Sipas burimeve pranë drejtorisë së Burgjeve, ky sistem do të vendoset në paraburgimin 313 në Tiranë, ku mbahen të izoluar njerëzit më të rrezikshëm të botës së krimit, si krerë organizatash kriminale apo që kanë urdhëruar apo kryer atentate mafioze.

Në këtë paraburgim mbahen po ashtu dhe 13 të penduar të drejtësisë, të cilët me rrëfimet e tyre kanë ndihmuar prokurorinë të cmontojë banda të rrezikshme kriminale.

Sistemi antidron do të vendoset dhe në burgjet e sigurisë së lartë në Peqin, Drenove, Fier si dhe në burgun e Reçit në Shkodër, ku po ashtu mbahet të paraburgim apo po vuajnë dënimin eksponentë me rrezikshmëri të lartë shoqërore.

Sistemi antidron u pa si një masë e rëndësishme e sigurisë në burgje, pasi pavarësisht se vendet e vuajtjes së dënimit monitorohen nga kamera sigurie sërish kjo sipas ekspertëve nuk mjafton për të identifikuar dronet, sidomos në distanca të mëdha.

“Vitet e fundit, zhvillimi teknologjik ka sjellë përdorimin e gjerë të dronave. Fatkeqësisht, disa individë ose edhe grupe kriminale kanë shfrytëzuar potencialin e dronave për qëllime të paligjshme, përfshirë kontrabandën në burgje dhe rrezikun e transportimit të eksplozivëve, spiunazhit dhe thyerjen e privatësisë”, thuhet në dokumentet e AKSHI-t, për tenderin në fjalë.

Referuar dokumenteve, tenderi me vlerë totale 2.3 mln euro, është fituar nga “Albascan” me administrator Elton Jorgjis.

Në garë ishin 4 kompani, por tre prej tyre u përjashtuan pasi rezultoi se nuk kishin kryer pune të ngjashme.

The post Sistem antidron në burgjet e sigurisë së lartë e paraburgime, mes tyre “313” ku mbahen njerëz të rrezikshëm të botës së krimit dhe të penduar të drejtësisë appeared first on Albeu.com.

Sergey Yazhan, kryetar i komisionit rajonal të mbikëqyrjes publike ka deklaruar për agjencinë e medias shtetërore ruse TASS se politikani u zhvendos në një burg të sigurisë maksimale në Melekhovo.

Sipas CNN, Yazhan i tha TASS të martën se Navalny kishte mbërritur në burg tashmë. Zëdhënësja e Navalny, Kira Yarmysh tha përmes një postimi  në Tëitter se pavarësisht raporteve të mediave, ekipi i Navalny nuk kishte marrë konfirmim për transferimin e tij në Melekhovo.

Masa është në përputhje me urdhrat e gjykatësit në dënimin e tij në mars, kur një gjykatë në Moskë e dënoi Navalny-n me nëntë vjet të tjera në një burg të sigurisë maksimale. Ai u dënua nga gjykata Lefortovo e Moskës pasi u akuzua se kishte vjedhur nga Fondacioni i tij Kundër Korrupsionit. Navalny e kishte paralajmëruar që në majë përmes telegramit se ai do t zhvendosej në një burg në Melekhovo.

“Dënimi im nuk ka hyrë ende në fuqi, por të burgosurit nga kolonia e regjimit të rreptë Melekhovo shkruajnë se po më pajisin me ‘burg brenda burgut’”, ka shkruar ai.

Lyudmila Romanova, komisionerja e rajonit për të drejtat e njeriut i tha TASS të martën se burgu ka një reputacion të mirë.

The post Armiku numër 1 i Putinit, Rusia merr vendim për Alexey Navalnin appeared first on Albeu.com.