Policia bën të ditur se pasi u identifikuan dhe shoqëruan në Komisariat, ato janë pyetur në prani të punonjëses sociale, psikologut, avokatit dhe prindërve.

Në videon e publikuar, por që tashmë është fshirë, vajzat e detyrojnë të renë që t’i thotë fjalë ofenduese, madje dhe t’i kërkojë falje.

Në një moment vajza me emrin Marsi dëgjohet duke i thënë: “Guxo përmendma emrin tim, thuaj ka thënë Marsi kështu…unë do të rrj*p si pula. Do t’i heq këto leshtë e kokës, do të bëj tullace, do të qeth zero moj k*** femër. Unë të mbajta afër moj, të pranova si motrën time”.

Më pas vajzat marrin në telefon një djalë të quajtur Romeo, duke detyruar adoleshenten t’i thotë fjalë banale. Më pas, Marsi e qëllon me pëllëmbë dhe e hedh në ferra.

“Në lidhje me një video të postuar në rrjete sociale, në të cilën shfaqen disa shtetase të mitura duke dhunuar një bashkëmoshatare, bëjmë me dije se:

Menjëherë pas publikimit të videos, shërbimet e Komisariatit të Policisë Fier kanë nisur punën për identifikimin e shtetaseve që shfaqen në video dhe për verifikimin e rrethanave të rastit.

Janë identifikuar dhe shoqëruar në Komisariat, shtetaset që shfaqen në video, të cilat janë pyetur në prani të punonjëses sociale, psikologut, avokatit dhe prindërve.

Në vijim të veprimeve, u referuan materialet në Prokurori, ku nisi procedimi penal për 4 shtetase (3 të moshës 16 vjeç dhe 1 e moshës 17 vjeç), si edhe u shpall në kërkim një tjetër shtetase 16 vjeçe që shfaqet në video”, – njofton policia.

The post Bullizuan dhe dhunuan një të mitur, procedohen 4 vajzat në Fier, në kërkim një tjetër appeared first on Albeu.com.

Nëna e nxënësit tregon se fëmija i saj ka ankth sa herë ka italisht në shkollë dhe kjo vjen si rezultat i mësueses që e jep këtë lendë. Gjithçka sipas prindit ka filluar kur mësuesja Marsela Dina e ka dëgjuar njëherë denoncuesin ku i thoshte në oborr të shkollës djalit të saj të ndërronte bluzen.

“Këtë situatë ajo ia ka përmendur po atë dite në mësim djalit duke i thënë para klasës se nuk ke si mëson me atë mama që ke ti” shpjegon denoncuesja. Një ditë më vonë ajo pohon se mësuesja i ka grisur djalit të saj fletoren e detyrave po në mes të klasës. ” Këto situata kanë ndikuar tek djali dhe sa herë ai ka italisht nuk do të shkojë në shkollë duke gjetur në mengjes 1001 arsye” pohon prindi.

Por kjo nuk është e para ankesë për këtë mësuese. Fiksi zbulon se edhe prindër të tjerë e kanë ngritur si shqetësim mënyrën e sjelljes së mësueses Marsela Dina. Madje ata kanë bërë ankesë për të edhe në zyrën e Bashkëqeverisjes për dhunën psikologjike që kjo mësuese ushtron tek nxënësit. Në ankesa ata kanë rënditur edhe injorimin që mësuesja u ka bërë kur është mbledhur Këshilli i Etikës dhe Komisioni i Disiplinës duke injoruar dhe moszbatuar të drejtat dhe detyrimet e përcaktuar nga ligji për Arsimin Parauniversitar. Ankesa mbyllet me fjalinë “Dhuna psikologjike dhe presioni që mësuesja ushtron ndaj fëmijëve duhet të ketë ZERO tolerancë dhe shpresojmë shumë në reagimin tuaj”.

Gjithashtu prindërit kanë depozituar ankesë edhe në ZVA. Vetë shkolla ka marrë edhe masa ku një nga vendimet e Komisionit të Etikës dhe Disiplinës është ” paralajmërim për largim nga puna”.

Edhe në takimin që denoncuesja bëri me psikologen e shkollës , kjo e fundit pranon se mësusja është problematike. Djali i saj sipas psikologes së shkollës nuk është i vetmi nxënës që ka hasur dhunën psikologjike të mësueses. Madje ka nga ata fëmijë të cilët për shkak të saj janë larguar nga shkolla. Prindi ka takuar dhe mësuesen kujdestare për këtë problem, por kjo e fundit nuk pranon të merret me mësuesen e italishtes. Gjatë këtij takimi pjesë bëhet edhe mësuesja e italishtes Marsela Dina e cila mohon t’i ketë përmënd të ëmën nxënësit, por pranon që i ka grisur fletoren. Arsyen se pse ia ka grisur nuk pranon ta japi, duke ikur dhe lënë prindin pa përgjigje.

Pas kësaj gazetarët e Fiksit u drejtuan vetë për në shkollën 9 vjeçare “Osman Mydezini” ku fillimisht takojnë psikologen e shkollës. Ajo u shpjegon se mësuesja ka shfaqur gjithmonë probleme me fëmijët dhe jo vetëm. Psikologia shpjegon se mësuesja nuk ka gjetur mënyrën e bashkëpunimit as me kolegët e saj. Madje ajo vetë e ka referuar disa herë dhe Komisioni i Etikës dhe Disiplinës kanë marrë dhe masa. Plus po nga ana e shkollës është vënë në dijeni për rastin edhe ZVA-ja si dhe Ministria e Arsimit, por edhe pse është thirrur dhe këshilluar, vazhdojnë të njëjtat probleme shprehet psikologia për Fiksin.

Fiksi kërkon të takojë edhe mësuesen e italishtes Marsela Dina ku e presin për më shumë se 4 orë, pasi mësuesja kishte me vete fëmijën e saj. Ajo u kërkon gazetarëve që intervistën ta zhvillonin në shtëpinë e saj pasi aty kishte edhe të dosjet me vendimet që ishin marrë. Pasi sipas mësueses Dina ajo ka një vendim që është e diskriminuar nga kolegët dhe drejtoresha, vendim i marrë nga Komisioni Diskriminimit.

Mësuesja Marsela Dina shprehet se mësimin e ka zhvilluar brenda rregullave dhe se fëmijës nuk i ka grisur gjithë fletoren, por vetëm faqet ku nxënësi ka shkruar për lëndët e tjera tek fletorja e italishtes. Mësuesja mohon të ketë probleme me nxënësit, por nuk mohon që ka probleme më kolegët. Kjo sipas saj ka nisur para 4 vitesh kur ka kërkuar të japë mësim vetëm 4 orët e para, pasi i vjen në ndihmë fëmijës së saj më aftësi të kufizuara. ” Për kolegët çështja e orarit nuk është parë me sy të mirë dhe nxjerrin këto arsye, por me fëmijët nuk kam pasur probleme” shprehet mësuesja Dina.

Fiksi pa edhe vendimin e Komisionit të Diskriminimit , ku thuhet se nuk ka diskriminim për këtë mësuese dhe i rekomandon shkollës disa masa me qëllim parandalimin e çdo sjelljeje që e nxit atë. Në pikën 1 dhe 4 të këtij vendimi rrëzohen poshtë pretendimet e mësueses për diskriminim.

The post Prindi denoncon mësuesen në Tiranë: Më bullizon djalin, ka ankth dhe nuk do të shkojë në shkollë appeared first on Albeu.com.

Gjebrea kujton se si fëmijët e tallnin duke përdorur epitete të pahijshme, por karma ka bërë punën e saj sepse sot ia ka arritur t’ia dalë mbanë.

“Edhe unë kur isha i vogël, në klasë të tretë vura syze. Për ju sot është normale, por në atë kohë ata që ishin me syze bullizoheshin ashtu siç ty të kanë bullizuar me ato fjalë, edhe mua më kanë bullizuar duke më thënë “qorr” dhe nuk e kam kaluar shumë mirë, por sot edhe pse xhamat e syzeve i kam 0 prapë i mbaj sepse nuk e kam atë kompleks dhe në fund të ditës jo vetëm që ia dola, por ja ku jam, ndërkohë që ata që më kanë bullizuar, nuk e di se ku janë”

The post “Më thonin qorr”/ Ardit Gjebrea ndan historinë e tij: Më kanë bullizuar në shkollë appeared first on Albeu.com.

‘BBC‘ raporton se në dhjetor 2021, Natacha Rey dhe Amandine Roy publikuan në internet se Brigitte nuk kishte ekzistuar kurrë dhe se vëllai i saj Jean-Michel Trogneux kishte ndryshuar gjininë dhe kishte filluar ta përdorte atë emër. Të pandehurat u urdhëruan të paguanin 8,000 euro (6,750 £; 8,859 dollarë) si dëmshpërblim për zonjën Macron dhe 5,000 euro për vëllain e saj.

Macron kishte paraqitur një ankesë kundër grave pasi pretendimi i tyre u bë viral, duke ndezur teori konspirative mes të djathtës ekstreme. Dyshja – Roy një fallxhore në internet, Rey një gazetare e pavarur- diskutuan gjerësisht në një video në YouTube thashethemet se Brigitte Macron i ishte nënshtruar ndryshimit të gjinisë.

Ata folën për katër orë në kanalin e Roy në YouTube. Pretendimi u bë viral përpara zgjedhjeve presidenciale të Francës 2022. Ajo u përhap nga llogari që kundërshtonin bashkëshortin e Macron, Presidentin Emmanuel Macron, duke përfshirë ato të ekstremit të djathtë politik, grupet kundër vaksinave dhe ndjekësit e lëvizjes konspirative QAnon.

Avokatët e Macron vepruan shpejt dhe gratë u paditën për shpifje një muaj pasi video u postua në internet.

“Paragjykimi është masiv, ai shpërtheu kudo,” tha në atë kohë avokati i Macron, Jean Ennochi.

“Kjo nuk është një fitore, është një zbatim normal i ligjit,” i tha ai agjencisë së lajmeve AFP.

Kjo nuk ishte hera e parë që Macron vihej në shënjestër që kur burri i saj hyri në detyrë në vitin 2017. Por bullizmi në internet kishte të bënte kryesisht me diferencën e çiftit në moshë afërsisht 25-vjeçare.

The post “Ka ndryshuar gjini”/ Bullizuan online Brigitte Macron, dënohen dy gra franceze appeared first on Albeu.com.

Mësohet se kushërira e të ndjerës, ka shpërndarë foto të viktimës në rrjetin social Tik Tok.

Bashkëshorti dhe djali jetojnë Itali dhe natën e vitit të ri, gruaja i ka kërkuar që të jenë të gjithë në shtëpinë e tyre.

Djali është rrëfyer para kamerave, se e ëma kishte pranuar gjëndjen e saj të rënduar emocionale dhe e kishte paralajmëruar se do të vriste veten.

The post U bullizua në Tik Tok, detaje nga ngjarja e rëndë në Durrës, flasin familjarët: Fotot ia shpërndau kushërira appeared first on Albeu.com.

I menjëherëshëm ka qenë edhe reagimi publik pas ngjarjes së rëndë. Moderatorja Arbana Omani i ka bërë thirrje publike Edi Ramës që të mbyllë platformën e Tik Tok.

Përdoruesit e internetit, Osmani i konsideron “vrasës” të kohëve moderne.

“Tmerr, vrasësit e kohëve moderne kanë “armë”, tastierat, por janë gjithmonë vrasës. Mbylleni këtë dreë Tik Toku. Tani!”, shkruan Osmani krahas lajmit duket etiketuar kreun e qeverisë, Edi Rama.

Burime nga policia e Durrësit, thanë se 41-vjeҫarja kishte denoncuar rreth një vit më parë në polici, se persona teë paidentifikuar i kishin hapur adresë fallco me identitetin e saj dhe e përdornin për ta bullizuar.

Sipas policisë, ajo ishte shumë e shqetësuar për këtë situatë në të cilën ndodhej.

Ende nuk dihet nëse shkak për të ndërmarrë aktin ekstrem,ka të bëjë me ҫështjen e Tik Tokut, apo ka pasur probleme të tjera.

Ndërkohë, policia ka nisur hetimet.

Mësohet se në datën 2 janar, Bedrie Loka nënë e tre fëmijëve i dha fund jetës duke pirë fostoksinë.

41-vjeҫarja nga Vadardha Sukth, ishte punonjëse në një kompani fasonerie në zonën e Fllakës.

Dyshohet se kanë qenë koleget e saja që kanë hapur adresën në rrjetet sociale, për ta denigruar.

Ndaj policia po merr në pyetje të gjithë personelin, me qëllim për të zbuluar personin apo personat që kanë hapur adresën fallco.

Nderkohë, policia bën me dije se materialet në lidhje me veprën e dyshuar penale “shkaktim vetëvrasjeje” do t’i kalojnë Prokurorisë për hetime të mëtejshme./albeu.com

The post “Vrasësit e kohës moderne”, Arbana Osmani i bën thirrje publike Edi Ramës appeared first on Albeu.com.

Aktorja e cila luan në filimin e ri “Till Death” tha se djali i saj i madh, të cilin e ka me ish-partnerin Brian Austin Green, është dëmtuar psikologjikisht nga njerëz të këqinj dhe dashakeqës.

“Ai dëgjon komente bullizuese dhe në shkollë, ku i thonë se djemtë nuk veshin fustane”, tha Fox.

Aktorja 36-vjeçare ka folur dhe më herët për shijet e djalit të saj sa i takon të veshurës dhe ajo e mbështet.

“Ndonjëherë, kur vishet vetë, parapëlqen fustane. Ai shkon në një shkollë të mirë, liberale dhe përsëri aty bullizohet”, tha ajo./albeu.com

The post Megan Fox: Po më bullizojnë djalin për mënyrën si vishet appeared first on Albeu.com.