Fqinjët e 41-vjeçares ke kanë cilësuar të renë si një grua shumë punëtore, dhe një familje të rregullt.

Fqinji i Bedrie Lokës, Ylber Xhulja tha se nuk ishte në dijeni të konflikteve mes çiftit, ndërsa sa i përket postimeve që bëheshin për të ndjerën në “TikTok”, u shpre se kishte dëgjuar për to, por nuk kishte parë gjë.

“Shumë familje të rregullt e njohim. E shoqja e tij ka qenë shumë e mirë, është sjell mirë, punëtore, të gjitha i ka pas. Fatkeqësi, më shumë nuk dimë gjë. Fëmijët i ka rritur me halle me probleme si të gjithë, ka pas punuar në fabrikë. Bashkëshorti ka qenë në emigrim më shumë, nuk e njoh shumë mirë,” u shpreh Ylber Xhulja.

E kishit parë çfarë kishte ndodhur në TikTok?

“Nuk e kam pas parë, e kisha dëgjuar. Këtu fjalët më të mira thonë për të. Fatkeqësi, jashtë mase na ka prek. Fëmijët ja njoh, të rregullt. Nuk kanë pasur ndonjëherë probleme. Nuk kanë pas konflikte, ai emigrant vinte rrinte si të gjithë, ikte. Shumë ngjarje e rëndë, duhet të gjendet pse ka ndodh”, tha ai.

The post “S’kishte konflikte me burrin”, Vetëvrasja e 41-vjeçares në Durrës, flet fqinji: Ishin familje e rregullt appeared first on Albeu.com.

Nga hetimet ka rezultuar se 41-vjeçarja u vetëhelmua me fostoksinë pas dhunës së vazhdueshme psikologjike të bashkëshortit të saj, Xhemal Loka.

Ky i fundit raportohet se pasi kthimit nga Greqia, ku ishte emigrant, e kishte kërcënuar për ta vrarë bashkëshorten me thikë, në prezencë të njërit prej fëmijëve.

Njoftimi i policisë:

Durrës/ Vihet në pranga bashkëshorti i 41-vjeçares që humbi jetën 4 ditë më parë, si pasojë e konsumimit të fotoksinës.

Nga hetimet e thelluara rezultoi se 45-vjeçari ka dhunuar psikologjikisht në mënyrë të vazhdueshme, bashkëshorten e tij.

45-vjeçari, kur ishte kthyer nga Greqia, e kishte kërcënuar për ta vrarë bashkëshorten, me mjet prerës thikë, në prezencë të njërit prej fëmijëve.

Gjatë kontrollit të ushtruar në territorin e banesës së 45-vjeçarit, Policia gjeti dhe sekuestroi 1 armë zjarri automatik tip “Sharrs”, një krehër dhe një sasi municioni luftarak.

Në vijim të veprimeve të thelluara hetimore të kryera në drejtimin e Prokurorisë së Juridiksionit të Përgjithshëm Durrës, për zbardhjen e shkakut të konsumimit të lëndës helmuese nga 41-vjeçarja B. L., e cila më pas humbi jetën, specialistët për Hetimin e Krimeve të Komisariatit të Policisë Durrës arrestuan shtetasin Xh. L., 45 vjeç, i cili përkohësisht jetonte në Greqi, për shkak të punës.

Nga veprimet hetimore rezultoi se shtetasi Xh. L., 45 vjeç, kishte dhunuar psikologjikisht në mënyrë të vazhdueshme bashkëshorten e tij, shtetasen B. L.

Gjithashtu, nga hetimet e thelluara rezultoi se më datë 27.12.2023, shtetasi Xh. L. e ka kërcënuar bashkëshorten me mjet prerës (thikë), për të vrarë, në prezencë të njërit prej fëmijëve. Për këtë rast, shtetasja B. L. nuk ka bërë kallëzim në Polici.

Gjatë kontrollit të ushtruar në territorin e banesës së 45-vjeçarit, Policia gjeti dhe sekuestroi 1 armë zjarri automatik tip “Sharrs”, një krehër dhe një sasi municioni luftarak.

Gjithashtu, specialistët për Hetimin e Krimeve kanë sekuestruar celularin e shtetasit XH. L., i cili e kishte fshehur atë, dhe nuk ka bashkëpunuar me Policinë.

Ky celular, bashkë me celularin e shtetases B. L., janë dërguar për ekspertimin me qëllim gjetjen e provave për dokumentimin e rrethanave dhe shkakut të ngjarjes.

Po në vijim të veprimeve të thelluara janë kryer një sërë veprimesh të tjera procedurale me qëllim dokumentimin e plotë të shkakut që detyroi shtetasen B. L., të konsumonte lëndë helmuese.

Në drejtimin e Prokurorisë vijojnë veprimet e thelluara me qëllim zbardhjen e plotë të shkakut që detyroi 41-vjeçaren të konsumonte lëndë helmuese, nga e cila për pasojë humbi jetën.

Gjithashtu, nga strukturat e specializuara për Hetimin e Krimeve Kibernetike po kryehen veprime hetimore intensive për të identifikuar dhe vënë përpara përgjegjësisë ligjore autorin/en e keqpërdorimit të të dhënave të shtetases B. L., në rrjetin social “Tik Tok”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

The post Detaje të reja nga vetëvrasja e 41-vjeçares, bashkëshorti e kërcënoi se do e vriste me thikë në sy të fëmijës appeared first on Albeu.com.

Burime bëjnë me dije se përos bashkëshortit, në pyetje janë marrë edhe fëmijët e të ndierës, të cilët kanë deklaruar se prindërit kishin konflikte me njëri-tjetrin.

Bashkëshorti i viktimës është shoqëruar për herë të dytë në policinë e Durrësit, pasi është shoqëruar njëherë edhe mbrëmjen e djeshme (5 janar), për të dhënë dëshminë tij në lidhje me ngjarjen.

Sakaq, ky i fundit mësohet se kishte fshehur edhe dy telefonat e tij në banesa të ndryshme, të cilët janë gjetur nga efektivët e policisë.

Dëshmia e bashkëshortit, Xhemal Loka

Xhemal Loka në dëshminë e dhënë për policinë është shprehur se gruaja e tij ka patur stres e ankth kohët e fundit. Sipas tij, bashkëshortja Bedrie Loka mund ta ketë kryer aktin e vetëvrasjes pasi rreth një vit më parë persona të paidentifikuar i kanë hapur një adresë në rrjetin social TikTok me emrin e saj, ngjarje për të cilën viktima kishte bërë edhe një kallëzim penal.

Xhemal Loka ka deklaruar se një natë para ngjarjes e shoqja ka qenë në rregull dhe s’ka patur shqetesime. Ai ka treguar se e kanë kaluar mbrëmjen në rregull duke festuar Vitin e Rim, por sipas tij prej kohësh gruaja kishte shfaqur shqetësime pasi nuk përballonte dot fotot denigruese ndaj saj të publikuara në TikTok.

Xhemail Loka ka dëshmuar se mëngjesin e 2 Janarit është çuar dhe ka parë bashkëshorten të shtrirë përtokë te dhoma e ndenjes, në mes të shtëpisë.

Me automjetin e vëllait të tij e kanë trasnportuar në Urgjencën e Spitalit Rajonal Durrës ku mjekët i kanë komunikuar se ajo kishte konsumuar fotosksinë. Më pas e kanë nisur ambulancë në drejtim të QSUT për mjekim më të specializuar ku është vendosur në reanimacion, por për shkak të gjendjes së saj të rënduar shendetsore ka ndërruar jetë.

The post “Prindërit kishin konflikte me njëri-tjetrin!” Merren në pyetje fëmijët e 41-vjeçares së vetëvrarë në Durrës appeared first on Albeu.com.

Pas ngjarjes së rëndë, blutë e Durrësit po hetojnë faktin nëse vetëvrasja e nënës së katër fëmijëve ka të bëjë apo jo me hapjen e një profili denigrues për të në rrjetin social Tik Tok ku përdoreshin fjalë dhe imazhe fyese.

Lidhur me ngjarjen e rëndë ka folur një e moshuar, e cila thotë se viktima Bedrie Loka ishte një grua e thjeshtë.

“Nuk e di, ka lënë fëmijët…7 vjet e kishte burrin në burg. Erdhi burri. Nuk ka bërë vitin që i ka ardhur. Ajo ka qenë burrë, nuk ka qenë grua, ka qenë jashtëzakonisht grua e thjeshtë.”

A ka pirë helm?

“Nuk e di! Burrin e ka pasur në Greqi. Burri ia la fëmijën në bark dhe ishte 7 vjet në burg, bashkë me vëllanë. “

Dëshmi të tjera jashtë kamerës flasin për një video që ishte kthyer në meme për viktimën, e cila dyshohet se është hedhur në rrjetet sociale nga një kushërirë e saj.

Deri në këtë moment nuk ka ndonjë njoftim nga policia e Durresit në lidhje me ngjarjen, ndërkohë që nga spitali kanë sqaruar se viktima nuk ka qenë paciente që ndiqej me mjekim per sëmundje që kanë lidhje me shëndetin mendor.

The post Vetëvrasja e 41-vjeçares që tronditi Durrësin, flet e moshuara: 41-vjeçarja grua e thjeshtë, burrin e kishte 7 vjet në burg appeared first on Albeu.com.

Burime nga grupi hetimor bëjnë me dije se përveç pistës së bullizimit në rrjetin social tik-tok, po hetohen edhe pista të tjera bazuar në indicie dhe dëshmi të deritanishme të marra nga policia e Durrësit. Policia ka marrë edhe dëshminë e vajzës të së ndjerës.

Albeu ka mësuar se grupi hetimor ka marrë dëshmitë e vëllezërve të së ndjerës të cilët kanë dhënë pista të tjera që nuk lidhen vetëm me denoncimin për bullizimin në rrjetet sociale të cilat e ndjera i kishte denoncuar 13 muaj më parë, por edhe me marrëdhëniet familjare.

Grupi hetimor ka këqyrur edhe telefonin e të ndjerës, por nga këqyrja paraprake deri tani nuk ka rezultuar ndonjë prove implikuese që të përfshijë personat me të cilët ka komunikuar sidomos para aktit ekstrem. Telefoni pritet t’i nënshtrohet një ekspertize më të thelluar dhe nga Policia po merren dëshmi të tjera të personave që mund të kenë dijeni direkte dhe indirekte lidhur me ngjarjen.

Njoftimi i policisë për ngjarjen;

Sqarim i Drejtorisë Vendore të Policisë Durrës

Në lidhje me një lajm të publikuar në media, për një shtetase që ka humbur jetën pasi dyshohet se ka konsumuar fotoksinë, për shkak të bullizmit, ju sqarojmë se:

Më datë 02.01.2024, në orën 16:30, jemi njoftuar nga shërbimet e spitalit se shtetasja B. L., 41 vjeçe, që dyshohej se kishte konsumuar lëndë helmuese fotoksinë, edhe pse kishte marrë ndihmë mjekësore, nuk kishte mundur të jetonte.

Drejtoria Vendore e Policisë Durrës ka kryer të gjitha veprimet me grup hetimor, në drejtimin e Prokurorisë, dhe materialet janë referuar në Prokurori.

Sqarojmë se në dhjetor të vitit 2022, shtetasja B. L. ka bërë kallëzim se në rrjetet sociale ishte hapur një adresë false me emrin e saj.

Për kallzimin e bërë ne dhjetor 2022, Policia ka kryer të gjitha veprimet dhe i ka referuar materialet në Prokurori dhe çështja është në hetim në Prokurori. Pas këtij kallëzimi nuk ka patur asnjë kallëzim apo shqetësim nga shtetasja B. L, për këtë rast.

Në drejtimin e Prokurorisë së Durrësit vijojnë hetimet për zbardhjen e plotë të rrethanave të këtij rasti.

Ndërkohë që vijojnë hetimet intensive për identifikimin dhe vënien përpara përgjegjësisë ligjore të shtetasve që kanë keqpërdorur të dhënat e shtetases B. L.

The post Pistë e re hetimi, jo vetëm bullizimi në TikTok, zbardhen detaje të reja nga vetëvrasja e 41-vjeçares appeared first on Albeu.com.