Lajmi u konfirmua për Indeksonline nga avokati i tij, Naim Ferati, i cili tha: “Butës i është ndërprerë masa e paraburgimit.”

Buta u arrestua më 11 shtator, ndërsa një ditë më pas, më 12 shtator, gjykata vendosi masën e paraburgimit ndaj tij.

Ai u mbajt në qeli për disa javë, për shkak të akuzave për shitblerje narkotikësh dhe armëmbajtje pa leje.

Pas seancës së sotme, gjykata mori vendim që ai të lirohej nga paraburgimi, duke marrë parasysh kërkesën e reperit dhe argumentet e mbrojtjes.

Para trupit gjykues, Buta theksoi se ka përgjegjësi të mëdha familjare, duke theksuar se është i vetmi mashkull në familjen e tij.

“Jam i vetmi mashkull në familje dhe kujdesem për nënën 63-vjeçare, vajzën 1-vjeçare dhe bashkëshorten time.

Pa mua ato nuk mund t’i përballojnë nevojat bazike të jetës,” u shpreh reperi i njohur.

Buta është një nga figurat më të njohura të skenës së hip-hopit në Kosovë, me një numër të madh hitesh dhe një publik të gjerë që e ndjek prej vitesh.

Lajmi për arrestimin e tij tronditi fansat dhe solli reagime të shumta në rrjetet sociale.

The post ‘Jam i vetmi mashkull në familje që kujdesem…’/ Merret vendimi për reperin Buta appeared first on Albeu.com.

“Sot me vendim të gjykatës i është ndërprerë masa e paraburgimit që ishte në fuqi, dhe tani vazhdon mbrojtja dhe procedura në liri deri në përfundim të procesit,” tha avokati.

Kujtojmë se Buta u arrestua më 11 shtator, dhe një ditë më pas gjykata caktoi masën e paraburgimit.Mbi të rëndojnë veprat penale shitblerje e substancave narkotike dhe armëmbajtje pa leje. Gjatë seancës gjyqësore, të mbajtur ditën e sotme Buta kërkoi lirimin, duke theksuar se është kryefamiljar dhe mban mbi supe përgjegjësi të mëdha.

The post U akuzua për trafikim droge dhe armëmbajtje pa leje, gjykata merr vendimin për reperin Buta appeared first on Albeu.com.

Në seancën e sotme, Buta, emri i vërtetë i të cilit nuk është bërë publik zyrtarisht nga autoritetet, kërkoi lirimin nga paraburgimi, duke u bërë thirrje gjykatësve që të marrin parasysh rrethanat e tij familjare.

“Jam i vetmi mashkull në familje dhe kujdesem për nënën time 63-vjeçare, vajzën 1-vjeçare dhe gruan. Ato nuk mund t’i përmbushin nevojat e përditshme pa mua,” – u shpreh ai para trupit gjykues.

Rasti i reperit ka ngjallur vëmendje të madhe në opinionin publik dhe komunitetin artistik. Reperi tjetër i njohur, Gjiko, ka reaguar në mbështetje të kolegut të tij përmes një postimi në llogarinë e tij personale të Instagram-it , ku shkroi shkurt: “Free Buta.”

Seanca e radhës pritet të përcaktojë nëse paraburgimi do të zëvendësohet me një masë më të lehtë, apo nëse reperi Buta do të qëndrojë pas hekurave deri në përfundim të hetimeve.

The post Buta kërkon lirinë, reagon Gjiko appeared first on Albeu.com.

Burime për “Prive” kanë bërë me dije se marrëdhënia mes Butës dhe partneres së tij Fjolla, me të cilën ndan edhe një vajzë, nuk është në gjendjen më të mirë. Të njëjtat burime, që kanë preferuar të mbeten anonimë, flasin për një krizë që ka prekur çiftin, një gjë që mund të vërehet edhe në aktivitetin e tyre në rrjetet sociale.

Megjithatë, asnjëri prej tyre nuk ka reaguar publikisht mbi situatën.

The post Reperi shqiptar ndahet nga gruaja? appeared first on Albeu.com.

Vendimi i Apelit erdhi pas shqyrtimit të ankesave të ndryshme, përfshirë kërkesën e Prokurorisë për një dënim më të lartë dhe ankesën e mbrojtësve të të akuzuarit që kërkonin ndryshimin e akuzës për “vrasje nën tronditje të fortë mendore”.

Në vendimin e Apelit po ashtu theksohet se ankesat e palëve nuk ishin të bazuara.

Një reagim në lidhje me këtë e ka bërë vëllai i Qëndrimit, reperi Buta, në një shkrim të ndarë në Instagram.

“Zoti është i madh. Çkado që nuk të vran të bën më të fortë. Çdo plan i tij e ka një qëllim. Çdo sfidë e tij është provë. Çdo e keqe e ka një të mirë”, u shpreh artisti shqiptar.

The post 17 vjet burg për Qëndrim Januzin, reagon Buta: Zoti është i madh, çdo padrejtësi dikur ndëshkohet appeared first on Albeu.com.

Vendimi është marrë sot nga një trup gjykues në Gjykatën Themelore në Ferizaj, raportojnë mediat e Kosovës.

Sipas aktgjykimit të lexuar nga gjyqtari Habib Zeqiri, Januzit iu shqiptua një dënim unik prej 17 viteve burgim: 16 vite për vrasje të rëndë dhe një vit për armëmbajtje pa leje.

Të njëjtit i është konfiskuar arma në mënyrë të përhershme.

Vëllai i reperit Betim Januzi – ‘Buta’, akuzohet nga Prokuroria në Ferizaj për vrasjen e Gazmend Hysenit, të cilin dyshohet se e ka qëlluar me gjashtë plumba në Ferizaj në 28 maj të vitit 2022.

Kujtojmë se i akuzuari nuk e kishte mohuar vrasjen, por nuk ishte pajtuar me cilësimin juridik që i kishte bërë Prokuroria.

I akuzuari Qëndrim Januzi ndodhet në paraburgim që nga ndodhja e ngjarjes, me kërkesë të Prokurorisë.

The post Vrau një person më 2022, dënohet me 17 vite burg vëllai i reperit ‘Buta’ appeared first on Albeu.com.

Ditën e sotme ai ka publikuar një fotografi në Instastory, teksa mban në duar vogëlushen, duke na prezantuar kështu për herë të parë me portretin e vajzës së tij.

The post Buta zbulon për herë të parë portretin e vogëlushes së tij appeared first on Albeu.com.

Buta përmes një postimi në InstaStory, bëri të ditur se është bërë baba për herë të parë, teksa edhe ndau fotografinë e foshnjës.

“Our babygirl” (vogëlushja jonë) ka shkruar artisti, dhe tregon që vajzën e tij e ka quajtur Irina.

Kujtojmë që Buta ka qenë në lidhje me partneren e tij Fjolla, për rreth 5 vjetësh.

Ata janë martuar para tre vjetësh, ndërsa tani janë bërë prindër të vajzës së tyre Irinës.

The post Buta bëhet baba për herë të parë appeared first on Albeu.com.

Buta tha se makina ishte e tij dhe jo e vëllait të tij dhe se ishte djegur 3-4 muaj para ngjarjes, raporton “Betimi për Drejtësi”.

“Rreth rastit të djegies së makinës, mediat kanë aluduar shumë për këtë pjesë, kjo më shumë është çështje mediatike, se unë e kam pasur makinën e siguruar full kasko dhe u dogj 3-4 muaj para rastit. Ka kaluar kohë e gjatë nga koha e djegies së saj, vëllai Qëndrimi ka thënë se tani i ndjeri ka qenë një prej të mundshmëve që e ka djegur, por kjo kurrë nuk është gjetur nga policia, kështu që nuk ka shance të jetë ky motivi, makina ka qenë e imja, vëllai im nuk ka qenë i dëmtuar, nuk ka qenë fare motiv djegia e makinës”, tha Buta.

Ai tha se në ditën e ngjarjes kishte pasur koncert në Prizren, ku kishte qenë së bashku me vëllain e tij Qëndrimin, i cili ishte edhe menaxheri i tij, ndërsa pas mesnatës ishin kthyer në Ferizaj.

“Për në Prizren jemi nisur diku nga ora 09:00, ndërsa më kujtohet që jemi kthyer rreth orës 00:00-00:30 pas mesnatës, dhe me t’u kthyer unë së bashku me Qëndrimin dhe me një person të quajtur Rinor, dhe si zakonisht ku e vendosim makinën atë natë ka qenë duke e drejtuar Rinori dhe ka marrë veprimin për ta vendosur në garazh tek kompleksi banesor SNA, e që unë në një distancë prej 10-15 metra nga dera e garazhdit e kam parë se ka qenë i ndjeri me dy persona të tjerë”, tha Buta.

Ai sqaroi se më vonë e kishte kuptuar se kanë qenë katër persona dhe jo tre. Buta tha se ishte kthyer në shtëpi, ndërsa Qëndrimi e kishte telefonuar një shok të tij i quajtur Besnik Berisha, për të cilin reperi tha se nuk e dinte se çfarë kanë bisedur.

Po ashtu, tha se gjatë qëndrimit të tyre në Prizren, Qëndrimi nuk i kishte thënë asgjë në lidhje me raportet e tij me tani të ndjerin.

“Pas 10-15 minutave kam dalë nga banesa për të blerë cigare dhe sapo dola jashtë kam dëgjuar të shtëna të armëve dhe sirena të policisë, atë moment më ka marrë në telefon Yll Islami, të cilin e kam shok. I njëjti më ka thënë nisu për Spital se i ka ndodhur diçka Qëndrimit, e kam marrë makinën dhe jam nisur në drejtim të Spitalit. Aty prezent kanë qenë një numër i madh i shokëve të tani të ndjerit G., dhe mua më kanë sugjeruar shokët e mi që mos të qëndroj aty sepse është rrezik, po ashtu më kanë thënë mos shko as në shtëpi se kanë vërejtur disa makina jashtë banesës sime”, tha ai.

Ai tha se të ndjerin e kishte shok dhe se e kishte marrë nëpër koncerte, ndërsa beson që pikënisja ku filloi “inati” i të ndjerit ishte mosdhënia e disa parave që viktima ia kishte kërkuar.

“Të ndjerin G. e kam njohur, e kam pas shok, e kam marrë në koncertet e mia dhe e kam paguar, dy vitet e fundit është ndjerë si i lënë pas dore nga ana ime. Fillimisht, ka qenë një rast ku më ka kërkuar para për një rast të tij që e kishte në gjykatë, unë i pata kërkuar vendimin e gjykatës të cilin ai nuk ma ka dhënë dhe për këtë arsye nuk ia kam pas dhënë paratë. Sipas meje kjo ka qenë pikënisja ku i ndjeri G. më ka marrë inat, dhe kemi ftohur raportet tona”.

Sipas dëshmitarit Buta, kërcënimet nuk i kishin raportuar në Polici, pasi kishin frikë nga i ndjeri.

“Lidhur me kërcënimet që vinin nga ai ne nuk i kemi raportuar në Polici, pasi kemi pasur frikë nga ai sepse na ka kërcënuar edhe me vdekje shumë herë”.

Burimi: BetimipërDrejtësi

The post I vëllai akuzohet për vrasjen e shokut të tij, Buta dëshmon në Gjykatë appeared first on Albeu.com.

“Për shkak të rastit që ka ndodhur, si shenjë respekti ndaj familjes Hyseni kemi vendosur me i anuluar të gjitha datat deri në një kohë të pacaktuar. Gjithashtu e gjithë familja jonë shpreh shumë keqardhje për fatkeqësinë që ka ndodhur”, ka shkruar reperi në Instastory.

The post “Në shenjë respekti”, Buta merr vendimin e rëndësishëm për familjen e shokut që vrau i vëllai appeared first on Albeu.com.