Biseda në studio:

Rakipi: Gjithë kjo filozofi. Spiropali ankohet se nuk ka meritokraci. Erdhi qameri edhe këtu… Bushati si e kupton ti?

Bushati: E kam të vështirë ta ndaj, aktin politik nga xhelozia femëror.

Rakipi: Ua ty të vete mendja për gjëra…

Bushati: Them të merremi me të parën. Se nuk do ja vlen të diskutonim po të ishte e dyta. Nëse është e dyta, ishim këtu para dy javësh dhe folëm për Salianjin dhe kritikat që i bën autoritarizmit në PD. Unë thashë, të zgjiohesh sot dhe të thuash PD e Berishës dhe PS e Ramës janë arrogante, njerëzit të qeshin dhe të zënë me gur. Spiropali, ndonjë shkallë karriere që e ka ngjitur, e ka ngjitur përmes servilizmit dhe arrogancës. Zonjës Spiropali i mbaj mend që mbante ato fjalimet për opozitën e rublave, shembuj tipikë të veglave të regjimeve autoritare. E mbaj mend si kryetare Parlamente që nuk lejonte komisione të opozitës. Është viktimë e arrogancës, pranimi i saj. Tani, kur ikën në mënyrë të pamerituar nga një post i pamerituar, nuk kanë vlerë të thuash këto fjalë mbrapa. Në PS, e ka thënë Ben Blushi, është autobuz ku nuk i flitet shoferit. Kush i flet, zbret.

The post “Rebelimi” i Spiropalit/ Bushati: Nuk e ndaj dot aktin politik, nga xhelozia femërore… Ka bërë karrierë me servilizëm appeared first on Albeu.com.

Bushati tha se Rama nuk ndihet komod dhe zbuloi disa momente të mbledhjes me dyer të mbyllura të kryesisë së PS, ku sipas Bushatit, Rama ka kërcënuar anëtarët e kryesisë, që asnjëri të mos dilte kundër në votimin për imunitetin e Ballukut.

“Ky është lajmi i parë, kemi kaluar nga një qëndrim i Ramës dhe PS që çdo imunitet do ta japim, në një qëndrim që e gjykojmë ne e japim apo jo. Për mua, kjo është përplasja e parë reale mes Ramës dhe SPAK.

E dyta, kjo është nga përplasjet e rralla, Rama ka qenë i përkëdheluri i perëndimit, sot pamë të gjithë reagimet.

Bashkohem me shumë nga vërejtjet e Ramës për SPAK, denigron njerëzit, burgos kot, etj, por këto i kemi thënë. Problemi është që ndërkombëtarët kanë vendosur që SPAK është histori suksesi. Kjo e ka vënë Ramën përballë me europianët.

Pse ndodh kjo dhe në çfarë gjendje jemi?

Rama në kryesi dje u është drejtuar derdimenëve atje “kush më del kundër, unë e sakatoj!”. Ka patur një gjuhë, “nuk dua njeri kundër”. Ka guxuar Elisa e shkretë të flasë dhe ai ka thënë “ik moj ti se unë bëj ministre dhe të heq”.

A ka thyerje mes Ramës dhe SPAK? A ka element të tjerë që janë futur në mes? Për mua ka një thyerje. Pse ka ardhur? A kemi një SPAK të drejtë sot?

Të thashë, kur e dëgjova Ramën në grup parlamentar, për paraburgimet ka të drejtë, për prezumimin e pafajësisë ka të drejtë, edhe për faktin që një njeri që akuzohet për pabarazi në tendera të paraburgoset, edhe këtë ka të drejtë. Por ky SPAK kështu ka vepruar me të gjithë. Kjo na risjell te pyetja, pse nuk është merakosur Rama dhe PS kur ky SPAK ishte kaq represiv me të gjithë dynjanë? Kjo na bën të kthehemi te pyetja, çfarë ka ndodhur që janë thyer?”, deklaroi Bushati.

The post “Kush më del kundër, e sakatoj!”/ Bushati: Rama kërcënoi kryesinë e PS-së para votimit për Ballukun appeared first on Albeu.com.

Bushati tha se fjalimi i Ramës për drejtësinë dhe SPAK, është një tentativë për negocim, por jo me SPAK, por me ndërkombëtarët pasi e ndjen rrezikun që mund t’i vijë nga jashtë.

Bushati tha se Rama kërkon t’ju thotë ndërkombëtarëve se besimi te reforma në drejtësi po shkërmoqet në publik, por ai mund ta shpëtojë dhe garantojë reformën.

“Fjalimin e Ramës e pashë si ftesë për negocim. Jo me SPAK-un, sepse ai e di që për një mijë vjet nuk i vjen e keqja nga SPAK. Ai mendon se e ka përtej kufijve rrezikun.

Rama tha, më thirrën shokët socialistë dhe më kërkuan se ti je fajtori që i ke hapur kaq shumë rrugë kësaj drejtësie.

Pastaj tha çfarë po ndodh? Ne kemi patur personazhe publike, që kanë qenë mbështetës të reformës dhe sot më kërkojnë llogari, si intelektualë publikë, që kjo reformë ka dështuar. Por unë tha megjithëse i dëgjoj, jam i bindur se duhet të vijojmë përpara.

Rama i drejtohet ndërkombëtare, u thotë ju në 2016 ngritët një koalicion të madh pro reformës. Ky koalicion brenda PS dhe në publik po shkërmoqet. Unë jam garanti i vetëm që mund ta çoj përpara produktin tuaj, prandaj mua më ruani. Ky është në leximin tim, ftesa për negocim e Ramës. Po më godisni, më hani shokët por jo mua”, tha Bushati.

The post “Më hani shokët, por jo mua!”/ Bushati për fjalimin e Ramës: Po kërkon të negociojë, ndjen rrezik përtej kufijve appeared first on Albeu.com.

Bushati tha se, ndryshe nga çfarë është propaganduar në Shqipëri, Trump nuk e sheh Ramën si një “dele të zezë”, por e trajton si çdo lider tjetër. Ndërsa për Ramën, tha se i serviloset dhe po përpiqet ta joshë, por nuk sheh ndonjë mëkat këtu, pasi këtë gjë e bëjnë edhe liderë të vendeve të fuqishme, për shkak të tendencave narciste që ka Trump.

“Për të kuptuar fjalimin, duhet të dalim përtej fjalimit dhe debatit që kemi bërë për 6 muaj dhe një vit. Sot kemi marrë një konfirmim që të gjithë paranojat se Rama nuk shkon dot në Amerikë dhe do ta marrim si Maduron… Edhe për Bordin e Paqes, u tha Rama nuk shkoi në Davos se nuk e pranonte Trump. Trump mund të mos ketë rënë në dashuri me Ramën, por e trajton si çdo lider tjetër të planetit. E dyta, a ka sot Rama një marrëdhënie siç kishte me administratën e kaluar demokrate? Mendoj se jo. Në frymën e fjalimit, është një frymë fjalimi, as për të joshur administratën, por për të joshur një narciz që komandon sot SHBA-të.

Edhe kjo që bëri UÇK, që ti i drejtohesh presidentit, tregon se nuk ka patur as 30 sekonda komunikim, për të thënë publikisht atë që nuk e thotë dot privatisht.

Goditi OKB, “gjigand në agoni”, totalisht çfarë thotë Trump. Ke përballë një narcist dhe nuk do të sillesh siç sillesh me Presidentin e Amerikës, por siç sillesh me narcistin. Qëndrimi për të fajësuar vetëm 7 shtatorin e Hamas ishte i turpshëm. Në një kohë që drejtësia ndërkombëtare, e cilëson Izraelin dhe Netanyahun si shtet që ka ushtruar genocid, Rama i shkon të njëjtës linjë. E treta, krahasoni pak Ramën që bënte humor me Macronin, duke u tallur me shmangiet e luftrave që bënte Trump, me Ramën e sotëm që ngre lart marrëveshjen Vuçiç-Avdullah Hoti me Trump, që ishte qesharake.

Ta trajtosh këtë marrëveshje si pragun e një marrëveshje finale, është të shtrembërosh historinë. Rama nuk është dele e zezë për Trump, por ka filluar një joshje personale ndaj Trump. Këto qëndrime nuk janë të një shtetari normal, por të një njeriu që do të përkëdhelë dhe të bjerë në sy të Trump. A është mëkat ky? Me një njeri si Turmp po e bëjnë liderë të shteteve shumë të fuqishëm”, tha Bushati.

The post “Trump nuk e sheh Ramën si dele të zezë! /Bushati: Rama e përkëdhel Trumpin si narcist, kërkon ta joshë, por nuk është mëkat appeared first on Albeu.com.

Bushati tha gjatë një interviste mediatike se kur plani vjedhjes me tender nuk funksionon, atëherë në lojë futen edhe grupe kriminale që shantazhonjnë për ta cuar përpara projektin.

“Kur plani i vjedhjes me tender nuk realizohet, futet në pjesë edhe një grup kriminal, që të shantazhon për të çuar përpara projektin. Kur grupi kriminal mund të mos ketë sukses të plotë, ka mbështetjen e policisë, një njeri pyet, si mund të bësh tendera fallco, të vjedhësh lekët, të merresh me banda rrëmbyese, të kesh suportin e policisë?

Këtu vijmë te intervista e Ahmetajt, që tha është Agasi koordinator i krimit me Ramën dhe kjo shpjegon si vepron sahati pa u prekur. Vjedh me tendera, rrëmben, ke policinë suport në rrëmbim. Pa një pushtet të paimagjinueshëm askush nuk e bën dot”, tha Bushati.

The post Aksioni i SPAK tek AKSHI, Bushati: Kur dështon plani për të vjedhur me tendera, atëherë në lojë futen grupet kriminale appeared first on Albeu.com.

Bushati tha se ambasadorët nuk mbajnë përgjegjësi për ato që bëjnë në vendin tonë, ndaj më mirë drejtësia të jetë e paaftë ose e kapur nga politikanët tanë, derisa të reformohet vërtetë, sesa të kapet nga ambasadorët.

I pyetur nga Ergys Mërtiri, se ç’do të bënte Bushati nëse do të ishte ai ambasador amerikan, analisti u përgjigj me batutë se më kollaj ndërron seksin, sesa të bëhet ambasador amerikan…

Biseda:

Andi Bushati: Në këta rast ata bënë falsifikatorin. Unë thashë, midis dy të këqijave zgjedh që SPAK ta kontrolljë siç e kontrollon Edi Rama, sa ta kontrollojnë ca njerëz pa përgjegjësi, si. Yuri Kimi. Nëse Dumanin e nxjerr nga xhepi Yuri Kim dhe Yuri Kim lobon për të sjellë me Ballukun dy tigrat që kushtojnë 90 mijë euro në ditë, kujtoni se ka prokuror që heton Yuri Kimin? Mendoni se po të kishte Klod Braho ose Duman mbi kokë Rama, ditën që do të merrte vendimin për të kundërshtuar armët kimike, do të guxonte ta bënte?

Është rreziku i prokurorëve, që janë vegla të ambasadorëve, të cilët mbajnë punët e tyre, ikin dhe nuk mbajnë përgjegjësi.

Më mirë prokuroria e Llallës, që e tërhiqte nga një ana Berisha dhe tjetra Rama, sesa me njerëz të tillë, që i promovuam në emër të konsolidimit të institucioneve, por pamë se i kemi institucionet me brekë nëpër këmbë?

Ergys Mërtiri: Nëse do të ishe ambasador amerikan ti Bushat sot, çfarë do të bëje? Për të penguar kapjen e SPAK nga Berisha dhe Rama?

Andi Bushati: Më përpara kisha imagjinuar të ndërroj seksin sesa të bëhem amabsador amerikan… Po çfarë do të bëja? Do të vija kambanat e alarmit, kut vettingun e bënte motra e Ballukut. Do të vija kambanat kur kapën në gjenezë reformën. Nuk do të përshëndesja anëtarë të GJK që betohet te Lana, të thosha kjo po çon para reformën. Këta shkallmuan sistemin dhe duan të zgjidhin me njerëz që i nxjerrin nga xhepi. Ne nuk duhet të presim zgjidhje deus ex machina, duke lënë të gjithë çelësat që duhet të mbajmë vetë, të huajve.

The post “Po sikur të ishte ti o Bushat ambasadori amerikan?!”/ Bushati: Unë më mirë ndërroj seksin, sesa të jem ambasador appeared first on Albeu.com.

Përmes një reagimi në rrjetin social Facebook, Bushati shkruan se sipas “shefave” të “republikës së prokurorëve”, më tepër rëndësi se ata që do informojnë publikun shqiptar, kanë ata që do shkruajnë raportet për vendet e tyre. Analisti u shpreh se vendet e gazetarëve do zihen nga ambasadorët, prej të cilëve ka pasur kërkesë të lartë për të qenë spektatorë.

“Republikë bananesh, jo prokurorësh,. KLP-ja, që voton nesër kreun e ri të SPAK, ka njoftuar gazetarët të mos jenë nesër në sallë, pasi vendet e tyre do zihen nga ambasadorët, prej të cilëve ka pasur kërkesë të lartë për të qenë spektatorë. Pra, sipas “shefave” të “republikës së prokurorëve”, më tepër rëndësi se ata që do informojnë publikun shqiptar, kanë ata që do shkruajnë raportet për vendet e tyre. Gazetarët u udhëzuan ta shohin përmes ekranit të RTSh.” shkruan Bushati.

The post KLP përjashtoi gazetarët nga zgjedhja e Kreut të SPAK, Bushati: Republikë bananesh jo prokurorësh appeared first on Albeu.com.

Bushati tha se opozita nuk duhet të gëzohet nga kjo, pasi amerikanët nuk do ti “dhurojnë” pushtetin, ndërsa deklaroi se një goditje e mundshme e Ramës, për qëllime biznesi dhe jo parimore si demokracia, do të ishte më e dëmshme për vendin tonë.

“SPAK mund të jetë mashë amerikane, edhe mund të bie dakord, por është mashë amerikane për të rregulluar demokracinë në Shqipëri, apo për të zgjidhur problemet e familjes Turmp, siç është përdorur në të gjithë botën presioni i kësaj administrate?

E para, politikisht a ka ndërruar raportet e SHBA-ve me regjimin e Ramës pas ndërrimit të pushtetit në Amerikë? Kjo është evidente. Jemi nga qëndrimi i administratës Biden, që tha Sekretari Shtetit sa të lumtur jeni që keni lider si Rama, në një administratë, që bëhen zgjedhje dhe Ramën nuk e uron, në një administratë që të uron për pavarësinë dhe për themelimin e Shqipërisë, të kujton kartelet e drogës dhe grupet kriminale. Edhe sot, pyeteshin për Ballukun por thoshin grupet kriminale.

Pra, që ka një thyerje ka, që duket. Problemi është, kjo thyerje, po të shohësh opozitën e ka ngritur në qiell. Kujtojnë se do të shkojë një emisar në PD dhe do të thotë do t’ju bëjmë dhuratë heqjen e Ramës. Intrumenti që kanë në duar është SPAK. Duke dalë përtej Shqipërisë, kujtojmë ne apo na është dhënë shenja, që administrate e kaubojsëve të Trump, është promovuese e demokracisë edhe në vendet aleate? Vërtetë po e duartrokasin për paqe në Palestinë, por nuk e di a është fshirë ai plani për ta bërë Gazën rivierë për kulla.

Pra, ku jam kundër këtij entuziasmi të PD? Mos ndoshta ky presion ndaj Ramës, nuk është në të mirë të shqiptarëve? Nuk është në të mirë të demokracisë? Por po i bëjnë presion për ti thënë na ke dhënë shumë pak me Sazanin… Kjo është logjika e kësaj administrate kaubojse. Ka ardhur një administratë që do të shfrytëzojë botën për të pasuaruar familjen Trump, administratën Trump, biznesmenët që çon për të negociuar paqen mes Rusisë dhe Ukrainës. Pra kemi evidencë që nuk ka më përkrahje për Ramën. Frika ime e pavërtetuar, është se mos ky presion apo shatanzh ndaj Ramës, nuk është në të mirë të demokracisë shqiptare, por për të rrëmbyer më shumë ndaj një Rame të korruptuar, të dobët dhe kollaj të shantazhueshëm. E njëjta gjë po ndodh me Vuçiç.

Ndoshta mund të vijë dita të themi ishalla forcohet Rama për ti rezistuar amerikanëve…”, tha Bushati.

The post “Thyerje mes Ramës dhe administratës Trump”/ Bushati: Mund të vijë dita të themi ishalla forcohet Rama për t’i rezistuar amerikanëve appeared first on Albeu.com.

“Me atë çka ndodh me zgjedhjet në Shqipëri, raporti ka nxjerrë vetëm majën e ajsbergut, besoj se ka shumë mëkate se ato që janë aty. Pavarësisht se këta të mazhorancës nuk po flasin, por po të isha Rama, me këtë raport do të isha i kënaqur pasi tregon vetëm 10% të krimit.

Megjitahtë, çfarë ka te ky raport diçka që nuk e kemi parë në zgjedhjet e mëparshme? Është një gjë, që po ti hyjmë është shqetësuese.

Ajo konsiston te një fjali, ku thuhet, që u vu re një ndarje e papërfillshme midis partisë dhe shtetit dhe thuhet pastaj duke mos zbatuar pastaj rekomandimet e kartës së Copenhagenit të vitit 90. Vendet që po dilnin nga perandoria e Bashkimit Sovjetik, nëse nuk ndanin partinë nga shteti, nuk bënin dot zgjedhje. Që të kishte zgjedhje demokratike, partia duhet të ndahej nga shteti. 31 vite më pas, jemi kthyer ku shtetin dhe partinë i kemi bërë një. Ky është qëndrimi kryesor, që vetëm ky togfjalësh vlen për të hapur diskutimin, a jetojmë në demokraci.

Nga ky konkluzion vjen tjetri, që garuesit nuk gëzonin kushte të barabarta gjatë garës.

Po të shohësh, dallon kollaj mediat e PS dhe të PD. Mediat e PS thoshin, gara ishte konkuruese, por garuesit nuk gëzonin kushtet të barabarta. Ne e marrim gotën bosh ose plotë”, tha Bushati.

The post Bushati: Raporti i OSBE, tregon vetëm majën e ajsbergut, nuk pati ndarje të partisë nga shteti në zgjedhje appeared first on Albeu.com.

Debati:

Ergys Mërtiri: Për mua ndikon, edhe hetimi i Berishës në zgjedhje ka ndikuar, por ka ndikuar edhe hetimi i njerëzve të Ramës. Nuk mund të themi që SPAK ndikon kur heton Berishën, por nuk ndikon kur heton Veliajn. Ajo që ka provuar SPAK, është që kemi të bëjmë me dy palë hajdutë, të vjetërit dhe të rinjtë. Ky është mesazhi që ka nxjerrë publiku nga kjo. Kush ia ka fajin opozitës, që nuk reformohet dhe nuk largon ata persona që janë në hetim?

Andi Bushati: Jo nuk po flasim për opozitën, i ka të gjithë fajet opozita, por nuk po flasim për opozitën.

Ergys Mërtiri: Mos ta hetojë SPAK Berishën vetëm se është në krye të opozitës?

Andi Bushati: Në çdo studio, kur nuk ka argument thuhet “opozitë e poshtër”.

Ergys Mërtiri: Ne po themi që SPAK ka ndikuar në zgjedhje duke arrestuar. Nuk e mohoj që patjetër që hetimi që i bëhet kreut të opozitës ndikon në zgjedhje.

Andi Bushati: Shkatërroi parti me 100 e ca mijë vota. Ilir Metën, që parti personale është ajo.

Ergys Mërtiri: Unë nuk e quaj shkatërrim të opozitës që hetohet Meta.

Andi Bushati: Ikën ato vota.

Ergys Mërtiri: Të gjithë te Rama shkojnë këto? Ajo parti po vajti lideri në burg, këta pastaj shkojnë te Rama? Po ajo nuk qenka parti. Pra SPAK ka ndikuar që një klient i opozitës të ikë.

Andi Bushati: Po godite vetëm klientelistët e njërës palë, fiton ky klientelisti tjetër, kaq bën SPAK-u.

Ergys Mërtiri: Po godet më shumë klientelistët e palës në pushtet, ka futur me dhjetëra, qindra njerëz të Ramës në burg.

Andi Bushati: A e pe çfarë bëri Belinda Balluku në Fier? U dobësua pushteti? Rezultati i Fierit është korruptimi i opozitës dhe paaftësia e saj për t’u rinovuar, nuk është Belinda Balluku? Hajde hajdeeeee….. Mirë, po shkuam deri këtu…

Ergys Mërtiri: Jam dakord që mund të bësh kritika.

Andi Bushati: Unë nuk bëj kritika, se kritika është kur e respekton, unë them është mashë e Ramës, nuk e kritikoj, e denoncoj.

Ergys Mërtiri: Elementet që ti kap i merr si fakte të shitjes, ndërkohë unë po them që SPAK ka goditur të dy dhe më shumë qeverinë, por në kushtet kur qeveria dhe opozita janë të dyja të kompromentuara, fiton qeveria, sepse luhet mes dy palëve të korruptuara, pa moral dhe fiton ai që ësht ënë pushtet. SPAK nuk mundet ti lejojë vetes të mos e hetojë opozitën vetëm që ta lërë balancën nga krahu tjetër. Si do të hetohet Berisha, kur ai rri gjithë jetën në pushtet?

Andi Bushati: Kjo opozitë, e korruptuar, e parinovuar dhe me një fashist si Beleri fitoi zgjedhjet. Hyri SPAK, ia mori, bënë zgjedhje pas një viti e gjysëm dhe fitoi Rama. Këto janë zgjedhjet në Shqipëri.

***

Andi Bushati: Është skandal inceneratori? SPAK mund ta merrte Ramën një herë në pyetje? Gjënë më të thjeshtë.

Ergys Mërtiri: Supozojmë se SPAK ka frikë ta marrë.

Andi Bushati: Mbyllet! Mbyllet! Sepse ai është kryehajduti, po nuk kape kryebanditin, të mbyllet!

Ergys Mërtiri: Ti thua po nuk godite Ramën, je i shitur te Rama? Ç’është kjo? A ke shkallë të mesme ti nga e bardha te e zeza?

Andi Bushati: E di që jetojmë në një shoqëri që ësht tabu të mendosh se mund të merret Rama nën hetim. Për nderin e tij, thjesht ta merrte njehëre në pyetje, atë që i kërkon Albin Kurti, të mos e thërrasin në SPAK, t’i shkojnë në zyrë, ta respektojnë, por ta pyesin.

Ergys Mërtiri: Mendoj se mund të ketë edhe përshkallëzim, mund të shkojnë te Rama, por supozojmë se kanë frikë.

Andi Bushati: Janë minj bodrumesh pra.

Ergys Mërtiri: Ti thua ose je hero, ose mi bodrumesh, nuk ka asgjë midis heroit dhe frikacakut.

Andi Bushati: Bëj detyrën, ti si gazetar, po pate frikë të kritikosh Ramën, unë prap mi bodrumesh do të them, sepse njeriu kur del të bëjë një punë…

Ergys Mërtiri: Nuk është kështu, ai ka patur kurajon që shokët e Ramës, njerëzit e Ramës, projektet e Ramës, i ka çuar në burg.

Andi Bushati: Ahmetajn që i dha urdhër Rama.

The post Debati për SPAK/ Bushati: Janë minj bodrumesh, nëse nuk kapet kryebanditi, të mbyllet! Mërtiri: SPAK ka goditur qeverinë! appeared first on Albeu.com.