Ndeshja e ligës së dytë turke mes Bursasporit dhe Istanbulsporit u shënua nga një episod tejet i pazakontë, që vështirë se haset edhe në fushat e zonave më të thella rurale.

Pas një rivënieje anësore, arbitri Ayberk Demirbas pranoi sinjalizimin e asistentit dhe ndëshkoi Istanbulsporin për pozicion jashtë loje.

Ky vendim tregoi mosnjohje të rëndë të rregullave bazë, pasi ligjet e futbollit përcaktojnë se një lojtar nuk mund të konsiderohet në pozicion jashtë loje kur e merr topin drejtpërdrejt nga një rivënie me dorë prej vijës anësore.

Futbollistët e Istanbulsporit reaguan menjëherë, duke kundërshtuar me forcë dhe duke shprehur indinjatën e tyre ndaj këtij vendimi.

Në tentativë për të korrigjuar gabimin e pabesueshëm, Demirbas mori një tjetër vendim katastrofik, duke akorduar si kompensim një goditje indirekte.

Në përfundim, Bursaspori triumfoi bindshëm 4-0 dhe siguroi vendin e dytë në renditje me 12 pikë pas pesë xhirove.

Istanbulspori, ndërkohë, po përjeton një periudhë të vështirë. Me vetëm dy pikë të grumbulluara, skuadra ndodhet në pozitën e parafundit, vendin e 19-të.

The post Vendime të pabesueshme në Turqi, arbitrat habitin publikun appeared first on Albeu.com.

Rey Manaj mund të largohet nga Sivasspor, pavarësisht rikthimit të tij me shumë bujë në radhët e klubit bardhekuq.

Sulmuesi lushnjar ka kontratë të vlefshme deri në verën e vitit 2029, por vështirësitë financiare dhe pagat e pashlyera kanë krijuar një situatë kaotike brenda klubit.

Në këto rrethana, për Manajn është shfaqur një mundësi e favorshme për të vazhduar karrierën sërish në Ligën e Parë të Turqisë.

Mediat turke kanë raportuar gjatë orëve të fundit se sulmuesi i Kombëtares është pranë transferimit te Bursaspor. Tashmë mbetet të shihet nëse “pyka” kuqezi do të ndërrojë fanellë dhe ambient përpara nisjes së sezonit të ri.

The post Rey Manaj mendon për të ardhmen, sulmuesi shqiptar pranë gjigantit europian appeared first on Albeu.com.