Ndërsa i pandehuri i tretë, Dushan Maksimoviç, është dënuar me 30 vjet burgim.

Në shpalljen e aktgjykimit, i pranishëm ishte vetëm Dushan Maksimoviç. Të tre janë në mesin e 42 personave të akuzuar në total për ngjarjen e rëndë ku mbeti i vrarë efektivi i policisë Afrim Bunjaku.

Në mesin e këtyre personave, nën akuzë është vënë edhe Millan Radoiçiç, ish-nënkryetar i partisë më të madhe të serbëve në Kosovë, Listës Serbe, të cilin autoritetet e Kosovës e kanë cilësuar si “kreu i grupit terrorist”.

Gjykata vendosi ta veçonte procedurën ndaj Spasojeviç, Tolliç dhe Maksimoviç, të cilët ndodhen në paraburgim nga shtatori i 2023-tës, kurse për 42 të tjerët refuzoi kërkesën e Prokurorisë Speciale për gjykim në mungesë.

Më 24 shtator 2023 një grup i armatosur serbësh me armatim të rëndë, fillimisht bllokoi urën në fshatin Banjskë të Zveçanit, e më pas sulmoi policët që shkuan në vendngjarje për ta hequr kamionin nga rruga.

Gjatë sulmit të serbëve të armatosur u vra efektivi Afrim Bunjaku dhe u plagosën dy të tjerë policë. Sipas aktakuzës së Prokurorisë Speciale, synimi ishte që ta ndanin veriun nga Kosova.

The post Sulmi në Banjskë të Kosovës/ Dënohen me burg të përjetshëm dy nga serbët e pandehur, Makismoviç me 30 vite appeared first on Albeu.com.

Kjo është hera e dytë që Bare, rrëzohet nga shkalla më e lartë e gjyqësorit. Një vendim i gjykatës kushtetuese më 8 shkurt të vitit 2017, se Aldo Bares, i është cënuar e drejta për proces të rregullt ligjor dhe i është cënuar e drejta e mbrojtjes së të gjykuarit, i dha të drejtën atij që ta ridërgonte sërish dosjen në Gjykatën e Lartë.
Referuar vendimit të 5 viteve më parë të Gjykatës Kushtetuese, dosja “Bare”, u kthye për rigjykim në Gjykatën e Lartë me arsyetimin e shkeljeve të rënda procedurale. Një ditë pas zbardhjes së vendimit, konkretisht më 28 mars të 2017, bare depozitoi rekursin. Për shkak të vakancave , shkarkimit të gjyqtarëve për shkak të vetingut, dhe stokut të madh të dosjeve, çështja u shqyrtua një ditë më parë nga anëtari i Gjykatës së Lartë, Ilir Panda la sërish në fuqi vendimin e apelit ndaj Bares.

Aldo Bare, është dënuar me burgim të përjetshëm për disa vrasje të kryera në Lushnje nga viti 1997 e në vazhdim. Sipas Prokurorisë pas vrasjes së vëllait të tij Ramadan Shkurti, Aldo Bare, ish-oficer i forcave speciale, vendosi të hakmerrej dhe krijoi një bandë kriminale, që kreu krime nga më makabret. Për disa vite me radhë, ai qëndroi në arrati dhe emri Aldo Bares renditej në listën e të shumëkërkuarve.

Në 2006, ai u arrestua në Turqi për t’u ekstraduar më pas drejt Shqiperisë tri vite më vonë. Pas një beteje të gjatë gjyqësore, Bare, u dënua përjetësisht. Ai u shpall fajtor për katër vrasje, dy tentativa vrasjeje, shkatërrim të pronës me zjarr, si dhe krijim të organizatës kriminale.

The post Gjykata e Lartë lë në fuqi dënimin me burg të përjetshëm për Aldo Baren appeared first on Albeu.com.

Përparim Ademi, 59-vjeçari që ekzekutoi dy motrat në vigjilje të vitit të Ri ka dhënë deklarimet përpara grupit hetimor ku është shprehur se nuk ka pasur për qëllim të vrasë motrat, por në debat e sipër ata e kanë ofenduar dhe ka qëlluar në drejtim të tyre.

Sipas Ademit, ai kishte krijuar lidhje paralele me Zhanetën, pavarësisht se ishte i martuar. Gjatë javëve të fundit, sipas 51-vjeçarit, ajo ishte distancuar ndjeshëm, ndërsa dyshonte se edhe ajo kishte një lidhje tjetër.

Krimi i dyfishtë ka ndodhur në banesë, ku Ademi vrau me armën tip automatik bashkëjetuesen dhe motrën e saj. Në vendin e ngjarjes ka qenë fëmija i Zhaneta Metanit, 14 vjeç./albeu.com

The post Vrau dy motrat në Tiranë, gjykata dënon me burg përjetë Përparim Ademin appeared first on Albeu.com.