Në oborrin e një shkolle 9-vjeçare në Shkodër, një vajzë 11-vjeçare qëndron mënjanë, me sytë përdhe.

Ajo ka filluar ta ketë frikë shkollën, jo librat, por fjalët. Fjalët që i vrasin përditë vetëbesimin.

Babai i saj, i njohur për dhunë ndaj nënës, e përndjek edhe pas ndarjes. Në çdo dalje nga shkolla, ai e pret, e ofendon dhe e poshtëron para shokëve të klasës.

Fëmijët imitojnë gjuhën e tij, ia vënë epitetet dhe fjalët fyese që përdor ai, e përjashtojnë nga loja. Vajza, dikur nxënëse e shkëlqyer, sot rri e heshtur dhe ka përmendur disa herë vetëvrasjen.

Në një tjetër lagje të qytetit, një djalë 13-vjeçar përballet çdo ditë me talljet e bashkëmoshatarëve për shkak të babait me probleme mendore.

“E quajnë me emrin e të atit, e ngacmojnë, e kanë qëlluar edhe fizikisht”, tregon një punonjëse sociale. “Ai ka braktisur shkollën për të ndihmuar nënën që mban e vetme katër fëmijët”, shpjegoi ajo.

Ndërsa në një shkollë private, një vajzë 12-vjeçare nga komuniteti rom, e regjistruar me sakrifica nga gjyshja, u përjashtua nga grupi për shkak të paragjykimeve, pasi u përfol se “kishte parazitë në flokë”.

E përbuzur dhe e përjashtuar, ajo nisi të reagonte vetë si bullizuese, duke u përpjekur të mbrohej përmes agresivitetit.

“Gjyshja e justifikonte, sepse vajza kishte thënë disa herë se do hidhej nga kati i tretë i shkollës”, rrëfen një prind që i dërgon fëmijët në të njejtën shkollë.

Historitë e trishta të këtyre fëmijë nuk jane raste të izoluara. Sipas psikologëve dhe punonjësve social në qytetin verior, një në pesë fëmijë në Shkodër përballen me bullizëm në mjediset e shkollës.

“Bullizmi nuk është më rastësor; është fenomen që përsëritet dhe ndryshon formë”, shprehet psikologja Suela Domnori, e cila punon pranë Drejtorisë Vendore të Arsimit Shkodër.

“Sot nuk është vetëm përqeshje, por përjashtim social, imitim i modeleve të rreme dhe presion i heshtur”, shtoi ajo.

Megjithatë, një përgjigje zyrtare për BIRN , Drejtoria Vendore e Policisë Shkodër, deklaroi se gjatë viteve të fundit “nuk janë evidentuar raste të bullizmit të raportuara”.

Epidemia e buzllizmit online

Bullizmi në shkollë është sjellja e qëllimshme dhe e përsëritur e një nxënësi apo grupi nxënësish për të lënduar, poshtëruar ose përjashtuar një bashkëmoshatar fizikisht, verbalish apo emocionalisht.

Shpesh herë bullizmi shprehet përmes ofendimeve, talljeve, përhapjes së thashethemeve, publikimit të fotove apo videove poshtëruese, si dhe përjashtimit qëllimshëm nga grupet online.

Bullzimi online në shumë raste ka pasoja më të rënda, pasi përhapet shpejt, arrin një audiencë të gjerë dhe mund të ndodhë në çdo kohë, edhe jashtë mjedisit shkollor.

“Sot fëmijët thonë: ‘më mirë të më dhunojnë sesa të bëhem meme’”, tha psikologja Suela Domnori.

“Frika më e madhe është poshtërimi publik online, sepse në internet turpi nuk fshihet dhe qarkullon pa kufij”, shtoi ajo.

Edhe psikologu Altin Nika, që punon çdo ditë me nxënës të cikleve 9-vjeçare dhe të mesme, thotë se bullizmi është bërë pjesë e përditshmërisë, sidomos në rrjetet sociale.

“Forma më e përhapur është ajo që ndodh në rrjet, ku një koment ose një foto mund të shkatërrojë reputacionin e një adoleshenti dhe ky denigrim nuk mbetet brenda shkollës por ka audiencë të 100-fishuar”, tha ai.

Sipas Nikës, shkollat janë shndërruar në hapësira të konkurrencës shoqërore, jo të dijes.

“Fëmijët nuk maten më për dije, por për status”, shpjegoi ai, ndërsa shtoi se të rinjtë janë në garë se kush ka telefonin më të shtrenjtë, kush vishet më mirë, kush ka më shumë ndjekës në Instagram, ndërsa theksoi se kjo garë e heshtur ushqen bullizmin dhe krijon hierarki të rreme që dëmtojnë karakterin në formim.

Nika paralajmëron për pasojat afatgjata të këtij realiteti.

“Bullizmi ndikon në personalitetin e fëmijës, sepse në ato vite formohet karakteri”, tha ai, ndërsa shtoi se si pasojë shkakton “izolim, tërheqje dhe ndjesi inferioriteti”.

“Studimet tregojnë se shumë nga personat me prirje kriminale ose sjellje agresive kanë përjetuar shtypje apo trauma në fëmijëri , qoftë në familje, qoftë në shkollë”, theksoi Nika.

Siguria në shkolla

Megjithëse deklaroi se nuk ka pasur raste të raportuar të bullizmit, Policia e Shkodrës i tha BIRN se punonjësit e policimit në komunitet janë çdo ditë në shkolla dhe në mjediset përreth tyre, duke bashkëpunuar me drejtorët, mësuesit dhe prindërit për parandalimin e dhunës.

Në kuadër të programit “Siguria e të rinjve”, në bashkëpunim me Ministrinë e Arsimit dhe Sportit, oficerët zhvillojnë orë ndërgjegjësuese për nxënësit mbi dhunën në shkolla dhe trafikimin e të miturve, bullizmin dhe format e tij kibernetike, ekstremizmin e dhunshëm dhe radikalizmin.

“Qëllimi i këtij programi është ndërgjegjësimi i të rinjve për rreziqet potenciale që mund të hasin dhe aftësimi i tyre për të marrë vendime të sigurta për të ardhmen”, thuhet në një komunikim zyrtar.

“Bashkëpunimi midis shkollave, policisë dhe komunitetit është mënyra më efektive për të parandaluar bullizmin dhe dhunën në mjediset arsimore”, shtoi policia.

Pjesë e këtij bashkëpunimi janë edhe oficerët e sigurisë në shkolla , të cilët luajnë një rol kyç në raportimin e hershëm të rasteve të dhunës dhe konfliktit mes nxënësve.

Ata shërbejnë si urë lidhëse mes nxënësve, mësuesve dhe institucioneve të rendit, duke mbajtur kontakte të përditshme me psikologët dhe drejtuesit e shkollave.

Aktualisht, në qarkun e Shkodrës janë të angazhuar 32 oficerë sigurie që monitorojnë rregullisht ambientet e shkollave 9-vjeçare dhe të mesme, parandalojnë konfliktet dhe raportojnë çdo situatë të dyshimtë te strukturat përkatëse të Policisë së Shtetit.

Sipas psikologes Suela Domnori, bashkëpunimi i oficerëve të sigurisë me strukturat arsimore ka qenë thelbësor në menaxhimin e situatave të tensionuara dhe në identifikimin e hershëm të rasteve të bullizmit.

Ajo fajson mungesën e psikologëve të përhershëm në çdo shkollë është një nga arsyet pse shumë raste nuk trajtohen në kohë.

“Në disa shkolla një psikolog mbulon disa institucione,” tha Domnori. “Ndërhyrja bëhet shpesh kur dëmi është bërë”, shpjegoi ajo.

Sipas ekspertëve fëmijët mësojnë nga mënyra si të rriturit komunikojnë, si falin, si reagojnë ndaj padrejtësisë.

Kur në familje ka dhunë, ajo bartet në klasë. Kur në shkollë mungon dialogu, ajo shpërthen në rrjete sociale.

Avokatja Edlira Bylo, e specializuar në çështjet sociale, shton se bullizmi shpesh lidhet me mjedise të pasigurta familjare.

“Shkolla është pasqyra ku reflektohen problemet që fillojnë në shtëpi”, tha ajo.

“Fëmijët që përjetojnë dhunë, varfëri apo mungesë vëmendjeje, e shfaqin më pas atë në mënyrën si sillen me të tjerët”, shtoi Bylo.

Sipas Bylos, mungesa e ndërhyrjes së hershme dhe nganjëherë hezitimi i prindërve për të folur lejon që fenomeni të zgjerohet.

“Bullizmi nuk zhduket me ndëshkim, por me njohje dhe edukim”.

Psikologët theksojnë gjithashtu se; natyra e bullistit dhe e viktimës shpesh lidhet me faktorë të brendshëm emocionalë.

Bullisti është zakonisht produkt i dhunës, mungesës së dashurisë ose vëmendjes në familje, ndërsa viktima priret të mbyllet në vetvete, të zhvillojë pasiguri dhe frikë nga ndërveprimi social.

“Bullisti kërkon kontroll për të kompensuar mungesën e sigurisë personale, ndërsa viktima kërkon arratisje”, shpjegon avokatja Bylo, ndërsa thekson se bullizmi nuk është problem i vetëm një institucioni, por është pasojë e mungesës së lidhjes mes familjes, shkollës dhe shoqërisë.

Psikologu Altin Nika është i njëmendje, ndërsa thekson se zgjidhja qëndron te kontrolli i shëndetshëm dhe komunikimi i vazhdueshëm:

“Nga përvoja, kur ndodhin ngjarje të rënda, janë prindërit ata që marrin vesh të fundit, në pika shpesh të pakthyeshme”, tha ai.

“Duhet të pyeten fëmijët, çdo ditë”, shtoi Nika, ndërsa theksoi se; “ata duhet të ndihen të dëgjuar”.

The post BIRN: Një në pesë fëmijë në Shkodër ka përjetuar bullizëm appeared first on Albeu.com.

45-vjeçarja Jennifer Lynn Rossi do të hakmerrej ndak shokut të klasës së djalIt të saj, pasi ai ikishte vjedhur një pije dhe dyshonte se e ngacmonte. Atë mbrëmje kur djali i Rossit i tregoi asaj historinë, hetuesit thanë se Rossi i tha djalit të saj se “kishte një ide” kundër shokut të klasës.

Hetuesit thanë së të nesërmen Rossi i dha djalit të saj një pije tjetër dhe djali i saj e çoi në shkollë, duke ia dhënë viktimës 11-vjeçare gjatë orës së edukimit fizik. Fëmija tha se pija kishte shije aq të keqe sa u përpoq ta pështynte.

Pas konsumimit të pijes, nxënësi kishte dhimbje koke dhe u dërgua me urgjencë në spital. Zyrtarët e shkollës thanë se telefonuan menjëherë Zyrën e Sherifit të Qarkut Bexar për të raportuar incidentin Sipas një raporti të BCSO, Rossi u tha zyrtarëve të shkollës se ajo e kishte spërkatur pijen me një përzierje limoni, kripe dhe uthull, duke pretenduar se ajo ishte infermiere dhe kjo përzierje nuk ishte e dëmshme.

The post Në burg nëna që tentoi të helmonte “bullizuesin” e djalit të saj appeared first on Albeu.com.

Shokët e saj të klasës kishin krijuar një foto të turpshme në internet dhe kishin përdorur fytyrën e saj.

Ndaj prindërve të djemve është ngritur një rast.

Fotoja e redaktuar fillimisht u postua në një grup të mbyllur prej katër personash në Instagram dhe më pas u ngarkua në një grup tjetër të mbyllur prej 20 personash në të njëjtën platformë.

E mitura ka denoncuar si autorë dy shokët e saj të klasës.

Për çështjen është njoftuar Prokurori për të Mitur në Kalkidë, i cili ka urdhëruar ngritjen e dosjes ndaj prindërve të djemve për moskujdesje ndaj një të mituri.

Autorët nuk u arrestuan për shkak të moshës.

The post Krijojnë foto intime të saj me Inteligjencën Artificiale dhe ia shpërndajnë në internet, studentja denoncon dy shokët e klasës appeared first on Albeu.com.

Kuzhinieri shqiptar mori këtë vendim, pavarësisht se Antonelakis e ngacmoi, siç tha ai, për një pjatë me spageti.

Konkurrenti me origjinë nga Shqipëria ka zbuluar bullizmin që ka përjetuar në adoleshencë dhe që ende e shqetëson.

“Këto gjëra më shqetësojnë dhe më ngacmojnë psikologjikisht… si fëmijë, në shkollë të mesme, në fillore, më kanë ngacmuar shumë në jetë… Dhe tani kam filluar të dridhem. Nuk është bukur… Më kanë bërë shumë ngacmime në jetë… Më shanin vazhdimisht për origjinen time. E kam jetuar në lëkurë”, vijoi Stefanos Hillas.

Së fundmi, lojtari që u rikthye në MasterChef theksoi se: “14 dhe 13 vjeç çfarë duhet të bëja? A duhet të shkoja dhe t’u thoja prindërve se më ngacnomin dhe më shanin për origjinën? Ata punonin nga mëngjesi në mbrëmje për të më ushqyer. Nuk mund ta bëja. I kam mbajtur të gjitha për vete.”/Albeu.com.

The post MasterChef në Greqi, shqiptari mes konkurrentëve: Më kanë ngacmuar shumë, më kanë sharë për origjinën time appeared first on Albeu.com.

Gjoni tregoi një prej eksperiencave të pakëndshme që ka pasur kur ishte akoma i vogël pas pjesëmarrjes në “Albania’s Got Talent”. Ai tha se kishte njerëz që e ofendonin në Facebook. Gjoni tregon se llogarinë e tij e menaxhonte e ëma dhe se atë nuk e linte që ta prekte celularin, por që rastësisht kishte parë një ditë ofendimet dhe ishte prekur.

“Gjithmonë them çfarë pritje ke ti, se kur është lojë është lojë, por prindërit thonë do ta bëj star fëmijën por nuk punon, nuk bën, se industria është ndryshe. Jo mos e ço fëmijën aty se nuk e paske kuptuar se është lojë, se është me bo karrierë, jo, por kur e kupton lojën po. Po shoh akoma më shumë fëmijë që kanë probleme me rrjete sociale, njerëzit i shajnë. Me e kuptu që fëmijë një gjë aq të keqe që të vjen në fytyrë, është shumë e komplikuar. Mbaj mend kur bëra ‘Albania’s Got Talent’ kam pasur njerëz që më shanin çdo ditë në Facebook. Mami e ka pas një Facebook edhe më thoshte mos e prek kurrë, se është puna ime se na shkuan ndonjë producent. Mbaj mend që e kam hap një herë , kishte aq shumë njerëz që më kishin shajt, që nuk e kuptova me të vërtetë pse, se unë nuk kam bërë asgjë të keqe, nuk kam shajt njeri, por do të ketë gjithmonë njerëz kështu, prandaj duhet të jesh i përgatitur. Të jesh në emision në televizion sot është e komplikuar. Nuk është një lojë për një fëmijë, është shumë serioze,”- tha Gjoni.

The post “Shumë njerëz më kanë sharë”, Gjon’s Tears tregon si u përball që në vegjëli me ofendimet e bullizmin appeared first on Albeu.com.

Erjona Rusi, para disa momentesh ka reaguar duke kërkuar falje publike.

“Liana është çokollata, karamelja, apo edhe puftja që e kam dashur që sa e pashë.

Batutë e gabuar ajo që patë në emision? Patjetër që po. Por kurrësesi bullizëm. Nuk do guxoja kurrë të denigroja një fëmijë për asnjë arsye e jo më për shkak të peshës dhe nuk e kam bërë këtë. Nëse nuk e keni përjetuar vetë, hapni fjalorin e shiheni mirë përkufizimin e bullizmit.
E dyta nëse do kishit parë gjithë bisedën e zhvilluar me atë fëmijë që kur vjen do kuptonit që ajo fjali vjen pasi folëm për “sufllaqen” që Lijana kërkoi. Dhe unë nuk jam as idiote e as monstër që ti them një fëmije rri pa ngrënë gjithë ditën vetëm që të kërcesh. Por a do hiqte dorë nga sufllaqja, pra ushqimi që ishte përmendur. Por ne kemi xhiruar mbi 5 orë e jo çdo gjë del në transmetim.
Ndaj po, kam gabuar në mënyrën e të shprehurit, por nuk do ti kërkoja askujt falje përveçse Lijanës e prindërve të saj. Këta të fundit duan vetëm që fëmija i tyre të heqë dorë nga këto ushqime ndaj e kanë sjellë në Akademi që të bëhet më e ndërgjegjshme dhe të stërvitet.
Kështuqë si konkluzion: Duke u bazuar tek një fjali ju mund të bëni një fushatë të tërë denigruese dhe të mallkoni sa të mundeni pa marrë parasysh asgjë tjetër.
Gjithësesi unë sa herë ta shoh “karamelen”, do vazhdoj ta përqafoj e do ti them të heqë dorë nga sufllaqet e picat se i bëjnë dëm.

Për mua Lijana është një fëmijë special dhe e kam dashur që në sekondat e para të atij programi (për kë e ka ndjekur që në fillim) ndërsa ju po e ripostoni atë video duke e viktimizuar pafund Lijanën.
Kush po bën bullizëm në fakt????”,- ka shkruar ajo në rrjetin social Instagram, duke e shoqëruar me foton kryesore.

The post “Nuk jam monstër”, Erjona Rusi kërkon falje publike pas videos virale me vogëlushen e “T’ka mami yll” appeared first on Albeu.com.

“Për fat të keq, po! Kam kujtime jo të mira, sidomos nga 9 vjeçarja & në mënyrë të veçantë nga mësuesja e kimisë, e cila fëmijët veriorë (ku bëja pjesë dhe unë) i ofendonte dhe i trajtonte me një përbuzje çnjerëzore.

Madje mend, kur mamaja ime erdhi që të ballafaqohej me të për qëndrimin që kishte ndaj meje…përgjigjëen e saj (pasi e kuptoi që ime më nuk ishte veriore) e kam të skalitur në kujtesë që shprehimisht i tha: ‘Po ti duhej të më thoje, që është gjysmë MALOKE (jo malësore) vajza, se e zgjidhim ndryshe’.”

Ponari gjithashtu dha dhe një mesazh të rëndësishëm.

“Megjithatë injoranca dhe përbuzja, jo e saj por e askujt, nuk më pa penguar kurrë që të luftoj drejt së ardhmes time dhe të njëjtën gjë duhet të bëjë dhe vajza jote.”, shprehet ajo në Instagram./albeu.com

The post Fjoralba Ponari: Më kanë bullizuar në shkollë se isha nga veriu appeared first on Albeu.com.