Si pasojë, shumë komunitete janë shpallur në gjendje të jashtëzakonshme.
Sipas ministrit të Brendshëm Daniel Mitov, tre persona kanë humbur jetën në vendpushimin Elenite në bregun e Detit të Zi. Dy nga viktimat ishin një roje kufitare dhe një shofer traktori, ndërsa viktima e tretë humbi jetën në një hotel, pasi uji u ngrit me shpejtësi.

Pamjet e publikuara në rrjetet sociale tregojnë rrëke balte që rrëmbejnë makina në rrugët kryesore të fshatit Elenite. Përmbytjet kanë shkaktuar dëme të konsiderueshme në infrastrukturë, përfshirë ndërtesa dhe rrugë të dëmtuara.
“Shohim shumë automjete të përmbytura në det. Është dërguar një dron për të verifikuar nëse ka pasagjerë brenda tyre”, deklaroi zëvendësministri i Brendshëm Tony Todorov në një konferencë për shtyp të mbajtur në Sofje.
Ndërkohë, ambientalistët kanë ngritur prej vitesh shqetësime për ndërtimet pa kriter në bregdetin e Detit të Zi, të cilat, sipas tyre, e përkeqësojnë ndikimin e fatkeqësive natyrore si përmbytjet dhe stuhitë.

The post VIDEO/ Stuhi të fuqishme godasin Bullgarinë, shpallet gjendja e jashtëzakonshme, tre persona humbin jetën appeared first on Albeu.com.

Mijëra protestues të partisë ultra-nacionaliste “Ringjallja” në Bullgari dhunuan dhe tentuan të hynin në ndërtesat e Komisionit Evropian dhe Parlamentit Evropian.

Menjëherë autoritetet, policia janë vendosur në vendngjarje, ndërsa raportohet se të paktën 10 policë janë lënduar dhe 6 persona janë arrestuar.

Protestuesit lyen me bojë të kuqe fasadën e ndërtesave dhe tentuan t’i vënë flakën hyrjes. Më tej konflikti u përshkallëzua kur pati një provokim nga protestuesit, të cilët filluan të hedhin fishekzjarrë, vezë dhe balona të mbushura me bojë të kuqe.

Zëvendës shefi i departamentit rajonal të MPB-së, Stefan Ivanov, në një konferencë për media tha se protesta para ndërtesës së Komisionit Evropian dhe Parlamentit Evropian nuk është autorizuar, duke shtuar se forcat policore kanë marrë masa për mbrojtjen e objekteve.

Ndërkohë kundër dhunës është shprehur edhe presidentja e Komisionit Europian, Ursula von der Leyen.

“Skena të furishme në Sofje, ku u vandalizua zyra e BE-së. Në Evropë, ne ushtrojmë të drejtën për të demonstruar në mënyrë paqësore. “Dhuna dhe vandalizmi nuk janë kurrë zgjidhje”, ka shkruar ajo.

🚨🇧🇬ANTI-EU PROTESTERS SET FIRE TO EU COMMISSION BUILDING IN SOFIA, BULGARIA

Members of the right-wing Vazrazhdane party escalated protests in Sofia, setting fire to the door of the European Commission’s representation building.

Demonstrators also threw red paint, firecrackers,… pic.twitter.com/YF7HoaeVOC

— Mario Nawfal (@MarioNawfal) February 22, 2025

The post VIDEO/ Protestat në Bullgari, 6 të arrestuar dhe 10 policë të lënduar appeared first on Albeu.com.

Sipas faqes EMSC, epiqendra e lëkundjes së tokës ishin në juglindje të vendit, qyteti i Plodivit.

Aktualisht nuk raportohen të lënduar, teksa lëkundja e parë është pasuar dhe nga disa paslëkundje.

The post Tërmet i fortë në Bullgari, sa ishte magnituda appeared first on Albeu.com.

Si pasojë e përplasjes 11 persona kanë mbetur të plagosur dhe janë dërguar në spital. Mediat lokale raportuan se gjashtë persona të tjerë pësuan lëndime më pak të rënda që nuk kërkonin trajtim spitalor.

Rreth 160 pasagjerë ishin në bordin e anijes që udhëtonte nga Bavaria, Gjermani për në qytetin austriak të Linz, tha një zëdhënës i policisë në qytetin e afërt të Efferding.

Incidenti ndodhi gjatë natës në qytetin verior austriak të Aschach an der Donau, tha policia lokale të shtunën në mëngjes.

Anija ishte në gjendje të vazhdonte rrugën e saj pas aksidentit, tha zëdhënësi.

Nuk dihet menjëherë se sa të rënda ishin lëndimet, shtoi zëdhënësi. Shkaqet e aksidentit janë duke u hetuar.

The post Anija bullgare përplaset me murin në një port të Danubit, 17 të lënduar appeared first on Albeu.com.

Prokurori i qarkut, Georgi Chinev, tregoi se droga ishte fshehur në kontejnerët me banane, që po transportoheshin me anijen e mallrave, Madison 2, që kishte bërë një ndalesë në Maltë.

Ai tha se vlera e drogës së konfiskuar është 6.2 milionë euro.

Gazetarët amerikanë mbahen “peng” në Rusi, 32-vjeçarit i shtyhet paraburgimi edhe me 3 muaj të tjerë Reagon SHBA
Drejtoresha e agjencisë së doganave, Petya Bankova, tha se ky është konfiskimi më i madh që ka ndodhur në portin e Burgasit.

Ai tha se droga ishte fshehur në 150 paketime që ishin vendosur prapa një muri të ndërtuar në njërin prej kontejnerëve me banane.

Anija u largua nga porti pasi shkarkoi mallrat, tha Bankova.

Autoritetet bullgare kanë nisur një hetim për pranuesit e dyshuar të kokainës, të cilët mund të përballen deri me 20 vjet burgim nëse gjenden fajtorë për trafikim të drogës.

Bullgaria, që viteve të fundit ka rritur përpjekjet në luftën kundër trafikimit të drogës, konsiderohet një pikë transiti për kokainën që vjen nga Amerika Latine dhe ka destinacion Evropën Perëndimore./REL

The post Bullgari/ Gjenden 170 kilogramë kokainë të fshehur në kontejnerë me banane appeared first on Albeu.com.

“Në përgjithësi, një pjesë e madhe e asaj që prodhohet në Bullgari është e nevojshme si për partnerët tanë euroatlantikë ashtu edhe në Ukrainë,” shtoi Bogdanov. Ministri bullgar vuri në dukje se kompanitë bullgare kanë paraqitur aplikime në programet evropiane për të zgjeruar kapacitetet e tyre prodhuese.

Përveç kompanive private, edhe VMZ Sopot në pronësi të shtetit po kërkon financime nga Bashkimi Evropian për projektet e veta, sqaroi ai. Ai kujtoi se në një takim në parlament, kryetari i komisionit parlamentar të mbrojtjes dhe krerët e partive proqeveritare kishin siguruar se Bullgaria mund të ndërtonte vetë një fabrikë baruti. Tashmë janë duke u konsideruar fusha specifike për këtë qëllim dhe janë ofruar teknologji të specializuara. Bogdanov vuri në dukje se një komitet është formuar për të përfunduar një raport deri në fund të marsit mbi propozimet e ndryshme për ndërtimin e një fabrike shtetërore të barutit.

“Nuk ka rëndësi se çfarë kapacitetesh kemi, kërkesa e tregut në këtë pikë është e madhe dhe do të ketë mjaft vende pune si për kompanitë private ashtu edhe për ato shtetërore”, theksoi ai.

Bogdan Bogdanov tha se për ndërtimin e një fabrike të tillë duhet të vendosë parlamenti bullgar. Ai vuri në dukje se ndërtimi i tij do të zgjasë tre ose katër vjet, që do të thotë se ka kohë të mjaftueshme për të planifikuar investimin, qoftë nga dividenti i VMZ ose nga një burim tjetër.

The post Ja kush është vendi që prodhoi më shumë municion në Europë gjatë vitit 2023 appeared first on Albeu.com.

Megjithatë, kjo ka nxitur një mosmarrëveshje për atë se çfarë do të ndodhë më pas.

Zyra e Këshillit të Ministrave njoftoi për dorëheqjen e Denkovit dhe Qeverisë së tij të martën, nëntë muaj pasi koalicioni qeveritar i Denkovit ishte miratuar nga Parlamenti i Bullgarisë me mbështetje nga dy grupet më të mëdha parlamentare – GERB dhe “Ne Vazhdojmë Ndryshimin” (PP-DB).

Sipas marrëveshjes së arritur kur GERB dhe PP-DB njoftuan se ishin pajtuar për formimin e Qeverisë vitin e kaluar, Denkov do ta mbante postin e kryeministrit për nëntë muaj dhe pastaj do t’ia dorëzonte detyrën ministres së Jashtme, Maria Gabriel.

“Kjo nuk është lojë politike, por mbajtje e fjalës së dhënë, një shprehje e vazhdimësisë, ndershmërisë politike dhe respektit për qytetarët”, tha Denkov në një komunikatë.

“Tani po e nderoj përkushtimin që ne e dhamë përmes deklaratës së përbashkët më 6 qershor 2023”, shtoi ai.

Denkov dha dorëheqje pasi GERB e paraqiti planin e vet për koalicion më 5 mars, pas disa javësh mosmarrëveshje mes dy partive politike.

Mosmarrëveshjet kryesore janë se kush duhet ta marrë detyrën e ministrit të Jashtëm dhe nëse duhet të ketë ndryshime në rregullatorë.

Sipas PP-DB, Denkov duhet të bëhet ministër i Jashtëm, por GERB nuk dëshiron ta lëshojë këtë post.

GERB-i propozoi në planin e vet për koalicion që Gabriel ta mbajë postin e ministres së Jashtme për nëntë muajt e ardhshëm dhe të shërbejë si kryeministre njëkohësisht.

Ajo propozoi gjithashtu edhe më shumë kohë mes rotacioneve të pushtetit – 15 muaj në vend të nëntë muajve.

Sipas marrëveshjes së arritur në qershor për ndarjen e pushtetit, të gjithë ministrat duhet t’i mbajnë postet e tyre, por prej atëherë GERB-i ka kërkuar që disa ministra të zëvendësohen.

PP-DB në shkurt propozoi një traktat sipas të cilët marrëveshja për lidership të përbashkët nuk do të prekej. Por, BERB e hodhi poshtë këtë dhe propozoi draftin për marrëveshje koalicioni.

Të dyja partitë kanë kërcënuar me zgjedhje të parakohshme, nëse nuk arrihet marrëveshje./REL

The post Bullgari/ Kryeministri jep dorëheqje sipas marrëveshjes për ndarjen e pushtetit appeared first on Albeu.com.

Marrëdhëniet politike mes dy vendeve, procesi i integrimit evropian të Ballkanit Perëndimor, intensifikimi i raporteve ekonomike, rritja e shkëmbimeve tregtare, si dhe ngritja e infrastrukturës në ndihmë të këtij procesi, ishin në fokus të këtij takimi.

Presidenti Begaj falënderoi Bullgarinë për mbështetjen e Shqipërisë për integrimin në BE, për nismat e përbashkëta multilaterale, për kontributin me trupa ushtarake në KFOR, si dhe theksoi rëndësinë e rritjes së marrëdhënieve ekonomike në nivelin e atyre politike.

Presidenti Begaj dhe kryeparlamentari Zhelyazkov e trajtuan çështjen e fundit duke u ndalur në  mundësitë zhvillimore që do të sjellë në këtë pikë infrastruktura tokësore dhe ajrore.

“Përshpejtimi i  ndërtimit të korridorit të tetë, si edhe nisja e fluturimeve në fund të këtij viti të linjës direkte ajrore Tiranë-Sofje, do të risin, pa dyshim, shkëmbimet tregtare dhe turizmin në të dyja vendet”, vlerësoi Presidenti i Republikës, Bajram Begaj.

“Ne, – u shpreh Presidenti Begaj, – e konsiderojmë të një rëndësie strategjike Korridorin 8 dhe po punojmë shumë fort që të përmbyllet sa më shpejt. Rruga është zhvillim, dhe ky korridor do të sjellë zhvillimin për të gjithë rajonin tonë”.

Begaj theksoi se situata aktuale në rajon kërkon mirëkuptim, bashkëpunim dhe tejkalim të politikave të së shkuarës mes vendeve të Ballkanit Perëndimor për integrimin e plotë Eruro-Atlantik të tij.

Presidenti solli në vëmendje se “shqiptarët janë një popull që kanë luftuar për të mbrojtur të drejtat e tyre dhe e dinë që çmimi i lirisë është i pamatë, ndaj shqiptarët në rajon kanë qenë dhe janë paqedashës dhe faktor stabiliteti.”

Në lidhje me respektimin e të drejtave të minoriteteve përkatëse, Kreu i Shtetit siguroi se të drejtat e minoritetit bullgar në Shqipëri janë të garantuara dhe se në censusin e kryer është siguruar vullneti i lirë i vetëdeklarimit nëpërmjet një procesi të drejtë e transparent./albeu.com

The post Begaj takohet me kryeparlamentarin bullgar, integrimi i Shqipërisë dhe marrëdhëniet mes dy vendeve në fokus të diskutimeve appeared first on Albeu.com.

Jeliazkov do të pritet nga kryeparlamentarja Lindita Nikolla bashkë me delegacionin që e shoqëron.

Pas takimit, Kryetarja Lindita Nikolla dhe Kryetari Rossen Jeliazkov do të bëjnë deklaratë për mediat.

The post Kryetari i Parlamentit të Bullgarisë nesër vizitë në Tiranë, pritet nga Nikolla appeared first on Albeu.com.

Fermerët në Bullgari iu bashkuan sot protestave në të gjithë kontinentin evropian kundër rregullave kufizuese të Bashkimit Evropian duke bllokuar rrugët me traktorë, teksa kërkonin mbështetje nga shteti dhe çmime më të mira për prodhimet e tyre.

Fermerët bënin gjithashtu thirrje për reduktim të politikave kufizuese të prodhimit dhe ndalim të prodhimeve bujqësore nga Ukraina.

“Dy vitet e fundit për ne kanë qenë një ferr, nuk kemi çfarë humbasim më”, tha një fermer i intervistuar për rrjetin AFP, ndërsa një tjetër ankohej se autoritetet “lëshojnë thuaje përditë kufizime të reja absurde ndaj bujqësisë për të mos e lejuar të bëhet kompetitive”.

Qindra fermerë bullgarë bllokuan sot rrugët në rajone të ndryshme të vendit duke protestuar për kompensim të humbjeve të bujqësisë dhe kundër importeve të lira nga Ukraina që favorizohen nga zyrtarët.

Protestat e sektorit të bujqësisë është parë në të gjitha vendet e BE javët e fundit.

Demonstratat në Francë e Rumani duket se kanë humbur paksa ritmin, ndërsa fermerët në Hollandë, Spanjë, Letoni e Itali vijojnë të kërkojnë me forcë të drejtën e tyre në bllokada.

“Prodhuesit bujqësorë të mesëm e të vegjël në Bullgari janë duke falimentuar nëse nuk ka ndryshime, nëse nuk ka pagesa të menjëhershme të subvencioneve të prapambetura, si dhe për dëmet që po vuajmë nga importet nga Ukraina”, tha prodhuesi i grurit 42 vjeçari Ventsislav Mitkov, për rrjetin AFP, në një bllokim rruge pranë qytezës perëndimore të Breznik.

Mitkov e dhjetra fermerë të tjerë të zonës kanë bllokuar rrugën drejt Serbisë me traktorët e tyre dhe zotohen të bashkohen nesër në bllokadën e madhe në qytetin fqinjë Pernik.

Disa fermerë me traktorë u mblodhën sot dhe në një kryqëzim të rëndësishëm të rrugës që lidh Sofien me Greqinë, duke u rënë borive të traktorëve dhe duke penguar trafikun.

“Ata po bëjnë që çmimet tona të bien duke importuar produkte të lira nga vende jashtë BE, dhe në të njëjtën kohë ne na vënë kufizime të reja për të mos na lejuar të konkurojmë në treg”, tha 35 vjeçari Miloslav Mihaylov, në lidhje me rregullat e BE.

The post Fermerët në Bullgari i bashkohen protestave me traktorë kundër kufizimeve të BE appeared first on Albeu.com.