Drejtori i Burgut të Idrizovës, Zoran Jovanovski, për MIA-n ka deklaruar se gjatë bastisjes janë gjetur një sasi e madhe e sendeve të jashtëligjshme.

Sipas njoftimeve të mediave pretendohet se policia ka pasur njohuri se në këtë burg po përgatitet përplasje midis dy grupeve rivale.

Bastisje në Burgun e Idrizovës pati edhe në fund të tetorit të vitit të kaluar, ku sic njoftuan nga MPB-ja, ishin konfiskuar 63 celularë, 82 thika si dhe drogë. Gjatë aksionit ishin lënduar të burgosur por edhe policë.

Në këtë aksion, disa të burgosur kishin dëshmuar se kishin pësuar lëndime të rënda pasi ishin rrahur nga policia.

Avokati i Popullit në raportin për ngjarjet në Burgun e Idrizovës kishte konstatuar se policia ka tejkaluar autorizimet gjatë aksionit./albeu.com

The post Dyshime se po përgatiteshin përplasje mes dy grupeve rivale, policia bastis burgun e Idrizovës appeared first on Albeu.com.

Të burgosurit, sipas zëdhënësit të MPB-së, Toni Angellovski, kanë bërë rezistencë gjatë përpjekjes së policisë për të kontrolluar qelitë e tyre, pas informacioneve se po mbanin gjësende të ndaluara.

Gjatë bastisjes që është kryer me urdhër që Gjykatës Penale të Shkupit, policia në qelitë e të burgosurve ka gjetur 63 telefona celularë, 82 thika, katër thumba, 71 mbushës telefoni dhe substance narkotike.

“Gjatë veprimeve të policisë është mbledhur një grup më i madh i të burgosurve dhe kanë bërë rezistencë aktive, por pas masave dhe veprimeve të ndërmarra ata janë mposhtur. Me këtë janë lënduar dhjetë policë, ndërsa janë lënduar edhe disa nga të burgosurit”, tha Angelovski në një video-regjistrim të publikuar në faqen e internetit të MPB-së.

Por, në rrjetet sociale janë shpërlarë shumë fotografi nga qelitë e burgut të Idrizovës, ku duken shumë të burgosur me lëndime të rënda trupore.

Sipas familjarëve të tyre, “njësite speciale kanë ndërhyrë brutalisht duke rrahur rëndë dhjetëra të burgosur”.

Drejtoria e burgut të Idrizovës ende nuk ka dalë me të dhëna zyrtare lidhur me incidentin në burgun e Idrizovës, ku në fuqi ende janë masat e krizës për shkak të mungesës së gardianëve, dhe njoftimeve për “kërcënim të sigurisë”.

Në ndihmë të policisë së burgut janë vënë edhe njësitë e speciale dhe pjesëtarë të Armatës së Maqedonisë së Veriut.

Në muajt e fundit, burgu i Idrizovës është përballur me disa skandale, ndër të tjera, me hapjen e një tuneli nëntokësor nga të burgosurit që kishin planifikuar arratisjen.

Në burgun e Idrizovës në vuajtje të dënimit janë rreth 1.206 të burgosur, në mesin e të cilëve edhe ata me burgim të përjetshëm.

Shumë institucione vendore dhe ndërkombëtare në disa raste kanë raportuar për mbipopullim të burgjeve në Maqedoninë e Veriut, për trajtim jonjerëzor të të burgosurve, kushte të rënda dhe korrupsion.

Me qëllim shpopullimin e burgjeve në procedurë parlamentare gjendet propozim-ligji për amnisti që parasheh lirimin nga burgu të të dënuarve deri në gjashtë muaj burg dhe ulje të dënimit prej 30 për qind për disa kategori tjera të të burgosurve.

The post Përleshje mes policëve dhe të burgosurve në burgun e Idrizovës në Maqedoni, gjenden 82 thika appeared first on Albeu.com.

Burime të Alsat thonë se ngjarja ka ndodhur në orët e mbrëmjes. Ky është rasti i dytë që brenda një javë u digjen automjetet zyrtarëve të punësuar në burgun e Idrizovës.

Nga ana tjetër, zëvendësdrejtori, Femi Jonuzi shprehet se nuk e di cila është arsyeja e kësaj ngjarjeje.

Ai deklaron për mediet se  nuk ka pasur ndonjë kërcënim paraprak, ndërsa autoritetet që kanë bërë ekspertizën thonë se shkak i zjarrit mund të jetë edhe instalimi elektrik i veturës.

“Mbrëmë rreth orës 20.45 kam hyrë në xhami, në ora 21.15 është dhënë alarmi se jashtë digjet një automjet. Kanë ndihmuar banorët në shuarjen e zjarrit. E kemi paraqitur rastin në organet e rendit të cilët kanë ardhur në vendin e ngjarjes dhe kanë bërë ekspertizën. Sipas ekspertëve, të dhënat fillestare flasin se zjarri është shkaktuar vetë si pasojë e ndonjë difekti elektronik. Nuk mund të them se ky rast ka të bëjë me rastin e disa ditëve më parë kur një polici të burgut i cili kishte kërcënime ju dogj automjeti, pasi nuk kam pasur ndonjë kërcënim nga dikush, por këtë duhet ta konfirmojnë ekspertët dhe policia”, deklaroi Femi Jonuzi, zv/drejtor i Burgut – Idrizovë.

Nga Ministria e Punëve të Brendshme e konfirmojnë rastin dhe thonë se i kanë marrë të gjitha masat për zbardhjen e plotë të rastit./Albeu.com/

The post Digjet makina zyrtare e zëvendësdrejtorit të burgut të Idrizovës appeared first on Albeu.com.

Sipas informacioneve që përcjellin mediat vendase, tuneli ka disa muaj që është hapur, ndërsa në të qëndrojnë të dënuar me burgim të përjetshëm ose me shumë vite burg.

Pasi u zbulua vendi i mundshëm nga ku personat e bugosur mund të realizonin planet e tyre të arratisjes, është shtuar më tej siguria, shkruan Alsat.

Duke qenë se bëhet fjalë për objekte të vjetra me ndërtim të fortë që janë jashtë përdorimit, pas procedurës së prokurimit publik është përzgjedhur një kompani me aktivitet të duhur për shembjen e objekteve të përmendura.

Pasi u arrit marrëveshje me Ministrinë e Punëve të Brendshme për të ofruar ndihmë në realizimin me forcat e veta, dje më 21 mars 2023 filloi shembja e objekteve të zbuluara.

Në të njëjtën kohë, rreth repartit u bënë disa gërmime, gjatë të cilave u gjet një tunel i papërfunduar nëntokësor rreth 50 metra i gjatë.

Për ngjarjen reagoi edhe kryeministri Dimitar Kovaçevski i cili menjëherë shkarkoi drejtorin Shpend Tahiri dhe emëroi Zoran Jovanovskin./Albeu.com/

The post DETAJE/ Tuneli në burgun e Maqedonisë së Veriut, të burgosurit gërmonin me turne, si i dështoi plani i arratisjes appeared first on Albeu.com.

Ata janë akomoduar aty me gjërat personale të tyre.

Në pamje shihet se i gjithë korridori i burgut është mbuluar me dyshekë.

Të burgosurit ankohen se janë të detyruar të flenë në dysheme, ndërsa thonë se burgu nuk i plotëson as kushtet elementare dhe se kanë frikë se do të marrin ndonjë sëmundje.

“…kështu po mundohemi me ndryshu ndonjë gjë…se këtu mundesh me marr ndonjë sëmundje duke fjet nëpër mbeturina, nëpër korridore si këta (që shihen në video)…flejmë nëpër fëlliqësira! S’kemi as ku m’u pastru, e lëre më me pas kushte tjera! Nuk bëhet…”, tha i burgosuri i cili dërgoi pamjet në TV21.

Drejtori i Burgut të Idrizovës, Shpend Tairi, pranoi se ka të burgosur që flenë në dysheme. Tairi thotë se ky problem është në pjesën e mbyllur të burgut, ku kapacitetet janë të mbushura, ndërsa theksoi se në bashkëpunim me Drejtorinë për Ekzekutimin e Sanksioneve së shpejti do të prezantojnë zgjidhje.

“Është e vërtetë dmth që në burgun e Idrizovës flenë njerëz në dysheme. Shkaku është se ajo pjesë e mbyllur e burgut është e mbingarkuar edhe punohet në atë drejtim që në afat sa më të shkurtër disa pjesë, disa anë që janë të mbyllura, në bazë të propozimeve të organizatave ndërkombëtare për kushtet e të burgosurve, në afat sa më të shkurtër do të bëhen përpjekjet maksimale që ato pjesë të rinovohen dhe të adaptohen për të vendosur të burgosur aty”, tha për TV21 drejtori i burgut të Idrizovës, Shpend Tairi.

Për pamjet nga burgu pyetëm edhe drejtorin e Drejtorisë për Ekzekutimin e Sanksioneve, Jovica Stojanoviç, i cili tha se burgjet në përgjithësi janë të ngarkuara, ndërsa për rastin konkret tha se do të takohet me drejtorin Tairi.

The post Pamjte tronditëse nga burgu i Idrizovës në Shkup, Autoritet: Të burgosurit flenë edhe nëpër korridore (VIDEO) appeared first on Albeu.com.