Makina ka qenë e parkuar në afërsi të pallatit ku banonte gazetari.

Në vendngjarje kanë mbërritur zjarrfikëset, por nuk kanë mundur ta fikin. Policia po bën veprimet hetimore rreth ngjarjes për zbardhjen e saj.

Sipas gazetarit, ky veprim bëhet për “t’i mbyllur gojën”.

“Kjo gjëja është e qëllimshme dhe me synimin për të përcjellë një mesazh tek unë dhe tek puna që unë bëj.

Së pari them se ata që e kanë bërë atë veprim absolutisht as nuk do më kërcënojnë dot, as do më frikësojnë dot për punën që unë bëj, sepse për mua gazetaria është një mision që unë e bëj dhe që do vazhdojë me çdo çmim.

Një nga çmimet kjo ishte. Me thënë të drejtën, jam javë që jam në kontakt me njerëz që preken me çështje që unë bëj në punën e përditshme.

Kam afro 10 vjet që jam gazetar. Puna ime ka qenë e fokusuar në terren në qarkun e Dibrës, në mbulimin e çështjeve kryesisht që kanë të bëjnë me problemet publike, monitorimin e pushtetit vendor dhe atë të drejtësisë.

Për mua është absolutisht e qëllimshme, për të përcjellë mesazhin që kjo ishte e para dhe me raste mund të vazhdojë më tej. A intimidohem? A më kërcënon dot kjo gjë? Absolutisht jo. Për mua gazetaria është interes publik”, tha ai.

The post Përfshihet nga flakët automjeti i gazetarit në Bulqizë: E qëllimshme, duan të më frikësojnë appeared first on Albeu.com.

Sipas AKVMB, rasti është zbuluar që në datë 30 mars, në fshatin Okshatinë, Njësia Administrative Shupenzë, Bashkia Bulqizë. Pas marrjes së mostrave, u konfirmua prania e virusit të rrezikshëm.

Në njoftim shkruahet se në fermën e prekur u realizua eliminimi dhe asgjësimi i të gjitha kafshëve të mbetura, si dhe dezinfektimi i plotë i ambienteve dhe pajisjeve.

Po ashtu theksohet se murtaja e Ruminantëve të Vegjël (PPR) nuk është sëmundje zoonotike dhe nuk transmetohet tek njerëzit, teksa nuk përbën asnjë rrezik për shëndetin publik.

Njoftimi i Autoritetit Kombëtar i Veterinarisë dhe Mbrojtjes së Bimëve:

Autoriteti Kombëtar i Veterinarisë dhe Mbrojtjes së Bimëve njofton se është konfirmuar një rast i izoluar i Murtajës së Ruminantëve të Vegjël (PPR) në territorin e Republikës së Shqipërisë.

Rasti është evidentuar më datë 30.03.2026 në një fermë të mbarështimit të kaprinëve (dhi)e një total prej 220 krerë, në fshatin Okshatinë, Njësia Administrative Shupenzë, Bashkia Bulqizë. Mostrat e marra në terren nga Shërbimi Veterinar janë analizuar në laboratorin referencë të Institutit të Sigurisë Ushqimore dhe Veterinarisë, i cili ka konfirmuar praninë e virusit PPR.

Menjëherë pas konfirmimit të rastit, strukturat veterinare kanë ndërhyrë në terren duke zbatuar të gjitha masat e përcaktuara në legjislacionin në fuqi dhe në Planin Kombëtar të Kontigjencës për PPR. U krye hetimi epidemiologjik dhe u përcaktuan zonat e sigurisë, përkatësisht, që përfshijnë territorin e bashkive Bulqizë dhe Dibër.

Në fermën e prekur u realizua eliminimi dhe asgjësimi i të gjitha kafshëve të mbetura, si dhe dezinfektimi i plotë i ambienteve dhe pajisjeve. Ferma u vendos në karantinë të plotë, duke ndaluar çdo lëvizje të kafshëve dhe personave dhe duke zbatuar masa të rrepta të biosigurisë për të parandaluar përhapjen e mëtejshme të sëmundjes.

Paralelisht, Shërbimi Veterinar ka vijuar monitorimin intensiv të fermave në zonat përreth, duke forcuar kontrollet në terren dhe duke zhvilluar takime informuese me fermerët për rëndësinë e zbatimit të masave parandaluese. Janë njoftuar gjithashtu institucionet përkatëse vendore dhe është siguruar e gjithë logjistika e nevojshme për menaxhimin e situatës. Nga monitorimi i kryer në zonën e mbrojtur dhe atë të mbikëqyrjes, që prej datës 31.03.2026, nuk janë evidentuar raste të tjera të dyshuara apo shenja klinike që lidhen me këtë sëmundje.

Udhëzime për fermerët dhe mbarështuesit

AKVMB u bën thirrje të gjithë mbarështuesve të kafshëve të imta (dele dhe dhi) të zbatojnë me rigorozitet masat e biosigurisë dhe të kufizojnë lëvizjen e kafshëve brenda dhe jashtë fermave. Në çdo rast të shfaqjes së simptomave të dyshimta, si temperaturë e lartë, rrjedhje nazale, inflamacion i syve, ulje e oreksit, diarre apo ngordhje e papritur, duhet të njoftohet menjëherë Shërbimi Veterinar Rajonal përkatës ose të kontaktohet numri i gjelbër falas.

Sqarim për publikun

Murtaja e Ruminantëve të Vegjël (PPR) nuk është sëmundje zoonotike dhe nuk transmetohet tek njerëzit. Si e tillë, ajo nuk përbën asnjë rrezik për shëndetin publik. Autoriteti Kombëtar i Veterinarisë dhe Mbrojtjes së Bimëve, në bashkëpunim me institucionet përkatëse, do të vijojë ndjekjen e situatës me seriozitet të plotë dhe do të informojë publikun në mënyrë të vazhdueshme për çdo zhvillim.

The post Konfirmohet një fermë me murtajë në Bulqizë, asgjësohen 220 krerë dhi/ Autoriteti Kombëtar i Veterinarisë: Nuk ka rrezik për njerëzit appeared first on Albeu.com.

Ndaj 35-vjeçarit, Gjykata e Dibrës ka caktuar masën e sigurisë “Arrest me burg”, për veprat penale “Dhuna në familje”, dhe “Shkatërrim i pronës”.

Njoftimi i policisë

Specialistët për Hetimin e Krimeve në Komisariatin e Policisë Bulqizë, ekzekutuan urdhërin e Prokurorisë Dibër për ndalimin shtetasit A.G., 35 vjeç, banues në Bulqizë. Ky shtetas, më datë 3 janar 2026, në banesë, pas një konflikti për motive të dobëta, ka ushtruar dhunë fizike ndaj babait dhe vëllait të tij.

Ndaj 35-vjeçarit, Gjykata e Dibrës ka caktuar masën e sigurisë “Arrest me burg”, për veprat penale “Dhuna në familje”, dhe “Shkatërrim i pronës”. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

The post Dhunoi babain dhe vëllain pas një konflikti, arrestohet 35-vjeçari në Bulqizë appeared first on Albeu.com.

Bëhet me dije se sherri ka nisur në një lokal në Bulqizë, ku të rinjtë kanë dalë të sqarohen jashtë ambienteve të lokalit nga ku janë përplasur fizikisht.

Tre prej tyre kanë mbetur të plagosur me thikë, ndërsa më pas janë transportuar për në Spitalin e Traumës për ndihmë më të specializuar mjekësore.

Sipas informacioneve tre të rinjtë e plagosur janë Fluturim Tolle, 26 vjeç, Adhurim Koçi, 26 vjeç dhe Renaldo Dauti, 22 vjeç. I riu Tolle ndodhet në gjendje të rëndë për jetën.

Ende nuk dihen motivet e ngjarjes së rëndë, policia po heton rastin për sqarimin e mëtejshëm.

The post E rëndë në Bulqizë/ Plagosen tre të rinj, nisen me urgjencë për tek Trauma appeared first on Albeu.com.

Sipas Policisë, ngjarja ka ndodhur në orët e para të mëngjesit të djeshëm, ku shtetasi me iniciale A.XH, është paraqitur në karburant me një automjet tip “Benz” dhe, pasi e ka furnizuar me naftë, është larguar me shpejtësi pa kryer pagesën, duke vënë në rrezik edhe punonjësin e pikës së karburantit.

Nga verifikimet rezulton se 28-vjeçari është dënuar më parë në Itali për grabitje dhe është dëbuar për 10 vite nga ky shtet.

Në cilësinë e provës materiale janë sekuestruar automjeti, si dhe një kapuç në formë maske.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

The post Furnizoi makinën me naftë dhe u largua pa paguar, arrestohet 28-vjeçari në Bulqizë (VIDEO) appeared first on Albeu.com.

NJOFTIMI I POLICISE
Plagosi me mjet prerës (thikë) djalin e tij, falë reagimit dhe ndërhyrjes në kohë të shërbimeve të Komisariatit të Policisë Bulqizë, parandalohet përshkallëzimi i mëtejshëm i ngjarjes.

Arrestohet autori dhe sekuestrohet mjeti prerës (thikë). Rreth orës 23:00, të datës 29 janar 2026, në fshatin Ostren, dyshohet se pas një konflikti të çastit, për motive të dobëta, shtetasi B.N., 58 vjeç, brenda banesës, ka plagosur me mjet prerës (thikë) djalin e tij, shtetasin K.N., 29 vjeç.

Menjëherë pas marrjes së njoftimit, shërbimet e Komisariatit të Policisë Bulqizë kanë shkuar në vendngjarje, ku falë reagimit dhe ndërhyrjes së menjëhershme kanë parandaluar përshkallëzimin e mëtejshëm të konfliktit, si dhe kanë kapur dhe arrestuar autorin e dyshuar të ngjarjes, shtetasin B.N., 58 vjeç. Gjithashtu, është sekuestruar mjeti prerës (thikë) i përdorur nga autori.

29-vjeçari i dëmtuar ndodhet në spital, nën kujdesin e mjekëve, jashtë rrezikut për jetën.

Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

The post Krim në familje në Bulqizë/ Plagosi me thikë djalin e tij, arrestohet 58-vjeçari appeared first on Albeu.com.

I plagosuri është transportuar menjëherë në Spitalin e Bulqizës, ku ndodhet nën kujdesin e mjekëve.

Policia ka mbërritur në vendngjarje dhe po kryen veprimet hetimore për të zbardhur shkaqet e aksidentit.

Ngjarja ka ndodhur në kryqëzimin që lidh qytetin e vjetër të Bulqizës me Rrugën e Arbrit, një segment i njohur për rrezikshmëri të lartë, ku më parë janë regjistruar edhe aksidente të tjera, disa prej tyre me pasoja fatale.

The post Aksident në Bulqizë, makinat përplasen kokë më kokë, dy persona të lënduar appeared first on Albeu.com.

Siç shihet edhe nga pamjet, njëra nga makinat ka përfunduar jashtë rrugës.

Në vendngjarje ka shkuar menjëherë policia dhe ambulanca, të cilët kanë dhënë ndihmën e parë, ku dy të plagosurit janë dërguar drejt spitalit të Bulqizës për mjekim.

Sipas policisë dhe grupit hetimor, po punojnë për zbardhjen e shkaqeve të të aksidentit.

The post Aksident në Bulqizë/ Makinat përplasen “kokë më kokë”, dy persona dërgohen me urgjencë në spital appeared first on Albeu.com.

Ngjarja ka ndodhur ditën e djeshme, ndërsa i riu ka marrë ndihmën e parë në spitalin e Bulqizës dhe më pas është transportuar në Spitalin e Traumës në Tiranë, për trajtim më të specializuar.

Aksidentet në minierat e Bulqizës, vijojnë të jenë të shumta, shpeshherë edhe me pasoja fatale, ndërsa familjarët e minatorëve ankohen se askush nuk mban përgjegjësi dhe se deri më sot asnjë person nuk është dënuar për këto ngjarje

Njoftimi i Policisë:

Specialistët për Hetimin e Krimeve të Komisariatit të Policisë Bulqizë referuan materialet në Prokurori, në ngarkim të shtetasit B.L., 64 vjeç, banues në Burrel, me detyrë administrator i një fabrike të pasurimit të kromit në Bulqizë, pasi ditën e djeshme, gjatë punës në këtë subjekt, është aksidentuar duke dëmtuar krahun, shtetasi I.K., 27 vjeç. 27-vjeçari ndodhet në Spitalin e Traumës, jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

The post Aksident në minierën e Bulqizës, plagoset rëndë 27-vjeçari appeared first on Albeu.com.

Sipas informacionit paraprak të bërë publik nga autoritetet, rreth orës 11:30, shtetasi K.D., rreth 38-vjeç, është aksidentuar brenda ambjenteve të subjektit minerar ku ishte i punësuar, duke ndërruar jetë në vendngjarje.

Grupi hetimor ka mbërritur menjëherë në vendin e ngjarjes dhe, nën drejtimin e Prokurorisë, po punon për të zbardhur rrethanat dhe shkaqet e aksidentit fatal.

The post E rëndë në Bulqizë, minatori humb jetën në vendin e punës appeared first on Albeu.com.