Në dëshmitë e tyre, dy të arrestuarit kanë dhënë versione të ndryshme. Balla ka deklaruar se ishte udhëzuar nga një person tjetër për të kryer një porosi, pa e ditur, sipas tij, natyrën e veprimit dhe duke besuar se po vepronte në mirëbesim.

Orest Balla dyshohet se ka komunikuar me Armand Dukën duke u identifikuar si Taulant Balla dhe i ka kërkuar 100 mijë euro në kriptovaluta.

Ai ka thënë se ishte kontaktuar në Instagram nga një person i panjohur, i cili i kishte ofruar 2 mijë euro në këmbim të komunikimit me një tjetër individ.

Më pas, sipas deklarimit të tij, një person e kishte marrë me makinë dhe i kishte dhënë një numër telefoni. Përmes këtij numri ai kishte komunikuar me djalin e Armand Dukës, i cili në të vërtetë ishte një agjent policie i infiltruar, pasi kreu i FSHF-së kishte bërë kallëzim menjëherë.

Balla ka mohuar se kishte pasur njohje të mëparshme me Edison Korrën. Ky i fundit ka deklaruar se ishte kontaktuar nga Balla në një lokal dhe se ai i kishte kërkuar të merrte një porosi. Hetuesit dyshojnë se komunikimi me Armand Dukën përmes aplikacionit “Signal” është zhvilluar nga një person tjetër, identiteti i të cilit ende nuk është përcaktuar. Në rolin e organizatorit të dyshuar të skemës, grupi hetimor ka vendosur në fokus Florian Gjergjin, i shpallur më herët në kërkim nga policia për raste të ngjashme ndaj personave të tjerë.

Pas denoncimit të Armand Dukës, policia nisi veprimet për identifikimin, ndjekjen dhe arrestimin e dy të rinjve, përkatësisht 24 dhe 23 vjeç.

Të dy, të dyshuar se bashkëpunonin edhe me persona të tjerë, pranuan të merrnin edhe një shumë parash në dorëzim. Takimi u la të zhvillohej në parkun e autobusëve në Elbasan, ku gjatë operacionit të dorëzimit të kontrolluar agjentët civilë ndërhynë dhe i vunë në pranga.

The post U paraqit si Taulant Balla dhe i kërkoi Armand Dukës 100 mijë euro, gjykata lë në burg dy të dyshuarit appeared first on Albeu.com.

GJKKO ka vendosur që 50-vjeçari të vijojë të qëndrojë në masën e sigurisë “Arrest në burg”, në kuadër të hetimeve të SPAK-ut për dosjen e operacionit “Muri i Lartë”.

Çafi u arrestua më 26 shtator në Shkodër, gjatë një operacioni të zhvilluar nga Policia e Shtetit dhe BKH, nën drejtimin e SPAK. Masa fillestare “Arrest në burg” ishte caktuar nga GJKKO më 25 shtator 2026

Bashkë me Endrit Doklen, emri i tij ka dalë nga zbërthimi i SkyECC, të dyshuar se kanë trafikuar drogë në bashkëpunim me grupin e Rrajave.

Ai akuzohet për 3 vepra penale “Trafikim i lëndëve narkotike”, kryer në bashkëpunim, në formë të grupit të strukturuar kriminal, si dhe “Grup i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”.

Cafi rezulton person me precedentë të mëparshëm kriminalë dhe është dënuar më herët në Itali për trafik narkotikësh.

Më 4 qershor 2020, Gjykata e Triestes e dënoi Cafin me 4 vite e 2 muaj burg për trafik droge në sasi të mëdha dhe pjesëmarrje në grup të strukturuar kriminal.

Ai u shpall në kërkim ndërkombëtar dhe më 25 janar 2021 në Shkodër nga policia shqiptare me qëllim ekstradimin drejt Italisë për të vijuar vuajtjen e dënimit.

The post U arrestua me urdhër të SPAK, GJKKO lë në burg Bledar Cafin, akuzohet si pjesë e një grupi të trafikut të lëndëve narkotike appeared first on Albeu.com.

Në GJKKO u mbajt sot seanca për verifikimin e masës së sigurisë ndaj tyre.

Fatjon Kalluci dhe Embro Sulejmani u arrestua në kuadër të një procedimi penal ku dyshohet se kanë ndihmuar Ergys Agasin gjatë periudhës kur ai ishte person në kërkim.

The post Ndihmuan Agasin në arrati/ Lihen në burg Embro Sulejmani dhe përgjegjësi i Policisë Shkencore appeared first on Albeu.com.

Vendimi u mor sot nga Apeli pas shqyrtimit të ankimimit të bërë nga Agasi.

Ergys Agasi, u arrestua fund të gushtit në Durrës pas më shumë se 8 muajsh në arrati. Ai akuzohet se në bashkëpunim me të pandehurit e tjerë të dosjes AKSHI kanë vepruar si një grup i strukturuar kriminal.

Agasi po hetohet për disa vepra penale, përfshirë grup të strukturuar kriminal, korrupsion aktiv, pastrim parash, konkurrencë të paligjshme, heqje e paligjshme e lirisë dhe shkelje të barazisë në tendera.

Njoftimi i plotë:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtar z. Florjan Kalaja, sot më datë 22.09.2026, disponoi për çështjen penale nr. 43 akti, datë 17.09.2026 regjistrimi, mbi ankimin e personit nën hetim/ankues E.A, në lëndë të masave të sigurimit, si vijon:

Miratimin e vendimit nr. 62, datë 28.08.2026 të Gjykatës së Posaçme të Shkallës së Parë për Korrupsionin dhe Krimin e Organizuar.

Në bazë dhe për zbatimin të nenit 103 të K.Pr.Penale ndalohet publikimi i vendimit deri në mbylljen e hetimeve paraprake.

Kundër këtij vendimi mund të bëhet rekurs në Gjykatën e Lartë brenda 45 ditëve duke nisur ky afat nga e nesërmja e njoftimit të vendimit të arsyetuar.

U shpall në Tiranë, më datë 22.09.2026.

The post Dosja AKSHI/ Apeli i GJKKO lë në fuqi masën e arrestit në burg për Ergys Agasin appeared first on Albeu.com.

Gjykata Themelore në Prizren, Departamenti për të Mitur, ka shpallur fajtor të miturin A.O. dhe e ka dënuar me nëntë vjet burgim për dy vepra penale, ndër të cilat edhe vrasjen e rëndë.

Ngjarja për të cilën është dhënë dënimi ka ndodhur më 14 qershor 2026 në fshatin Kobaj të Komunës së Prizrenit. Sipas aktgjykimit, A.O., në bashkëkryerje me vëllain e tij, Sh.O., ka sulmuar me thikë dy persona.

Gjatë përleshjes, i mituri e ka goditur një herë në gjoks viktimën A.O. Për shkak të plagëve të rënda, ajo është dërguar në spital pa shenja jete, ku edhe është konstatuar vdekja.

Personi tjetër i sulmuar, I.O., ka pësuar lëndime të lehta trupore.

Trupi gjykues ka gjetur se A.O. ka kryer veprën penale “vrasja e rëndë”, të përcaktuar në nenin 173, paragrafi 1, nënparagrafi 1.5, lidhur me nenin 31 të Kodit Penal të Republikës së Kosovës, si dhe veprën “mbajtja në pronësi, kontroll ose posedim të paautorizuar të armëve”, nga neni 366, paragrafi 1.

Dënimit prej nëntë vjetësh do t’i zbritet edhe periudha që i mituri ka kaluar në paraburgim. Po ashtu, masa e paraburgimit ndaj tij është vazhduar deri në plotfuqishmërinë e aktgjykimit.

Në seancën e mbajtur më 18 shtator, A.O. ka deklaruar se e pranon përgjegjësinë dhe fajësinë për veprat që i janë atribuuar.

Gjykata ka vlerësuar se ai e ka kuptuar natyrën dhe pasojat e pranimit të përgjegjësisë, ndërsa deklarimi është bërë pas konsultimit të mjaftueshëm me mbrojtësin.

Aktgjykimi i plotë, i shkruar dhe i arsyetuar, do t’u dorëzohet palëve. Secila palë që nuk është e kënaqur me vendimin mund të paraqesë ankesë në Gjykatën e Apelit.

Sipas Gjykatës Themelore në Prizren, lënda ndaj dy të dyshuarve të tjerë, Sh.O. dhe A.O., vazhdon të jetë në fazën e procedurës paraprake/hetimore pranë Departamentit të Krimeve të Rënda.

The post Rasti i Kobajt, i mituri dënohet me 9 vjet burgim për vrasje të rëndë appeared first on Albeu.com.

Daniel J. Fetterman, avokati kryesor ndërkombëtar, tha se vendimi ngre pikëpyetje mbi zbatimin e vendimit të Gjykatës Kushtetuese, e cila më herët kërkoi shfuqizimin e vendimit të Gjykatës së Lartë dhe rishqyrtimin e çështjes.

“Vendimi i Gjykatës së Lartë të Shqipërisë është kafkian dhe ngre një pyetje të fortë: a ka ndonjë kuptim kontrolli kushtetues në Shqipëri, nëse mangësitë kushtetuese të evidentuara nga Gjykata Kushtetuese – gjykata më e lartë në vend – nuk korrigjohen nga gjykatat më të ulëta”?- tha ai.

Sipas tij, Gjykata Kushtetuese kishte kërkuar vlerësimin e proporcionalitetit të paraburgimit, mundësinë e masave më të buta dhe pasojat e pengimit të Veliajt për të ushtruar mandatin e tij si kryebashkiak.

“Kryebashkiaku Veliaj ka kaluar tashmë më shumë se 19 muaj në paraburgim, pa asnjë gjykim apo dënim. Të drejtat kushtetuese nuk mund të ekzistojnë vetëm në letër dhe kontrolli kushtetues nuk mund të shndërrohet në një ushtrim pa pasoja praktike. Shteti i së drejtës nuk varet thjesht nga nxjerrja e vendimeve prej gjykatave kushtetuese, por edhe nga zbatimi kuptimplotë i këtyre vendimeve”, shtoi ai.

Ai shtoi se mbrojtja do të ndjekë të gjitha rrugët ligjore në dispozicion, duke theksuar se garancitë kushtetuese duhet të kenë zbatim praktik dhe jo të mbeten vetëm në letër.

Deklarata e plotë:

Gjykata e Lartë e Shqipërisë lë në paraburgim kryebashkiakun e Tiranës, Erion Veliaj, pasi Gjykata Kushtetuese shfuqizoi vendimin e mëparshëm të Gjykatës së Lartë

Gjykata e Lartë e Shqipërisë vendosi më 15 shtator që kryebashkiaku i Tiranës, Erion Veliaj, të mbetet në paraburgim, duke lënë në fuqi vendimin e 13 marsit 2025 të Gjykatës së Posaçme të Apelit. Vendimi pason një vendim të Gjykatës Kushtetuese të Shqipërisë, e cila shfuqizoi vendimin e mëparshëm të Gjykatës së Lartë mbi paraburgimin e kryebashkiakut Veliaj dhe e ktheu çështjen për rishqyrtim.

Gjykata Kushtetuese konstatoi se vendimi i mëparshëm i Gjykatës së Lartë nuk kishte kryer shqyrtimin e kërkuar nga Kushtetuta për çështje të rëndësishme që lidhen me vazhdimin e paraburgimit të kryebashkiakut Veliaj, përfshirë proporcionalitetin e tij dhe pasojat kushtetuese të pengimit të kryebashkiakut të zgjedhur në mënyrë demokratike të Tiranës që të ushtrojë mandatin e besuar nga zgjedhësit e qytetit. Gjykata Kushtetuese ia ktheu çështjen Gjykatës së Lartë për shqyrtim të mëtejshëm.

Kryebashkiaku Veliaj ndodhet në paraburgim që prej 10 shkurtit 2025 – më shumë se 19 muaj – dhe vazhdon të jetë kryebashkiaku i zgjedhur i Tiranës. Në një vendim të veçantë vitin e kaluar, Gjykata Kushtetuese shpalli të pavlefshme një përpjekje për ta shkarkuar nga detyra për shkak të mungesës së tij të pavullnetshme gjatë kohës që ndodhej në paraburgim.

Daniel J. Fetterman, partner në Kasowitz LLP dhe avokati kryesor ndërkombëtar i kryebashkiakut Veliaj, deklaroi:

“Vendimi i Gjykatës së Lartë të Shqipërisë është kafkian dhe ngre një pyetje të fortë: a ka ndonjë kuptim kontrolli kushtetues në Shqipëri, nëse mangësitë kushtetuese të evidentuara nga Gjykata Kushtetuese – gjykata më e lartë në vend – nuk korrigjohen nga gjykatat më të ulëta?

“Gjykata Kushtetuese e Shqipërisë shfuqizoi vendimin e mëparshëm të Gjykatës së Lartë dhe e riktheu këtë çështje për shqyrtim, sepse nuk ishte kryer shqyrtimi thelbësor i kërkuar nga Kushtetuta lidhur me proporcionalitetin e paraburgimit të kryebashkiakut Veliaj, masat më pak kufizuese dhe pasojat e pengimit të kryebashkiakut të zgjedhur të Tiranës që të ushtronte mandatin e dhënë nga qytetarët e Tiranës.

“Kryebashkiaku Veliaj ka kaluar tashmë më shumë se 19 muaj në paraburgim, pa asnjë gjykim apo dënim. Të drejtat kushtetuese nuk mund të ekzistojnë vetëm në letër dhe kontrolli kushtetues nuk mund të shndërrohet në një ushtrim pa pasoja praktike. Shteti i së drejtës nuk varet thjesht nga nxjerrja e vendimeve prej gjykatave kushtetuese, por edhe nga zbatimi kuptimplotë i këtyre vendimeve.

“Prandaj, kjo çështje ngre një pikëpyetje institucionale shumë më të gjerë: nëse sistemi i drejtësisë në Shqipëri e respekton shtetin e së drejtës kur mbrojtjet kushtetuese kërkojnë një drejtim tjetër dhe nëse vendimet e Gjykatës Kushtetuese kanë ndonjë kuptim praktik.

“Institucionet e Shqipërisë kanë ende mundësinë të dëshmojnë se garancitë kushtetuese janë të zbatueshme dhe jo thjesht aspirata. Ne do të vazhdojmë të ndjekim çdo rrugë ligjore në dispozicion të kryebashkiakut Veliaj dhe të këmbëngulim për një proces në përputhje me këto parime.”

Njoftimi publik i Gjykatës së Lartë, i datës 15 shtator, bën të ditur se Gjykata la në fuqi vendimin e 13 marsit 2025 të Gjykatës së Posaçme të Apelit. Njoftimi nuk përmban ende arsyetimin e plotë me shkrim të Gjykatës dhe thekson se vendimi i arsyetuar do t’u komunikohet palëve në përputhje me procedurat e Gjykatës.

Çështjet që lidhen me paraburgimin e kryebashkiakut Veliaj lindin në një kontekst më të gjerë procedural. Kasoëitz ka raportuar më parë se informacionet e bëra publike me urdhër gjykate tregonin se hetimi i SPAK-ut dukej se kishte nisur nga kallëzime anonime që u atribuoheshin “Nesti Agonit” dhe “Nasta Pëllumbit”, asnjëri prej të cilëve nuk rezultonte në Regjistrin Kombëtar të Gjendjes Civile të Shqipërisë. Kryebashkiaku Veliaj ka paraqitur gjithashtu një kundërshtim të veçantë lidhur me faktin nëse prokurori kryesor Ols Dado i përmbushte kërkesat ligjore që rregullonin emërimin e tij. Këto çështje janë të ndara nga vendimi i Gjykatës së Lartë i datës 15 shtator mbi paraburgimin.

The post Gjykata e Lartë la në burg Veliajn, avokatët e huaj: Vendimet e Gjykatës Kushtetuese duhet të zbatohen, të drejtat kushtetuese s’mund të jenë vetëm në letër appeared first on Albeu.com.

Altin Krasniqi ka bërë të ditur se ka vizituar babanë e tij, Jakup Krasniqin, pasi Gjykata Speciale e dënoi sot me 25 vjet burg.

Në reagimin e tij, Altini përcolli falënderimin e të atit për çdo shqiptar që ka mbështetur luftën e drejtë të Ushtrisë Çlirimtare të Kosovës.

Ai deklaroi se ish-krerët janë të fortë, krenarë dhe me ndërgjegje të pastër për veprimtarinë e tyre.

“Sapo përfundova vizitën me babin”, shkroi Altin Krasniqi.

Sipas tij, ky nuk përbën dënim për ta, pasi fitoren e kanë arritur në qershor të vitit 1999 dhe më 17.02.2008.

Ai theksoi se ky është një dënim për popullin dhe shtetin e Kosovës, ndërsa shtoi se UÇK-ja është dhe do të mbetet krenaria jonë.

The post Pas vendimit të Speciales, Altin Krasniqi viziton të atin: Të fortë e krenarë, dënimi është për popullin appeared first on Albeu.com.

Ish-presidenti i Kosovës, Hashim Thaçi, është dënuar me 25 vjet burgim në shkallën e parë nga Gjykata Speciale në Hagë.

Gjatë leximit të vendimit, ai qëndroi i ftohtë teksa trupi gjykues e cilësoi si një prej përgjegjësve kryesorë për një varg krimesh të kryera gjatë luftës në Kosovë, periudhë për të cilën Thaçi ka deklaruar se ndihet më krenar.

Pas njoftimit për dënimin, Thaçi tundi kokën dhe buzëqeshi, përpara se të ulej.

Trupi gjykues e shpalli penalisht përgjegjës për vepra që përfshijnë vrasje, torturë, trajtim mizor dhe ndalim të paligjshëm, të kryera gjatë luftës në Kosovë.

The post Hashim Thaçi dënohet me 25 vjet burgim, ja reagimi i tij në Hagë appeared first on Albeu.com.

Dhomat e Specializuara të Kosovës në Hagë kanë shpallur dënimin me 18 vite burgim për Kadri Veselin, ish-kryetarin e Kuvendit të Kosovës dhe ish-anëtarin e Shtabit të Përgjithshëm të Ushtrisë Çlirimtare të Kosovës.

Gjatë leximit të aktgjykimit, trupi gjykues ka dhënë edhe vlerësimin e tij për pozitën dhe rolin që Veseli kishte.

Sipas përfundimeve të gjykatës, ai e kishte shfrytëzuar në mënyrë të paligjshme pushtetin dhe funksionin e tij, duke i përdorur ato për qëllime kriminale.

Për caktimin e masës së dënimit, gjykata ka marrë në konsideratë rrethanat personale të Veselit, si dhe mënyrën e sjelljes së tij gjatë zhvillimit të procesit gjyqësor.

Trupi gjykues ka vlerësuar se Veseli është sjellë mirë përgjatë gjithë procesit, përveç një rasti të veçantë. Në vendimin për dënimin është marrë parasysh edhe dorëzimi i tij vullnetar te Dhomat e Specializuara.

The post Kadri Veseli dënohet me 18 vite burgim nga Dhomat e Specializuara appeared first on Albeu.com.

Tribunali Special në Hagë e ka shpallur fajtor Jakup Krasniqin, ish-udhëheqësin e lartë të Ushtrisë Çlirimtare të Kosovës.

Vendimi i gjykatës parashikon një dënim prej 25 vitesh burg për Krasniqin.

Ai ndodhej në qendrën e paraburgimit në Hagë që prej muajit nëntor të vitit 2020, periudhë gjatë së cilës ka pritur përfundimin e procesit gjyqësor.

The post Ish-komandanti i UÇK-së Jakup Krasniqi gjobitet me 25 vite burg nga Gjykata e Hagës appeared first on Albeu.com.