burgu i zaharise Archives - Albeu.com

Mbyllet burgu “ferr” i Zaharisë, nis transferimi i 319 të dënuarve me probleme të shëndetit mendor

E B — Sat, 27 Nov 2021 09:12:39 +0000

Ditën e sotme është mbyllur burgu “ferr” i Zaharisë dhe ka nisur transferimi i personave me masë shëndetësore burgut të Shën Kollit, ku dy blloqe janë rikonstruktuar dhe përshtatur për 319 pacientët.

Ministria e Drejtësisë ka njoftuar se operacioni drejtohet nga Drejtoria e Përgjithshme e Burgjeve në bashkëpunim me Policinë e Shtetit dhe do të shtrihet në dy ditë.

Ministri i Drejtësisë Ulsi Manja ka inspektuar sërish sot në mëngjes ambientet ku do të akomodohen pacientët e Zaharisë, duke parë nga afër kushtet dhe masat e marra.

Sipas z.Manja qëndrimi i këtyre personave në këto ambiente do të jetë një fazë kalimtare, derisa ata të merren përfundimisht nën përkujdesje nga Ministria e Shëndetësisë në një institucion totalisht të përshtatur për problematikat e këtyre personave./albeu.com

The post Mbyllet burgu “ferr” i Zaharisë, nis transferimi i 319 të dënuarve me probleme të shëndetit mendor appeared first on Albeu.com.

Në kufijtë e çnjerëzores, mbyllet burgu i shumëpërfolur i Zaharisë

admin — Tue, 23 Nov 2021 11:59:53 +0000

Burgu i famshëm i Zaharisë do të mbyllet.

Lajmin e bëri të ditur Ministri i Drejtësisë, Ulsi Manja, në një takim me përfaqësues të CTP dhe në prani edhe të ministres së Shëndetësisë Ogerta Manastirliu, ka pohuar vendimin e tij për transferimin e të burgosurve të Zaharisë drejt blloqeve 2-3 në Shënkoll.

Transferimi i tyre do të bëhet në datat 27-28 Nëntor.

Qëndrimi i tyre në Shënkoll do të jetë i përkohshëm deri në ndërtimin e një spitali specifik për të dënuarit me probleme të shëndetit mendor.

Prej vitesh organizmat ndërkombëtare kanë kritikuar ashpër Shqipërinë për situatën në burgun e Zaharisë, një institucion ku mblidheshin të dënuarit me probleme të shëndetit mendor.

Sipas ministrit Manja ligji detyron ministrinë e Shëndetësisë të kujdeset për këtë kategori të dënuarish ndërsa shumë shpejt një spital në republikën e Shqipërisë do të përshtatet për të zëvendësuar Zaharinë./albeu.com/

The post Në kufijtë e çnjerëzores, mbyllet burgu i shumëpërfolur i Zaharisë appeared first on Albeu.com.

Brenda muajit mbyllet burgu i Zaharisë, ku do të transferohen të dënuarit me probleme të shëndeti mendor

E B — Fri, 05 Nov 2021 09:38:37 +0000

Burgu i Zaharisë në Krujë do të mbyllet brenda muajit. Lajmin e ka bërë të ditur ministri i Drejtësisë, Ulsi Manja i cili ka deklaruar se të gjithë të dënuarit që janë aktualisht në Zahari do të transferohen në burgun e Shënkollit, ku janë përshtatur blloku 4 dhe 5 si spital.

Manja gjithashtu ka deklaruar se nuk do të ketë amnisti për të dënuarit në fund të vitit.

Mbyllja e burgut të Zaharisë është këkuar prej vitesh nga organizatat për të drejtat e njeriut për shkak të kushteve aspak normale të institucioni të vuajtjes së dënimit ku mbahen personat e dënuar me probleme mendore./albeu.com

The post Brenda muajit mbyllet burgu i Zaharisë, ku do të transferohen të dënuarit me probleme të shëndeti mendor appeared first on Albeu.com.