kombëtare

Dhënie mendimi komisioni për Integrimin Europian

Diskutime

(Shprehen grupet parlamentare)

Koha e votimit

9. Projektligj “Për ratifikimin e marrëveshjes ndërmjet Këshillit të Ministrave të Republikës së Shqipërisë dhe Qeverisë së Republikës së Maqedonisë së Veriut për ngritjen e pikave të përbashkëta të kalimit kufitar ndërmjet Republikës së Shqipërisë dhe Republikës së Maqedonisë së Veriut”. (Neni 121, 122 i Kushtetutës dhe nenet 55 dhe 73-77 të Rregullores, shumicë e cilësuar votash për miratim: absolute)

Pyetje

Shprehet nismëtari

Shprehet komisioni përgjegjës për Sigurinë Kombëtare

Dhënie mendimin komisioni për Çështjet Ligjore, Administratën Publike dhe të Drejtat e Njeriut

Dhënie mendimi komisioni për Politikën e Jashtme

Diskutime

(Shprehen grupet parlamentare)

Koha e votimit

10. Projektligj “Për ratifikimin e marrëveshjes ndryshuese me shkëmbim notash të marrëveshjes ndërmjet Këshillit të Ministrave të Republikës së Shqipërisë dhe Qeverisë së Republikës së Italisë për zbatimin e programit për përgatitjen e studimeve të fizibilitetit dhe hartimit në nivel përfundimtar dhe studimin e impaktit mjedisor në sektorin e infrastrukturave, ratifikuar me ligjin nr. 86/2016”. (Neni 121, 122 i Kushtetutës dhe nenet 55 dhe 73-77 të Rregullores, shumicë e cilësuar votash për miratim: absolute)

Pyetje

Shprehet nismëtari

Shprehet komisioni përgjegjës për Veprimtaritë Prodhuese, Tregtinë dhe Mjedisin

Dhënie mendimin komisioni për Çështjet Ligjore, Administratën Publike dhe të Drejtat e Njeriut

Dhënie mendimi komisioni për Politikën e Jashtme

3

Dhënie mendimi komisioni për Ekonominë dhe Financat

Diskutime

(Shprehen grupet parlamentare)

Koha e votimit

11. Projektvendim “Për shqyrtimin me procedurë të përshpejtuar të projektligjit “Për ratifikimin e marrëveshjes kuadër të huas, ndërmjet Këshillit të Ministrave të Republikës së Shqipërisë dhe Bankës për Zhvillim të Këshillit të Evropës për mbështetjen e përpjekjeve të Republikës së Shqipërisë për zbutjen e pandemisë Covid-19”. (Neni 83 dhe 78 i Kushtetutës dhe nenet 55 dhe 28 të Rregullores, votim i hapur, shumicë e thjeshtë votash për miratim)

(Shprehet një folës pro e një folës kundër)

Koha e votimit

12. Projektvendim “Për një shtesë në vendimin nr. 79/2021 “Për ngritjen e komisionit hetimor të Kuvendit “Për kontrollin e veprimtarisë së organeve të administratës publike dhe pushtetit vendor, për të verifikuar përdorimin e burimeve të administratës shtetërore për qëllime elektorale në zgjedhjet e 25 prillit 2021”. (Neni 78 i Kushtetutës dhe nenet 55 dhe 21/1 të Rregullores, votim i hapur, shumicë e thjeshtë votash për miratim)

Koha e votimit

13. Projektvendim “Për një shtesë në vendimin nr. 70/2021 “Për caktimin e anëtarëve zëvendësues në përbërjen e komisioneve të përhershme”. (Neni 78 i Kushtetutës dhe nenet 55 dhe 21/1 të Rregullores, votim i hapur, shumicë e thjeshtë votash për miratim)

Koha e votimit

14. Diskutime për çështje jashtë rendit të ditës (60’)’- parashikohet në rendin e ditës./albeu.com

The post Sot mblidhet Kuvendi, seancë maratonë për miratimin e buxhetit dhe paketës fiskale appeared first on Albeu.com.

Basha akuzoi qeverinë të cilët sipas tij japin felat e mishit për oligarkët ndërsa për popullin sipas tij kanë mbetur thërrimet e bukës.

“Duhet të ulim TVSH për çmimet e shportës. Çmimet e larta dhe mbytëse për familjet shqiptare për naftën e lartë, në vend që të mendojë për ti ulur ky ia shton konsumatorit taksën për gazin. Duke ja bërë të ftohtë dhe më të vështirë për familjet shqiptare. Janë bërë bajat me propagandën ku fiks si në 1984 të kundërtat që duan të na imponojnë me fjalët e atyre të gënjeshtra. Ngecja në vend numëro për këta është zhvillim. Familjet shqiptare përballen me faturat e kripura, me gjoba zyrtare dhe jo zyrtare, të padrejta. Kur flas për njerëzit dhe hallet e tyre më vjen replika dhe loja e vjetër kur ishit ju kur ishim ne , vetëm për të mbajtur larg vetes përgjegjësinë për të mbajtur një pushtet të korruptuar. Oligarkët portretet e të cilëve janë skicuar dalin çdo ditë nga thasët e shtetit.

Mos bëjmë lojën e vjetër të krahasimeve, jam krenar për çfarë kemi bërë por edhe për gabimet tona. Ata që nuk varen nga klientelizmi dhe që janë shumica dërrmuese, me ata punojnë ecin përshtaten. Ata nuk pyesin ku ishim ne ku jemi sot, ata duhet të dinë ku duhet të ishte vendi ynë në lidhje me atë që duhet të bëhet vendi jonë. Sa cilësore është shëndetësia, sa subvencione marrin bujqërit dhe fermerët, sa e sigurt është jeta e qytetarëve. Çështjen që shqetësojnë shqiptarët i leni pa përgjigje, keni marrë borxh më shumë se gjithë qeveritë e mëparshme, kini rritur taksat si kurrë më parë si në kohën e tanzimatit. Nuk keni rritur as paga as pensione as përmirësimi i konkurrencës, miliardat i keni marrë ne merr të shqiptarëve, taksat i keni rritur për të integruar pushtetin putinist dhe oligarkët keni vrarë konkurrencën. Keni penguar investimet e huaja, e keni bërë Shqipërinë në vendin ku largohen të rinjtë më shumë se vendet e tjera të rajonit. Oligarkët marrin nga ju PPP dhe koncesionet.

Atë që keni bërë këto 8 vite të njëjtën gjë po bëni edhe vitin e ardhshëm, nuk është çështje buxheti por mentaliteti që shfaq dukshëm tahmanë për të për mbajtur interesat e një pakice që dëmton familjet shqiptare. Shqipëria ndodhet përballë sfidave të mëdha dhe ka nevojë për zgjidhje po kaq të mëdha që nuk i jepni dot. Ju krenoheni me satelitë por vendi po plaket, rritja e numrit të emigrimit po shoqërohet me largimin e moshave të reja. Inovacioni dhe teknologjia duhet të jetë financim i madh por qeveria jep financim anemik duke na lënë pas vendeve të rajonit. Bujqësia merr mbështet më të ulët në gjithë vendet e Ballkanit të pakrahasueshëm edhe me Kosovën.

Kjo i bën jo konkurruese produktet e fermerëve shqiptarë, i shkatërron ata. Përgjigja e vetme është dhuna policore ndaj tyre, tani që flasim fermerët janë në rrugë dhe shesh për të drejtat e tyre për mbijetesën e tyre dhe familjet e tyre. Për të marrë atë që në Kosovë e gëzojnë cdo ditë por jo këtu në Shqipëri. Fermerët tanë janë të harruar, për të disatën sezon që përsëritet vit pas viti detyron fermerët të emigrojnë sepse paratë e taksave që ky dhe qeveria e tij shpërdorojnë. Subvencioni i ilaçeve, shqiptarët gjatë pandemisë shpenzuan më shumë se cdo vend tjetër dhe morën ndihmën më të vogël nga gjithë vendet e tjera. 50% paguajnë shqiptarët për shëndetësinë falas është tallja më e madhe që i bëhet popullit shqiptar. Felat i keni ndarë për oligarkët kurse shqiptarëve u lëni thërrimet”, tha Basha.

The post Basha: Oligarkët kanë marrë felat e mishit, popullit i kanë ngelur thërrimet appeared first on Albeu.com.