I burgosuri ishte në ajrim dhe tentoi të dilte nga rrethimi i burgut, por u pikas nga gardiani.

Bledar Selmanaj, ka tentuar të arratiset nga burg edhe dy herë të tjera, por sërish pa sukses.

Më 22 Dhjetor 2021, ai tentoi arratisjen nga spitali i burgut në QSUT, ngjarje e parandaluar nga grupi i sigurisë në atë kohë.

Ai ia kishte dalë të priste katër hekura të dritares, por pa e finalizuar me sukses qëllimin e tij.

Kush është Bledar Selmanaj?

Selmanaj është një emër i njohur për drejtësinë, pasi ka një të kaluar si hajdut serial, kryesisht në argjendari dhe banesa në Tiranë.

Ndërkohë ai arrestua në zonën e ish-Bllokut për vrasjen e 25-vjeçarit Xhuljan Bullari, me të cilin ishin miq.

Ai qëlloi për vdekje të riun në Vlorë, ndërsa në oborrin e banesës së tij, në qytetin bregdetar, iu gjet e groposur arma e krimit, si dhe veshjet që kishte përdorur ditën e ngjarjes.

Bledar Selmanaj, e ekzekutoi shokun e tij brenda makinës, duke e qëlluar me plumb në kokë, ndërsa dy ditë pas krimit shkruante në faqen e tij të “Facebook” se ishte biznesmen.

The post Tentoi arratisjen nga burgu i Fierit/ Kush është Bledar Selmanaj, i dënuar për vrasjen e Xhulian Bullarit appeared first on Albeu.com.