Po ashtu një prej pikave të votuara ishte edhe ajo e ratifikimit BE-Shqipëri për Doganat, si dhe Programi Kombëtar i Punësimit të të Rinjve.

Votimet në Kuvend:

Zonat e mbrojtura

71 vota pro

Akti normativ për buxhetin

71 pro

Akti normativ për pasaportat

71 pro

Akti normativ për kartat ID

71 vota pro

Projektligji për sigurinë mes Shqipëri-Ukrainë

71 vota pro

Marrëveshja për Kopenhagën

71 vota pro

Fondi për Abu Dhabin

71 vota pro

Ratifikimi BE-Shqipëri për Doganat

71 vota pro

Banka e Shqipërisë për OSHEE-në

71 vota pro

Programi për Punësimin e të Rinjve

71 vota pro

The post Miratohen me 71 vota pro ndryshimet në buxhetin e vitit 2025 dhe marrëveshja e sigurisë me Ukrainën appeared first on Albeu.com.

Vangjeli tha se shpenzimet për karburant të qeverisë Rama 2014-2024 ,kapin vlerën totale 34,344,713,157 lekë ose 342 milionë euro.

Gjithashtu, ajo shtoi se nga të dhënat vërehet përdorim jo efektiv i fondeve buxhetore.

Sipas saj, ka mungesë në disiplinimin e shpenzimeve të transportit, administrimin dhe përdorimin e karburantit në vite.

DEKLARATA:

Në vazhdën e denoncimeve, sot do të informojmë publikun për 342 mln euro të shpenzuara nga Edi Rama dhe qeveria e tij lidhur vetëm për blerje karburanti. Referuar faqes zyrtare për pagesat e kryera nga Drejtoria e Përgjithshme e Thesarit, shpenzimet për blerje karburanti të ndara sipas viteve 2014 deri 27 Gusht 2024 janë:
Për vitin 2014 shpenzimet për karburant dhe vaj në total janë 2.891.676.076 lekë ose 28.9 milionë euro

Për vitin 2015 , 3.025.725.865 lekë ose 30.2 milionë euro

Për vitin 2016 , 2.852.868.035 lekë ose 28.5 milionë euro

Për vitin 2017 , 2.731.729.529 lekë ose 27.3 milionë euro

Për vitin 2018, 3.056.725.547 lekë ose 30.5 milionë euro

Për vitin 2019 , 3.559.678.588 lekë ose 35.5 milionë euro

Për vitin 2020, 3.265.584.608 lekë ose 32.6 milionë euro

Për vitin 2021, 3.314.042.649 lekë ose 33.1 milionë euro

Për vitin 2022, 3.459.887.191 lekë ose 34.5 milionë euro

Për vitin 2023 , 3.628.427.953 lekë ose 36.2 milionë euro

Për vitin 2024 shpenzimet për karburant dhe vaj në total deri 27 Gusht janë 2.558.367.116 lekë ose 25.5 milion euro dhe krahasuar me të njëjtën periudhë me vitin e shkuar janë 3.1 milionë euro më shumë.

Gjithësej shpenzimet për karburant të qeverisë Rama 2014-2024 kapin vlerën totale 34,344,713,157 lekë ose 342 milionë euro

Vërehet:

Përdorim jo efektiv i fondeve buxhetore

Mungesë në disiplinimin e shpenzimeve të transportit, administrimin dhe përdorimin e karburantit në vite. (matja e harxhimit të karburantit për çdo 100/ km, e dokumentuar nuk çon asnjëherë në këto vlera konsumi si më lart).

Mangësitë dhe shkeljet në respektimin e rregullave dhe disiplinën financiare janë praktika në kundërshtim me:

Ligjin nr. 10296, datë 08.07.2010 “Për menaxhimin financiar dhe kontrollin”, i ndryshuar;

Ligjin ne.9936, datë 26.06.2008 “Për Menaxhimin e Sistemit Buxhetor në RSH” i ndryshuar;

Udhëzimit e Ministrisë së Financave sipas viteve “Për menaxhimin e aktiveve në sektorin publik”.

Të nderuar qytetarë, po e mbyll me një pyetje për ju: çfarë mund të kishte bërë për ju qeveria Rama me 342 milionë euro të shpenzuara vetëm për karburant?

Çfarë ju mungon në lagjen, fshatin apo qytetin tuaj?

The post Abuzime në buxhet/ Partia Demokratike: Qeveria Rama 342 mln euro shpenzime vetëm për karburant appeared first on Albeu.com.

Ai u shpreh se po shkatërrohet konkurrenca, ndërsa evidentoi ligjet e cila sipas tij bëhen me porosi.

Gjithashtu, Meta shtoi se paratë vidhen pa u futur në buxhet, ndërsa klima për sipërmarrësit është e vështirë pasi lëvrojnë në një vend që nuk ka transparencë dhe ku korrupsioni sundon në çdo qelizë të qeverisë, qoftë ajo qendrore apo vendoste.

“Faktet janë të qarta se si mund të funksionojë sipërmarrja në një vend ku nuk ka transparencë për tenderat, ku të gjithë fituesit janë të paracaktuar, ku kriminaliteti e korrupsioni sundojnë në çdo qelizë të shtetit dhe gjyqësorit.

Paratë vidhen pa u futur në buxhet. Akoma më problem është pasiguria ligjore. Synojmë ta kthejmë në Shqipërinë nga një gropë të zezë importesh në një fuqi eksportuese.

Kjo do të ndodhë duke çliruar administratën nga nepotizmi dhe korrupsioni”, u shpreh Meta.

The post Nga SPAK në tryezën me sipërmarrësit, Meta: Paratë vidhen pa u futur në buxhet. Problem ligjet me porosi appeared first on Albeu.com.

Kjo gjë nuk i ka pëlqyer aspak banorëve të cilët sigurisht nisën diskutimet dhe komentet për dyshen. Të njëjtën gjë ka bërë edhe Juli në një bisedë me Françeskën dhe Ledjonën mbrëmjen e djeshme në oborrin e shtëpisë, ku duke i imituar thotë se ata nuk mund ta justifikojnë neglizhencën e tyre dhe të bëjnë si të pafajshëm: Vrasja është vrasje

Biseda e plotë në videon më poshtë:

View this post on Instagram

A post shared by Big Brother Alb VIP Edition (@bigbrotheralb_vip)

The post “Do ju lë unë pa buxhet”/ Juli për Romeon dhe Heidin: Vrasja është vrasje appeared first on Albeu.com.

Kryeministri i Kosovës Albin Kurti tha se me shtesën e fundit, buxheti për mbrojtjen e kalon nivelin e 200 milionë eurove apo 2% të Produktit të Brendshëm Bruto, i cili është kriteri edhe për shtetet anëtare të NATO-s.

Ndërkohë, në buxhetin e kaluar para pak ditësh, qeveria akordoi afërsisht 48 milionë lekë për mbrojtjen, gati 4 herë më pak më se buxheti i Kosovës. Nga ana tjetër, në vitin që po mbyllet, buxheti i Serbisë për mbrojtjen ishte 1426 miliardë dollarë.

Në mbledhjen e së mërkurës, ekzekutivi i Kosovës mori vendim edhe për shtesa të njëhershme prej 100 eurove për fëmijët dhe pensionistët.

Krahas kësaj, qeveria miratoi disa projektligje dhe nisma për marrëveshje ndërkombëtare, ndërsa ndau katër milionë euro për të mbështetur bujqit dhe bizneset për dëmet e shkaktuara nga vërshimet e shtatorit të vitit të kaluar dhe janarin e vitit 2023.

Kjo ndarje buxhetore, sipas ministrit të Financave, Hekuran Murati, bëhet përmes kursimeve të deklaruara nga organizatat buxhetore në vlerë prej mbi 54.3 milionë euro te projekte tjera ku kanë dinamikë më të shpejtë.

The post Buxhet 4 herë më i lartë se në Shqipëri, Kosova rrit fondet për mbrojtjen në 200 milionë euro appeared first on Albeu.com.

Të dhënat nga Open Data që burojnë nga dega e thesarit në Ministrinë e Ministrinë e Financave tregojnë se nga janari deri me 8 nëntor 2022, kompania integrated Energy BV SPV e kontraktuar për ndërtimin e inceneratorit të Tiranës ka përfituar nga buxheti i shtetit mbi 974, 00 milionë lekë (8.3 milionë euro).

Pagesat kumulative që nga viti 2018 arrijnë në 5.4 miliardë lekë ose 46,2 milionë euro, raportohet nga të dhënat zyrtare të Ministrisë së Financave.

Kontrata e koncesionit është lidhur ndërmjet Ministrisë se Mjedisit dhe shoqërisë “Integrated Energy BV SPV” sh.p.k, e lidhur në 31 gusht 2017 për përpunimin e mbetjeve me incenerim dhe prodhimin e energjisë elektrike.

Koncesioni u dha pёr njё periudhё 30 vjeçare. Lloji i financimit është i formës “pay për use” ose pagesa e një tarife fikse për çdo ton mbetjesh të depozituara.

Sakaq dhjetëra persona janë në hetim për dosjen e koncesionit të inceneratorëve e mbushur plot me abuzimeve sipas hetimeve te SPAK. ish ministri i Mjedisit Lefter Koka tashmë është në burg dhe dhjetëra persona të lidhur me inceneratorët e Elbasanit dhe Fierit janë në hetim dhe për shumë prej tyre është lëshuar masa e arrestit me burg.

Integrated Energy BV SPV ka të nëjtët aksionerë me inceneratorin e Fierit dhe Elbasanit, që janë tashmë nën hetim nga SPAK. Vetëm një ditë më parë SPAK preu disa fletë të tjera arresti, teksa u konstatua se ishin dhënë fonde për punime të pakryera në Inceneratorin e Fierit.

Skema e abuzimit me kontratat koncensionare PPP të tre inceneratorëve do të mbahet mend si një precedent i pazakontë i shpërdorimit të fondeve publike, nëpërmjet thyerjes te të gjitha ligjeve, parimeve dhe rregullave me përfshirje të gjerë të zyrtare të lartë publik te të gjitha niveleve.

Kontrolli i Lartë i Shtetit ka konstatuar me herët ketë vit se, projekti i inceneratorit të Tiranës ka rezultuar që në fillim i papërballueshëm për buxhetin e shtetit, ndërsa bashkisë Tiranë nga viti 2018 i janë dyfishuar kostot e pastrimit të qytetit, pikërisht për shkak të pagesave që ajo duhet t’u bënte inceneratorëve. Bashkia Tiranë ka paguar për periudhën 2018-2020 rreth 3.2 miliardë lekë (26.5 milionë euro) shtesë, krahas kostos së pastrimit prej 3.9 miliardë lekësh.

Prej vitit 2018, Bashkia Tirane dhe Ministria e industrisë dhe Energjisë (MIE) janë duke paguar tarifën prej 29 euro/ton mbetje urbane për incenerimin e mbetjeve për një shërbim ende të pakryer, duke qene se inceneratori ende nuk është përfunduar si objekt industrial për djegien e mbetjeve urbane./Monitor

The post Janar-nëntor 2022, buxheti dha 8.2 mln euro për inceneratorin e Tiranës, totali arrin në 46 mln euro appeared first on Albeu.com.

Kjo kërkesë ka shkaktuar edhe përplasjen e parë mes këtyre dy institucioneve që nga koha kur Bajram Begaj u zgjodh në detyrën e kreut të shtetit. Sipas sekretarit të përgjithshëm të Presidencës, Florian Kali, shumica e fondit që kërkohet do shkojë për rikonstruksionin e godinës, e cila ka lagështirë.

Ai kërkoi po ashtu edhe rritjen e numrit të punonjësve dhe pagës së tyre.

“Kemi nevojë për rikonstruksionin e godinës. Rikonstruksioni i fundit është bërë para 14 vitesh, kati i parë është i mbushur me lagështi. Kemi nevojë për lyerjen e godinës brenda dhe jashtë saj si dhe kthimi i godinës në parametrat e sigurisë të klasit A. Të gjitha këto kushtojnë rreth 400 milionë lekë. Pagat e institucionit nuk janë aty ku duhen në hierarkinë e piramidës që pagave të institucioneve.

Kemi vlerësuar një shtesë në strukturë për 10 persona. Këto ndryshime kërkojnë një shtesë prej 36 milionë lekë. Si dhe duam një rritje të shpenzimeve për 50 milionë lekë për veprimtarinë e Presidentit. Kosto totale e të gjithave do të jetë 490 milionë lekë. Shpresojmë që ky komision të na mbështesë në kërkesat tona”, tha Kali.

Por Vilma Çausholli, përfaqësuese e Ministrisë së Financave, u kërkoi përfaqësuesve të presidencës të detajojnë kërkesat për të parë mundësitë e plotësimit të tyre.

“Kërkesat duhet të detajohen edhe më tepër që të shohim mundësitë nëse ky fond është i nevojshëm dhe si mund të financohet kjo shumë e konsiderueshme. Nuk e kemi një vlerësim të tillë në detaje”.

Kryetarja e Komisionit të Ligjeve, Klotilda Bushka, tha se: “Shikojeni mundësinë e rikonstruksionit të godinës dhe nëse është nevojë emergjente. Shikojeni edhe pjesën e rritjes së strukturës, besoj që është e arsyeshme përderisa ka të bëjë me sigurinë kibernetike”.

Në Komisionin e Ligjeve, opozita ngriti shqetësimin se në institucionin e Presidencës kanë ndodhur shkarkime masive pas ndërrimit të Presidentit. Enkelejd Alibeaj ngriti shqetësimin se kjo mund të ndikojë në buxhetin e këtij institucioni pasi ata mund të fitojnë gjyqet. “Do të doja një sqarim për disa njoftime që kanë dalë në media për disa shkarkime masive në Presidencë. Një pjesë e tyre sipas mediave kanë edhe statusin e nëpunësit civil.

Pyetjen dhe sqarimin do të doja ta dija që këto shkarkime masive nëse kanë ndodhur, a mund të sjellin ndonjë impakt në buxhetin tuaj se këta punonjës nëse shkojnë në Gjykatë dhe fitojnë gjyqet”, tha Alibeaj.

Por përfaqësuesi i Presidencës tha se lëvizjet janë bërë për shkak të ristrukturimit. “Ne kemi bërë një ristrukturim dhe kemi sjellë strukturën e Presidencës siç duhet pasi ishte në një piramidë jo të drejtë. Në vlerësimet e dosjeve personale të gjithë personat që nuk plotësonin kriteret sipas ligjit, janë bërë largimet për mospërputhje kriteresh specifike. Numrin total nuk ua them saktësisht.

Llogari për 2023 nuk shohim pasi nuk ka pasur asnjë procedim në gjykatën administrative. Nuk shohim ndonjë impakt gjatë viteve të ardhshme”, tha Kali. Për deputetin Gazment Bardhi, pagat duhet të rriten për të gjithë administratën publike, jo vetëm për Presidencën ndërsa u shpreh se duhet t’i vendosen në dispozicion mjetet për investimeve nëse ato lidhen me sigurinë e Presidencës.

“Nuk e pranojmë dot që Presidenca të bëjë pushime masive nga puna, vetëm se u ndërrua Presidenti i Republikës.

Punonjësit duhet të kenë qëndrueshmëri në punë. Ju strukturën bëjeni siç iu përshtatet më shumë, por respektoni ligjin për nëpunësit civilë. Ndodh për herë të parë në historinë 30-vjeçare që dalin në lajme për shkarkime masive nga puna në Presidencë”, tha Bardhi. Shqetësimit të demokratit, iu përgjigj kryetarja e Komisionit. Socialistja Bushka tha se: “Qëndrueshmëria e administratës është parim që garantohet. Ristrukturimi i institucioneve është e drejtë e vetë institucionit. Ne nuk bëjmë dot Gjykatën është bërë gabim apo jo”.

The post Buxheti 2023 përplas qeverinë me Presidencën! Bajram Begaj kërkon 490 milionë lekë shtesë për rikonstruksionin e godinës dhe pagat appeared first on Albeu.com.

Një tjetër premtim ishte dhe heqja e TVSH-së për importet e pajisjeve për fotovoltaikët dhe eolikët. Disa biznese të mëdha, në listën e eksportuesve më të mëdhenj, si prodhuesi i çelikut “Kurum”, ai i kromit “Alchchrome” kanë ndërprerë përkohësisht aktivitetin për shkak të kostove të larta të energjisë, të cilën e blejnë në tregun e lirë.

Të tjerë kanë kërcënuar se do ta bëjnë nëse do të dalin në treg të lirë, me çmime të parregulluara, duke rrezikuar të lënë të papunë mijëra punonjës. Pritshmëritë nuk janë pozitive. Të gjitha institucionet ndërkombëtare po ulin parashikimet për rritjen ekonomike të vendit për vitin e ardhshëm, në linjë me zhvillimet e pritshme në të gjithë botën.

Inflacioni mbetet rrezik i shtuar. Banka e Shqipërisë rriti për të katërtën herë normën bazë, duke shtrënguar ndjeshëm politikën monetare që nga shkurti i këtij viti, por mekanizmat e saj duken të pamjaftueshme për të frenuar rritjen e çmimeve.

Një pjesë e tyre po vjen si rrjedhojë e inflacionit të importuar, por dhe faktorët e brendshëm si konkurrueshmëria e ulët e bizneseve dhe mungesa e ekonomisë së shkallës nuk janë në favor. Banka e Shqipërisë pret që inflacioni të fillojë të ulet brenda objektivit vetëm nga mesi i vitit 2024.

Çmimet e larta kanë frenuar tashmë konsumin dhe kjo tendencë pritet të vijojë më tej, në një vend ku konsumi privat ka qenë një nga nxitësit kryesorë të rritjes ekonomike. Emigracioni i lartë, që po dëmton si tregun e punës, ashtu edhe konsumin, vetëm sa i shtohet këtij ngërçi të krijuar në ekonomi.

Në këto kushte, buxheti i vitit të ardhshëm është shumë sfidues. Qeveria tashmë është angazhuar me 13 miliardë lekë shpenzime shtesë për rritjen e pagave, pensioneve e ndihmës për të përballuar krizën.

Nëse do të subvencionojë bizneset për energjinë do të duhet të paktën edhe gjysma e kësaj shume, krahas mbështetjes që duhet të japë për blerjen e importeve të energjisë (vetëm në vitin 2021, buxheti i projektuar për këtë zë ishte 28 miliardë lekë, nga të cilat 24 miliardë lekë janë përdorur deri tani).

Për fat të keq, buxheti do të duhet të shpenzojë rreth 10-12 miliardë për mbështetjen e projekteve koncesionare, shumë prej të cilave po rezultojnë nga hetimet e SPAK dhe raportet e KLSH-së që ishin komplet të panevojshme dhe me nivele të larta abuzimi financiar. Shumë projekte të tjera madhore (disa prej të cilave ishte e diskutueshme nëse duheshin pikërisht tani) do të duhet të vazhdojnë.

Presioni për më shumë shpenzime vihet përballë një situate jo të favorshme në kahun e të ardhurave dhe hapësirave fiskale. Mbyllja e bizneseve, frenimi i konsumit, ngadalësimi i ekonomisë pritet të ndikojnë negativisht në të hyrat në buxhet, që këtë vit u favorizuan dukshëm nga rritja e çmimeve.

Financat e kanë pranuar tashmë që vendi nuk mund të përballojë më që të rrisë borxhin dhe tendenca do të jetë për konsolidim fiskal (ndonëse presioni për të shpenzuar në një vit elektoral do të jetë i lartë). Për më tepër që kostot e shërbimit të borxhit kanë arritur në nivelet më të larta të pothuajse një dekade.

Për momentin, financat e kanë gjetur zgjidhjen në emetimin e borxhit afatshkurtër për të shmangur ndikimin në afatin e gjatë, çka pritet të ushtrojë presion për pagesat gjatë vitit të ardhshëm, duke lënë më pak hapësira për t’u shfrytëzuar në investime produktive për ekonominë.

Nuk mund të mohohet që një pjesë e situatës së vështirë është rrjedhojë e zhvillimeve globale. Por edhe politikat e brendshme nuk kanë qenë aspak favorizuese.

Vendi ka borxhin më të lartë në rajon së bashku me Malin e Zi, me mbi 70% të Prodhimit të Brendshëm Bruto (PBB), ndryshe nga Serbia që e uli në dekadën e fundit, apo Maqedonia e Veriut e Bosnja, që janë treguar gjithnjë të kujdesshme.

Politikat zhvilluese nuk kanë shkuar në drejtim të nxitjes së konkurrueshmërisë së ekonomisë, që mbetet më e dobëta në rajon. Qeveria, prej kohësh, nuk i mori seriozisht kërkesat e biznesit për energjinë alternative (dielli, era) dhe vetëm kur i erdhi laku në fyt, po ndjek politika nxitëse për diversifikimin e burimeve të energjisë.

Pavarësisht të gjithave, vëmendja e qeverisë është te zgjedhjet e vitit të ardhshëm. Për të tjerat, ka kohë që i ka lënë në rënie të lirë./Monitor

The post Ekonomia dhe buxheti në rrezik! appeared first on Albeu.com.

Në fund të muajit qershor 2022, Ministria e Financave përllogariti se, stoku i detyrimeve buxhetore që rrjedhin nga vendimet e gjykatave arriti në 4 miliardë lekë ose 33 milionë euro.

Këto detyrime i përkasin më së shumti punonjësve që janë shkarkuar në mënyrë të padrejtë nga vendet e tyre të punës, por edhe gjyqet që janë fituara nga kompanitë, që kishin kontrata për pune dhe shërbime me qeverinë.

Në stokun total të detyrimeve të prapambetura buxhetore, zëri i vendimeve gjyqësore është më i lartë nga 10 zërat e tjerë që krijojnë faturat buxhetore të pashlyera në kohë.

Në fund të qershorit 2022 stoku i detyrimeve të prapambetura arriti në 15,4 miliardë lekë, ndërsa vendimet e gjyqësore zunë 26% të stokut.

Të dhëna më të detajuara nga Ministria e Financave tregojnë se 84% (3,4 mld lekë) e detyrimeve që burojnë nga vendimet e gjykatave i zotëron qeveria qendrore.

Ndërsa 16 % (645 milionë lekë) i takojnë pushtetit lokal. Shumica e këtyre detyrimeve janë krijuar nga ankesat në gjykatë të punonjësve të administratës të shkarkuar nga puna. Shumica e tyre kanë fituar të drejtat në gjykatë duke fituar dëmshpërblim dhe rikthimin në punë. Shkarkimet nga administrata janë bërë në shkelje të legjislacionit në fuqi për nëpunësin civil dhe kodit të punës.

Pavarësisht se entet publike në vijimësi i kanë zbatuar vendimet e gjykatave duke shlyer sistematikisht shumat ndaj ish -punonjësve, por shkarkimet të herëpashershme kanë bërë që gjithnjë të ketë një stok detyrimesh që nuk arrin të shlyhet në kohë ndaj kësaj kategorie.

Stoku i borxheve të pashlyera u zgjerua në gjashtëmujor me 1,6 miliardë lekë (13.8 milionë euro) ose 12.5 për qind më shumë se ne janar të këtij viti. Në krahasim me qershorin e vitit 2021, stoku i detyrimeve është ulur me rreth 12 për qind.

Borxhet e pashlyera në kohë janë shndërruar në një zë të rregullt buxhetor edhe pse qeveria pas vitit 2014 i forcoi ligjet për të parandaluar krijimin e tyre.

Një audit i imtësishëm në 2014 zbuloi rreth 71 miliardë lekë detyrime të prapambetura, ku u përfshinë gjitha faturat, përfshi edhe faturat e pashlyera të energjisë të enteve publike ndaj OSHEE-së.

Për të shlyer këto detyrime qeveria rriti huamarrjen e jashtme. Por donatorët që dhanë huatë, Banka Botërore dhe Fondi Monetar Ndërkombëtar imponuan forcimin e rregullave për administrimin buxhetor në mënyrë që të parandalohej krijimi i të rejave./monitor

The post Gabimet e qeverisë dhe largimet nga puna, buxheti akumulon 33 mln euro detyrime nga vendimet e gjykatave appeared first on Albeu.com.

Si dy ndër shtetet kryesore të prodhimit të karburanteve, drithërave e vajit, lufta solli zhbalancime të shumta në ofertë, që u shoqëruan me rritje të fortë të çmimeve të shumë produkteve. Kjo tendencë vetëm sa iu shtua shtrenjtimit që kishte nisur që nga shtatori, si rrjedhojë e kërkesës më të fortë që erdhi nga rimëkëmbja e ekonomisë globale pas pandemisë dhe pasojave të zhbalancimit të kërkesë-ofertës gjatë periudhës së pandemisë.

Në mars, inflacioni, apo Indeksi i Çmimeve të Konsumit, që mat ndryshimin e çmimeve të një shporte mallrash të caktuar, në muajin mars arriti në 5.7%, niveli më i lartë në 20 vjet.

Rritja e çmimeve për shumë produkte ka qenë shumë më e fortë se në të njëjtin muaj të një viti më parë. Të dhëna të tjera të detajuara të INSTAT, që matin ndryshimin vjetor sipas nëngrupeve, tregojnë se shtrenjtimi ka qenë shumë i lartë për disa produkte të domosdoshme.

-Shërbimet personale ndaj mjeteve të transportit: Indeksi i këtij nëngrupi u rrit me 26.7% në mars, me bazë vjetore, më e larta nga të gjitha nëngrupet. Rritja e çmimit të karburantit ka shtuar shpenzimet për të gjithë përdoruesit e makinave, por dhe për ata që kryejnë udhëtime ndërurbane përmes mjeteve publike. Një litër naftë arriti në fillim të marsit deri në 260 lekë për litër, kur në bursa u shtrenjtua deri në 130 dollarë për fuçi. Pas rënies në bursa dhe krijimit të Bordit të Transparencës nga qeveria për të kontrolluar çmimet, karburanti ka zbritur aktualisht në rreth 219 lekë për litër, por sërish mbetet rreth 20% më i lartë se në janar dhe gati 40% më shumë se marsi i një vit më parë, kur blihej mesatarisht me 154 lekë/litër.

-Vajra dhe yndyrna: Indeksi i këtij nëngrupi u rrit me 22.4% në mars. Vaji bimor u shtrenjtua ndjeshëm në mars, duke i kaluar 300-320 lekë për litër nga rreth 220 lekë më parë. Tregut botëror i mungon 80% e farës të lulediellit që prodhohet nga Ukraina dhe Rusia. Operatorët e tregut kanë paralajmëruar se problematika e vajit do të vazhdojë dhe kjo vjen për shkak të çmimeve. Sipas tyre, çmimet e vajit sot në Greqi janë 4,5 euro për litër. Kjo po ndodh në Itali, Francë, Gjermani dhe vende të tjera. Edhe sasitë e furnizimeve janë të limituara nga vendet europiane.

-Buka: Çmimet e bukës dhe drithërave u rritën mesatarisht me 15.8% në krahasim me marsin e një viti më parë. Një bukë masive tashmë kushton 120 lekë, nga 80 lekë më parë. Shtrenjtimi i çmimit të drithërave ishte faktori kryesor që rriti çmimin e bukës. Në vitin 2021, sipas të dhënave të INSTAT, në Shqipëri u importuan 326 milionë kg drithëra, nga të cilat 36% erdhën nga Serbia dhe 46% nga Rusia. Të dhëna të tjera të Eurostat bëjnë të ditur se Shqipëria, një nga shtetet më të varfra të Europës, renditet si vendi, ku banorët e saj shpenzojnë më shumë për bukë dhe drithëra në raport me të ardhurat e tyre. Shpenzimet nominale për bukë dhe drithëra, si përqindje e Prodhimit të Brendshëm Bruto (PBB- që mat vlerën e mallrave dhe shërbimeve përfundimtare të prodhuara nga ekonomia në një vit) ishin 4.8%, në vitin 2020, më të lartat në Europë.

-Qumësht, djathë dhe Vezë: Indeksi i këtij nëngrupi u rrit me 10.3% në mars, shtrenjtimi i dytë më i lartë për ushqimet, pas bukës. Këto produkte janë shtrenjtuar vazhdimisht muajt e fundit, duke kulmuar në mars, pas rritjes së kostove të energjisë e transportit dhe të lëndës së parë nga fermerët. Rritja pritet të vazhdojë. Burimet nga tregu pohuan se, në muajt e fundit, shpenzimet e aktivitetit për njësitë e përpunimit të qumështit janë rritur me 20%, ndërkohë rritja në treg është reflektuar vetëm me 12%.

Në mars janë shtrenjtuar dhe zarzavate, përfshirë patatet me 10.5%, ndonëse këtë muaj fillon dhe del në treg prodhimi vendas. Rritja e kostove të lëndëve të para si plehrat kimike dhe plasmasi, së bashku me rritjen e taksave pas vendosjes së TVSH-së për inputet bujqësore ka bërë që fermerët të mbjellin më pak, duke ulur ofertën e brendshme.

Edhe mishi është shtrenjtuar me 7.1%, kryesisht për shkak të mungesës së tij në treg. Më shtrenjtë janë dhe pijet alkoolike (+3.8%). Në kafe dhe restorante mesatarisht duhet të paguash 4.5% më shumë se një vit më parë, teksa restorantet po fillojnë të reflektojnë shtrenjtimin e produkteve ushqimore.

Rënie të çmimeve në mars kanë shënuar vetëm këpucët e burrave, ngrohësit e kondicionerët si dhe shërbime mjekësore, paramjekësore e dentare./monitor

The post Buka, vaji, karburantet e bulmeti “fundosin” buxhetet e familjeve shqiptare appeared first on Albeu.com.