Gazetarja Klodiana Lala, raporton se seanca gjyqësore është shtyrë, pasi avokati i Hajrit kërkoi kohë për të përgatitur konkluzionet përfundimtare.

Prokuroria e Posaçme, paraqiti provat në lidhje me Altin Hajrit, ku thuhet se ai ka qenë në dijeni të rrëmbimit të Jan Prengës, sepse nga kqyrja e pamjeve filmike, ai ndodhje në kompeksin “Golden” në momentin që ka ardhur trupi i tij dhe madje ka mbyllur edhe qepenin e garazhit.

SPAK ka dorëzuar po ashtu edhe komunikimet në SkyEcc mes Dritan Rexhepit, Altin Hajrit dhe Gentian Funiqit.

DËSHMIA E DRITAN REXHEPIT NË GJKKO

Gramoz Rexhepi, që njihet edhe me emrin Dritan, është vënë nën akuzë për një nga ngjarjet më të rënda të ndodhura në vendin tonë, dekadën e fundit: Rrëmbimi, vrasja dhe zhdukja e Jan Prengës.

49-vjeçari pukjan u rrëmbye mesditën e 17 janarit të 5 vjetëve më parë, nga 4 persona në mes të Kamzës, u dërguar në një prej resorteve më të njohura në vend dhe më pas trupi i tij u zhduk. Në fakt, ishin ca pamje që u nxorën në media ku u mësua se i rrëmbyeri kishte mbërritur i pajetë në resortin e Altin Hajrit në Shijak, por policia, prokuroria dhe asnjë instancë që merret me hetimin e akteve të tilla nuk gjurmuan dot asnjë të dhënë që u mor vesh shpejt nga denoncimi i familjes Prenga.

Dritan Rexhepi është akuzuar si organizatori i atij akti brutal, ndërsa rrëmbimin dyshohet se e kanë kryer 4 persona nga Shkodra.

Pikërisht për shkak të kësaj akuzë, vlonjati Rexhepi, ishte në gjykatë më 23 Prill ku mohoi përfshirjen në rrëmbimin e Prengës, njohjet me personazhet e krimit, si edhe përfshirjen në atë histori të vjedhjes së drogës në Angli, apo të njihte Altin Hajrin të zotin e resortit nga ku u zhduk trupi i Prengës.

Gjithashtu, ai kërkoi ballafaqim më të vëllanë e të zhdukurit, kërkoi të sillen komunikimet e SKY ECC në Gjykatë, kërkoi të mos i bëhej moral në sallën e gjyqit, e po ashtu të mos e përfshinin në atë akt, pasi ai në atë kohë gjendej në burg në Guayaquil-i në Ekuador, i dënuar për trafik ndërkombëtar kokaine.

Por, që në krye të herës, u tha se një person me emrin Gramoz nga Vlora, kishte organizuar të gjithë ngjarjen, por Gramozi në GJKKO mohoi dje të ishte ai Gramozi nga Vlora për të cilin flet dosja.

Rexhepi deklaroi se lidhur me këtë ngjarje nuk ka pasur asnjë komunikim në aplikacionin SkyECC, i përdorur gjerësisht nga rrjetet kriminale, ndërsa i pyetur nga prokurorët e SPAK nëse ka njohje me Altin Hajrin, ‘mbreti i kokainës’ tha se nuk i thotë asgjë ky emër.

RRËFIMI

“Në fundin e vitit 2019 kam qenë jashtë Shqipërisë. Kam qenë në burg në Ekuador. Kam qenë i dënuar 13 vjet për trafik droge. Ju do më pyesni për çështjen apo do me bëni gjyq moral? Kisha 5 vite e 4 muaj që vuaja dënimin. Kisha kontakte me njerëzit jashtë përmes kabinës së burgut. Shqiptarë aty kishte plot në burg, afërsi kisha me njërin nga Kosova. Për trafik droge u akuzova me 10 persona të tjerë, aso kohe i përfshirë ishte edhe një shqiptar. Ai doli i pafajshëm. Gentian Doçajn (Funiqi) e kam dëgjuar në media dhe në dosjen as e kam lexuar.

Emri nuk më thotë gjë. Më ka sjellë avokatja dokumentet nga burgu i Firences, ku thuhet se unë dhe ai nuk kemi qenë në të njëjtin sektor. Me Gentjan Funiqin nuk kam pasur njohje, kurrë në jetë. Martin Bleta nuk e kam të dëgjuar, as Korado Gështenja. Nga burgimi nuk kam bërë asnjë lloj bashkëpunimi për të dhënë para lidhur me trafikun e drogës. Në fund të vitit 2019 nuk kisha informacion për vjedhjen e një sasie droge në portin Portsmouth të Londrës”, dëshmoi Rexhepi.

The post Rrëmbimi dhe zhdukja e Jan Prengës, SPAK kërkon burgim të përjetshëm për Altin Hajrin appeared first on Albeu.com.

Vuajtja e dënimit për të pandehurin Arsen Muskurti, do të fillojë nga dita e arrestimit të tij, më 30 gusht 2022 dhe do të kryhet në një burg të sigurisë së lartë.

Ai u deklarua fajtor dhe u dënua për kryerjen e 3 veprave penale të:

“Vrasjes për shkak të marrëdhënieve familjare”, parashikuar nga neni 79/c i K.Penal për vrasjen e vëllait të tij, Dritan Muskurti dhe në bazë të kësaj dispozite dënimin e tij me burgim të përjetshëm.

“Vrasjes për shkak të marrëdhenieve familjare “, parashikuar nga neni 79/c i K.Penal, për vrasjen e shtetases Nora Muskurti dhe në bazë të kësaj dispozite dënimin e tij me burgim të përjetshëm.

“Mbajtjes pa leje dhe prodhimit të armëve, armëve shpërthyese dhe municionit” dhe në bazë të kësaj dispozite dënimin e tij me 7 vjet.

The post Vrau vëllain dhe kunatën, Arsen Muskurti dënohet me burgim të përjetshëm, do qëndrojë në burg të sigurisë së lartë appeared first on Albeu.com.

Urfan Sharif, 42-vjeç dhe Beinash Batool, 30-vjeç, u dënuan për vrasjen e Sara Sharif javën e kaluar në atë që prokurorët e quajtën një “fushatë abuzimi”.

Xhaxhai i vajzës, Faisal Malik, 29-vjeç, u shpall fajtor për shkaktimin ose lejimin e vdekjes së vajzës. Ai u dënua me 16 vite burg.

Pasi vajza vdiq, të tre u larguan në Pakistan, ku Urfan Sharif telefonoi policinë e Mbretërisë së Bashkuar për të thënë se ai “e dënoi dhe ajo vdiq”. Ai tha se “e rrahu shumë”, por nuk kishte ndërmend ta vriste.

Policia në Londër më pas shkoi në shtëpinë e familjes dhe zbuloi trupin e Sarës, nën një batanije në një krevat marinari më 10 gusht 2023.

Të tre u kthyen në Britani më shumë se një muaj, pasi u larguan dhe u arrestuan me dyshimin për vrasje.

Gjyqi në Gjykatën Qendrore Penale, ekspozoi detaje të tmerrshme të abuzimit që përfshinin 70 plagë dhe mavijosje, djegie, fraktura dhe shenja kafshimi dhe ngriti pikëpyetje rreth dështimeve të shërbimeve sociale dhe autoriteteve për të ndërhyrë dhe mbrojtur atë.

Babai dhe njerka morën kujdestarinë e Sarës dhe vëllait të saj më të madh, pas raportimeve se nëna e tyre i abuzonte.

The post Ngjarje e rëndë/ Vranë 10-vjeçaren, dënohen me burgim të përjetshëm babai së bashku me njerkën, deklarata shokuese për policinë: E dënova… appeared first on Albeu.com.

Trupa gjykuese e përbërë nga Ilir Panda kryesues dhe anëtar Sandër Simoni dhe Artur Kalaja, vendosën të pranojnë rekursin e ish-Prokurorisë për Krime të Rënda që kundërshtoi vendimin e Apelit, që e dënoi Dritan Dajtin me 25 vite burg.

Prokuroria kërkonte të lihej në fuqi vebdimi i Shkallës së Parë, teksa në shkurt të vitit 2019 Gjykata e Apelit e Krimeve të Rënda pranoi kërkesën e Dajtit për gjykim të shkurtuar, duke caktuar ndaj këtij të fundit 25 vite burg.

Dritan Dajti, do të vuajë dlnimin në një burg të sigurisë së lartë teksa akuzohet për vrasjen e efektivëve Kastriot Feskaj, Altin Dizdari, Sajmir Duçkollari dhe Fatos Xhani, ngjarje e shënuar më 7 gusht të vitit 2009, në Durrës, gjatë një operacioni për arrestimin e tij.

Sot 51-vjeç, Dritan Dajti, ka qenë një nga personat më të kërkuar në Shqipëri.

Ai u dënua fillimisht me 20 vite heqje lirie nga Gjykata e Shkallës së Parë së Tiranës, për veprën penale të vrasjes së biznesmenit Agim Beqa, në vitin 1999.

Viktima kishte nisur ndërtimin e një pallati, por ai ishte konfliktuar me disa persona.

Ditën kur do niste gjyqi ndaj tjj, Dritan Dajti u arratis në mënyrë spektakolare nga dhoma e izolimit e Gjykatës së Tiranës, më 17 nëntor 2003, vetëm.

Ai mori një pistoletë në tualetin e gjykatës, e vendosur më parë nga miqtë e tij. Me këtë pistoletë, iu drejtua policëve të togës, që kishin për detyrë ta ruanin dhe qëlloi disa herë në ajër.

Ai hipi në një motor që drejtohej nga një person tjetër, dhe u largua ndërkohë që një person tjetër ende i paidentifikuar, qëlloi disa herë me pistoletë në ajër në anën tjetër të rrugës, me qëllim tërheqjen e vëmendjes së policisë.

Njoftimi:

Prishjen e vendimit nr.13, date 08.02.2019 të Gjykatës së Apelit për Krime të Rënda dhe lënien në fuqi të vendimit nr.95, datë 23.07.2014 të Gjykatës së Shkallës së Parë për Krime të Rënda.

The post Vrasja e 4 policëve në Durrës/ Gjykata e Lartë dënon me burgim të përjetshëm Dritan Dajtin appeared first on Albeu.com.

Gazetari Enver Doçi, raporton se në një letër që Hoxhaj i ka dërguar thekson se transferimi i tij në këtë burg është i padrejtë, pasi fillimisht e kanë tranferuar nga burgu i Peqinit për në Reç të Shkodrës, por aty e kanë mbajtur vetëm 24 orë dhe më pas e kanë transferuar në Burrel.

I dënuari me burgim të përjetshëm, thotë se ky transferim është i padrejtë dhe se argumenti i dhënë nuk qëndron pasi atje nuk i rrezikohet jeta, siç është një ndër arsyet e transferimit.

Në letrën e tij, Valmir Hoxhaj, akuzon strukturat drejtuese të burgut të Reçit, që sipas tij, kanë shkelur ligjin disa herë duke futur brenda burgut sende të paligjshme dhe kjo nuk do të ishte e lehtë më pas.

Ai i bën thirrje Ministrisë së Drejtësisë, Drejtorisë së Përgjithshme të Burgjeve dhe Avokatit të Popullit të reagojnë dhe ta rikthejnë në burgun e Reçit, ku ka edhe vëllain si dhe familjen, pasi deklaron se nënën e ka të sëmurë, në të kundërt – thotë ai, do të vijojë grevën e urisë deri në vetëflijim.

The post Burrel/ I burgosuri futet në grevë urie, letra e të dënuarit me burgim të përjetshëm appeared first on Albeu.com.

Laert Haxhiu, kundërshtar i ish-kreut të bandës së Lushnjës rrezikon të mbyllet përjetësisht në qeli. Në procesin që po mbahet në mungesë të tij në Gjykatën e Posaçme, GJKKO pranoi kërkesën e SPAK për dënimin me burgim të përjetshëm të Haxhiut, nën akuzë për masakrën e Lushnjës në vitin 2017 ku mbetën të vrarë 2 persona.

Zamir Latifi, mik i nipit të Aldo Bares, dhe Jurgen Hoxha u qëlluan me automatik në një lokal në qendër të Lushnjes, ndërsa pronari i lokalit dhe një kalimtar mbetën të plagosur aksidentalisht.

Me burgim të përjetshëm për masakrën e Lushnjës, janë dënuar më herët bashkëpunëtorët e Haxhiut, Anterio Kaloshi dhe Orgest Bilbili.

Atentati e pati zanafillën në 25 shtator të vitit 2016, kohë kur u tentua të vritej, nipi i Aldo Bares, Xhulio Shkurti, ngjarje për të cilën Laert Haxhiu, ishte i shpallur në kërkim, i dënuar me 18 vite burg në mungesë. Pikërisht gjatë kohës që i fshihej drejtësisë, Haxhiu vrau 2 persona.

6 vite pas masakrës, Laert Haxhiu u arrestua në Greqi, në maj të 2023-shit. Gjykata e Apelit në Janinë i ka hapur rrugë ekstradimit të tij në Shqipëri, por 31-vjeçari lushnjar ka ende edhe një mundësi të fundit në shtetit grek për të kundërshtuar vendimin e ekstradimit në Gjykatën e Lartë.

Dy vjet pas “masakrës së Lushnjës” ndodhën edhe dy ekzekutime të tjera. Njëri dyshohet se lidhet me Laert Haxiun. Besnik Hida, daja i 23-vjeçarit Zamir Latifi i cili kërkonte të bënte drejtësi për atentatin ndaj nipit të vrarë nga Haxhiu u vra në një atentat mafioz në 2019-ën.

Laert Haxhiu u fundos përfundimisht pas dëshmisë së të penduarit Artan Tafani, i cili rrëfeu përfshirjen e të dyve, por edhe një grupi të madh personash në 16 ngjarje kriminale, mes të cilave 4 vrasje në Shqipëri dhe 2 të tjera në Greqi.

Mes rrëfimit ishte dhe planifikimi i Haxhiut për të vrarë persona të drejtësisë, përfshirë prokuroren e SPAK, Doloreza Musabelliu, dhe atë të Lushnjës, Merita Selimi, për të cilat me urgjencë të madhe u mor vendimi për mbrojtjen e tyre.

Lufta mes bandave të Lushnjës ka nisur herët, pasi njerëz të Aldo Bares i dogjën shtëpinë xhaxhait të Laert Haxhiut, duke pasuar një seri vrasjesh.

The post Masakra e Lushnjes/ GJKKO dënon me burgim të përjetshëm Laert Haxhiun appeared first on Albeu.com.

Autori është i detyruar nga Gjykata të dëmshpërblejë nënën e viktimës me 318 mijë euro dhe vëllanë e saj me 100 mijë euro, shkruajnë mediet italiane.

Sot kishte mbërritur në Itali me një varkë dhe kishte gjetur punë si pjatalarës në restorantin ku punonte Neza. Mes të dyve nisi një lidhje, e cila më pas u mbyll nga ana e vajzës. 27-vjeçari i kishte kërkuar asaj të jepte dorëheqjen nga puna, por duke hasur refuzimin e saj kjo histori pati një fund tragjik. Danjela Neza u qëllua me plumb në kokë.

Menjëherë më pas vetë autori  telefonoi në 112: “Kam vrarë një grua, ejani të më merrni”.

Ditën kur e vrau autori thotë se kishin lënë të takoheshin për të sqaruar gjërat dhe ndoshta për t’u rikthyer bashkë. Në vend të kësaj ata u grindën, kështu që ai mori një armë gjysmë automatik të kalibrit 22 nga makina, e drejtoi në kokën e Danjelës dhe qëlloi.

The post Vrau të renë shqiptare në Itali, dënohet me burgim të përjetshëm autori! Rrëfen për takimin e fundit tragjik me ish-partneren appeared first on Albeu.com.

Sipas mediave vendase, të dënuarit me burgim të përjetshëm janë dy shtetasit shqiptar 39 dhe 37 vjeç, një shtetas serb, 38 vjeç është dënuar me 15 vite ndërkohë që është shpallur në kërkim një bashkatdhetar i këtij të fundit, 34 vjeç.

Operacioni policor u organizua nga Prokuroria e AntiDrogës së Selanikut, në bashkëpunim me DEA-n amerikane, ndërsa paraprihej informacioni, sipas të cilit, dy shqiptarët do të shkonin nga Athinë në Selanik për të marrë një ngarkesë kokaine. Sipas të njëjtave informacione, i treti së bashku me bashkatdhetarin e tij 34-vjeçar, kishin mbërritur në Selanik me ngarkesën e paligjshme, ku kishin marrë me qira një apartament.

Siç përshkruhet në shkresat zyrtare, në momentin kur në parkingun e pallatit po transportohej një sasi e pjesshme e drogës së konfiskuar, nga minibusi në makinë, u zhvillua operacioni për kapjen e tre autorëve, ndërsa i katërti që po vëzhgonte nga banesa me qira, arriti të arratisej duke u hedhur nga ballkoni.

“Ngarkesa konsiderohet e sigurt se ka ardhur nga Amerika Latine. Këto sasi nuk vijnë në Greqi për të shëtitur”, dëshmoi në gjykatë kreu i Prokurorisë së Drogës së Selanikut, që kushton dhjetëra milionë euro.

Dy të pandehurit e parë, të dënuar me burgim të përjetshëm, në kërkim të faljeve mohuan çdo lidhje me drogën. Vetë ata thanë se shkuan në Greqinë e Veriut për të blerë disa makineri dhe dyshekë për hotelin e tyre, ndërsa emëruan një person që, siç pretendojnë ata, u ngriti kurth.

“Ai na shkatërroi jetën”, thanë ata.

Ndryshe nga sa më sipër, 38-vjeçari serb, të cilit i është dhënë zbutja dënimit së mëparshme ligjore, ka pranuar përfshirjen e tij në këtë rast.

“E pranoj krimin, e pranoj që jam fajtor. Më ofruan të shkoja në Greqi për të bërë diçka të paligjshme. Më duhej për shkak të borxheve. Pothuajse e dija se ishte drogë, por nuk dija as sasinë dhe as llojin e substancës”, tha ai në kërkim të faljes. Ai shtoi se jetonte në Londër dhe kishte një pasaportë false kroate në kohën e arrestimit.

Pas vendimit të Gjykatës të tre të pandehurit janë kthyer në burg, ndërsa për të pandehurin e katërt në kërkim do të hapet çështja nëse dhe kur arrestohet.

The post Kapen me 324 kg kokainë në Selanik, dënohen me burgim të përjetshëm dy shqiptarë appeared first on Albeu.com.