Bilanci i aksionit ka nxjerrë në pah një sërë shkeljesh të rregullave të sigurisë.

Janë konstatuar dhe sekuestruar sende të ndaluara, mes tyre mjete prerëse të improvizuara, kabuj dhe materiale të tjera të palejuara, si dhe ndërhyrje të paligjshme në sistemin elektrik përmes qarqeve të modifikuara.

Në një rast është evidentuar edhe një sasi e dyshuar lënde narkotike, për të cilën janë ndjekur menjëherë procedurat ligjore.

Në kuadër të këtij operacioni, autoritetet kanë ndërmarrë edhe masa të menjëhershme për rritjen e sigurisë, duke realizuar transferimin e dy të dënuarve me burgim të përjetshëm, të cilët konsideroheshin me rrezikshmëri të lartë për rendin dhe sigurinë brenda institucionit.

Operacioni është drejtuar nga Drejtori i Përgjithshëm i Burgjeve, Adriatik Kupi, dhe Drejtori i Policisë së Burgjeve, Paulin Rajta, duke angazhuar një numër të madh forcash operacionale dhe speciale të Drejtorisë së Policisë së Burgjeve.

Në këtë aksion kanë marrë pjesë edhe forcat e sigurisë nga një sërë institucionesh penitenciare në vend, përfshirë Fierin, Vlorën, Korçën, Beratin, Rrogozhinën, Elbasanin, “Jordan Misja”, Shkodrën, Burrelin, Fushë-Krujën dhe Durrësin, duke e kthyer kontrollin në një nga operacionet më të gjera të kohëve të fundit në sistemin e burgjeve.

Kontrolli është shtrirë në çdo ambient të institucionit, nga sektorët e banimit dhe godinat e takimeve, deri te ambientet e punës, biblioteka, palestra, zonat e observimit, regjimi i posaçëm “41-bis”, si dhe hapësirat e jashtme dhe brezi i sigurisë.

Gjatë operacionit janë përdorur mjete të teknologjisë së avancuar, përfshirë detektorë specialë, skanerë, dronë monitorimi dhe qen të trajnuar anti-drogë, çka ka rritur ndjeshëm efikasitetin e kontrollit dhe identifikimin e shkeljeve.

Drejtoria e Përgjithshme e Burgjeve thekson se këto kontrolle nuk do të jenë sporadike, por do të kthehen në një standard të përditshëm pune, me qëllim garantimin e rendit, disiplinës dhe sigurisë në të gjitha institucionet penitenciare të vendit.

Ky aksion vjen në një kohë kur autoritetet po intensifikojnë masat për të goditur çdo formë abuzimi apo aktiviteti të paligjshëm në burgje.

The post FOTOT/ Operacioni në Burgun e Peqinit, sekuestrohen sende të ndaluara, transferohen 2 të dënuar me rrezikshmëri të lartë appeared first on Albeu.com.

Subjekt kontrolli kanë qenë edhe persona që vuajnë burgime të përjetshme.

Në fokus të forcave operacionale, kanë qenë gjetja e sendeve të kundraligjshme si; telefona apo sende të tjera komunikimi.

Mësohet se efektivët kanë gjetur disa sende me vlerë për hetimin, por nuk bëhet e ditur se kujt nga të burgosurve i janë kapur.

The post Forcat Operacionale aksion në burgun e Peqinit/ Bastisen qelitë e të burgosurve përjetë, ja çfarë po kërkon policia appeared first on Albeu.com.

Mësohet se viktima është Astrit Pukameta, i arrestuar me para disa ditësh për veprat penale “plagosje e rëndë me dashje”, “Kanosje”, “Heqje e paligjshme e lirisë” dhe “Vjedhje me dhunë”.

Kujtojmë se Policia e Kavajës vuri në pranga 45 vjecarin Astrit Pukameka më 16 janar. Në rrugën dytësore, në afërsi të mbikalimit, shtetasi Astrit Pukameta është konfliktuar me shtetasit V. K. dhe I. M. dhe i ka spërkatur me naftë, duke tentuar t’i djegë.

Pas konfliktit me këta të dy, ka vajtur në një dyqan ku është konfliktuar dhe me shitësin e dyqanit, shtetasin Bardhyl Petja, dhe e ka plagosur me thikë.

Në afërsi të dyqanit, nën kërcënimin e thikës, ka marrë peng shtetasin Arjan Shau bashkë me makinën e tij, dhe është larguar në drejtim të Rrogozhinës.

Në fshatin Lekaj, shtetasi Arjan Shau, ka tentuar të devijojë makinën, dhe është futur në parkimin e një karburanti, dhe shtetasi Astrit Pukameka e ka plagosur me thikë.

Pasi kanë dalë nga makina, është afruar te vendqëndrimi i punonjësit të karburantit, i ka marrë shumën e xhiros ditore, dhe në momentin që kanë arritur shërbimet e Policisë, ka kërcënuar se do digjte karburantin./albeu.com

The post Vetëvaret në burg Astrit Pukameta, para disa ditësh terrorizoi Kavajën dhe plagosi dy persona appeared first on Albeu.com.