Gjykata Themelore në Prishtinë e ka shpallur fajtor Skender Krasniqin dhe i ka shqiptuar dënim unik prej 24 vjetësh burgim lidhur me vrasjen e F.Z. Trupi gjykues e rikualifikoi veprën nga “Vrasje e rëndë” në “Vrasje”.

Vendimi u bë publik të mërkurën nga trupi gjykues i përbërë nga gjyqtari kryetar Gent Beka, si dhe anëtarët Gazmend Bahtiri e Sulltane Hoti.

Për veprën penale “Vrasje”, Krasniqi u dënua me 22 vjet burgim, pasi vepra u rikualifikua nga “Vrasja e rëndë”. Ndërsa, për armëmbajtje pa leje, atij iu shqiptua dënim prej 2 vjetësh e 6 muajsh burgim. Në përfundim, gjykata caktoi dënimin unik prej 24 vjetësh burgim.

Palët që nuk pajtohen me këtë aktgjykim mund të paraqesin ankesë pasi ta pranojnë vendimin në formë të shkruar.

Në shpalljen e aktgjykimit morën pjesë prokurori Menduhi Kastrati, pala e dëmtuar dhe mbrojtësi i Krasniqit, avokati Ilir Ramaj. I akuzuari nuk ishte i pranishëm.

Krasniqi ishte deklaruar i pafajshëm në seancën fillestare të mbajtur më 15 korrik 2025.

Ai akuzohej për vrasjen e F.Z., e ndodhur në gusht të vitit 2024 në Zllakuqan të Lipjanit, pas një mosmarrëveshjeje mes fëmijëve, raporton “Betimi për Drejtësi”.

Sipas aktakuzës së Prokurorisë Themelore në Prishtinë, të ngritur më 30 qershor 2025, Skender Krasniqi ngarkohej se më 7 gusht 2024, në fshatin Zllakuqan të Lipjanit, kishte vepruar pas një mosmarrëveshjeje të ndodhur po atë ditë ndërmjet djalit të tij, të miturit T.K., dhe të miturit A.Z., djalit të dëshmitarit B.Z. Ky i fundit është nip i F.Z., tashmë të ndjerë.

Mosmarrëveshja lidhej me komunikimet e të miturve në rrjetin social Tik Tok. Sipas aktakuzës, T.K. i kishte shkaktuar lëndime të rënda trupore A.Z. me thikë. Kur F.Z. ishte kthyer nga puna dhe kishte kuptuar për ngjarjen, ai ishte nisur së bashku me dëshmitarin I.Z. drejt shtëpisë së Skender Krasniqit, për të mësuar dhe sqaruar çfarë kishte ndodhur.

Aktakuza pretendon se dëshmitari I.Z. kishte biseduar me dëshmitaren N.K., e cila i kishte kërkuar të largohej, duke i thënë se nuk e dinte çfarë kishte ndodhur. Më pas, i akuzuari kishte dalë nga shtëpia dhe ishte drejtuar te porta e oborrit, ku ndodheshin F.Z. dhe dëshmitarët I.Z. e F.K. Aty ishte afruar edhe dëshmitari B.K.

Pasi kishte përfunduar biseda, F.Z. dhe I.Z. ishin larguar nga porta e shtëpisë së Krasniqit në drejtim të rrugës së fshatit. Sipas aktakuzës, ata kishin parë të miturin T.K. duke dalë nga pjesa e sipërme e oborrit. Të mllefosur, F.Z. dhe I.Z. ishin nisur në drejtim të tij dhe kishin hyrë në oborrin e të pandehurit, ku kishte nisur një fjalosje me bërtima. T.K. kishte në dorë një thikë, të cilën i ishte kërkuar ta lëshonte.

Në një moment, sipas aktakuzës, kishin ndërhyrë dëshmitarët N.K. dhe B.K., ndërsa palët kishin filluar të ndaheshin. I.Z. ishte nisur drejt rrugës dhe pas tij kishte shkuar edhe F.Z. Në ato rrethana, pretendohet se Skender Krasniqi e kishte marrë thikën nga i mituri T.K. dhe, me qëllim të privimit nga jeta të F.Z., e kishte goditur atë dy herë radhazi, duke i shkaktuar lëndime vdekjeprurëse.

F.Z. ishte dërguar rreth orës 13:02 pa shenja jete në QMF-në e fshatit Magurë të Komunës së Lipjanit, ku ishte konstatuar vdekja e tij.

Për këtë rast, Krasniqi ngarkohej fillimisht me veprën penale “Vrasja e rëndë”, nga neni 173, paragrafi 1, pika 1.4 të Kodit Penal të Republikës së Kosovës.

Në pikën e dytë të aktakuzës, Skender Krasniqi akuzohej edhe për posedim të paautorizuar të një thike, në kundërshtim me ligjin e zbatueshëm për armët. Sipas prokurorisë, kjo ishte thika e përdorur për shkaktimin e lëndimeve vdekjeprurëse ndaj F.Z. Gjithashtu, gjatë kontrollit në shtëpinë dhe oborrin e të pandehurit ishin gjetur dhe sekuestruar edhe tri thika të tjera.

Për këtë pikë, ai akuzohej për veprën penale “Mbajtja në pronësi, kontroll, ose posedim të paautorizuar të armëve”, sipas nenit 366, paragrafi 2 lidhur me paragrafin 1.1 të Kodit Penal të Republikës së Kosovës.

The post Skender Krasniqi dënohet me 24 vjet burg për rastin e vrasjes në Zllakuqan appeared first on Albeu.com.

Ajo që nisi si një moment i papritur, ka marrë një kthesë të rëndësishme në aspektin juridik.

Sipas Nenit 90 të Kodit Penal të Shqipërisë, goditja e një personi tjetër, pavarësisht se nuk lë pasoja të rënda fizike, konsiderohet akt dhune me dashje, dhe në këtë rast, Jozi mund të përballet me dënime që shkojnë deri në 2 vjet burgim.

Kjo situatë dramatike nuk është vetëm një ngjarje që shkaktoi skandal në ekranin televiziv, por gjithashtu ngre shqetësime të mëdha për ndikimin social të mediave dhe sjelljes së publikut në to.

Rasti ka ngritur pyetje të shumta mbi ndjeshmërinë morale dhe sociale të dhunës në transmetime televizive. A është e pranueshme që një akt i tillë të ndodhi gjatë një shfaqje që ndjekin mijëra shikues? Si e përfshin kjo ndodhi konceptin e përgjegjësisë ligjore për sjelljen e personave në publik?

Më shumë se sa një incident personal, ky rast u bë viral në rrjetet sociale, duke shkaktuar reagime të shumta dhe debate të ashpra mbi sjelljen e individëve në situata të stresuara dhe përgjegjësinë e televizionit për të siguruar një ambient të sigurt për pjesëmarrësit e saj. Procedimi penal për këtë vepër zakonisht nis me kallëzim nga viktima, por në raste të tilla, prokuroria mund të vendosë të ndërhyjë menjëherë, duke marrë parasysh reagimin e publikut.

Një aspekt tjetër të rëndësishëm është fakti që, në rast se do të provohet përmes raportit mjekësor se viktima, Gjesti, ka pësuar dëmtime fizike, rasti mund të klasifikohet më rëndë dhe të klasifikohet sipas Neneve 88 ose 89 të Kodit Penal. Në këtë rast, dënimet pritet të jenë më të ashpra dhe deri në 5 vjet burgim, duke e bërë situatën edhe më serioze për Jozi-n.

Kujtojmë se pas incidentit, Gjesti u trajtua menjëherë dhe gjendja e tij u raportua si e stabilizuar, megjithatë, pasojat ligjore për Jozi-n mund të vazhdojnë të kenë efekte afatgjata. Arrestimi i tij nga policia në vendngjarje tregon se autoritetet e dinë seriozitetin e situatës dhe kanë ndërmarrë hapa për të garantuar që incidentet e tilla të trajtohen në mënyrë të duhur.

Për më tepër, ky incident mund të shërbejë si një paralajmërim për të tjerët që janë në qendër të vëmendjes publike.

Si duhet të reagojmë ndaj provokimeve dhe vështirësive në jetën reale, sidomos kur ato ndodhin në një skenë publike? Shqetësimi është që një përplasje e tillë mund të ndikojë në karrierat e individëve dhe perspektivat e tyre në shoqëri.

The post Pasojat ligjore/ Sa vite burgim rrezikon Jozi pas incidentit në “Big Brother”? appeared first on Albeu.com.

Avokati mbrojtës, Detar Hysi, në gjykatë shprehet se: “Nuk ka prova të mjaftueshme për të provuar se Laert Haxhiu është pjesë e krimit”.

The post SPAK kërkon burgim të përjetshëm për Laert Haxhiun, avokati: Nuk ka prova appeared first on Albeu.com.

Kërkesa e Gjicit është depozituar në gjykatën e Elbasanit nga avokati i tij Markeljan Janca. Ndërsa gjyqtarja që pritet të shqyrtojë këtë kërkesë në 14 Tetor, është zgjedhur përmes shortit elektronik, Suela Lika.

Për të bindur gjyqtaren se Gjici duhet të lirohet, ish-kryebashkiaku pretendon se ka vuajtur dënimin në masën ¾, duke renditur dhe një sërë shkaqesh të tjera si shëndeti jo i mirë dhe arsye të forta familjare.

Aktualisht Safet Gjici qëndron i shtruar në ambientet e një spitali, ndërsa është në pyetje të marrjes në shqyrtim të kërkesës së tij për tu liruar me kusht.

Ish-zyrtari i lartë i Partisë Socialiste në Kukës, Safet Gjici, u arrestua pasi u filmua në zyrën e bashkisë duke kryer akte seksual me Alma Kaçin, video e cila më pas u shpërnda më tej në media dhe telefonat e çdo qytetari.

Skandali solli nisjen e një hetimi penal në SPAK, duke çuar në dorëheqjen e Gjicit si kryebashkiak dhe më pas në prangosjen e tij nga policia.

Nën hetim por me masën “arrest në shtëpi” u vendos dhe e dashura e tij, Alma Kaçi. Çështja shkoi në gjyq me të dy protagonistët e video-skandalit.

Ndërkohë para shpalljes së vendimit, Gjici kërkoi pafajësi, duke pretenduar se nuk ka shkelur asnjë ligj, ndërsa i përlotur i kërkoi falje familjes dhe qytetarëve të Kukësit.

Gjici u dënua me 4.5 vite burgim ndërsa gjykata i hoqi dhe të drejtën për të ushtruar funksione publike për një periudhë prej 5 vitesh.

The post Tre muaj pas dënimit me 4.5 vite burgim, Safet Gjici i Kukësit kërkon të lirohet me kusht , ja kërkesa appeared first on Albeu.com.

Sandokan, i cili ndodhet në burg, u arrestua në vitin 1998 dhe u dënua me burgim të përjetshëm për disa krime. Në vitin 2018 ishte djali i tij Nikolla, i pari në familje që u pendua dhe bashkëpunoi me drejtësinë. Pas tij në vitin 2021 edhe djali i dytë Walter. Djemtë e tjerë Emanuele Libero, i cili do të lirohet nga qelia gushtin e ardhshëm dhe Carmine mbeten në burg, ndërsa gruaja e Sandokan, Giuseppina Nappa, është e lirë.

Vendimi i Francesco Schiavone, një pacient me kancer dhe kujdestar i sekreteve të rëndësishme, mund të jetë gjithashtu një mesazh i synuar për botën e jashtme, veçanërisht për të mos u përpjekur të riorganizojë klanin, shkruaja në mediat italiane. Sipas hetuesve, zgjedhja e shefit, të ndaluar në L’Aquila, mund të jetë një mënyrë për të vendosur një gur varri mbi aspiratat e pasardhësve të tjerë të mundshëm.

The post I dënuar me burgim të përjetshëm, pendohet pas 26 vitesh anëtari i Camorra-s i njohur si ‘Sandokan’ appeared first on Albeu.com.

Hernandez, u dënua të premten për komplot për të importuar kokainë në SHBA dhe për posedim të “pajisjeve shkatërruese” duke përfshirë mitralozë.

Prokurorët kanë thënë se ish-presidenti e drejtoi Hondurasin si një “narko-shtet”, duke mbrojtur dhe pranuar ryshfet nga trafikantët e drogës.

Ish-presidenti 55-vjeçar kishte mohuar akuzat.

Hernandez ishte president i Hondurasit nga viti 2014 deri më 2022, duke shërbyer për dy mandate radhazi.

Ai erdhi në pushtet me premtimin për ta luftuar krimin dhe drogën.

Por në akuzat ndaj tij, thuhet se Hernandez bashkëpunoi me disa nga trafikantët më të njohur të narkotikëve në botë “për të ndërtuar perandori të korruptuar dhe brutalisht të dhunshme”.

Tre muaj pas largimit nga detyra, ai u ekstradua në New York dhe u arrestua në prill të vitit 2022, për t’u përballur me akuzat federale në SHBA.

Hernandez, dikur shihej si aleat i SHBA-së. Gjatë kohës së tij në krye të Hondurasit, vendi mori më shumë se 50 milionë dollarë ndihmë kundër narkotikëve nga SHBA-ja, si dhe miliona dollarë shtesë në siguri dhe ndihmë ushtarake.

Në vitin 2019, presidenti i atëhershëm amerikan Donald Trump, falenderoi Hernandezin për “punën shumë të ngushtë me Shtetet e Bashkuara”.

Hernandezi nga ana e tij, pati falenderuar Trumpin dhe popullin amerikan “për mbështetjen që na kanë dhënë në luftën kundër trafikut të drogës”.

The post Ish-presidenti i Hondurasit dënohet me burgim të përjetshëm appeared first on Albeu.com.

Kështu nis artikulli i medies britanike, Daily Mail, e cila i ka kushtuar një shkrim shqiptarit Eugert Merizaj.

Eugert Merizaj, është dënuar  me 32 vite burg për rolin e tij në vrasjen brutale me armë gjahu të një rivali të drogës.

Ai merr “dhurata” virtuale të dhuruara nëpërmjet TikTok nga admiruesit, të cilat ai mund t’i këmbejë me para, shkruan albeu.com.

Pavarësisht ndalimit të celularëve në burg, Merizaj, 32 vjeç, ka transmetuar vazhdimisht biseda pesëminutëshe drejtpërdrejt çdo ditë gjatë javëve të fundit.

Në një shkelje befasuese të sigurisë, ai u mburr se telefoni i tij ishte hedhur në burgun e tij në Mançester me dron dhe se ai e fsheh atë brenda një tualeti.

Merizaj, u mburr të hënën e kaluar se nëse telefoni i tij zbulohej nga oficerët e burgut, ai thjesht do të “blinte një tjetër”.

Ai pretendoi se është telefoni i tretë që përdor në burg, dhe secili i kushton atij 2,000 £.

Në një video ai duket se ka bllokuar dritaren e derës së qelisë me letër për të ndaluar oficerët e burgut që të shikojnë brenda, ndërsa në një tjetër ai u ka treguar 8,000 ndjekësve të tij imazhe të gardheve të sigurisë jashtë qelisë së tij.

Në fillim të këtij muaji, Merizaj, i cili përdor pseudonimin “Babale”, dhe një tjetër i burgosur, i cili e quan veten Cameron, filmuan veten duke flirtuar me një grua që tha se ishte 21 vjeç.

“Ajo është e pafytyrë, burrë”, dëgjohet të thotë Cameron.

“A e di ajo se ne jemi në burg megjithatë?”

Merizaj përdor gjithashtu një veçori të quajtur “Live Match” në TikTok për të komunikuar me miqtë jashtë burgut, dhe gjithashtu për të bërë shuma të vogla parash.

Ndeshjet e drejtpërdrejta përfshijnë përdoruesit e TikTok që filmojnë veten duke folur me përdoruesit e tjerë për pesë minuta, në të cilat ata shpesh kërkojnë nga spektatorët në internet për donacione.

@vipat_e_tiktokut #kozakbraci1 #babale #albania?? ♬ suono originale – Vipat_e_TikTokut

Fituesi i një ndeshjeje është ai që merr më shumë “dhurata” nga ndjekësit, në formën e afisheve virtuale shumëngjyrëshe.

Dhuratat konvertohen në pikë, të cilat në fund mund të këmbehen me para.

Disa dhurata mund të blihen lirë, por yjet kushtojnë më shumë se 400 £.

Të mërkurën mbrëma, Merizaj mori pjesë në një ndeshje TikTok Live me tre femra, përfshirë një shqiptare në Spanjë, duke grumbulluar 2600 pikë, ekuivalente me 12.60 paund, sipas një kalkulatori online.

Ai fitoi një tjetër lojë TikTok Live më 16 gusht me 3,319 pikë, ekuivalente me rreth 16 £. Tre orë më parë ai luajti një tjetër lojë, duke fituar pikë ekuivalente me 8 £.

Merizaj, i cili përdor TikTok pa u zbuluar nga qelia për rreth një muaj, ka luajtur edhe ndeshje kundër një llogarie TikTok, e cila sipas burimeve është përdorur nga një tjetër vrasës shqiptar që vuan dënimin e përjetshëm në Greqi.

Merizaj ishte pjesë e një bande që joshi tregtarin e kanabisit Hemawand Ali Hussein në një shtëpi në Hartlepool në vitin 2019 përpara se ta vriste me një armë gjahu.

Merizaj u kap në Belgjikë pas vrasjes dhe u ekstradua në Britaninë e Madhe. Tre anëtarë të tjerë të bandës shqiptare u burgosën për vrasje me paramendim dhe tre të dyshuar janë në arrati, shkruan albeu.com.

Prokurori Justice Lavender pranoi se Merizaj nuk e tërhoqi këmbëzën dhe nuk ishte në shtëpi kur ndodhi vrasja, por tha se ai kishte qenë shumë i përfshirë në planifikimin e saj dhe kishte blerë armë, duke përfshirë një sëpatë.

Në një bisedë në TikTok, Merizaj beson se do të transferohet në një burg shqiptar muajin e ardhshëm.

TikTok tha se kishte ndërmarrë veprime kundër llogarisë dhe se mbështetet te stafi i burgut dhe policia për të identifikuar dhe njoftuar për llogaritë që përdoren në burg.

Shërbimi i Burgjeve tha: “Telefonat nuk tolerohen në burgje dhe ata që thyejnë rregullat përballen me dënime të ashpra duke përfshirë kohën shtesë pas hekurave.”

“Ne po punojmë me TikTok për të hequr këto video dhe investimi ynë prej 100 milionë paund në sigurinë e burgjeve ka ndihmuar në ndalimin e mbi 28,000 përpjekjeve për të kontrabanduar drogë, telefona dhe armë në burgje që nga tetori i kaluar.”

The post “Babale” përdor telefonin në qeli, kush është shqiptari i dënuar për vrasje që rri live në “Tik Tok”, ndeshjet me Kozakun dhe kriminelët në burgjet e tjera appeared first on Albeu.com.

Influencuesi mashtrues është dënuar nga gjykata me 20 vite burgim, pasi u shpall fajtor për pastrim parash.

BBC raporton se influencuesi akuzohet për krime kibernetike, që i kanë kushtuar miliona dollarë personave që kanë rënë pre e mashtrimeve të tij.

The post Bën namin në rrjet, gjykata e dënon me 20 vite burg yllin e Instagramit appeared first on Albeu.com.

Mësohet se Gjykata e Elbasanit ka marrë vendimin për shtimin e këtij dënimi për Leskajn, disa muaj pasi i është gjetur celulari në qeli.

Leskaj, ish-anëtar i bandës së “Gaxhait” në Vlorë, është zbuluar se komunikonte me një vajzë me inicialet E.Gj, e cila kohët e fundit kishte shfaqur shqetësime, duke mos pranuar të bisedonte më me të, për arsye që ende nuk dihen. Vajza ka vendosur ta denoncojë Leskajn, duke qenë se ky i fundit vijonte ta telefononte dhe t’i shkruante.

Policia e burgjeve ka kryer verifikime dhe ka dalë në përfundimin se personi që e shqetësonte ishte pikërisht Leskaj. Pas kontrolleve të vazhdueshme në qelinë e tij, është gjetur dhe aparati celular i llojit “Samsung”, që tashmë është në duart e autoriteteve. Mesazhet dhe thirrjet telefonike u bënë pjesë e dosjes hetimore që sollën dënimin e Leskajn.

The post E pëson i dënuari me 25 vite burg, e reja i zbulon celularin e fshehtë brenda qelisë appeared first on Albeu.com.